Wednesday, December 5, 2007

တစုံတယောက်

Someone ဆိုတဲ့ သီချင်းလေးကို နားထောင်ရင်း စိတ်ထဲမှပေါ်လာတာလေးကို ချရေးထားတဲ့ ဟိုခြစ်ဒီခြစ် စာသားလေးပါ။ သီချင်းလေးကို ဒီမှာ နားထောင်နိုင်ပါတယ်။
အခုတလော အလုပ်နဲ့ ကျောင်းနဲ့ ရှုပ်နေတော့ စာမရေးနိုင်တာကို တောင်းပန်ပါတယ်။ ဘလော့ဖတ်ခြင်းကိုလည်း နဲနဲလျော့ထားပါတယ်။ မကြာမှီ အားအင်အသစ်နဲ့ ပြန်လာပါမယ်။



တစုံတယောက် က
ငါ့ကို လှုပ်ရှားသွားစေတယ်။
ငါ့ကို မြတ်နိုးမှုဖြစ် စေတယ်။
ငါ့ကို ချစ်တတ် စေတယ်။
ငါ့ကို ခွန်အားဖြစ် စေတယ်။
နောက်ဆုံး အားလုံးကို စွန့်လွတ်ဖို့ အထိ ဖြစ်စေတယ်။

အဲဒီ တစုံတယောက်ဟာ မင်း ဆိုလို့ရှိရင်…

မင်းကို ပျော်ရွှင်စေတဲ့၊
မင်းကို ရင်ခုန်စေတဲ့၊
မင်းကို အားဖြစ်စေတဲ့၊
မင်းကို စိတ်ချမ်းသာစေတဲ့၊
မင်းကို ….. တဲ့
တစုံတယောက်ဟာ ငါဖြစ်ပါရစေ။

Read More...

Saturday, November 24, 2007

တန်ဆောင်မုန်းလပြည့်နေ့ အလွမ်းပြေ


ဒီကယူထားပါသည်။

တန်ဆောင်မုန်းလပြည့်က ကျွန်တော်ရဲ့ဇာတိမြို့ရဲ့ ကျက်သရေဆောင် ရွှေစည်းခုံစေတီတော်ရဲ့ ဘုရားပွဲတော်ဖြစ်ပါတယ်။ ရွှေစည်းခုံဘုရားပွဲတော်ကို အနီးအနားပတ်ဝန်းကျင် မြို့တွေ၊ ရွာတွေက လာရောက်လေ့ရှိပါသည်။ ဘုရားပွဲတော်ကို ပွဲဈေးတန်းများ၊ ဇာတ်ပွဲများ၊ အငြိမ့်များ၊ မျက်လှည့်ပွဲများ နဲ့ စည်ကားစွာ နှစ်စဉ် ကျင်းပလေ့ရှိပါသည်။

ပွဲဈေးတန်းတွေမှာတော့ ဆိုင်ခန်းပေါင်း ငါးရာကျော်ခန့်ရှိပါသည်။ ရောင်ချသည့် ပစ္စည်းတွေကလည်း စုံလင်လှပါသည်။ စဥ့်အိုး၊ပန်အိုး၊ဖျာ၊ မီးဖိုချောင်သုံး ပစ္စည်း၊ အခြောက်အခြမ်း၊ အ၀တ်အထည်၊ အလှကုန်၊ ကလေးကစားစရာ၊ စသည်တို့ ရောင်ချသည့်ဆိုင်များအပြင် စားသောက်ဆိုင်များရှိပါသည်။ ဆိုင်တန်းများကို ရွှေစည်းခုံဘုရား၏ တောင်ဘက်စောင်းတန်း နှင့် ဘောလုံးကွင်းကြားတွင် သတင်းကျွတ်ပြီ ဆိုကတည်းက စပြီးဆောက်လေ့ရှိပါသည်။ ဆိုင်များကိုတော့ ၀ါး၊ ထရံများဆောက်လုပ်ပါသည်။ တန်ဆောင်မုန်းလဆန်းဆိုလျှင် ဆိုင်များစတင်ရောက်ရှိလာပြီး လဆန်း ၈ ရက်နေ့လောက်ကစပြီး စတင်စည်ကားပြီဖြစ်ပါသည်။

ပွဲဈေးများသည် ညနေပိုင်း ၄နာရီလောက်မှာ စတင်စည်ကားပြီး ညစဉ်ဇာတ်ပွဲများ၊ အငြိမ့်ပွဲများရှိသောကြောင့် တညလုံးနီးပါး လူသူမပြတ်ရှိတတ်ပါသည်။ ဟိုးအရင်ခေတ်များက လမ်းပန်းဆက်သွယ်ရေးကြောင့် ပစ္စည်းများမှာ အခုခေတ်လို လိုအပ်သည့် ပစ္စည်းများကို ၀ယ်ယူချင်သော အချိန်တွင် ၀ယ်ယူဖို့ရန် အလွယ်ကူလှပေ။ ဒါကြောင့် တနှစ်စာလိုအပ်မည့် ပစ္စည်းများကို အခုလို ဘုရားပွဲများတွင် ၀ယ်ယူထားပြီး သုံးလေ့ရှိသည်။

ငယ်စဉ်တုန်းကတော့ မိဘများနဲ့ ပွဲဈေးတန်းလျှောက်ပါသည်။ လူကြီးတွေကတော့ အိမ်မှာ လိုအပ်သော ပစ္စည်းများကို ၀ယ်ချမ်းကြပါသည်။ ငယ်စဉ် ကျွန်တော့် အကြိုက်ဆုံးဆိုင်များမှာ ကလေးကစားစရာရောင်းချသောဆိုင်တန်းများပင်ဖြစ်သည်။ မိမိလိုချင်သော ကစားစရာများကို ၀ယ်ပေးရန် မမောမပန်း ပူဆာရသည်မှာ နှစ်စဉ်နှစ်တိုင်းပင်ဖြစ်ပါသည်။ များသောအားဖြင့် ပူဆာတတ်သည်မှာ ပလတ်စတစ်နဲ့ ပြုလုပ်ထားတဲ့ ကစားစရာကား၊ သေနတ်များပင်ဖြစ်ပါသည်။ ပွဲဈေးကိုသွားသောနေ့ဆိုလျှင် ညစာကို ပွဲဈေးမှာပဲ စားဖြစ်လေ့ရှိပါသည်။ များသောအားဖြင့် မုန့်တီ သို့မဟုတ် ဒန်ပေါက်ကိုစားပါသည်။
အနည်းဆုံးတော့ ပွဲဈေးကို ၅ ခေါက်တော့ ရောက်ဖြစ်ကြပါသည်။

တန်ဆောင်မုန်းလပြည့်နေ့ဆိုလျှင် မနက်အစောကြီး ဘုရားကိုသွားပြီး အာရုဏ်ဆွမ်းကပ်ပြီး သံဃာတော်များကို စုပေါင်းပြီး ဆွမ်းကြီးလောင်းကြပါသည်။ ညပိုင်းမှာတော့ မြတ်စွားဘုရားကို ဆီမီးများဖြင့် ပူဇော်ပါသည်။ နောက်ပိုင်းမှာတော့ မီးရှုးမီးပန်းများဖြင့်ပါ ပူဇော်ပါသည်။ ဘုရားပွဲတော်နေ့များတွင် ရင်ပြင်ပေါ်မှာ ဘုရားဖူးများအမြဲစည်ကားနေပါသည်။ လပြည့်နေ့ဆိုလျှင်တော့ ကြိတ်ကြိတ်တိုးစည်ကားပါသည်။ ရွှေစည်းခုံစေတီတော်မြတ်ရဲ့ ထူးခြားချက်ထဲမှာ ပါတဲ့ အတိုင်း ဘုရားဖူး မည်မျှပင်များစေကာမူ သွားမရလောက်အောင် ပြည့်သွားသည်မရှိပေ။

တောင်ကြီးမြို့သူမြို့သားများ တန်ဆောင်တိုင်ပွဲတော်ကို အမြဲမျှော်လင့်နေသလို ကျွန်တော် တို့မြို့သူမြို့သားသည် ရွှေစည်းခုံစေတီတော်ဘုရားပွဲတော်ကို သတိရနေမှာ သေချာပါသည်။


ဒီကယူထားပါသည်။

လာမယ့် တလကျော် ပြာသိုလပြည့်ဆိုလျှင်တော့ ပုဂံမှာရှိတဲ့ အာနန္ဒာဘုရား ပွဲတော်ဖြစ်ပါသည်။ အာနန္ဒာဘုရားတော်သည်လည်း အင်မတန် စည်ကားသောပွဲတော်ပင်ဖြစ်ပါသည်။ ကြိုတင်ပြီးလွမ်းထားတာပါ။

Read More...

Tuesday, November 20, 2007

ကူညီချင်ရင် ဒီကိုလာ…

ဒီတခါ သူငယ်ချင်းတွေဆီကနေ အကူအညီတခုတောင်းပါရစေ။ ကျွန်တော် သိသလောက် တတ်သလောက် အင်္ဂလိပ်လို ရေးထားတဲ့ ကဗျာမပီ စာမပီ စာပုဒ်လေးကို မြန်မာလိုဘယ်လို ပြန်ရင် ကောင်းမလဲလို့ပါ။

သူငယ်ချင်းတယောက်ရဲ့ မွေးနေ့ကို လက်ဆောင်ပေးဖို့ တကြောင်းစ နှစ်ကြောင်းစ ရေးရင် ရှည်သွားတာကနေ စာပုဒ် ဖြစ်သွားတယ်။

ကဗျာလေးကို ရိုးရိုးရှင်းရှင်းလေးပါ။ ဒီလောက်ပဲရေးတတ်လို့ပါ။ ဒါတောင် သူများ ကဗျာတွေကို ကြည့်ပြီးမှ ဒီလောက်ထွက်လာတာနော်။

ကူညီနိုင်ရင်တော့ ကွန့်မန့်မှာ ရေးပေးသွားပါ။ ကျေးဇူးတင်ပါတယ်။

ကဗျာလေးကို ဒီမှာ http://peti31-english.blogspot.com/ ဖတ်ပေးပါ။

ပန်ဒိုရာ က အခုလိုကူညီပြီး ဘာသာပြန်ပေးထားပါသည်။

မွေးနေ့မင်္ဂလာပါ သူငယ်ချင်းရာ
ပျော်ရွှင်မှုတွေ ဖြန့်ကျက်စေရာ

မိဘတွေကတော့ မင်းအသက်အကြောင်းပြောမကုန်
မင်းအဆင့်ဆင့်ကြီးပြင်းခဲ့ပုံ

မင်းဖေဖေ မေမေတို့ကို ရှိခိုးကန်တော့
ဘယ်မှာမှ မရနိုင်တဲ့ အရာတွေကို အမြဲပေးခဲ့ကြသူတွေပေါ့

မင်းက ကူညီတတ်ရုံမက
အသိဥာဏ်ယှဉ်ကြွယ်ဝ
အဲဒါကိုက မင်းအလှ

တို့နှစ်ဦးကြားကခင်မင်မ
ဘယ်တော့မှ မညိုးခြောက်ဖို့ ငါ့တောင်းဆု

ဒီနေ့မင်းကို လက်ဆောင်မွန်တစ်ခုပေးမယ
ဘယ်သူမှယူဆောင်သွားလို့မရတယ
အဲဒါကတော့ ငါ့နှလုံးသားအပိုင်းအစပေါ
မင်းဖယ်ခွာပစ်လိုက်ဖို့ခက်ခဲလေရော့။

ဒီကဗျာလေးက မင်းကိုပြုံးစေ
ခဏလေးအချိန်ယူလို့ဖတ်လိုက်ပါလေ။

အခုတော့ငါက ဟိုးအဝေး
မင်းနဲ့ဒီနေ့ အတူမရှိနိုင်သေး
ဘယ်လိုဖြစ်ဖြစ် မင်းရဲ့မင်္ဂလာမွေးနေ့ကလေး
ပျော်ရွှင်ပါစေလို့ ငါ ချစ်ခင်စွာ ဆုတောင်းလိုက်မယ်လေး။

Read More...

Saturday, November 17, 2007

၎/၉၆ - ပထမပိုင်း

အခု ၄/၉၆ - ပထမပိုင်း ပြီးသွားပါပြီ။ တောင်တက်ဖို့ရာ လေ့ကျင့်ရာမှ ရေးခဲ့တာ တောင်တက်ဖို့ ခရီးစထွက်ပါပြီ။ ဒါပေမယ် တောင်တက်ဖို့တာမရောက်သေးပဲ လမ်းမှာပဲ ရှိပါသေးတယ်။ ၄/၉၆ ကတော့ ရေးပြီးခဲ့တဲ့ ၂/၉၆ နဲ့ ၃/၉၆ တို့ရဲ့ အဆက်ဖြစ်ပါတယ်။

လာရောက် ဖတ်ရှုတာ ကျေးဇူးတင်ပါတယ်။




ဒီနေ့က mid-term break မတိုင်ခင်နောက်ဆုံးနေ့။ မနက်ဖြန် စနေနေ့ ဧပြီ်လ ၆ ရက်နေ့မှာစပြီး သင်္ကြန်ပြီး တနင်္ဂနွေနေ့ အထိကျောင်းပိတ်တော့မည်။

ကျောင်းကိုရောက်တော့ ပထမအချိန်လွတ်သွားသည်။ ကားဂိတ်မှ လမ်းလျှောက်လာတုန်း ကျောင်းသားတွေ လက်ထဲမှာ ရေသန့်ဗူးတွေနဲ့ ကျောင်းသူတွေကို ရေလိုက်လောင်းနေသည်။ သင်္ကြန်တွင်းမှာ ကျောင်းပိတ်မည်ဆိုတော့ အာစီတူးမှာ သင်္ကြန်ကြိုတင်ကျနေပါသည်။

ကျောင်းစာတိုက်နားရောက်တော့ သူငယ်ချင်း ကျော်ကျော် နဲ့ ၀ဏ္ဏ ခုံမှာထိုင်နေတာ ကို တွေ့လိုက်သည်။
`ဟေ့ရောင်တွေ၊ အတန်းမတက်ဘူးလား´
`ဟေ့ ငပီတိ၊ မတက်တော့ဘူးကွာ၊ အပြင်မှာပဲ ကောင်မလေးတွေကို ရေလိုက်လောင်းမယ်။ ရေစိုနေတဲ့ ကောင်မလေးတွေကို ကြည့်မယ်…´
ကျော်ကျော်ကတော့ သူ့ထုံးစံအတိုင်း ခပ်ပြောင်ပြောင်ပဲ။

`အေး ကောင်းတယ်။ ငါကတော့ အတန်းသွားတက်မယ်။ ပြီးရင်ထွက်လာမယ်၊ ခဏစောင့်…´
`မင်း…တက်နေ အတန်းထဲမှာ ဘယ်သူမှ မရှိလို့ ငါတို့ထွက်လာတာ။ ´
`ဟုတ်လို့လားကွာ၊ Paper 2 ချိန် အတန်းမတက်ကြဘူး ဆိုတာတော့ မဖြစ်နိုင်ပါဘူး…´
ကျွန်တော်တို့က ဒီကောင့်စကားဆိုရင် ဘယ်တော့မှ ချက်ချင်းလက်မခံ။

ခပ်အေးအေး ၀ဏ္ဏကတောင်
`အတန်းကရှိတယ်။ ဒါပေမယ်သွား မနေပါနဲ့ကွာ။ သင်္ကြန်အတွက် ၀အောင် ကြည့်သွား။ ပြီးရင် မင်းက တောထဲသွားမယ့်ကောင်။ ဒီလို ရိက္ခာလည်း သယ်သွားရတယ်။´
`အေးပါကွာ။ မင်းတို့နဲ့စကားပြောတာနဲ့တင် အတန်းကနောက်ကျနေပြီ။´
ကျွန်တော်လည်း အတန်းထဲမသွားတော့ပဲ သူတို့နဲ့ထိုင်လိုက်သည်။

ခဏနေတော့ ကျော်ကျော်က ထိုင်နေရာနောက်လှည့်ကြည့်ပြီး
`ဟေ့ရောင်တွေ၊ မပြောမရှိနဲ့ လင်မျှော်ကုန်းမှာ ပိစိတို့ အဖွဲ့ထိုင်နေတယ်။ ရေသွား လောင်းရအောင်´
(လင်မျှော်ကုန်းဆိုတာ အာစီတူးကို စာတိုက်နားက ၀င်ပေါက်က၀င်လျှင် လှေကားထိပ်က ထိုင်ခုံလေးတွေရှိတဲ့ နေရာကိုခေါ်တာပါ။ များသောအားဖြင့် မိန်ကလေးတွေ အထိုင်များပြီး `လင်မျှော်ကုန်း´ ဆိုတဲ့ နာမည်ကို ဘယ်သူက စခေါ်လိုက်သည်မသိပါ။ ၁၉၉၃-၁၉၉၆ တက္ကသိုလ် ကျောင်းသူကျောင်းသားများတွေကတော့ ဒီနာမည်ကို ရင်းနှီးကြပါတယ်)

နှစ်ခါမခေါ်လိုက်ရဘူး အားလုံးက ထလိုက်ပြီးသား။ ရေဘူးကိုဖွက်ပြီး သွားတော့ ပိစိတို့မရိပ်မိ။ သူတို့နောက်ရောက်မှ ရုတ်တရက်လောင်းလိုက်တော့ လန့်သွားပြီး ပိစိကထရောင်ပါတော့သည်။ ပိစိရောင်လျှင် ကုလားကြီး အစ၊ေ-ာက်ပလုတ်တုတ် အလယ်၊ သေချင်းဆိုး အဆုံး ပါသည်။

`နင်တို့တွေ အတန်းသူ အတန်းသားချင်း ရေလောင်းရသလား၊ လောင်းချင်ရင် တခြားကောင်မလေးတွေကို သွားလောင်း။ ငါတို့က အခြားလူလောင်းမလားလို့ ဒီမှာလာထိုင်တာ.. သွား.. သွား..´
စိတ်မဆိုးပဲ ဆိုးချင်ဟန်ဆောင်ပြီး ကျွန်တော်တို့ကို မောင်းထုတ်လိုက်ပါသည်။

နောက်တော့ ကင်တင်းမှာ သွားထိုင်ကာ နေ့လည်စာစားပြီး ရေစိုနေသော အလှအပတွေကို ငေးပါတော့သည်။ အလှအပအပေါင်းခံစားပြီး ကျောင်းကနေ အဆောင် ကိုပြန် ပစ္စည်းသိမ်းပါသည်။

ညနေကျတော့ ဆရာမျိုး၏ အဆောင်ကို သွားနှုတ်ဆက်ပါသည်။ ဆရာမျိုးက ပြောစရာ၊ မှာစရာရှိဆီက လိုအပ်သော စာရွက်စာတန်းများကို ယူခဲ့ပါသည်။



သွားမည့် ခရီးစဉ်က ပြည်မြို့၊ ပုဂံ ညောင်ဦးမြို့၊ ပခုက္ကူမြို့မှာ ညအိပ်ရပ်နားဖြစ်လို့ ဆရာမျိုးက ကျွန်တော်နဲ့ ခင်မောင်ကျော် ကို တည်းခိုဖို့ရာ စီစဉ်ဖို့ရာ ရှေ့ပြေးအနေနဲ့သွားဖို့ရာ တာဝန်ပေးပါသည်။ ပြည်မြို့မှာတော့ စီစဉ်ပြီးသားဖြစ်လို့ ပုဂံ ညောင်ဦးမြို့၊ ပခုက္ကူမြို့မှာပဲ စီစဉ်ရမှာဖြစ်ပါသည်။


တချက်ခုတ် နှစ်ချက်ပြတ်အနေနဲ့ ကျွန်တော်က သွားရမည့်ရက်ထက် စောသွားပြီး ညောင်ဦးမြို့အနီး မှာရှိတဲ့မြို့မှာ တာဝန်ကျနေသော ဖခင်ထံ အလည်ဝင်ရောက်နှုတ်ပါသည်။
စေ့စပ်သေချာသော ကျွန်တော့်အဖေက ခရီးထွက်ရင် လိုအပ်မည့် ပစ္စည်းများကို စစ်ဆေးပေးပါသည်။

စစ်ကျောပိုးအိတ်၊ စစ်သုံး equipment၊ စစ်သုံးရေဗူး၊ ဟန်းကော ခေါ် ထမင်းချက်လို့ရတဲ့ ထမင်းချိုင့်၊ စစ်ဘောင်းဘီ၊ စစ်ဖိနပ်၊ စစ်ခြေအိတ်၊ သံလိုက်အိမ်မြောင်၊ ဓာတ်မီး၊ မီးချစ်၊ အရေးပေါ်မီးရှုး (ကားတွေမှာပါသော မီးရှုးမျိုးဖြစ်ပါတယ်) တွေကိုတွေ့တော့
`သား တောင်တက်သွားတာ သယ်သွားမယ့် ပစ္စည်းတွေက စစ်တိုက်ထွက်သလိုပါ့လားကွ သေနတ်ပဲလိုတော့တယ်´
`ဟုတ်တယ်၊ တောထဲသွားမှာ ဆိုတော့ ပစ္စည်းတွေကို မင်္ဂလာဒုံဈေးက၀ယ်လာတာ ´
ကျောင်းသားလည်းဖြစ် နော် မိဘက ၀န်ထမ်းတွေဖြစ်တော့ ဈေးပေါပြီး အသုံးတည့်တဲ့ စစ်သုံးပစ္စည်းတွေနဲ့ပဲ တောင်တက်ဖို့ပြင်ဆင်ထားပါသည်။

`သား ရန်ကုန်က ဓားဝယ်ဖို့မေ့လာတယ်´
`ဟုတ်လား ဒီမှာတော့ အင်းမ ဓားမရှိတယ်။ ခပ်သေးသေး တချောင်းရှာဝယ်သွားဖို့´
ပြည်တွင်းဖြစ်ကို အားပေးတဲ့အနေနဲ့ အင်းမဓားမ သေးသေး တချောင်းကို တောထဲမှာ တောခုတ်ဖို့ ဖြစ်ဖြစ်၊ ထင်ခုတ်ဖို့ဖြစ်ဖြစ်၊ လိုအပ်ပါက အရေးပေါ်သုံးဖို့ဖြစ်ဖြစ် ၀ယ်လိုက်ပါသည်။

နောက်နေ့ တနင်္လာနေ့မှာ ညောင်ဦး ကို သွား၍ အင်္ဂါနေ့မှာရောက်မည့် ခင်မောင်ကျော်ကို စောင့်ဖို့ ထွက်လာပါသည်။ ခင်မောင်ကျော်ဆိုတာက ပထမဆုံးလမ်းစလျှောက်တဲ့နေ့က ကျွန်တော့်ကို ဖိနပ်ပေါက်မည် လို့ ဆရာလုပ်သည် ထင်ခဲ့သော ကုလားဆင် တယောက်ဖြစ်ပါသည်။

ကျွန်တော်နဲ့ အတူ မေမေနဲ့အမပါ ညောင်ဦး ကိုလိုက်လာပါသည်။ ညောင်ဦးကို အသွားလမ်းတွင် ပုဂံကိုဝင်ပြီးတော့ ဗူးဘုရား ဘုန်ကြီးကျောင်းကိုသွားပြီး ခြေလျင်တောင်တက်အသင်း ညအိပ်ရပ်နားဖို့ လျှောက်ထားပါသည်။ ကျောင်းထိုင်ဘုန်းကြီးက ဘုရားဖူးအဖွဲ့ တဖွဲ့က တည်းဖို့လျှောက်ထားပြီးဖြစ်နေလို့ လက်ခံလို့မရကြောင်း ပြောလိုက်ပါသည်။ သေချာစေရန် မနက်ဖြန်တခေါက်လာပြီးကြည့်ဖို့ မိန့်ကြားလိုက်ပါသည်။

ကားပေါ်ကဆင်းပြီး အိမ်ထဲဝင်လိုက်တာနဲ့ အိမ်ဆိုသော အငွေ့အသက်ကို ခံစားလိုက်ရသည်။ ကလေးဘ၀က ပျော်ရွှင်ခဲ့သော၊ မိသားစု စုံစုံလင်လင်နဲ့နေခဲ့သော အိမ်ကို မရောက်တာကြာပြီ။ ဆယ်တန်းစာမေးပွဲဖြေပြီးကတည်းက ရန်ကုန်ကိုရောက် သင်တန်းတက် တက္ကသိုလ်တက် နဲ့ အိမ်နဲ့ဝေးသွားခဲ့တာ ပြန်ရောက်တော့ အိမ်ကတော့ နွေးထွေစွာကြိုဆိုလျက်ပါပဲ။
`အမေ၊ အိမ်လို့ပြောလိုက်ရင် စိတ်ထဲမှာ ဒီအိမ်ကိုပဲ ပေါ်လာတယ်´
`အေး ဟုတ်တယ်သား။ အမေတို့လည်းဒီလိုပဲ ခံစားရတာပဲ´

ငယ်ငယ်က အမြဲနေခဲ့သော အိပ်ခန်းထဲမှာ အမြဲအိပ်ခဲ့သော ကုတင်ပေါ်မှာ နှစ်ခြိုက်စွာ အိပ်ပျော်ခဲ့သည်။ နောက်နေ့ အိပ်ယာကနိုးတော့ စိတ်က လန်းဆန်းလျက်ရှိနေပါသည်။ မနက်စား အညာ မုန့်ပျားသလက်နဲ့အကြော်သုတ်ကိုစားပြီး သန့်ရှင်းလတ်ဆတ်သော အညာလေကိုရူရင်း အိမ်ရှေ့ထွက်လာပါသည်။ အိမ်ရှေ့က ထိုင်ခုံတွင်ထိုင်ရင်း လမ်းဘက်ကို ငေးကြည့်နေမိပါသည်။ အိမ်ရှေ့နားက ဆိုက်ကားသမားတွေနဲ့ စကားပြောနေသူကို သတိထားကြည့်မိတော့ ခင်မောင်ကျော် ဖြစ်နေသည်။ သူက ဆိုက်ကားသမားတွေကို ကျွန်တော့်အိမ်ကိုမေးနေတာဖြစ်သည်။

`ဟေး… ကိုခင်မောင်ကျော်၊ ဒီမှာ ကျွန်တော့်အိမ်က´
သူကြားသွားပြီးအိမ်ဘက်ကို လမ်းလျှောက်လာသည်။ ကျွန်တော်တို့မြို့လေးက တော်တော်ငယ်တော့ လမ်းနာမည်တွေ အိမ်နံပတ်တွေမရှိပါ။ ရပ်ကွက်နာမည်ပြော၊ နာမည်ပြောရုံနဲ့ ရှာလို့တွေ့ပါသည်။ အိမ်နားမှာ ရှိသော ထင်ရှားသော အမှတ်အသားကို ညွှန်းပြီး လမ်းညွှန်လေ့ရှိပါသည်။
ဥပမာ - ဈေးနားက ညောင်ပင်ဝိုင်းနား၊ ဘုရားနီနား၊ ဆေးရုံးဟောင်းနား၊ မီးသတ်ရေကန်နား စသည်ဖြင့် လမ်းညွှန်လေ့ရှိပါသည်။

လမ်းမှာအိပ်ရေးပျက်လာသော ခင်မောင်ကျော်တယောက် အိမ်မှာတရေးမောအိပ်ပြီး သူနိုးတော့ ရေမိုချိူပြီး မြို့နယ် အုပ်ချုပ်ရေးရုံးကိုသွားပြီး ဆရာမျိုးပေးလိုက်သောစာကို သွားရောက်ပေးပို့ပါသည်။ ကျောင်းသားအဖွဲ့ ဒီမြို့ကို ဘယ်နေ့မှာ ဘယ်အတွက်ကြောင့်လာသည့် အကြောင်းကြားစာဖြစ်ပါသည်။ ကိစ္စတခုခုဖြစ်ခဲ့ပါက မိမိဘက်က အမှာအယွင်းမရှိစေရန် ဆောင်ရွက်တတ်သော ဆရာမျိုးရဲ့ စေ့စပ်သေချာမှုတခုဖြစ်ပါသည်။



နောက်တော့ နေ့လည်စာအိမ်ပြန်စားပြီး ဗူးဘုရားကို စက်ဘီးနဲ့ သွာခဲ့ပါသည်။ အညာရဲ့နွေနေပူပူအလယ်မှာ နှစ်ယောက်သား တယောက်စက်ဘီးတစီးစီနဲ့ ချွေးသံလုံးလုံး ဖြစ်နေပါသည်။
ဘာရယ်မဟုတ် ခင်မောင်ကျော်ကို အားနာနေမိသည်။
`ရလား ကိုခင်မောင်ကျော်၊ မောရင် နားလေ´
`မင်းကလည်းကွာ၊ တောင်တက်သမားပါကွ၊ ဒီလောက်တော့ရပါတယ်´
တောင်တက်သမားတွေက အဲဒီလိုမာနကြီးပါသည်။ ဘာပဲလုပ်လုပ် ဒီလောက်တော့ ခံနိုင်ရမှာပေါ့ ငါက တောင်တက်သမားပဲ လို့။ နောက်ဆုံး မခံနိုင်တော့မှ လဲရင်လဲကျပါစေတော့။

ဗူးဘုရားကျောင်း ဆရာတော်ကတော့ နေရာက သူများဦးသွားတာ သေချာသွားပြီဖြစ်ကြောင်း အခြားနေရာကို ရှာပါဆိုပြီး ဆုတောင်းပြည့်ဘုရားနားက ဘုန်ကြီးကျောင်းကို လမ်းညွှန်လိုက်ပါသည်။
အချိန်က သင်္ကြန်ရက်နီးနေတော့ ဘုန်ကြီးကျောင်းတွေ၊ ဘုရားဇရပ်တွေ တော်တော်များမျာက နေရာပြည့်နေပြီးဖြစ်သည်။

ကံကောင်းထောက်မစွာ အာနန္ဒာဘုရားနားက ဆုတောင်းပြည့် ဘုန်ကြီးကျောင်းကို ညအိပ်ရပ်နားဖို့ နေရာတစ်ခုတော့ရလိုက်ပါသည်။ ကျောင်လေးက သေးပေမယ် အနည်းဆုံးနားဖို့နေရာလေးရှိတာပေါ့။

နေရာအတွက်စိတ်အေးသွားတော့ ခင်မောင်ကျော်က ယွန်းထည်ဝယ်ချင်တယ် နောက်ပြီး စာတန်းလည်းထိုးချင်တယ်လို့ပြောလာပါသည်။ အနီးဆုံး ဗူးဘုရားဆိုင်တန်းတွေကိုသွားကြည့်တော့ သူကြိုက်တဲ့ ပစ္စည်းကမရှိ။
`ကိုခင်မော်ကျော် နင်းနိုင်သေးရင်တော့ ပုဂံမြို့သစ်ကိုသွားရှာမယ်လေ။ အဲဒီမှာတော့ ဆိုင်တွေများတယ်၊ နောက်တော့ ပင်ရင်းတွေဆိုတော့ ရေးချင်တဲ့ စာလည်း ကောင်းကောင်းရေးပေးနိုင်မှာပါ။´
`အေးသွားတာပေါ့၊ နင်းနိုင်ပါတယ်။´

ပုဂံမြို့သစ်ကိုသွား ယွန်းထည်ဝယ်ပြီး စာတန်းထိုးတော့ ကျွန်တော့်ကို မလိုက်စေလိုပါ။ ဘာတွေစာတန်းထိုးမည်လည်းမသိ။

ပုဂံအပြန်နေလည်းတော်တော်စောင်းနေပြီ။ အိမ်ရောက်တော့ ညစာစာပြီး နှစ်ယောက်သား ပင်ပင်ပန်းပန်းနဲ့အိပ်ပျော်သွားပါသည်။ နောက်နေ့မနက် ခင်မောင်ကျော်က ပခုက္ကူကိုဆက်သွားမှာဖြစ်လို့ စောစောထ မနက်စာစားပြီး သူ့ကို ညောင်ဦးဆိပ်ကမ်းကိုလိုက်ပို့ပါသည်။

`ကိုခင်မောင်ကျော်.. ဆရာနဲ့ပြောထားတာက ဗူးဘုရားမှာအိပ်မှာ။ အခုနေရာက ပြောင်းသွားပြီ။ ဆရာတို့အဖွဲ့လာတော့ ဘယ်မှာဆုံမှာလည်း မချိန်းရသေးဘူး။ ဘယ်လိုလုပ်ရင်ကောင်းမလဲ´
ခင်မောင်ကျော်က တွေးတွေဆဆနဲ့
`အင်းနော်… ဆရာတို့က ဒီနေ့ဆို ပြည်က အစောကြီးထွက်လာပြီ။ ဒီလိုလုပ်ပါ့လား မင်းတို့အိမ်က မြို့အ၀င်မှာရှိတော့ သုံးထပ်ပြားပေါ် တောင်တက်အသင်း ဒီမှာရပ်ပါလို့ စာရေးပြီး အိမ်ရှေ့မှာ ထောင်ထားလိုက်ပေါ့´
`ဟာ.. မင်းကလည်း အဖွဲ့က ညမှရောက်မှာ ဘယ်လုပ် သတိထားမိမှာလဲ´
`…´
`ရပါတယ်။ ကျွန်တော်ကြည့်လုပ်လိုက်ပါ့မယ်။ မင်း မော်တော်ကထွက်တော့မယ်။ နောက် မင်းက ဟိုမှာ စီစဉ်ရဦးမှာရှိသေးတယ်။´
`အေး…ဟုတ်ပါပြီး။ ငါစိတ်ချမယ်နော်။ သွားတော့မယ် ပီတိ။ မင်းအမေကိုလည်ပြောလိုက်ပါ ကျေးဇူးတင်တယ်လို့။ နောက်ပြီး…´
`နောက်ပြီး မနေနဲ့သွားတော့။ မင်းဘာပြောမယ်ဆိုတာသိတယ်´
`ဟားဟား အေးပါ… ငါကအကောင်းပြောမလို့ မင်းအမ ဟင်းချက်တာက ကောင်းတယ်လို့´
`အေးအေး…ငါသိနေတယ် မင်းဒါမျိုးပြောတော့မယ်ဆိုတာ…´
` ဟားဟား နောက်မှတွေ့မယ် ပီတိ.. ငါသွားပြီ´

ခင်မောင်ကျော်ထွက်သွားတော့ ကျွန်တော်လည်းအိမ်ကို ပြန်လာပါသည်။ အိမ်ကိုရောက်တော့
`သားရေ ခုနကပဲ သားဖေဖေဆီက ဖုန်းလာတယ်။ သားဖေဖေ အလုပ်မှာ fieldးဆင်းနေတဲ့ ဘူမိဗေဒကျောင်းသားတွေရဲ့ camp fire ကို ဒီနေ့လုပ်မှာတဲ့။ အဲဒါ မေမေတို့ကို လာခဲ့ဖို့ ပြန်ခေါ်နေတယ်။´
`ဟင် အိမ်မှာ သားတယောက်ထဲ ဖြစ်နေမှာပေါ့။ အိမ်သော့ကျတော့ ဘယ်လိုလုပ်မလဲ။´

ကျောင်းသားတွေ field ဆင်းပြီးတိုင်း camp fire ကို ညစားတွေ၊ တီးဝိုင်းတွေနဲ့ သေချာလုပ်ပေးလေ့ရှိတော့ တော်တော်ပျော်ဖို့ကောင်းပါသည်။ မေမေကြည့်ရတာလည်း camp fire ကိုသွားချင်ပုံရပါသည်။

`အိမ်သော့ကနှစ်စုံရှိတယ် ဆိုတော့၊ တစ်စုံကို မေမေတို့ယူသွားမယ်။ သားကတစ်စုံယူထားပြီး ထွက်သွားတဲ့အခါ သော့ကိုအိမ်ထဲမှာထားခဲ့ပြီးတော့ ခတ်လိုက်ပေါ့။´
`ဟုတ်ကဲ့´

ညနေ ၃နာလောက်ကျတော့ ဖေဖေဆီက လာခေါ်တဲ့ကားနဲ့ မေမေ နဲ့ အမနဲ့က ထွက်သွားပါသည်။ ညနေစာကိုတော့ အပြင်မှာပဲဝယ်စားဖို့၊ အိမ်ကိုသော့သေချာခတ်ဖို့၊ ခရီးသွားရင် ဂရုစိုက်ဖို့ မှာရင်း လက်ပြနှုတ်ဆက်သွားပါသည်။

တယောက်ထဲ အိမ်ထဲမှာ ကျန်ခဲ့တော့ စိတ်ထဲမျာ တမျိူးပဲ။ နောက်တော့ စာအုပ်စင်မှာရှိတဲ့ စာအုပ်တအုပ်ကို ဖတ်ရင် မှေးကနဲ အိပ်ပျော်သွားသည်။ အိပ်ယာကနိုးတော့ ညနေ ၅း၃၀ ရှိနေပြီ။ ရုတ်တရက်ထလိုက်ပြီး စိတ်ထဲမှာ အဖွဲ့ကားများ ဖြတ်သွားပြီးလားလို့ စိုးရိမ်မိသည်။ ပြည်မြို့မှ မနက်အစောကြီးထွက်လာမည်ဖြစ်သောကြောင့် ညနေစောင်းလျှင် ညောင်ဦးကိုရောက်မည် ခန့်မှန်ချက်နဲ့ စိတ်ပူသွားခြင်းဖြစ်ပါသည်။ အိမ်ရှေ့ကိုထွက်ပြီး ဆိုက်ကားသမားတွေကိုမေးကြည့်တော့ အတွေ့မိသေးဘူးလို့ကြားတော့မှ စိတ်အေးသွားပါသည်။

အိမ်ထဲကိုဝင် ရေချိူး အ၀တ်အစားလဲပြီး အိမ်နားမှာရှိတဲ့ စားသောက်ဆိုင်ကို ညစာထွက်စားပါသည်။ ဆိုင်က လမ်းမဘေးတွင်ဆိုတော့ တောင်တက်အဖွဲ့ကားတွေ လာရင်လည်းမြင်ရပါသည်။ အတွေ့တာကြာတော့ ဆိုင်ရှင်တွေက ဘယ်ရောက်နေလဲ ဘာလုပ်နေလဲ မေးပြန်တာကို ဖြေကြားပြီး တော်တော်ကြာအောင်ထိုင်နေမိပါသည်။

စောင့်နေတာကကြာ၊ လာလည်းမလာတော့ နဲနဲစိတ်ပူလာပါပြီ။ ဘယ်လိုပဲမောင်းမောင်း သာမာန်အားဖြင့် ပြည်မြို့မှ မနက်စောစောထွက်လာပါက အခုချိန်ဆိုလျှင် ရောက်သင့်ပြီ။ ည ၈နာရီခွဲလောက်ရှိတော့ အိမ်ကိုပြန်လာပြီး အိမ်ရှေ့ကခုံမှာ ထွက်ထိုင်စောင့်နေပြန်ပါသည်။ ၁၀နာရီကျော်တဲ့အထိစောင့်ပြီးတော့ အိမ်ထဲကိုပြန်ဝင်လာပြီး အပေါ်ထပ်က လသာဆောင်မှာတက်နေမိသည်။ ဘာများဖြစ်နေလို့ ဒီလောက်နောက်ကျနေပါလိမ့်။ ဘာမှ မဖြစ်ပါစေနဲ့လို့ စိတ်ထဲမှာ ဆုတောင်းမိနေသည်။

လသာဆောင်မှာထိုင်နေလို့ ၁နာရီလောက်ကြာတော့ ကုန်ကားကြီးများ အဝေးမှမောင်းလာသော ကားတာယာသံကိုကြားတော့ ခေါင်းထောင်ကြည့်မိသည်။ အနီးအနားရောက်တော့ သီချင်းဆိုသံတွေကြားရတော့ တောင်တက်အသင်းဖြစ်တယ်ဆိုတာ သေချာသွားသည်။
ဒါပေမယ် အိမ်အောက်ကိုဆင်းပြီးတားဖို့က မမှိနိုင်တော့ဆိုတာသိသည်။ ကားတွေကလည်း အိမ်နဲ့တော်တော်နီးရောက်လာပြီ။ ဘာလုပ်ရမလဲ ဆိုတာ အမြန်တွေးလိုက်သည်။
ဘာအဖြေမှ မထွက်ခင် ကားတွေကအိမ်ရှေ့ကနေဖြစ်နေပြီ….။

နောက်ဆုံး ကြံရာမရတော့ …
`ဆရာမျိုး… ဆရာမျိုး…´
`ကိုမျိုးချစ်… ကိုမျိုးချစ်…. ကားရပ်ပါ…….´

အသံကုန် ဖျစ်ညှစ်အော်လိုက်သည်။ ကားပေါ်မှာ

`၀ူး………´ လို့ပြန်ထူသံကြားလိုက်တော့ သူတို့ကြားတယ်ဆိုတာအားတက်ပြီး အမြန်ဆုံး အိမ်အောက်ကိုပြေးဆင်း တံခါးဖွင့်၊ စက်ဘီးထုတ်၊ ပြီးတော့ အိမ်မှာ တယောက်ထဲ့ဆိုတော့ သော့ပြန်ပိတ်။ စက်ဘီးကို အသော့နှင်ပြီး ကားနောက်ကိုလိုက်ပါသည်။ ကျွန်တော်အော်တဲ့ အသံကြားပြီး ကားများရပ်မလား ဆိုတဲ့ အထင်နဲ့ဖြစ်ပါသည်။ ဈေးနားရောက်သည်ထိ ကားရပ်ထားတာ အတွေ့တော့ မရပ်ပဲ ဆက်မောင်းသွားသည်ကို သိလိုက်ရသည်။

ခေါင်းထဲမှာ စိုးရိမ်စိတ်တွေဝင်လာသည်။ အဖွဲ့ကလူတွေ ကျွန်တော့်နဲ့ အဆုံလိုက်တော့ ဘယ်မှာ အိပ်ရမည်ကိုသိမည်မဟုတ်။ မူလက ချိန်းထားသည့် ဗူးဘုရားကျောင်းမှ နေရာကမရှိ။

နောက်ပြီး အိမ်မှာက ကျွန်တော် တယောက်ထဲ ဘယ်သူမှမရှိ၊ ဆွေမျိုး သူငယ်ချင်းတွေကို အကူအညီတောင်းရအောင်ကလည်း ညဥ့်နက်နေပြီး တမြို့လုံးက အိပ်စက်နေပြီ။

တယောက်ထည်း အိတ်တွေနဲ့ ညောင်ဦးက ပုဂံ ၄ မိုင်လောက်ခရီးကိုသွားလို့မဖြစ်။

အဲဒိလို ဘာလုပ်ရမှန်းမသိ ဖြစ်ကာ အိမ်ဘက်ကို စက်ဘီးစီးလာရင်း …

~~~~~~~~ ဆက်ရန်

Read More...

Thursday, November 15, 2007

ကို့အတွက်

သူငယ်ချင်း စကားဖြူက သူရေးထားတာလေးကို ကျွန်တော့်ကိုလာပြပါတယ်။ ရေးထားတာက ခံစားချက်အပြည့်နဲ့ဆိုတော့ ဖတ်ပြီးပြီးချင်းကြိုက်လို့ ဒီမှာ ဖော်ပြခွင့်တောင်းလိုက်ပါတယ်။ သူကလည်း ကြည်ဖြူစွာ ခွင့်ပြုပါတယ်။ ကျေးဇူးတင်ပါတယ် စကားဖြူ။

အားလုံးလည်းကြိုက်မယ်လို့ မျှော်လင့်ပါတယ်။

(အခုပိုစ်က စကားဖြူရဲ့စာကို ဒုတိယအကြိမ်ဖော်ပြခြင်းပါ။ ပထမ ပိုစ်ကတော့ ဒီမှာပါ။)

[ပုံကို ဒီက ယူထားပါသည်]


ကိုသည်သာ ကျွန်မဘ၀လို့ ကျွန်မကြွေးကြော်ခဲ့ဖူးပါတယ်။ အခုထိလဲ ဒီစကားဟာ မှန်နေတုန်းပါ။ ကိုချစ်ခဲ့တုန်းက ကျွန်မ ကြည်နူးကျေနပ်ခဲ့သား။ ကို မချစ်တော့ကော ကျွန်မ ဘာကို မကျေမနပ် ဖြစ်နေရမှာလဲ။ ကျွန်မ ကျေနပ်ပါတယ်။ အချစ်အကြောင်းကို ကို့ထက်ပိုလို့တောင် ကျွန်မက နားလည်သေးတယ်ကို။ အချစ်ဟာ ဘယ်လိုမှကို ဖန်တီးလုပ်ယူလို့ မရတာ ကျွန်မသည်သာ အသိဆုံး။

ကို မချစ်တော့တာ သိစတုန်းက ကျွန်မအတော့်ကို ခံစားခဲ့ရတယ်။ လူလစ်ရင် ငိုလို့ကို မဆုံးနိုင်တော့တာ။ မေလထဲဆိုပေမယ့် ကျွန်မနေခဲ့တဲ့ မြို့လေးမှာ မိုးတွေ ရွာနေခဲ့တယ်။

ကျွန်မ ဆိုက်ကယ်လေးကို မိုးမမြင်၊ လေမမြင် လျှောက်မောင်းပြီး အသည်းကွဲနေခဲ့တယ်။ ကိုယ်က တာဝန်ကြီးကြီးယူထားရတော့ အလုပ်တွေ မလုပ်မဖြစ် ကျုံးလုပ်နေခဲ့ရသလို အလွမ်း၊ အဆွေးတွေနဲ့အတူ ရင်နာမှုကလည်း ရင်နဲ့ မမျှအောင်ပဲ ခံစားခဲ့ရတယ်။

ကလေးတစ်ယောက်လိုပဲ နာကျင်စွာ အော်ဟစ်ငိုကြွေးခဲ့မိတယ်။ အဲဒီလို နင့်နင့်သည်းသည်း ခံစားခဲ့ရတာ သိပ်မကြာခဲ့ပါဘူး ကို။ နှစ်လထဲပါ။ သေမလောက် ခံစားခဲ့ရပြီး တဖြည်းဖြည်း အသိတရားက လူကို ပြန်လာကပ်တယ်။

တကယ်တော့ ကို့ကို ချစ်ရင် ကိုပျော်တာကို ကျွန်မက မုဒိတာ ပွားနေရမှာပါ။ ကျွန်မအချစ်က ပေးဆပ်ခြင်းလို့ ကျွန်မပြောခဲ့ဖူးပါတယ်။ ကို နောက်တစ်ယောက်ကို ချစ်သွားလည်း ကိုပျော်နေရင် ကျွန်မကျေနပ်ရမှာပေါ့။ ကို့ဘ၀လေး သာယာနေရင် ကျွန်မဘ၀လေး ပြီးပြည့်စုံနေရမှာပေါ့။ ခုထိတော့ ကျွန်မ ခံစားနေရတုန်းပဲ။ ရင်ထဲ နည်းနည်း တည်ငြိမ်လာတာကလွဲလို့ ကျွန်မ တကယ့်ကို ခံစားနေရတုန်းပဲ။ တစ်ခါတလေ အရမ်းသတိရလာရင် မျက်ရည်ကျနေတုန်းပဲ။ ကျွန်မလိုအပ်နေတာက အချိန်တစ်ခုပဲဆိုတာ ကျွန်မသိပါတယ်။

အရာရာတိုင်းက ကို့ကို သတိရစေတယ် ကို။ ငါးနှစ်တာမျှ သံယောဇဉ်ဟာ လွယ်လွယ်နဲ့ ကိုက ဖြတ်တောက်နိုင်ပေမယ့် ကို့နှလုံးသားထက် အဆပေါင်းများစွာ နုနယ်တဲ့ ကျွန်မနှလုံးသားက ဘယ်လိုနည်းနဲ့မှ တိကနဲ ဖြတ်လို့မရဘူး ကို။ သံယောဇဉ်ကြီးတတ်လွန်းတဲ့ ကိုယ့်အဖြစ်ကိုပဲ အပြစ်တင်ရတော့မှာလား။

သစ္စာအကြောင်းကို ကိုပြောခဲ့ဖူးတယ်။ ကိုပဲ သစ္စာဖောက်ခြင်းကို ပြသသွားခဲ့တယ်။ တကယ်တော့ မချစ်တော့ရင် သစ္စာတွေ ဘာတွေ မလိုအပ်တော့ပါဘူး။ မချစ်နိုင်တော့မှတော့ ဘာကိုမှ စောင့်စည်းစရာ မလိုတော့တာမျိုးပါ။ ဒါကြောင့် ကို့ကို သစ္စာဖောက်သူကြီးရယ်လို့ ကျွန်မ မသတ်မှတ်တော့ပါဘူး။
ကိုဝေးဝေးသွားပါ။ မြင့်မြင့်ပျံပါ။

ဘယ်တော့မှ ကျွန်မကို လှည့်မကြည့်ပါနဲ့တော့။ တိုက်ဆိုင်မှုတွေ ရှိခဲ့ရင်တောင် ကျွန်မကို သတိမရပါနဲ့တော့။

ကျွန်မကို ကို့ရဲ့ ဦးနှောက်ထဲကနေ အပြီးထုတ်လိုက်ပါတော့။

ကို့အချစ်တွေကို တစ်ချိန်က ပိုင်ဆိုင်ခွင့်ရခဲ့ခြင်းကိုပဲ ကျွန်မ ရောင့်ရဲနေတတ်ပါပြီ။

ကျွန်မနှလုံးသားဟာ သေဆုံးသွားခဲ့ပါပြီ။

အချိန်တန်ရင် တဖန်ပြန်လည်လို့ နိုးထလာပါလိမ့်ဦးမည်။

ထိုအချိန်တွင် ကျွန်မချစ်မိမယ့်သူသည် ကို မဖြစ်ပါစေနဲ့လို့ ကျွန်မအကြိမ်ကြိမ် ဆန္ဒပြုနေမိပါသည်။

စကားဖြူ
နိုဝင်ဘာ ၁၅၊ ၂၀၀၇

Read More...

Sunday, November 11, 2007

My Celebrity Look-alikes

ကိုစိုးထက် ဆီမှာတွေ့လို့ My Celebrity Look-alikes ဆိုလို့
လက်တည့်စမ်းကြည့်တာ


My cool celebrity look-alike collage from MyHeritage.com. Get one for yourself.


Read More...

ဗွီလော့

သာမန် စာရေးသားပြီး အင်တာနက် web site ပေါ်မှာ ဖော်ပြခြင်းကို blog (web log) လို့ခေါ်တာကို ရှင်းပြစရာ မလိုတော့ပါဘူး။

အခု နောက်ပိုင်းမှာ ခေတ်စားလာတာကတော့ video blog၊ အတိုအားဖြင့် vlog လို့ခေါ်တဲ့ ကိုယ် ပြောချင်သော၊ ရေးချင်သော အကြောင်းအရာများကို video နဲ့မှတ်တမ်းတင်ပြီး ပြတာ ဖြစ်ပါတယ်။ ဘယ်အကြောင်းအရာတွေပဲ ဖြစ်ဖြစ် မှတ်တမ်းတင်ပြီး စကားပြောလေးတွေ ထည့်ပြီးပြတော့ မျက်စိထဲမှာ ရှင်ရှင်းလင်းလင်းမြင်ရတာပေါ့။

Vlog လုပ်ဖို့ရာ သိပ်မခက်သလို သိပ်တော့လည်း မလွယ်လှပါဘူး။ အကြောင်းအရာ တော်တော်များများကို video နဲ့ မှတ်တမ်းတင်ဖို့ရာ မလွယ်သလို၊ ပြောချင်တာကို video ရိုက်မယ်ဆိုရင်လည်း ရိုက်ဖို့ပြင်ရဆင်ရ နောက်ပြီး editing လုပ်ရနဲ့ဆိုတော့လည်း မလွယ်ပါဘူး။

Vlog ကိုတော့ စကားများများပြောချင်ပြီး စာရေးရတာ ပျင်းသူများအတွက် တော့ အဆင်ပြေမယ်ထင်ပါတယ်။ နောက်ပြီးတော့ စာနဲ့ရှင်းပြဖို့ခက်တဲ့ အကြောင်းအရာတွေကို လွယ်လွယ်ကူကူ ပြပြီး ပြောလို့ရတယ်။

BlogSpot (blogger.com) မှာလည် ပို့စ်ရေးနေရင် video ကို တင်လို့ရသလို YouTubeGoogle စတဲ့ video hosting တွေမှာလည်း တွေမှာတင်ပြီး မှ ကိုယ့်ရဲ့ blog မှာ ပြလို့ရပါတယ်။ ဖြစ်နိုင်ရင်တော့ video hosting site တွေရဲ့ စည်းကမ်းချက်တွေကို ဖတ်ပြီးမှ တင်နိုင်ရင်တော့ ကောင်းပါတယ်။ ပိုင်ဆိုင်မှု အငြင်းပွားဖွယ် ရှိလို့ဖြစ်ပါတယ်။

Vlog တွေထဲမှာဆိုရင်တော့ http://stevegarfield.blogs.com/videoblog/http://www.hugeinasia.com/http://japantechtoys.blogspot.com/http://www.lifeonterra.com/http://mnstories.com/ တွေက popular ဖြစ်ပါတယ်။ အခြားသော နာမည်ကြီး Vlog တွေရှိပါတယ်။ ကျွန်တော်ကတော့ လက်လှမ်းမီသသောက် ဖော်ပြပေးတာပါ။

နောက် မြန်မာ vlogger တယောက်ကို မိတ်ဆက်ပေးချင်ပါတယ်။ သူကတော့ အငြင်းပွားဖွယ်ရှိနိုင်သော (:P) ပထမဆုံးသော မြန်မာ vlogger ပါ ။ သူ့ရဲ့ ဆံပင်ညှပ်တဲ့ အကြောင်းကို ပြောပြထားပါတယ်။ သူ့ရဲ့ vlog ကို ဒီမှာ သွားကြည့်လို့ရပါတယ်။

အောက်မှာရှိတဲ့ video ကတော့ Singapore ရဲ့ Sentosa Resort Island က Asia တိုက်မကြီးရဲ့ တောင်ဘက်ဆုံး (Southernmost Point of Continental Asia) ဆိုတဲ့ နေရာလေးကနေ ရိုက်ထားတဲ့ ရှုခင်းပုံဖြစ်ပါတယ်။ ပင်လယ်ကူးသင်္ဘောတွေ အများကြီးတွေ့ရတဲ့ ပင်လယ်ပြင်၊ Singapore’s Happiest Family Beach လို့ကြော်ငြာထားတဲ့ Palawan Beach ဖြစ်ပါတယ်။


Read More...

မွေးနေ့ကဒ်လေးတခု

ဒီနေ့ Orchard လမ်းပေါ်မှာရှိတဲ့ Takashimaya Shopping Centre ထဲက မွေးနေ့ကဒ်လေးတွေ တွေ့လို့ နိုဝင်ဘာလဖွား ချစ်သော သူငယ်ချင်း အတွက် မွေးနေ့ကဒ်လေးတခု ၀ယ်လာပါတယ်။ သူက အလုပ်မှာ လုပ်ရတာ စိတ်ရှုပ်နေတဲ့ အချိန်လေးဖြစ်နေတော့ ဒီကဒ်လေးဆိုရင် သူ့အတွက် အဆင်ပြေမှာပဲလို့ တွက်ပြီး ၀ယ်လာခဲ့ပါတယ်။ မွေးနေ့ကို အချိန်မှီရောက်ဖို့ကို စာတိုက်က တဆင့် ပို့ပေးရမှာပါ။



သူ့ရဲ့ မွေးနေ့ကတော့ လိုပါသေးတယ်။ သူက Sagittarius ဖွားလေ။ Sagittarius ဖွားတွေက ခေါင်းမာတတ်လားမသိဘူးနော်။

Read More...

Joost

ကျွန်တော်က နည်းပညာအကြောင်းရေးဖြစ်ခဲပါတယ်။ ဘာလို့လဲဆိုတော့ ဒီဘလော့မှာ အားလပ်ချိန်မှာ ၀ါသနာပါအရ စာရေးရင်း အပန်းဖြေတဲ့ သဘောနဲ့ရေးတော့ ကိုယ် သတိရတဲ့ စိတ်ထဲမှာ ရှိနေတဲ့ အကြောင်းလေးတွေကိုပဲ ရေးဖြစ်လို့ပါပဲ။
လာရောက် ဖတ်ရှုတဲ့ မိတ်ဆွေများကို ကျေးဇူးအထူးတင်ပါတယ်။



ဒီတခါတော့ နည်းပညာတခု အကြောင်း ကျွန်တော်ရေးချင်တာကတော့ Joost ဆိုတဲ့ Internet TV အကြောင်းပါ။ ကျွန်တော်က ဒီ TV ကို March 2007 လောက်ကတည်းက Beta version ကို စသုံးကြည့်ခဲ့တာပါ။ သူ့ရဲ့နည်းပညာကို စိတ်လှုပ်ရှားပြီး စမ်းသပ်ကြည့်ခဲ့တာပါ။ အဲဒီတုန်းကတော့ ကြည့်စရာ channel များများစားစားမရှိသေးပါဘူး နောက်ပြီး အားလုံးကိုလည်း download လုပ်ခွင့်မပေးခဲ့ပါဘူး ။ အခုတော့ Release Candidate (RC) အဆင့်ကိုရောက်နေပြီး လွတ်လပ်စွာ download လုပ်ခွင့်ပေးထားပါပြီ။

Joost ("jew-st" လို့ထွက်ပါတယ်) ကတော့ peer-to-peer TV technology ကိုသုံးထားတဲ့ FREE Internet TV ပါ။ Joost ရဲ့ တည်ထောင်သူတွေကတော့ Skype (အင်တာနက် ဆက်သွယ်ရေး စနစ် လို့ခေါ်ရမယ်ထင်ပါတယ်) နဲ့ Kazaa (peer-to-peer file sharing) ကို တည်ထောင်ခဲ့တဲ့ Niklas Zennström and Janus Friis ဖြစ်ပါတယ်။ သူတို့ဟာ Skype ၂၀၀၅ ခုနှစ်မှာ eBay လို့ခေါ်တဲ့ ကမ္ဘာ့အကြီးဆုံး online auction company ကို ငွေသား ဒေါ်လာ ၂.၆ ဘီလီယံ နဲ့ ရောင်းချပြီး Joost ကို တည်ထောင်ခဲ့တာပါ။ တကယ်တော့ ဒေါ်လာ ၂.၆ ဘီလီယံ ဆိုတာ အများကြီးပါ။ Joost တည်ထောင်ဖို့ရာ Skype ကို ရောင်းရငွေရဲ့ အစွန်းထွက်တောင် မလိုပါဘူး။

P2PTV (peer-to-peer TV technology) က သာမန် client-server architecture တွေနဲ့ ကွဲပြား ပါတယ်။ အဓိကကွဲပြားတာကတော့ ကိုယ့်က အစီအစဉ်တခုကိုကြည့်နေတယ်ဆိုရင် အဲဒီ အစီအစဉ်ကို ကိုယ့် ကွန်ပျူတာထဲ့ကို တခြား ကွန်ပျူတာထဲကနေ download နေသလို ကိုယ့်ကွန်ပျူတာထဲက download လုပ်ပြီးသားအပိုင်းကိုလည်း တချိန်ထဲမှာ ပြန် upload လုပ်ပေးနေပါတယ်။ တနည်းအားဖြင့် ကြည့်နေသူအားလုံးက ပြန်လည် ထုတ်လွှင့်နေသူများဖြစ်နေပါပဲ။ သုံးတဲ့လူတွေများလေလေ ကိုယ်ကြည့်ချင်တယ့် အစီအစဉ်ကို မြန်မြန်ကြည့်ရလေဖြစ်မှာဖြစ်ပါတယ်။

Joost ရဲ့ ရုပ်သံအရည်အသွေးက တီဗွီလိုင်းတွေက လာတဲ့ အရည်အသွေး နီးပါး ကောင်းမွန်ပါတယ်။ နောက်ပိုင်းမှာတော့ စိတ်ဝင်စားဖို့ပိုကောင်းတယ့် အစီအစဉ်တွေကို ထုတ်လွှင့်ဖို့ရှိတယ်လို့ သိရပါတယ်။ အခုလောလောဆယ်မှာ ရှိနေတဲ့ အစီအစဉ်နေမှာတော့ Wall to wall documentary နဲ့ Guinness world records TV တွေကို စိတ်ဝင်စားပါတယ်။
စမ်းသပ်ကြည့်ုလိုချင်ရင်တော့ http://www.joost.com ကိုသွားပြီး Download ဆိုတဲ့လင့်ကို နှိပ်ပြီး မိမိ ကွန်ပျူတာထဲမှာ install လုပ်ပါ။ နောက်ပြီးတော့ Joost ကိုကြည့်ရုံပါပဲ။

စမ်းသပ်ပြီး နှစ်သက်လိမ့်မယ်လို့ မျှော်လင့်ပါတယ်။ :)

Read More...

၃/၉၆

၃/၉၆ က ပြီးခဲ့တဲ့လမှာ ရေးထားပြီးခဲ့တဲ့ ၂/၉၆ ရဲ့ အဆက်ဖြစ်ပါတယ်။ ၉၆ ခုနှစ်ဟာ ကျွန်တော်ရဲ့ တက္ကလိုလ်သက်တမ်းမှာ အပျော်ဆုံးနှစ်ဖြစ်လို့ အခုလိုရေးဖြစ်သွားတာပါ။

အလုပ်ရှုပ်တာ အကြောင်းပြပြီး အပျင်းထူပြီး ၂/၉၆ ကို ဆက် မရေးဖြစ်တာကို တောင်းပန်ပါတယ်။ တော်သေးတာက ကျွန်တော့်ဆီကို ရင်နှီးသူတွေပဲ လာတာများလို့ နားလည် ခွင့်လွှတ်ကြမယ်လို့ မျှော်လင့်ပါတယ်။
(ခွင့်မလွှတ်သူများ ပီတိကို မုန့်ဝယ်ကျွေးသွားလို့ရပါတယ်။ :D)




ဖေဖော်ဝါရီ တလလုံး စနေ၊ တနင်္ဂနွေ နှစ်ရက် နဲ့ ကြားရက်တွေမှာ training ဆင်းထားတော့ မတ်လထဲရောက်တော့ တော်တော် ကျင့်သားရနေပြီ။ နေပူထဲမှာ လမ်းလျှောက်တာများတော့ လူပုံစံမှာလည်း ပိန်ပိန်မဲမဲဖြစ်နေကာ အစာမ၀သည့် အလုပ်ကြမ်းသမားပုံစံပေါက်နေပါသည်။

ကျွန်တော်နောက်မှာ hiking အဖွဲ့ကို ပါဝင်လာ သူတော်တော်များပါသည်။ နောက်မှ အဖွဲ့ထဲကိုဝင်ပြီး တော်တော်များများ စိတ်ဝင်စားမှုခံရတာကတော့ မို့မို့ နဲ့ သဲသဲ တို့နှစ်ယောက်ပေါ့။ မို့မို့ က လမ်းလျှောက်ရင် စားကလေး ခုန်သလို လမ်းလျှောက်တတ်ပြီး သဲသဲကတော့ လမ်းလျှောက်ရင် ဘေးကိုရမ်းလျှောက်တတ်သည်။ နှစ်ယောက်စလုံးက ငယ်ငယ်ချောချောလေးတွေဆိုတော့ အားလုံးက သူတို့ရဲ့လမ်းလျှောက်ပုံကိုရော လူကိုရော စိတ်ဝင်စားမှု ရှိကြပါသည်။

မတ်လထဲမှာ မိုခမ်း training လာပြီး လမ်းမလျှောက်ဖြစ်တာ သတိထားမိလာသည်။ ကျောင်းမှာတွေတော့
`ဟဲ့ မိုခမ်း၊ နင်လမ်းလည်းလာမလျှောက်ပါလား။ တော်ကြာ အမှတ်မမှီလို့ ခရီးစဉ်ကို မလိုက်ရပဲနေဦးမယ်နော်´
`အေးပါဟာ၊ ငါလည်း မအားလို့ပါ။´
မိုးခမ်းရဲ့မျက်နှာက သိပ်တော့မကောင်းလှ။

အပတ်စဉ် စနေ၊ တနင်္ဂနွေ နေ့တိုင်းလျှောက်တာ ကျောင်းမှ မင်္ဂလာဒုံဈေး အသွားအပြန်ဖြစ်နေပါပြီ။ ဒီထက်ဆက်တိုး လျှောက်ဖို့ကတော့ မလွယ်လှပေ။ မနက်အစော ၅ နာရီ စထွက်ကာ နေ့လည် ၁၁း၃၀ လောက်မှာပြီးလေ့ရှိတော့ ဒီထက်ပိုလျှောက်မယ်ဆိုရင် ခံနိုင်မည်မထင်။

ကြားရက်များတွင် လမ်းလျှောက်ရာတွင် လမ်းကြောင်းအသစ် အဖြစ် ရန်ကုန်တက္ကသိုလ် ပင်မ မှ ကန်တော်ကြီး ကိုတပတ် လမ်းလျှောက်သည်။ တခါတရံ အာစီတူးကို တပတ်လျှောက်လေ့ရှိသည်။

ကျွန်တော့်ရဲ့ လမ်းလျှောက်ဖိနပ်က လဆန်းကတည်းက ပျက်သွားကာ စီးလို့မရတော့ပေ။ ဒါကြောင့်တရုတ်ဖြစ် ပျောက်ကျားဖိနပ်ကလေးကို မင်္ဂလာဒုံဈေးမှ ၀ယ်ပြီးစီးရသည်။ ပျောက်ကျားဖိနပ်သည်လည်း လမ်းလျှောက်မှုဒဏ်ကြောင့် တိုက်စားပွန်ပဲ့ကာ ခရီးစဉ် တကယ်ထွက်ရင် နောက် ဖိနပ် အသစ်တရံဝယ်ရပေဦးမည်။

ကျောင်းမှာ တနေ့ အာစီတူး စာတိုက်နားက ဆိုင်မှာ သူငယ်ချင်းတွေနဲ့ ထိုင်ဖို့ဝင်လိုက်တော့ မိုးခမ်းတယောက် တခါမှ မမြင်ဘူးသေးတဲ့ ကောင်လေးယောက်နဲ့ ထိုင်နေတာကို တွေ့လိုက်သည်။ အမြဲတွဲနေကျ စိုးစိုးတယောက်ကို တော့ မတွေ့မိ။

မိုးခမ်းက ကျွန်တော့်ကို တွေ့သွားပြီး
`ဟေး ပီတိ ခဏလာဦး… မိတ်ဆက်ပေးမလို့၊ ဒါ ငါရဲ့ မောင် ….´
`အော်…အေး.. တွေ့ရတာ ၀မ်းသာပါတယ်။ ´
ပြုံးပြနှုတ်ဆက်လိုက်ပြီး နောက် အငယ်ဆုံးလို့သိထားသော မိုခမ်းမှာ မောင်အရင်း ရှိစရာ အကြောင်းမရှိလို့ တွေးမိပြီး
`နင်ရဲ့မောင် တ၀မ်းကွဲလား…´
မိုးခမ်းက မျက်နှာနီခါ ရှက်သွားပြီး `နင်ကလည်းလေ… ´

`သြော်´ ဆိုပြီး ကျွန်တော်လည်း သဘောပေါက်သွားသည်။
သူ့ကောင်လေးကတော့ မကြည်တော့ပဲ ကလေးတယောက် စိတ်ဆိုးနေပုံလေးဖြစ်နေသည်။ သူတို့ကို နှုတ်ဆက်ပြီး သူငယ်ချင်းတေရွဲ့ဝိုင်းကိုပြန်လာတော့ အားလုံးက
`ဟေ့ကောင် အဲဒီချာတိတ်ကလေးက မိုးခမ်းရဲ့ဘဲလား´
`အေး ဟုတ်တယ်၊ ဘာလို့လဲ´
`ကြည့်ရတာ ကောင်းလေးက စိတ်ကောက်လို့ မိုခမ်းက ချော့နေတဲ့ ပုံပဲ…´
ဆက်စပ်ပြီးတွေကြည့်တော့ မိုးခမ်း လမ်းလာမလျှောက်တာ ဒီကောင်းလေးကြောင့်လားမသိ ဆိုတဲ့ အတွေးဝင်လာပါသည်။

အတန်းထဲမှာ ဆရာမ စာသင်နေတုန်း မေးချင်စိတ်ကို တားမရတော့ ရှေ့တတန်းမှာ ထိုင်နေသော မိုခမ်းနဲ့စိုးစိုးတို့ ခုံကိုပြောင်းထိုင်ပြီး
`ဟဲ့ မိုးခမ်း နင် လမ်းလာမလျှောက်တာ နင့်ကောင်လေးကြောင့်လား။´
`ဟဲ့ စာသင်နေတယ်လေ.. နောက်မှမေးပါလား´
`ငါအခု သိချင်လာလို့ပေါ့ဟ´
`အေး ဟုတ်တယ်။ သူက ငါ့ကို တခြား ယောင်္ကျားလေးတွေနဲ့ မရောစေချင်ဘူးတဲ့။ နောက်ပြီး ခရီးစဉ် ကိုလည်း ငါ့ကို မလိုက်စေချင်ဘူးတဲ့ဟ။´
`ဟာ နင်အဲလိုတော့ မလုပ်ပါနဲ့ကွာ၊ နင်ခေါ်လို့ ငါ ဒီအသင်းထဲဝင်လာတာ။ နောက်ပြီး ခရီးစဉ် မှာ နင်ပါတော့ ငါတို့ပိုပျော်ကောင်းတာပေါ့။ တကယ်ဆို နင်လည်းလိုက်ချင်လို့ပဲ အသင်းဝင်ပြီး အပင်ပန်းခံ လမ်းလျှောက်ထားတာလေဟာ။ နင့်ကောင်လေးကို နားလည်အောင်ပြောကွာ။´
`အေးပါကွာ။ ခုနကလည်း ငါ သူ့ကို အဲဒီ ကိစ္စကိုပြောနေတာ။ သူကတော့ ခွင့်မပြုဘူး ဖြစ်နေတယ်။´
`နင်ကလည်းဟာ…´

အရင်နှီးဆုံး သူငယ်ချင်းတယောက် သူလုပ်ချင်သောဆန္ဒက ချစ်သူ့ဆန္ဒနဲ့ မတူညီတော့ အလျော့ပေးပြီး သူ့ဆန္ဒကို ချိုးနှိမ်လိုက်ရတာကို သိလိုက်ရတော့…စိတ်ထဲမှာ တော်တော် စိတ်မကောင်းဖြစ်သွားသည်။

ချစ်တယ်ဆိုတာ ချစ်တဲ့သူကို ငှက်ကလေးလုို လှောင်ချိုင့်ထဲမှာ ထည့်ထားခြင်း မဟုတ်ဘူးလေ။ နားလည်စွာ ချစ်တတ်မှု သာလျှင် နှစ်ဦးနှစ်ဘက် စိတ်ချမ်းသာစေတာ မဟုတ်ပါလား။

မိုခမ်း မလာတော့တာကို သတိပြုမိတဲ့ သူငယ်ချင်းတွေကမေးတော့ သူ့မှာ အခက်အခဲ ရှိလို့ လမ်းမလျှောက်တော့ဘူး လို့ ပြောလိုက်တော့ အားလုံးက စိတ်မကောင်းဖြစ်သွားကြသည်။

နောက်ဆုံး traning အဖြစ် ရန်ကုန်တက္ကသိုလ်မှ လှော်ကား ဥယျာဉ်ထိ လမ်းလျှောက်မှာ ဖြစ်ပါသည်။ အဖွဲ့ဝင် ကျောင်းသူ ကျောင်းသား အားလုံး စိတ်တက်ကြွစွာ စောင့်မျှော်နေသော နောက်ဆုံး training ကို မတ်လ ၃၁ ရက်နေ့ မနက် ၄နာရီမှာ ရန်ကုန်တက္ကသိုလ် မန္တလေးဆောင်ရှေ့မှ စတင်ထွက်ခွါကြပါသည်။ အဖွဲ့ထဲမှာ အရင်က မမြင်ဘူးသော အသက်ခပ်ကြီးကြီး အကိုကြီး အမကြီး များကိုတွေ့ရပါသည်။

`အဲဒီလူတွေက ဘယ်သူတွေလဲ´
ဘေးမှာရှိတဲ့ ခင်မောင်ကျော် ကိုမေးကြည့်မိသည်။ သူက ထုံးစံအတိုင် ဆရာကြီးလေသံနဲ့
`ဟာ… မင်းကလည်း အဲဒါ အဖွဲ့ချုပ်ကလေကွာ´

နောက်တော့မှ ဒီ ခရီစဉ်ကို မြန်မာနိုင်ငံခြေလျင်နှင့်တောက်တက်အဖွဲ့ချုပ် အဖွဲ့ဝင်များပါ ပါဝင်ပူပေါင်း တက်ရောက်မည်လို့ သိရပါသည်။ အတွေ့အကြုံများသည့် သူများပါတော့ ပိုကောင်းတာပေါ့။

ကျောင်းသူကျောင်သား ဆရာ၊ ဆရာမ၊ တောက်တက်အဖွဲ့ချုပ် စသည့် အဖွဲ့ဝင်ပေါင်း ၈၀ ကျော်အဖွဲ့ဟာ ပြည်လမ်းမ တလျှောက် တက်ကြွစွာ လမ်းလျှောက်လာကြသည်။ မင်္ဂလာဒုံကျော်လျင် သာဓုကန် ဘက်မှ တဆင့် တောလမ်းအတိုင်း လှော်ကားဥယျာဉ်ကို လျှောက်မည်ဟု ဆရာမျိုးပြောထားသည်။ မလျှောက်ဘူးသေး လမ်းကို လျှောက်ရမည်ဆိုတော့ အားလုံးပျော်ရွှင်နေကြသည်။ တကယ် တောင်တက်ခရီးစဉ်ဆိုလျင် ဒီထက်အဆပေါင်းများစွာ စိတ်လှုပ်ရှားပျော်ရွှင်စရာ ကောင်းမည်ဆိုတာကို သိနေကြပါသည်။

မင်္ဂလာဒုံဈေးကိုရောက်တော့ မနက် ၆း၃၀ ခန့်ရှိပြီ။ အဖွဲ့ဝင်အားလုံး အတူ နီးပါးရောက်ကြပါသည်။ အားလုံးက လေ့ကျင့်ရည် ပြည့်ဝနေတော့ အစတုန်းကလိုသိပ်ပြီး စောင့်စရာမလို့တော့ပေ။ ဆရာမျိုးက

`အားလုံးဒီမှာ မနက်စာ စားဖို့ မီနစ် ၃၀ အချိန်ပေးပါမယ်။ မြန်မြန်စားလို့ရမှာကို မှာစားကြပါ။´

အဖွဲ့ဝင်အားလုံး အဆင်ပြေရာဆိုင်များတွင် အလျင်အမြန်စားကြသည်။

စားလို့မပြီးတပြီးတွင် ထုံးစံအတိုင်း `ရွှီ´ ဆိုတဲ့ ၀ီစီသံကိုကြားလိုက်ရသည်။ အားလုံးအလျင်အမြန်တန်းစီကာ ဆရာကလူစစ်ပါသည်။ လူစစ်ရာတွင် မိမိနီးစပ်ရာလူကို မတွေ့ပါကလည်း အကြောင်းကြားရပါသည်။

လူစုံလို့စထွက်မည်လုပ်တော့ အိပ်ယာထနောက်ကျ၍ မမှီလိုက်သော လှမျိုး နဲ့ အခြားအဖွဲ့ဝင်များ ဘတ်စ်ကားဖြင်လိုက်လာပါသည်။ ဆရာမျိုကိုတွေ့တော့ ပြုံးဖြီးဖြီးလုပ်ကာ အဖွဲ့နဲ့အတူ လမ်းဆက်လျှောက်ကြပါသည်။ ဆရာမျိုးကတော့ မျက်ထောင့်ကြီးနဲ့ကြည့်ကာ ဘာမှမပြောပဲ ရှေ့မှဆက်ထွက်သွားပါသည်။

မင်္ဂလာဒုံဈေးကိုကျော်ပြီး သိပ်မကြာခင် ရန်ကုန်စည်ပင်သာယာရေးကော်မတီ ဆိုင်ဘုတ်တပ်ထားသော အပေါက်မှဝင်ကာ သာဓုကန်ဘက်ကို သွားပါသည်။ လမ်းမတွင်လျှောက်နေရာမှ တောထဲတွင်လျှောက်ရသောအခါ လွတ်လပ်မှုကိုစတင် ခံစားရပါသည်။ နေကလည်း နဲနဲမြင့်လာတော့ နဲနဲတော့ ပိုပင်ပန်းလာပါသည်။

နောက်ကကျောပိုးအိတ်ကလည် တဖြည်းဖြည်းလေးလာပါသည်။ ကျောပိုးအိတ်ထဲတွင် တချို့က အုတ်နီခဲတွေထည့်လာပြီး ကျွန်တော်ကတော သောက်ရေသန့် ၃ဗူး ရေအပြည့် ထည့်လာခဲ့သည်။ ရည်ရွယ်ချက်ကတော့ မောရင်ရေသောက်လို့ရတယ်၊ သူများကိုလည်း တိုက်လို့ရတယ်၊ နောက် ရေသောက်လိုက်တော့ အလေးချိန်လျော့သွားတော့ ကျောပိုးအိတ် ပေါ့သွားအောင်လို့ပါ။

အတွေ့အကြုံရှိတဲ့ အကိုကြီတွေကတော့ နေသိပ်မပူခင် မြန်မြန်လျောက်ခိုင်းပါတယ်။ နောက်ပိုင်းမှာသိလာတာကတော့ နေပူရင် ချွေးထွက်များပြီး အရမ်းပင်ပန်းတတ်ပါသည်။

မနက် ၉း၃၀ ခန်မှာ သာဓုကန်ဘေးမှာရှိတဲ့ သာဓုကန် စေတီတော်ကိုရောက်ပါသည်။ ကန်ဘောင်ပေါ်မှာ အဖွဲ့ဝင်အားလုံး ခေတ္တနားပြီး ရေသောက် အကြောလျော့ပြုလုပ် ကြပါသည်။

အဖွဲ့ထဲမှာ ၀ပေမယ့် တက်ကြွလွန်းတဲ့ ဒွေး (ရုပ်ရှင်မင်းသား ဒွေး နှင့် တိုက်ဆိုင်စွာ နာမည်တူခြင်းသာဖြစ်ပါသည်) ကတော့ အားလုံးထိုင်နေချိန်မှာ ကန်ဘောင်နှင့် စေတီကြားမှာရှိသော ခပ်မတ်မတ်ဆင်ခြေလျောကိုပြေးတက်သွားပါသည်။

`ဟေး ဒွေး ပြီးရင် ပြန်မဆင်း နိုင်ပဲနေမယ် ပြန်ဆင်းလာတော့…´
အားလုံးက ပြောပေမယ့် သူကတော့ မလျော့ပဲ ဆင်ခြေလျောထိပ် တံတိုင်းခြေထိ ရောက်အောင် ကြိုးစားပြီး တက်သွားပါသည်။ ထိပ်ရောက်တော့ နောက်ကိုလှည့်ကြည့်ကာ

`အမလေး..အမတ်ကြီးပဲ…´
ကြိုးစားပြီး နောက်ပြန်ဆင်းကြည့်သည်။ မဆင်းရတော့ ရောက်နေတယ့်နေရာနေမှာ လှည့်ထိုင်ပြီး ဖင်နဲ့ထိုင်ချကာ ဆင်းဖို့ကြိုးစားကြည့်သည်။ မရပေ၊ ပါးစပ်ကတော့ အော်နေသည်။
`လုပ်ကြပါဦး မဆင်းရဲတော့ဘူး… ဘယ်လိုဆင်းရမလဲ´
`မင်းကိုပြောသားပဲ မတက်ပါနဲ့ဆို…´
`အေးလေး.. နင့် ခန္တာကိုယ်နဲ့ ဆော့တာကို နည်းတောင် နည်းသေးတယ်။ ´
`ဒီအတိုင်း ဆင်းလို့မရင် လွယ်လွယ်လေးရယ် လှိမ့်ချလိုက်…´
`လှိမ့်ချလိုက်လို့ကတော့ ရေကန်ထဲ ကျသွားမှာ တခါတည်းပဲ…´
အားလုံးက တယောက်ပေါက်နဲ့ နောက်ပြောင်နေကြသည်။

ခေါင်းဆောင် ဆရာမျိုးက ရောက်လာပြီး
`ကဲ ဆင်းမရလည်းနေခဲ့တော့ ငါတို့က ဆက်သွားတော့မယ်´
`အာ.. ဆရာ ခဏစောင့်ပါ ကျွန်တော် ရအောင်ဆင်းပါ့မယ်´
ဒွေး တယောက်ကြိုးစားကာ ဖင်တရွတ်တိုက်ကာ ဆင်းလာပါသည်။ သစ်ရွက်ခြောက်များနဲ့ လျောဆင်းရင် သစ်ငုတ်ကလေးများက သူ့ကိုထိုးမိတိုင်း အား အား နဲ့အော် ကာ နောက်ဆုံးတော့ ကန်ဘောင်ကို ပြန်ဆင်းလာနိုင်ပါသည်။

`ရွှီ…´
`ကဲ ဆက်လျှောက်မယ်။ လှော်ကားကိုရောက်ဖို့လိုသေးတယ်။ နေပူလာပြီ မြန်မြန်လျောက်ကြပါ´

သာဓုကန် ကစပြီး လျှောက်ကတည်း က လွန်တီးခေါင်များသာဖြစ်ပြီး အရိပ်လုံးဝမရှိပါ။ နေကလည်း တော်တော်မြင့်လာသောကြောင့် ပင်ပန်းလာပြီဖြစ်သည်။

`ရေဆာလား၊ ရေသောက်မလား…´ ရေကုန်ချင်လို့ အနားမှာရှိတဲ့ သူငယ်ချင်းတွေကို လိုက်မေးနေသည်။
`ဟေး.. ပီတိ မင်းက ရေကုန်ချင်တိုင်းလိုက်တိုက်နေ… ငါကတော့ မသောက်ချင်ဘူး.. ကုန်ချင်ရင် သွန်ပစ်လိုက်…´

ဦးထုပ်ပါပေမယ် နေပြင်းပြင်ပူလာတော့ ခေါင်းကိုကချင်သလိုတောင်ဖြစ်လာသည်။ ဆက်လျှောက်ရင်းနဲ့ လှေကားကိုသွားတဲ့ မြေနီကားလမ်းမကိုရောက်လာသည်။ နေကတော့ ခေါင်းပေါ်တည့်တည့်မှာ ချစ်ချစ်တောက်ပူလျက်ရှိနေသည်။

ရှေ့နားမှာ မသူဇာ နဲ့ မကလျာ၊ နောက်တော့ ကိုထွန်းလှအောင် တို့ နားနေတာကိုတွေ့ရသည်။
`နေပူထဲမှာ ဘာလို့နားနေတာလဲ။ နဲနဲလျှောက်လိုက် ရောက်တော့မယ်။ ´
`နားနေတာမဟုတ်ဘူး။ သူဇာ ဆက်မလျှောက်နိုင်လို့ ရပ်နေတာ။´
`ပီတိ ရေကျန်သေးလား..´
`ကျန်သေးတယ်.. ရော့´
ရေ တဗူးအပြည့်ကျန်သေးတာကို လှမ်းပေးလိုက်သည်။

ထိုစဉ် ဘတ်စ်ကားအလွတ်တစီး လာနေတာတွေ့တော့ ယောင်္ကျားလေးများက ကားကိုတားပြီး အကြိုအကြောင်းရှင်းပြကာ ဆက်မလျှောက်နိုင်သော မိန်းကလေးများကို တင်ပေးလိုက်သည်။

နောက်ထပ်နာရီဝက်လောက်လျှောက်လိုက်တော့ လှော်ကားဥယျာဉ်အ၀င်ဝက ဆိုင်တွေကို လှမ်းတွေ့လိုက်ရသည်။
ဒီနေ့ပန်းတိုင်ကိုတော့ အောင်မြင်စွာရောက်ခဲ့ပြီ။ သစ်ပင်ရိပ်မှာ အရင်ရောက်နှင့်နေတဲ့ အဖွဲ့တွေနဲ့အတူ ရေသောက်ကာ နားရင်း စကားပြောနေပါသည်။ အနားကို ကျော်ကျော် ရောက်လာတော့

`ကျော်ကျော် … မောနေပြီလား…´
`ပြောချင်ပါဘူး ပီတိရယ်.. အောင်မလေး လို့တောင် မအော်နိုင်တော့ပါဘူး…´
သူက အောင်မလေးကို အကျယ်ကြီးအော်ပြီးတော့မှ မအော်နိုင်တော့ပါဘူးဆက်လိုက်တော့ အနားကဈေးသယ်တွေတောင် ပြုံးစိစိဖြစ်ကုန်သည်။

အမောလည်းပြောရော ဗိုက်ဆာလာပြန်သည်။ ကြည့်လိုက်တော့ အကုန်လုံးမရောက်သေးဘူး၊ စောင့်ရရင်လည်း ဘယ်လောက်ကြာမှန်းမသိတော့ ဆရာ့ထံခွင့်တောင်းပြီး အနားမှာရှိတဲ့ ထမင်းဆိုင်မှာ နေ့လည်စာ စားသောက်လိုက်ပါသည်။ အချိန်ကတော့ နေ့လည် ၁၂ နာရီကျော်နေပြီ။

နောက်ဆုံး ဘက်ကင်း ရောက်လာတော့ ဆရာက တန်းမစီစေပဲ နေ့လည်စာ စားခွင့်ပြုလိုက်ပါသည်။ စားပြီးတော့မှ အရိပ်ကောင်းသောနေရာတွင် အဖွဲ့ဝင်များအားလုံး ၀ိုင်းထိုင်ကာ အဖွဲ့ချုပ်မှ အကိုကြီးတွေနဲ့ ဆရာမျိုးက မိတ်ဆက်ပေးပါသည်။
`အခု ဆရာတို့သွားမယ့် ခရီးစဉ်မှာ သီဆိုဖို့ သီချင်းတိုက်မှာဖြစ်တယ်။ သီချင်းတွေကို ကိုလှမင်းက ရှေ့ကနေဆိုပေးပါလိမ့်မယ်။´

ခြေလျင်ချီတက်မယ် တောင်တက်အဖွဲ့လာပြီ၊ ရည်ရွယ်မျှော်မှန်းချက် ကိုယ်လက်ကြံ့ခိုင်မည်။ ….အစပြုတဲ့ သီချင်းကို စသီဆိုပြပါသည်။ နောက်တပုဒ်ကတော့ သူ မြန်မာစာသားထည့်ထားပြီး အခုခရီးစဉ် အတွက် စပ်ထားသောသီချင်တပုဒ် ဖြစ်ပါသည်။ အားလုံးပျော်ပျော်ရွှင်ရွှင် သီချင်းတိုက်ပြီးတော့ ဆရာမျိုးက စကားဆက်ပြောပါသည်။

`အခုသွားမယ့် ခရီးစဉ်က အဖွဲ့အစည်းနဲ့ သွားမှာဖြစ်တယ်။ အဖွဲ့အစည်းနဲ့ သွားတဲ့အခါမှာ ကိုယ်ပိုင်လွတ်လပ်ခွင့်တွေကို စတေးရမှာ ဖြစ်တယ်။ ဒါပေမယ်လို့ မိမိ တယောက်တည်း ဆောင်ရွက်လို့မရနိုင်တဲ့ အခွင့်အရေးတွေကို အဖွဲ့စည်း အနေအထားနဲ့ရမှာဖြစ်တယ်။ အဖွဲ့အစည်းနဲ့လုပ်တဲ့အခါမှာ One for all, and all for one ဆိုတဲ့စိတ်ဓာတ်ထားပြီး လုပ်သွားရင် အားလုံးအဆင်ပြေသွားမှာပါ။
နောက်ပြီး လမ်းလျှောက်ခဲ့တဲ့ အမှတ်တွေကိုစီစစ်ပြီး လိုက်ပါခွင့်ရတဲ့ လူတွေနဲ့ တပ်စိတ် ဖွဲ့စည်ပုံကို လာမယ့် ဗုဒ္ဓဟူးနေ့ ညနေမှာ အာစီမှာ ကပ်ထားမှာဖြစ်တယ်။ အခု ပြောစရာရှိတာကတော့ဒီလောက်ပါပဲ။ ဆရာတို့ ကျောင်းကို ပြန်ဖို့ ကားတွေ စီစဉ်ထားတယ်။´

ခရီးစဉ်အတွက်ကတော့ လေ့ကျင့်ရေးပြီးဆုံးသွားပြီဖြစ်ပါတယ်။

ဗုဒ္ဓဟူးနေ့ ညနေမှာ ကျောင်းပြီးတော့ ရန်ကုန်တက္ကသိုလ် ပင်မထဲက အာစီကိုဝင်ပြီး ခရီးစဉ်ကို လိုက်ပါခွင့်ရတဲ့ လူစာရင်းကိုဝင်ကြည့်တော့ အခြားသူငယ်ချင်းတွေပါ လာရောက်ကြည့်နေကြတာကို တွေ့ရသည်။ မိမိလိုက်ပါခွင့်ရမည်ကို သိနေသော်လည်း စာမေးပွဲအောင်စာရင်းကြည့်သလို စိတ်လှုပ်ရှားနေမိပါသည်။ ကြည့်လိုက်တော့ ကျွန်တော်က တပ်စိတ် ၉ မှာ အဖွဲ့ဝင်၊ ကိုမျိုးချစ်က တပ်စိတ် ၉ ရဲ့ တပ်စိတ်မှုး၊ မောင်ကြီးက တပ်စိတ် ၉ ရဲ့ ဆေးမှုး အဖြစ်ကြေငြာထားသည်ကို ကိုတွေ့လိုက်ရပါသည်။

သေချာကြည့်လိုက်တော့ အားလုံးပေါင်း တပ်စိတ် ၉ စိတ်ရှိပါသည်။ တပ်စိတ် တစိတ်လျှင် ၈ ယောက်စီ ဆိုတော့ အားလုံးပေါင်း ၇၂ ယောက်။ အုပ်ချုပ်သူ ဆရာ၊ဆရာမ စုစုပေါင် ၇ယောက်ဆိုတော့ စုစုပေါင်း အဖွဲ့ဝင် ၇၉ ယောက်ဖြစ်ပါသည်။

ကျွန်တော်တို့တတွေ စိတ်လှုပ်ရှားစွာ ပြောနေကြတာကတော့ ခရီးစဉ်ကြောင်းပဲဖြစ်ပါသည်။ အားလုံးစိတ်ထဲမှာ အခုလောလောဆယ် ဒီအကြောင်းပဲရှိနေကြပါသည်။

ခရီးစတင်ထွက်မည့် ဧပြီလ ၉ ရက်နေ့ ၁၉၉၆ ခုနှစ် ကို အားလုံးစောင့်မျှော်နေကြရင်း….

သွားမည့် ခရီးစဉ်ကတော ချင်းပြည်နယ် ကန်ပက်လက်မြိုနယ်မှာရှိတဲ့ အမြင့်ပေ ၁၀၅၀၀ ရှိ ခေါနူးသုမ် ခေါ် နတ်မတောင် ခေါ် Mt. Victoria ဖြစ်ပါတယ်။

Read More...

Tuesday, October 30, 2007

How Addicted to Blogging Are You?

ကိုမင်းရဲ့ “ဘလောက် စွဲနေပြီလား” ကနေရတဲ့လင့်မှာ ကျွန်တော့်ရဲ့ ဘလောက်ရောဂါ စမ်းသပ်ကြည့်လိုက်တော့

65%How Addicted to Blogging Are You?

Free Maryland Personals


Read More...

Saturday, October 27, 2007

၂/၉၆ - တတိယပိုင်း

`အားလုံး ဒီမှာတန်းစီမယ်။ ၁၀ ယောက် တစ်တန်းစီ စီပါ။ ပိုနေရင် အတန်းအသစ်စီပါ။ ´
ခေါင်းဆောင်ဆရာ ဦးမျိုးသန့်က အားလုံးကို အော်ပြောလိုက်ပါသည်။

အားလုံးတန်းစီပြီးတော့
`အခု ကျောင်းကို ပြန်လမ်းလျှောက်မယ်။ Training ကနဲနဲ ဝေးတော့ အသစ်စလျှောက်တဲ့သူတွေ နဲ့ ဆက်မလျှောက်နိုင်တော့တဲ့သူတွေ ဒီက ဆရာနဲ့ ပြန်လိုက်သွားလို့ရတယ်။ ဒီဆရာက သွားစရာရှိလို့ ဒီကနေ Bus နဲ့ပြန်မှာ။´ ဆိုပြီး နဲနဲ ၀၀ ပုပု ဆရာကို ညွှန်ပြပါသည်။

အဲဒီဆရာကတော့ ပင်းယဆောင်က Hall Tutor ဆရာစိန် ဖြစ်ပါတယ်။ အစကတော့ သူ့ကို သိပ်မကြည်ပါဘူး။ ဘာလို့လဲဆိုတော့ တခါက အဆောင်မှာ ဂဏန်းသင်္ချာတွက်ချက်ရေး လေ့ကျင့်တာ တွေ့သွားတော့ ဆက်တွက်လို့မရအောင် ဘုရင်တွေ ဘုရင်မတွေ ကို ဖမ်းသွားလို့ပါ။ နောက်တော့ ဆရာတပည့် သူငယ်ချင်း အရင်းလိုဖြစ်သွားခဲ့ပါတယ်။

ပြီးတော့ ဆက်ပြီး
`လမ်းလျှောက်တဲ့သူတွေ၊ ဒီကနေလျှောက်ပြီး ၈မိုင်ကျမှ နားမယ်။ မြန်မြန်လျှောက်ပါ။ မဟုတ်ရင် နေပူလာပြီး ပိုပင်ပန်းပါမယ်။ ကဲ နှစ်ယောက်တစ်တွဲ တန်းစီမယ်။ ရှေ့က ရက်ကင်းကို ကျော်မတက်ပါနဲ့ နောက်က ဘက်ကင်း နောက်မှာချန် မနေပါနဲ့။ ဆက်မလျှောက်နိုင်တော့ဘူးဆိုရင် နာမည်နဲ့ အတန်းကို ဘက်ကင်း ပြောသွားပါ။ အားလုံး စည်းကမ်းတကျ လျှောက်ပါ။´


ကျွန်တော်ကတော့ အပြန်ကိုလည်း လမ်းလျှောက်ပြန်မယ်လို့ ဆုံးဖြစ်ထားတော့ ဆရာစိန် နောက်ကို မလိုက်တော့ပါ။ မိုခမ်းကတော့ပြောပါသည်။
`နင် လမ်းမလျှောက်နိုင်တော့ရင် ပြန်လိုက်သွာလေ Busကား နဲ့´
`မလိုက်တော့ပါဘူး။ ငါလျှောက်နိုင်မှာပါ။´
နဲနဲဟန်လုပ်ပြီးပြောပေမယ့် ခြေဖ၀ါးက တော်တော်နာနေသည်။ ပိုက်ဆံပါမလာတာ ကတကြောင်း နောက်ပြီးတော့ ဒီလမ်းကိုလျှောက်မယ်လို့ ဆုံးဖြစ်ထားတာကတကြောင်း ဆိုတော့ Busကား မလိုက်တော့ဘူး။

အားလုံးတန်းစီပြီး ဓာတ်ဆီဆိုင်ကနေ လာရာလမ်း ပြည်လမ်းမကြီးအတိုင်း လှည်းတန်းဘက်ကို ပြန်ထွက်လာခဲ့သည်။ စလျှောက်ခါစမှာတော့ ခြေတောက်က တော်တော်နာနေသည်။ သွေးအေးသွားလို့ထင်ပါတယ်။ ကြိုးစားလျှောက်ရင် ခဏနေတော့ နဲနဲအဆင်ပြေသွားပြီး လျှောက်လို့ရသွားပါသည်။
ကြည့်လိုက်တော့ တော်တော်များများက ကိုယ့်ရှေ့မှာရောက်သွားကြပြီ။ တကယ် တောင်တက်ခရီးကို သွားတော့မယ် ဆိုရင် ကြိုတင်ပြင်ဆင်ထားမှ ဆိုတဲ့ အသိက ပထမဆုံး training မှာတင်ပဲ နားလည်လိုက်ပါသည်။

ကြိုးစားပြီး အမြန်လျှောက်ပေမယ့်လည်း ခြေတောက်ကနာနေတော့ လျှောက်လို့အဆင်မပြေပါဘူး။ လေတပ်နား ပြန်ရောက်တော့ ကျောင်းသားတွေကို မတွေ့တော့လို့တော်သေးတယ်။ တွေ့များပြန်တွေ့ရင် အဟားခံနေရဦးမယ်။

ဘက်ကင်း နောက်မှာမလျှောက်နဲ့ဆိုပေမယ့် ဘက်ကင်း ကိုမျိုးချစ်တို့ကတော့ မြန်မြန် မလျှောက်နိုင်တော့တဲ့သူတွေကို
`ဖြည်းဖြည်း လျှောက်လာကြ။ သွားနှင်တော့မယ်။´
ဆိုပြီး ပြောပြောဆိုဆို ကျော်တက်သွားကြပါသည်။ ဆရာပြောသလို ကျွန်တော်တို့ နောက်က မလျှောက်ပါ။ နောက်မှာနေရမယ့်သူတွေက မနေတာဖြစ်ပါသည်။

ဒီလိုနဲ့ တဖြည်းဖြည်းနဲ့ ၈မိုင်နားရောက်လာပါသည်။ နားရတော့မယ်ဆိုတဲ့ စိတ်နဲ့ ကြိုးစားလျှောက်ပေမယ့် ခြေဖ၀ါးက မီးစနဲ့ထိုးသလိုပူနေကာ ထောက်လိုက်တိုင်းနာနေပါသည်။ လျှောက်နေသည့်ပုံစံကတော့ ထော့နဲ့ထော့နဲ့ ဖြစ်နေတော့တာပေါ့။

၈မိုင်ရောက်တော့ နားနေတဲ့သူတွေကိုမတွေ့ပါဘူ။ ကိုမျိုးချစ်တို့ အဖွဲ့ကိုပဲတွေရပြီး
`ဆရာတို့က ကြာနေတော့ မစောင့်တော့ဘူး သွားနှင့်ပြီး။ သိပ်ကြာကြာမနားနဲ့ တော်ကြာ အရမ်းနောက်ကျနေမယ်။´

ဟမ် ၊ သူတို့က ဆရာ့အတိုင်းပဲ ပြောနေလိုက်တာ လို့ထင်မိသွားသည်။ အော် ဒါကြောင့် hiking မှာ backing ဆိုတာ နာမည်ကြီးတာပေါ့ လို့ နောက်တော့ သဘောပေါက်သွားပါသည်။

တချိန်မှာ ကိုယ်က ဘက်ကင်း တာဝန်ယူရမယ်လို့ ဘယ်လို့မှ မတွေးထားမိခဲ့ပါ။

နဲနဲပြီးတော့ ကိုမျိုးချစ်ဆိုတဲ့လူက
`ကဲသွားမယ် ထတော့´
`နဲနဲတော့ နားပါရစေဦး မောလို့ပါ´ zoo. က အမ တယောက်ကပြောရှာသည်။
`ကျောင်းရောက်မှနား။ ဒီမှာနားရင် နေပူတယ်။´
ဟင် လမ်းလျှောက်ရင်နေပူမှာကို ဘာတွေလာပြောနေတာလဲ။

မလျှောက်လို့ရလည်းမရ။ မလျှောက်ရင် ဆွဲထူမယ့်ပုံနဲ့ပြောနေတော့လည်း ကြုံးရုံးထကာ လျှောက်မယ်ပြင်ရပါတော့သည်။ ခြေထောက် ထောက်လိုက်ရင်ပဲ တော်တော်နာနေတာ လမ်းများလျှောက်ရင်ဖြင့် အသဲခိုက်ပေတော့မည်။

`ကြိုးစားထား ရောက်တော့မယ်´
Hiking ရောက်တော့မယ် ဆိုတာ နဲနဲသဘောပေါက်လာပြီ။

စိတ်ထဲမှာ နာနေသောစိတ်ကို မရောက်အောင် လှမ်းနေတဲ့ ခြေလှမ်းတွေကို လိုက်ရေတွက်မိနေသည်။ ဒီနည်းက တော်တော်အဆင်ပြေသွားသည်။ ကျောင်းကွေ့ကိုကျော် အင်းလျားကန်ဘောင်နားကိုရောက်တော့ မှာ ကျောင်းကိုရောက်တော့မှာပါလား ဆိုတာ အသိရောက်လာသည်။

`ကဲ ဒီတခါ တကယ် ရောက်တော့မယ် ကြိုးစားထား။´
ကိုယ်ကိုကိုယ့် အားပေးရင်ဆက်လျှောက်လိုက်ပါသည်။

ကျောင်းထဲကို Eco ဘက်အပေါက်က ထော့ကျိုးကျိုးနဲ့ဝင်။ အိုး ကောင်မလေးတွေအများကြီးပါလား ကျောင်းထဲမှာ။ တချို့က ကြည့်ပြီး ပြုံးစစ၊ တချို့ကတော့
`ဘယ်ကိုသွားလို့ ဒီလိုဖြစ်တာလဲမသိဘူး… သနားပါတယ်နော်…´

`ဘယ်မှမသွားဘူးဟေ့၊ လမ်းလျှောက်လို့ ခြေထောက်ပေါက်တာဟဲ့…´ စိတ်ထဲကပဲ ပြောလိုက်မိသည်။ အေးပေါ့ကွာ တူဖြစ်တုန်းကထုခဲ့တာ ပေဖြစ်တော့ခံပေါ့။

အရင်တုန်းက လမ်းလျှောက်ရင် ခဏလေးနဲ့ ပြီးသွားတဲ့ အဓိပဓိလမ်းကလည်း ဘာလို့ အခုမှရှည်နေတယ်မသိဘူး။ ထော့ကျိုး ထော့ကျိုးနဲ့ မန္တလေးဆောင်ကို ပြန်ရောက်လို့လာပါပြီ။

စပြီး ရောက်တော့ အားပေးကြတာကတော့ ရီလိုက်တဲ့ အသံပါပဲ။ သူများ ဒုက္ခခံပြီး လမ်းလျှောက်လာကို ရီစရာလို့ မြင်တတ်တယ့်သူတွေကို အမှန်အတိုင်းပြောရရင် စိတ်ထဲ ထောင်းကနဲဖြစ်သွားပါသည်။

နောက်တော့ ဆရာက `ဒါဟာ ရီစရာ မဟုတ်ဘူး။ ကြိုးစားပြီး ဇွဲ နဲ့လျှောက်တာ အားပေးရမှာ။´
ကျေးဇူးပါဆရာ။ ကျွန်တော်လျှောက်တာ ပီတိ နဲ့ပါ။

အဲ့ဒီတော့မှာ အားလုံးက နောက်ဆုံးရောက်လာတယ့် ကျွန်တော်နဲ့ ကျောင်းသူတယောက် ကို လက်ခုပ်တီးပြီး ကြိုပါတယ်။ အော် ဒီလိုတော့လည်း အားတက်စရာပါပဲလား။

အချိန်ကိုကြည့်တော့ နေ့လည် ၁၂နာရီနီးပါး ။ မိုခမ်းကိုမေးကြည့်တော့ စောင့်နေရတာ နာရီဝက်ကျော်နေပြီတဲ့။

ချက်ချင်းပဲ စောင့်နေတဲ့ လမ်လျှောက်အဖွဲ့တွေက တန်းစီးကာ ဆရာက စကားပြောပါသည်။

`ဒီနေ့ training က နဲနဲတော့ ပိုပင်ပန်းမယ်။ ဒီလို အပင်ပန်ခံထားမှ တကယ် တောင်တက်သွားတယ့်အခါ သက်သာမှာ ဖြစ်တယ်။ နောက် စနေ တနင်္ဂနွေ မှာ တဖြည်းဖြည်းပိုလုပ်သွားမှာဖြစ်တယ်။ အခုလမ်းလျှောက်နေတဲ့လူတွေအားလုံး ခရီးစဉ်ကိုလိုက်ဖို့ မခေါ်ပါဘူး။ အပတ်စဉ် ပုံမှန်လမ်းလျှောက်တဲ့လူတွေကို အမှတ်ပေးသွားမှာ ဖြစ်ပါတယ်။ လိုအပ်တဲ့ အမှတ်ပြည့်တဲ့လူတွေကို နောက်ဆုံး training အဖြစ်ကို မတ်လ ၃၁ ရက်မှာ ဒီကနေ လှော်ကားကို လျှောက်မှာဖြစ်ပါတယ်။ အဲဒီ training မှာ ပြီး အောင်လျှောက်နိုင်တဲ့ သူတွေကိုပဲ တောင်တက်ခရီးစဉ်မှာ ခေါ်မှာ ဖြစ်ပါတယ်။
ဒီခရီးစဉ်ဟာ ၁၉၈၆ ခုနှစ်နောက်ပိုင်း ရန်ကုန်တက္ကသိုလ် အနေနဲ့ ပထမဆုံး သွားခွင့်ရတဲ့ ခရီးစဉ်ဖြစ်တယ်။ နောက်ပိုင်း တောင်တက်ခရီးစဉ်တွေ သွားခွင့်ရဖို့ဆိုတာ အခုသွားမယ့် ခရီးစဉ်နဲ့ဆိုင်တယ်။ အဲဒီတော့ ဘာမှ အမှားမရှိချင်ဘူး။ ´

စကား အရှည်ကြီးပြောပြီး ထုံးစံအတိုင်း ဆရာက စကားပြောရင် မျက်စိမှိတ်ကာ အားယူပြီး ဆက်ပြောပါတယ်။

`နောက်ပြီး အားလုံး စည်းစည်းလုံးလုံး ညီညီညွတ်ညွတ်နဲ့ လုပ်ဆောင်မှ သွားမယ့် ခရီးစဉ်က အောင်မြင်မှာပါ။ သူများ အခက်ရှိတာကို ကူညီရမယ်။ အဲဒါကို နောက်တာပြောင်တာ လှောင်တာတွေ မလုပ်ပါနဲ့။ ဒီဟာက အင်မတန် အရေးကြီးပါတယ်။´

`နောက်အပတ်က စပြီး အားလုံး လမ်းလျှောက်ရင် ကျောပိုးအိတ်လွယ်ပါ။ နောက် အလေးအပင်တွေထည့်ပြီး လေ့ကျင့်ပါ။ ဒါမှာ အလေ့အကျင့်ရမှာ ဖြစ်ပါတယ်။ ဘာပြောစရာရှိသေးလဲ။ ´

`မရှိပါဘူး…´

`မရှိရင် သွားလို့ရပါပြီ။ မနက်ဖြန်မှာလည်း ဒီနေ့အတိုင်း ဓာတ်ဆီဆိုင်အထလျှောက်မယ်။ ´

ပထမဆုံးနေ့ကို အောင်မြင်စွာ လမ်းလျှောက်နိုင်ခဲ့ပြီ။ အမှန်အတိုင်းပြောရရင် ကိုယ့်ကိုကိုယ်တောင် အံ့သြပါသည်။ ဒီနေ့လျှောက်ပြီးတော့ နောက်နေ့တွေမှာ ဆက်လျှောက်နိုင်တယ်ဆိုတာ ပိုမိုယုံကြည်သွားပါပြီ။

ထော့နဲ့ထော့နဲ့လျှောက်ရင်း အဆောင်ကိုပြန်လာပြီး ရေမိုးချိုး။ ပြီးတော့ တခါတည်း ပစ်လှဲအိပ်ချင်လောက်အောင်း ပင်ပန်းပါသည်။ အိပ်ယာပေါ်မှာလှဲနေရင်နဲ့ ဗိုက်အရမ်းဆာလောတော့ အဆောင်နောက်မှာ ရှိတဲ့ ထမင်းဆိုင်ကို ကြိုးစားသွားပြီး နေ့လည်စာစားပါသည်။ တွေ့တဲ့လူအပေါင်းကို ကျွန်တော် ဘာကြောင့် ထော့နဲ့ ဖြစ်နေတယ်ဆိုတာ ရှင်းပြရတာများတော့ စာကိုချိတ်ထားချင်စိတ်ပေါက်လာပါသည်။
အဆောင်ပြန်ရောက်ပြီး အိပ်လိုက်တာ သူငယ်ချင်း စိုးမြင့် ညနေစာ အဆောင်ထမင်းစားဖို့ လာနှိုးမှ နိုးပါတော့သည်။

တကိုယ်လုံးကိုင်ရိုက်ထားသလိုနာကျင်နေတုန်း။ ခြေထောက်နှစ်ဘက်စလုံးမှာလည်း အရည်ကြည်ဖု အကြီးကြီး တွေက အပြည့်။ လမ်းလျှောက်ရင်လည်း ထော့နဲ့နဲ့ ဖြစ်တုန်း။


နောက်နေ့ တနင်္ဂနွေနေ့မှာတာ့ training ကိုဘယ်လိုမှ မသွားနိုင်ခဲ့။ မြို့ထဲက အိမ်ကိုသွားပြီး လမ်းလျှောက်ဖိနပ်ကို သွားယူပါသည်။ ဟိုကိုရောက်တော့ အမတွေက ခြေထောက်ကိုကြည့်ပြီး အရည်ကြည့်ဖုတွေကို ဖောက်လိုက်မှ သက်သာမှာဆိုပြီး ဖောက်လိုက်ပြီး ဆေးထည့်ပေးလိုက်တော့မှ လမ်းလျှောက်ရတာ နဲနဲ အဆင်ပြေသွားပါသည်။ အရည်ကြည်ဖုတွေက အကြီးကြီးတွေဆိုတော့ ကိုယ့်ဘာသာကိုဆိုတော့ မဖောက်ရဲဘူး။ လမ်းကိုတော့ ဒီတပတ်နားပြီး နောက်တပတ်မှပဲ ပြန်လျှောက်တော့ရတော့မှာပေါ့။

ကျောင်းမှာ ရောက်တော့ ချောင်းသာအတွေအကြုံတွေပြောနေသာ သူငယ်ချင်းတွေကို နားထောင်ပေးရတော့ပါသည်။ အဲဒီတုန်းကတော့ အရမ်းပျော်ဖို့ကောင်းတဲ့ ခရီးကို မလိုက်မိပဲ ခြေလျင်တောင်တက် training လိုက်မိတာ နောင်တရမိသလိုပါပဲ။

မိုးခမ်းကတော့ ကျွန်တော့်လမ်းလျှောက်ခဲ့တဲ့ပုံစံကို စိုးစိုးကိုပြောပြီး ကျွန်တော်ကို နောက်နေပါသေးတယ်။

ကြာသာပတေးနေ့လောက်ကျတော့ တော်တော်သက်သွားပြီ။

စနေနေ့မှာ လမ်းပြန်လျှောက်တော့
`ဟိုနေ့က ကောင်းလေးလမ်းပြန်လျှောက်တယ်ဟ။´ ဆိုတဲ့ အသံကိုကြားလိုက်ပါတယ်။
အမကြီစတိုင်နဲ့ တယောက်က (ဟိုတနေ့က ရီတဲ့ အထဲမှာပါတယ်ဆိုတာ မှတ်မိပါသည်။)

`ငါတို့က နင့်ကို ပထမဆုံးနေ့မှာတင် လန့်သွားပြီး ပျောက်သွားပြီ အောက်မေ့နေတာ´
`မဟုတ်ပါဘူး။ ခြေထောက်မှာ အရည်ကြည်ဖုတွေကြောင့် အလျှောက်နိုင်လို့ပါ။ ´
`ဘယ်လိုလဲ သက်သာသွားပြီလား။ ´
`ဟုတ်တော်တော်သက်သာသွားပါပြီ။´

ဒီလိုနဲ့ တခြားအဖွဲ့သားတွေ နဲ့ ခင်လာပါသည်။ Training ဆင်းနေတုန်းမှာတော့ အဖွဲ့လေးတွေ ကွဲနေတုန်ပါ။ ကျွန်တော် စခင်မိတာကတော့ ပင်းယဆောင်က ပထမနှစ်က တရုတ်လေး နဲ့ ကုလားလေး ကောင်လေး နှစ်ယောက်။ နောက်တော့ ရတနာဆောင်က တတိယနှစ် နဲ့ နောက်ဆုံးနှစ်က အမကြီးများ။

ဒီလိုနဲ့ အပတ်စဉ် စနေ၊ တနင်္ဂနွေတိုင်း နဲ့ တချို့ ကြားရက်တွေမှာပါ လျှောက်ရင် ဖေဖော်ဝါရီလကုန်လောက်မှာ မင်္ဂလာဒုံဈေး အထိ တိုးလျှောက်ပြီး training ဆင်းရသည်။ ကြားရက်မှာဆိုရင်တော့ အင်းလျားကန်ဘောင်မှာ ရှိတဲ့ လှေကားများကို တက်လိုက် ဆင်းလိုက်လုပ်ပြီး လေ့ကျင့်ပါသည်။

အဲဒီမှာ ကျွန်တော်ရဲ့ နောက်ပြောင်တတ်မှုကြောင့် တယောက်သော သူငယ်ချင်း စိတ်ဆိုးဖူးပါသည်။

အဖြစ်ကဒီလို။ အင်းလျာကန်ဘောင်ကို တက်သည့် လှေကားတစ်ခုက နဲနဲ ကျဉ်းပါသည်။ တယောက်ချင်းသာ ပြေးတက်လို့ အဆင်ပြေတော့ နောက်ကနေ ရှေ့ကလူတွေကို စောင့်ပြီးမှာသွားရပါသည်။ များသောအားဖြင့် ကျောင်းသူတွေက ရှေ့ကလျှောက်လေ့ရှိတော့၊
`ladies first…´ ကျွန်တော်ကအော်လိုက်ပါသည်။
ကျောင်းသူတွေပြီးတော့ သူတို့နောက်က ကျောင်းသားတယောက်က နောက်ကဆက် လိုက်ဖို့ပြင်ပါသည်။ နောက်ကနေကျော်တက်လာသော ဆရာကြီးပုံစံနဲ့တစ်ယောက်ပေါ့။

ကျွန်တော်ကလည်း နောက်ချင်တာနဲ့
`Gay second, Gentlemen third…´
လို့ဆိုလိုက်ရော ပြေးတက်နေတာ ရပ်ပြီး

`မင်းက ငါ့ကို gay လို့ပြောတာပေါ့´
`ဟာ မဟုတ်ပါဘူး.. အဲလိုဖြစ်သွားတာပါ…ဟီးဟီး´

အဲလို ပြောခါမှာ ပိုစိတ်ဆိုးပြီး ကျွန်တော့်ကို မခေါ်တော့ပါဘူး။ နောက်တော့လည်း ပိုခင်သွားတော့ ဘာမှာမဖြစ်တော့ပါ။ အဲ့လိုနောက်တတ်လို့ စိတ်ဆိုးဖူးတဲ့လူတွေမနဲပါဘူး။

ဒီမှာပဲ ၂/၉၆ ကို အဆုံးသတ်ပါတယ်။ နောက်လာမှာကတော့ ၃/၉၆ ဖြစ်သွားပြီပေါ့။

Read More...

Friday, October 26, 2007

ဝါလကင်းလွတ် သီတင်းကျွတ်

ဒီနေ့က သီတင်းကျွတ်လပြည့်နေ့ပါ။ အားလုံးသိတဲ့ အတိုင်း ဒီနေ့မှာ မြတ်စွာဘုရားဟာ တာဝတိံသာနတ်ပြည်မှာ မယ်တော်မိနတ်သားကို ဓမ္မာစကြာတရားတော်မြတ်ကို ဟောကြားပြီး နောက် လူပြည်ကို ပြန်လည်ကြွလာပါတယ်။ မြတ်စွာဘုရားကို မီးများထွန်းငြိပြီး ပူဇော်ရာမှအစပြု၍ ယနေ့တိုင် သီတင်းကျွတ်လပြည့်နေ့ ရောက်တိုင်း မီးများထွန်းငြိပြီး မြတ်စွာဘုရားကိုပူဇော်ကြပါတယ်။

နောက်ပြီး လူကြီးသူမတွေကို ကန်တော့ကာ အပြစ်ပြုလုပ်မိက ခွင့်လွှတ်ပါရန် ၀န်ချတောင်းပန်ပါတယ်။ လူကြီးများကလည်း အပြစ်များကိုခွင့်လွှတ်ပြီး ဆုမွန်ကောင်းများပေးပါတယ်။

လူတိုင်းသည် အပြစ်ပြုလုပ်ခြင်းနဲ့ မကင်းနိုင်သော်လည်း ပြုလုပ်မိသော အပြစ်အတွက် ၀န်ချတောင်းပန်ဖို့ရာ ၀န်လေးတတ်ပါသည်။ အပြစ်အတွက် ၀န်ချတောင်းပန်ခြင်းသည် အရှုံးပေးခြင်းမဟုတ်၊ မိမိဘယ်လောက်အထိ လူသားဆန်တယ်ဆိုတာကို ပြသခြင်းဖြစ်တယ်လို့ ထင်ပါသည်။

မိမိတို့ရဲ့ မိဘ၊ဆရာ အသက်ကြီ ၀ါကြီးများကို ဘယ်လောက်ပဲ အပြစ်မပြုလုပ်ပါဘူး ထင်သော်လည်း မထင်မှတ်တဲ့ အပြစ်လေးတွေ မသိလိုက်ပဲပြုလုပ်မိကြပေလိမ့်မည်။ ဒီနေ့မှာတော့ မိမိမှာရှိတဲ့ မာန်မာနတွေကို လျှော့ချပြီး မိဘ ဘိုးဘွား ဆရာသမား လူကြီသူမ များကို ကန်တော့ကာ အပြစ်ရှိပါက ခွင့်လွှတ်ပါရန် တောင်းပန်လိုက်ကြရအောင်။

မိဘနဲ့ဝေးရာရောက်နေကြသော သားသမီးတွေလည်း မိဘဆီကို အနဲဆုံး ဖုန်းဆက်ပြီး အပြစ်ရှိပါက ခွင့်လွှတ်ပါရန် တောင်းပန်လိုက်ပါလို့ တိုက်တွန်းပါရစေ။

အားလုံး မင်္ဂလာအပေါင်းနဲ့ ပြည့်စုံပါစေ။



ငယ်ငယ်တုန်းကတော့ မီးပုံးတွေနဲ့ဆော့၊ အိမ်ရှေ့မှာ မီးအလှထွန်းပြီး အိမ်နီနားချင်းတွေနဲ့ မီးအလှပြိုင်၊ ဗျောက်အိုးဖောက်၊ လူကြီးဆီကရတဲ့ မုန့်ဖိုးတွေနဲ့ မုန်လျှောက်ဝယ်စားနဲ့ အတော်ပျော်စရာကောင်းပါတယ်။ အခုတော့ မိဘတွေကို ကိုယ်တိုင်ကိုယ်ကျ ကန်တော့ချင်သော်လည်း အဝေးမှာရောက်နေလို့ စိတ်ထဲကပဲ ကန်တော့ကာ ဖုန်းဆက်ပြီး တောင်းပန်ရတော့မှာပေါ့။

Read More...

Friday, October 19, 2007

၂/၉၆ - ဒုတိယပိုင်း

`ရွှီ´
ခဏနေတော့ အရပ်မြင့်မြင့် မျက်မှန် နဲ့ ဆရာတစ်ယောက်ကနေ ၀ီစီမှုတ်လိုက်ပါသည်။ ဒီအသံဟာ နောက်ပိုင်း တောင်တက်ခရီးစဉ်တွေမှာ ရင်နှီးစွာ ကြားရတော့မယ်လို့မသိခဲ့ပါ။ တနေရာစီ ရောက်နေသော ကျောင်းသူ ကျောင်းသားအားလုံး ၂ ယောက်တွဲစီ တန်းစီလိုက်၍ ကျွန်တော်လည်း တွေ့ရာလူတယောက်နဲ့ ဘေးချင်းယှဉ်တန်းစီလိုက်သည်။ နှုတ်ဆက် ပြုံးပြမလို့ ဘေးကို လှည့်ကြည့်တော့ သူ့ပုံစံက ခပ်တည်တည်နဲ့ဆိုတော့ အသာပဲ နေလိုက်တော့သည်။

`ဝေလွင် နဲ့ ကျော်စွာ ရက်ကင်း၊ မျိုးချစ်၊ မောင်ကြီး ဘက်ကင်း…´


ကျောင်းသားနှစ်ယောက်က ရှေ့ထွက်သွား၍ ခုနက တွေ့လိုက်တဲ့ ကိုမျိုးချစ်နဲ့ နောက်တစ်ယောက် က နောက်ဆုံးကို သွား နေရာယူလိုက်ကြပါသည်။ ဘာမှန်းတော့မသိ ဘေးကလူကိုလဲ မေးချင်စိတ်မရှိ။

`ဒီနေ့ training ကို စော်ဘွားကြီးကုန်းအကျော်က ဓာတ်ဆီဆိုင်အထိသွားမယ်။ လေဆိပ်လမ်းခွဲ ၁၀မိုင်မှာ ခဏနားမယ် နောက် ဓာတ်ဆီဆိုင်မှာ ခဏနားမယ်။ ပြီးရင် ဒီကိုပြန်လာမယ်။ လမ်းလျှောက်ရင် ပလက်ဖောင်းပေါ်က လျှောက်ပါ။ ရှေ့က ရက်ကင်းကို ကျော်မတက်ပါနဲ့ နောက်က ဘက်ကင်း နောက်မှာ မနေပါနဲ့။ အားလုံး စည်းကမ်းတကျ လျှောက်ပါ။ ဘာမေးစရာရှိလဲ။ ´

`မရှိပါဘူး´ အားလုံးတညီတညွတ်ထဲ ပြန်ဖြေလိုက်သည်။

နောက်ပိုင်းမှ ဆရာ ဦးမျိူးသန့် ဟုသိခဲ့သော ခေါင်းဆောင်ဆရာက
`မရှိရင် သွားမယ်´ ဆိုကာ စထွက်သွားပါသည်။

ကျွန်တော်တို့ အားလုံးလည်း နောက်ကနေ တန်းစီ လိုက်ကြသည်။

စထွက်ပြီး ခဏနေတော့ ခုနက ဘေးကနေ ခပ်တည်တည် နေသော တယောက်က
`ဒီ ဖိနပ်ကြီး လမ်းလျှောက်ရင် ခြေထောက်ပေါက် လိမ့်မယ်။ ဒီလိုဖိနပ်စီးရတယ်´ လို့ပြောရင်း သူ့ရဲ့ဖိနပ်ကို ထိုးပြပါသည်။
`အင်း´
လို့ဖြေလိုက်ပေမယ် ဒီကုလား သူက စီနီယာဖြစ်တယ်ဆိုပြီး ဆရာလာလုပ်နေတယ်လို့ စိတ်ထဲတွေးလိုက်မိသေးသည်။ နောက်တော့ ရင်းနှီးသွားတော့မှာ သူက ဒီလိုပဲ ပြောတတ်လို့ သူ့နာမည်ပြောင်တောင် ပုံကြီး ဖြစ်သွားတယ်လေ။ ပုံပြောတတ်လွန်းလို့။

ရန်ကုန် တက္ကသိုလ် မိန်းပေါက်မှထွက် တက္ကသိုလ်ရိပ်သာလမ်း အတိုင်း လှည်းတန်းဘက်ကိုလျှောက်၊ နောက်ပြည်လမ်းမှကြီးအတိုင်း လျှောက်ကြသည်။ လျှောက်စကတော့ အားလုံးက တက်တက်ကြွကြွနဲ့။

IBC နားရောက်လာတော့ ကျွန်တော့် ဖိနပ်က ပညာပြပါတော့သည်။ နောက်အားကစားကို အားမှကစားတော့ ဒီလောက်လျှောက်တော့ စပြီးတော့ မောလာပါပြီ။ မိုးခမ်းကတော့ ဟိုလူ့လိုက်စလိုက် ဒီလူ့စလိုက်နဲ့ တက်ကြွနေပါသေးတယ်။ နောက်ကိုကြည့်တော့ ဘက်ကင်း ကိုခေါ်တဲ့ ကိုမျိုးချစ်တို့က ကပ်နေပါသည်။

ကားနဲ့သွားတော့ နီးနီးလေး၊ အခုလမ်းလျှောက်တော့ မလွယ်ပါ့လား။ ကျောင်းကွေ့တောင်မရောက်သေးဘူး စောဘွားကြီးကုန်းဆိုတာ အဝေးကြီးလိုသေးတယ်။ အို… တောင်တက်ဖို့တောင် ရည်ရွယ်ထားတာ ဒီလောက်နဲ့တော့ စိတ်မပျက်ဘူး။ ရအောင်လျှောက်မယ်လို့ စိတ်တင်းထားလိုက်တယ်။

`ကောင်လေး မောနေပြီလား။ လျှောက်ထား..´ နောက်က ကိုမျိုးချစ်တို့က အားပေးပါသည်။
အင်း ဟို ကုလားပြောထားတာ ဟုတ်သားပဲလို့ အတွေးထဲရောက်လာပါသည်။
အင်း နောက်ဆို လုပ်စရာရှိတာကို ပြင်ဆင်ပြီးမှလုပ်ပါ ပီတိ။

တကယ်တော့ training စနေတာ တလလောက်ရှိနေပါပြီ။ ကျွန်တော်က နောက်ကျမှသိတော့ သူများတွေ အကျင့်တော်တော်ရပြီးမှ စပြီးလုပ်သလိုဖြစ်နေသည်။ သူများထက်တော့ ပိုကြိုးစားရမှာပေါ့။

အသင်းအဖွဲ့နဲ့ လုပ်နေတော့ အရမ်းနှေးနှေးလည်းလျှောက်လို့မရပေ။ ကိုယ်ကို သူများတွေစောင့်နေရတာ သိရတော့ တတ်နိုင်သလောက်မြန်မြန်ကြိုးစားလျှောက်ရသည်။

ဒီလိုနဲ့ ကိုးမိုင် စိုက်ပျိုးရေးရုံးနားရောက်တော့ တော်တော်ကို ခြေတောက်ကနာနေပြီ။
မိုခမ်းကလည်း အားပေးသည်။ `ရှေ့နားဆိုနားတော့မှာ ကြိုးစားထား ´

အဲဒီတုန်းကတော့ Hiking ရှေ့နားဆိုတာမသိတော့ နားရတော့မှာပဲ ဆိုပြီး အားတက်ကာလျှောက်မိသည်။ မိုးခမ်းတောင် လျှောက်နိုင်တာ၊ ငါလည်းလျှောက်နိုင်ရမှာပေါ့။

လေဆိပ်လမ်းခွဲကျော်ပြီး သစ်ပင်ရိပ်တွင် နားနေသော ရှေ့က အဖွဲ့သားတွေတွေ့လိုက်တော့ နားရတော့မှာဆို တော်တော်ပျော်သွားသည်။ လမ်းလျှောက်တယ်ဆိုတာတောင် အကျင့်မရှိ တော့မလွယ်ပါလားနော်။

`ဘက်ကင်း လာပြီ´ လို့တယောက်က ပြောသံကြားလိုက်သည်။ ဘက်ကင်းလာပြီဆိုလျှင် နောက်မှာ လူမကျန်တော့ဘူး ဆိုတဲ့ အဓိပ္ပာယ်ပေါ့။

မနက် ၇ နာရီးကျော်လာပြီဆိုတော့ နေကလည်းစပူလာပြီ။ ရေကိုတော့ သိပ်မဆာပေမယ့် ခြေကတော့ နာနေသည်။

မိုခမ်းက သူငယ်ချင်းကို လာမေးရှာသည်။
`နင်တော်တော်နာနေလား။´
`အေးဟ.. ငါ့ဖိနပ်က အဆင်မပြေတော့ နာနေတယ်။´
`နင် ဒီဖိနပ်နဲ့လျှောက်တော့ နာမှာပေါ့။ ဒီလိုဖိနပ်နဲ့လျှောက်ရတယ်။ ဒါမှ အလေ့အကျင့်လည်းရ စီးလို့လည်း အဆင်ပြေတာ။´
သူက သူ့ရဲ့ ပျောက်ကျား စစ်ဖိနပ်ကိုပြပါသည်။

ဘေးက တယောက်လည်း ရှံ့မဲ့မဲ့ နဲ့
`ဒီနေ့မှ စလျှောက်တာလား…´
`ဟုတ်တယ်´
`အော်.. ကျွန်တော်လည်း ဒီနေ့မှ လျှောက်တာ..အခု ခြေထောက်နာနေပြီ´
`ဟုတ်တယ်။ ရောက်တော့မယ်ထင်ပါတယ်။´

ဘယ်မှာမှန်းမသိသော ဓာတ်ဆီဆိုင်ကို မှန်းဆလိုက်သည်။ မျက်စိထဲမှာတော့ စော်ဘွားကြီးကုန်း အဝေးပြေးဂိတ် အကျော်လေးက ဓာတ်ဆီဆိုင်။

နားလို့မ၀သေး ခင်…
`ရွှီ´ ဆိုသော ခပ်တိုတို ၀ီစီသံကိုကြားလိုက်ရသည်။ ၀ီစီသံကို စမုန်းတတ်လာပြီ။

ဆရာက ကျွန်တော်အပါအ၀င် နာနေတဲ့လူတွေကို ရှေ့ကနေ ရှောက်ခိုင်းပါသည်။ ဒါပေမယ် စော်ဘွားကြီးကုန်း အဝေးပြေးဂိတ် ရောက်တော့ နောက်ဆုံးရောက်သွားပါသည်။

`ဟော.. ရှေ့မှာ ရောက်ပြီး ဓာတ်ဆီဆိုင်´ အားရ၀မ်းသာဖြစ်ကာ ပါးစပ်ကထွက်သွားသည်။
ဘေးက တစ်ယောက်က
`ဒီဓာတ်ဆီဆိုင် မဟုတ်သေးဘူး။ ဂေါက်ကွင်း လမ်းခွဲနားက ဓာတ်ဆီဆိုင် လို့ပြောတယ်။´
`ဟာ.. ဒါဆို အဝေးကြီးလိုသေးတာပေါ့။´
`ဟုတ်တယ်။´

အားတောင် တော်တော်လျော့သွားသည်။ အတွေးထဲမှာတော့ `မဖြစ်သေးပါဘူး ရသလောက် ကြိုးစားလျှောက်ရမယ်။ မင်နာမည် ပီတိ။ နာမည်နဲ့လိုက်အောင် မလျော့ရဘူး။´
အင်း ဘာမှ မဆိုင်လည်း ဒီလိုပဲ ကိုယ်ကိုကိုယ် အားပေးရတော့မှာပဲ။

လေတပ်နားရောက်တော့ အလယ်ကျောင်းသားအရွယ်လေးတွေ အများကြီးကို တွေ့လိုက်ရသည်။ ဘာလုပ်နေတယ်တော့မသိ။ ခပ်နောက်နောက် ကောင်လေး ၃-၄ ယောက်လောက်က ပေါက်ကရပြောနေသည်။

ရှေ့ကနေ လျှောက်နေသော ရတနာသူ ခပ်၀၀ အမကြီးကို တခုခုပြောပုံရသည်။
`ဒီကလေးတွေ…´ လို့ လှမ်းပြောသံကြားလိုက်ရသည်။

သူတို့က ကျွန်တော်တို့ ကိုလည်းတွေ့ရော တယောက်က
`လာပြီ.. တရုတ်ဖြူ တယောက် ကွတကွတနဲ့´
နောက်တယောက်က
`.. တရုတ်ဖြူ မဟုတ်ပါဘူး.. တရုတ်မဲပါ…´
ဟင်း.. မောကမော၊ နေကပူ ရေကငတ်၊ ခြေထောက်ကနာ နေရတဲ့ အထဲ လာနောက်နေတာ့၊ စိတ်ကတိုသွားသည်။ တိုပေမယ့် ပြောတာ နဲ့ ကိုယ်ရဲ့ပုံစံနဲ့ က ဟုတ်နေတော့ ရီစရာကဖြစ်နေ။ စိတ်တောင်မတိုနိုင်တော့ပါဘူး။ ဆက်လျှောက်။
နေကတဖြည်းဖြည်နဲ့ ပူလာတော့ တော်တော်ပင်ပန်းလာသည်။ ကိုယ်လိုလူလည်း တစ်ယောက်ထဲမဟုတ် လေး၊ ငါးယောက်ဆိုတော့ အဖော်ရှိတာပေါ့။

`training က အပတ်တိုင်း ဒီလောက်တောင် လျှောက်တာလား´
`မဟုတ်ဘူး။ အရင်အပတ်တွေက ခုနကနားတဲ့ လေဆိပ်လမ်းခွဲ အထိပဲ။ ဒီတပတ်ကျတော့မှ ဆရာက ထပ်တိုးလိုက်တာ။ တဖြည်းဖြည်းနဲ့တိုးသွားမှာလေ။ ပထမ ၂ ပတ်လောက်က ၈မိုင်အထိ။ နောက်တော့ လေဆိပ်လမ်းခွဲ အထိပဲ။ အခု အပတ် ဓာတ်ဆီဆိုင်။´

သေဟဲ့ နန္ဒိယ။ သေမဲ့နှစ် စစ်ထဲ ၀င်သလိုဖြစ်နေပါရောလား။

ဒီလိုနဲ့ တရွေ့ရွေ့နဲ့ တနေ့တလံ ပုဂံဘယ်ရွေ့မလဲ။ အင်း ကိုယ့်ဆီရွေ့လာရင်တော့ အကောင်းသားပဲနော်။

နောက်ဆုံးတော့ တွေ့ပါပြီ ဓာတ်ဆီဆိုင်။ တခြားလူတွေ နားနေလိုက်ကြတာ ကိုယ်ကတော့ ရောက်အောင်းလျှောက်ရဦးမှာပေါ့။
ရောက်တာနဲ့ ခြေပစ်လက်ပစ်နားကာ ဖိနပ်ကို ချွတ်.. ကြည့်လိုက်တော့ ခြေဖ၀ါးမှာ အရည်ကြည်တောင် စထွက်နေပြီ။ ရေကတော့ ကိုယ့်ဆီမှာ ပါမလာ။ သူများသောက်တာကြည့်တော့ ပိုငတ်လာသည်။ အနားမှာလည်း သောက်စရာ ရေအိုးစဉ်မရှိ။

`ဟေ့.. ပီတိ.. ရေသောက်မလား.. ´ ချစ်စရာကောင်းတဲ့ မိုးခမ်း။
`အေးသောက်မယ်။ ကျေးဇူးပဲ သူငယ်ချင်း။´
`…..´
ဘာမှမကြား ရေကိုပဲသောက်နေမိသည်။ ရေငတ်တော့ တော်တော်ပြေသွားပြီး။ ခြေထောက်ကတော့ နာနေတုန်း။
`နင် လျှောက်နိုင်သေးလား လို့မေးနေတယ်။´
`အော်.. လျှောက်နိုင်မှာပါ။´
`အေးအေး.. အေးဆေးလျှောက်ပေါ့ကွာ။´

`ရွှီ´

ဟာ.. လာပြန်ပြီ ဒီဝီစီသံ….

~~~~~~~~ ဆက်ရန်

Read More...

Wednesday, October 17, 2007

၂/၉၆ - ပထမပိုင်း


တက္ကသိုလ် ဒုတိယနှစ် စတက်တုန်းကပေါ့…
`ဟော့.. ဒီမှာ နင့်အတွက်… ´
အတန်းရှေ့မှာ သူငယ်ချင်းတွေနဲ့ မတ်တပ်ရပ်စကားပြောနေတုန်း ရှမ်းသံဝဲ၀ဲနဲ့ ပြောသံကြားတော့ လက်က စာရွက်တစ်ရွက်ကို လှမ်းပေးနေသော သူငယ်ချင်း မိုးခမ်း ကို တွေ့လိုက်ရသည်။
`ဘာကြီးလဲဟ´
`နင်သိချင် ဖတ်ကြည့်ပေါ့…´
ကျွန်တော်ကလည်း စချင်တဲ့စိတ်ပေါ်လာတော့
`နင်ကလည်းဟာ ငါ့ကိုပြောချင်ရင် ပါးစပ်နဲ့ပြောရင် ရပါတယ်။ စာတွေပေတွေရေး လက်နှိပ်စက်တွေဘာတွေနဲ့ မလိုပါဘူးဟာ.. ´
`အောင်မာ.. ဟဲ့ကောင်.. နင်ပဲ တောထဲ တောင်ထဲ သွားချင်တယ် ဆိုလို့ ကြက်ခြေနီ ရုံးမှာ ကြော်ငြာကပ်ထားတာ တွေ့တာနဲ့ လျှောက်လွှာကို အပင်ပန်းခံယူလာတာ။ နင်မယူချင်လဲ နေပေါ့…´
ကျွန်တော်တို့ ပြောနေတာကို သူငယ်ချင်း စိုးစိုးက မိုးခမ်းဘေးကနေ ထုံးစံအတိုင်း ပြုံးကြည့်နေသည်။


စိတ်ဝင်တစားနဲ့ယူကြည့်လိုက်တော့ ရန်ကုန်တက္ကသိုလ် ခြေလျင်နှင့်တောက်တက်အသင်းဝင် လျှောက်လွှာ ကို စိတ်လှုပ်ရှားစွာ တွေ့လိုက်ရပါသည်။

နန်းမိုးခမ်း ဆိုတဲ့ စကား သွက်လက်ပြီး ခင်ဖို့ကောင်းတဲ့ သူ နဲ့ အေးဆေးပြီး အမြဲတမ်းပြုံးနေတတ်တဲ့ စိုးစိုး တို့က အမြဲတမ်းတွဲတဲ့ သူငယ်ချင်းတွေ။ နှစ်ယောက် စလုံးက တောင်ကြီးက ရှမ်းမလေးတွေ။ ရှမ်းသံဝဲ၀ဲနဲ့ စကားပြောတာလေးတွေက ချစ်ဖို့ကောင်းသလို သဘောလည်း ကောင်းပါသည်။ ပြီးတော့ RC2 လို့ခေါ်တဲ့ ရန်ကုန်တက္ကသိုလ် လှိုင်နယ်မြေမှာ ပထမနှစ် စတက်ကတည်းက ခင်ခဲ့ရတဲ့ သူငယ်ချင်း နှစ်ယောက်။

မိုးခမ်းကို ကျေးဇူးတင်စွာ ကြည့်ရင်း
`ဖြည့်ပြီးရင် ဘယ်ကို လျှောက်ရမှာလဲ၊ ဘယ်တော့ training စဆင်းရမှာလဲ၊ ဘယ်ကိုသွား training ဆင်းရမှာလဲ`
`နင်ကလည်း ဖြေးဖြေးမေးပါ… လျှောက်လွှာကို နင် training စဆင်းတဲ့နေ့မှ ဆရာ့ကိုပေးလို့ ရတယ်။ နင် training စဆင်းမယ်ဆိုရင် လာမယ့် စနေနေ့ က စဆင်းလို့ရတယ်။ မန္တလေးဆောင်က ရှေ့ကနေ မနက် ၅ နာရီဆိုရင်စထွက်တယ်။´
`ဟုတ်လား၊ မန္တလေးဆောင်ကစတယ်ဆိုတော့ အဆင်ပြေတာပေါ့။´

ကျွန်တော်က အဲ့ဒီအချိန်တုန်းက ရန်ကုန်တက္ကသိုလ်ထဲက ပင်းယဆောင်မှာနေနေတာလေ။ ပင်းယဆောင်နဲ့ မန္တလေးဆောင်က ၂ မိနစ်လောက်လမ်းလျောက်ရင် ရောက်တော့ နီးနီးလေး။

`အေး ငါ စနေနေ့ training လမ်းစလျှောက်မယ်လေ။ နင်ရော လာမှာမဟုတ်လား´
`လာမှာပေါ့…နင် သေချာရဲ့လား´
မိုးခမ်းက မနက်အတန်းကို အမြဲနောက်ကျလေ့ရှိတဲ့ အအိပ်မက်သော ကျွန်တော့်ကို ယုံကြည်ပုံမပေါ်။

ဘေးက ရှိတဲ့သူငယ်ချင်း ကျော်ကျော်က
`ဟေ့ကောင်.. မင်း ငါတို့နဲ့ ချောင်းသာလိုက်မယ်ဆို…´
ဟုတ်သားပဲ။ ကျွန်တော်တို့မေဂျာက ချောင်းသာ သွားမယ်ဆိုတာ လိုက်ဖို့ပြောထားပြီးသား ဖြစ်နေသည်။
`ငါ မလိုက်တော့ဘူးကွာ။ တောင်တက်အသင်း training ကိုပဲ သွားတော့မယ်။´
ဘေးက ၀ဏ္ဏ၊ သူရိန်၊ ချောစု နဲ့ မာလာ တို့ကပါ ၀ိုင်းပြောကြသည်။ ချောင်းသာက ပြန်လာမှ တောင်တက်အသင်း training ကိုသွာဖို့။ ကျွန်တော်ကလည်း တောင်တက်အသင်း အသံကြားပြီးတော့ တော်တော် စိတ်လှုပ်ရှားနေသည်။
နောက်ဆုံး ဆုံးဖြတ်ချက်ချပြီးတော့
`ငါ တောင်းပန်ပါတယ်ကွာ။ နောက်တခေါက်မှ ချောင်းသာကို လိုက်တော့မယ်။´


စနေနေ့ မနက်မှာ ကျွန်တော် ပုံမှန်ထက် အစောကြီးနိုးနေသည်။ အဆောင်မှာ လာအိပ်နေတာတဲ့ ချောင်းသာသွားမည့် ကျော်ကျော်ကို နိုးတော့၊ ထလာပြီး နာရီတချက်ကြည့်လိုက်သည်။ ပြီးတော့

`ဟေ့ကောင် အစောကြီးရှိသေးတယ်…´
`မစောတော့ဘူး ထတော့ မင်းကို ငါ မာလာဆောင်ရှေ့ ပိုပြီးရင် ငါ လမ်းလျှောက်သွားမလို့…´

ချောင်းသာသွားမည့် သူငယ်ချင်းတွေ စုရပ်က မာလာဆောင်ရှေ့မှာ။ မနက်စောစော မှောင်မှောင် ဂျပ်ဆင်ဘေးက မဖြတ်ရဲသော သူငယ်ချင်းကို လိုက်ပို့ရမည်။ သွားခါနီး ပြင်ဆင်ထားလေ့မရှိသော အကျင့်က ကျွန်တော့်ကို ဒုက္ခပေးတော့သည်။ လမ်းလျှောက်ဖို့ ဂျင်းဘောင်းဘီတွေရှာတော့ လျှော်ထားတာ မခြောက်သေးဘူး။ တွေ့တဲ့ ဘောင်းဘီက ငယ်ငယ်က တိုက်ကွမ်ဒို ကစားတုန်းက အဖြူရောင်ပွပွ။ အင်း..ဒါမ၀တ်ရင်လည်း ၀တ်စရာမရှိ တော့ ယူဝတ်လိုက်သည်။
နောက်တော့ ဖိနပ်ရှာတော့ စီးလို့သက်သာသည့် ဝေါ့ကင်းရှူးကို မတွေ့။ မြို့ထဲကအိမ်ကို သွားလည်ပြီး ရေမိုးချိုပြီး ပြန်လာတော့ ပုဆိုးဝတ်လာလို့ ကျန်ခဲ့တာသတိရသွားသည်။ တွေ့တဲ့ ဖိနပ်က စီးလို့မသက်သာတဲ့ ဘွတ်ဖိနပ်ကိုပဲတွေ့ တော့ ကောက်စွပ်ကာ အဆောင်က ထွက်လာခဲ့သည်။
ကျွန်တော့်ပုံစံကိုတွေတော့ ကျော်ကျော်က
`ဟေ့ကောင်.. မင်းပုံစံက မနက်စောစော ခေါက်ဆွဲကြော်ရောင်းမယ့် တရုတ်ပုံစံနဲ့´
`ဟီးဟီး.. ငါလည်း ရှိတာနဲ့ လမ်းလျှောက်မလို့လေ…´
ပြီတော့ ဒီကောင်ကို မာလာဆောင်ရှေ့လိုက်ပို့သည်။ မှောင်နေတော့ ဘယ်သူမှကိုယ့်ပုံကို သတိမထားမကြ။ တော်သေးတယ်။

မာလာဆောင်ရှေ့ကနေပြန်လာပြီး မန္တလေးဆောင်ရှေ့ကိုသွားတော့ လူတွေ စုရုံး စုရုံးတွေ့ရသည်။ ခြေလျင်တောင်တက် အသင်းသားတွေနေမှာ ဆိုတဲ့ စိတ်နဲ့တင် ခြေလှမ်းကသွက်နေသည်။ အနားရောက်တော့ မိုးခမ်းအသံကိုကြားရသည်။ လူကတော့ အမှောင်ထဲမှာ ရှာလို့မတွေ့သေး။ မိုးခမ်းထုံးစံ အတိုင်းလူတွေကိုလိုက်စ၊ သူ့ကို ပြန်စတော့ အားလုံးကြားအောင် အော်နေတော့ လူမတွေ့ရခင် အသံကြားရနေရသည်။

`မိုးခမ်းရေ…´
ဘယ်မှာမှန်းမသိတော့ ခေါ်ကြည့်လိုက်သည်။ ဘေးက လူတွေက
`မိုးခမ်းရေ.. နင့်အိမ်က လိုက်လာတယ်ဟေ့…´

ဟိုက် သိပ်မလွယ်ပါ့လား။ ကိုယ့်ထက် အစအနောက်သန်မယ် လူတွေကြီးပါ့လား။ Hiker လို့ခေါ်တဲ့ ခြေလျင်နှင့် တောင်တက်အသင်းသားတွေကို ပထမဆုံး မသိခင် ရင်နှီးသွားသည်။

ရေတမာပင် အမှောင်အောက်မှ မိုးခမ်းထွက်လာပြီး
`နင်တကယ်လားသားပဲ´
`အေးလေ.. လာတာပေါ့…ငါလာမယ်လို့ပြောထားတာကို…´

`အေး ကောင်းတယ်.. ´ ပြီးတော့ မျက်နှာက စပ်ဖြီးဖြီးနဲ့ `နင့်ပုံက အမိုက်စားနဲ့..´
`ဟေ့…ငါ့ရှိတာ ငါဝတ်လာတာနော်.. လမ်းလျောက်လာတာ ရှိုးထုတ်ဖို့ မဟုတ်ဘူး..´
`အေးပါ… ဒါက ကိုမျိုးချစ်တဲ့…ငါကတော့ ကေအမ်တီ လို့ခေါ်တယ်..´
မိုးခမ်းက ကျွန်တော့်ကို အရပ်ရှည်ရှည် စစ်ဗိုလ်စတိုင်နဲ့ လူတယောက်နဲ့မိတ်ဆက်ပေးသည်။
ကျွန်တော်က ပြုံးပြရင်း
`တွေ့ရတာဝမ်းသာပါတယ်။ ကျွန်တော်က ပီတိပါ။´

ဒီလို့နဲ့ လူသစ်တယောက်လို့သိသွားတော့ အားလုံးက ပြုံးပြသည်။ ချက်ချင်းဆိုသလို အားလုံးနဲ့ ရင်နှီးသွားသလို့ ခံစားလိုက်ရသည်။

~~~~~~~~ ဆက်ရန်

Read More...

Wednesday, October 10, 2007

သူရဲကောင်းများအတွက် သပိတ်သွတ် ဆုတောင်းပွဲ

ကျွန်တော့်ကို ဂျစ်တူး အကြောင်းကြားလာလို့ မြန်မာပြည်မှ အသက်ပေးသွားသော သူရဲကောင်းများအတွက် ရည်စူးပြီး ကုသိုလ်လုပ် သပိတ်သွတ် ဆုတောင်းပွဲကို တိုပါးရိုးဘုန်းကြီးကျောင်းမှာ လုပ်မယ်ဆိုတဲ့ အကြောင်းသိရပါတယ် ။
အကြောင်းကြားလို့ ကျေးဇူးပါ၊ ဂျစ်တူး။

အစီအစဉ်ကတော့ အောက်ပါအတိုင်းဖြစ်ပါတယ်။
နေ့ရက်။ ။ အောက်တိုဘာ ၁၄ ရက် (တနင်္ဂနွေနေ့)
အချိန် ။ ။ နံနက် ၈ နာရီ ၃၀ မိနစ် မှ ၁၁ နာရီ ၃၀ မိနစ် ထိ
နေရာ ။ ။ မြန်မာ ဗုဒ္ဓဘာသာ ဘုန်းတော်ကြီးကျောင်း (တိုပါးရိုး)
အထူးပန်ကြားချက် ။ ။ ဆုတောင်းပွဲကို လာတဲ့လူများ ခင်ဗျာ၊ အသက်ပေးသွားသော သူရဲကောင်းများကို ဂုဏ်ပြုသောအားဖြင့်၊ အနီရောင်အင်္ကျီ် (ပြောင်) ကို ၀တ်ဆင်ပေးပါရန် ပန်ကြားပါတယ်။

ဒီပို့စ်ကို ဖတ်မိသူများ ကျေးဇူးပြု၍ မိမိရဲ့သူငယ်ချင်းများကို ထပ်ဆင့် အကြောင်းကြားပေးပါ ခင်ဗျာ။

မြေပုံအညွှန်း။ ။ ဒီကိုနှိပ်ပါ

Read More...

Thursday, October 4, 2007

လွတ်လပ်၍ တရားမျှတသော နိုင်ငံတော် - Free Burma



Free Burma!



မြန်မာပြည်သူများသည် လွတ်လပ်မှု၊ တရားမျှတမှု၊ တရားဥပဒေ စိုးမိုးမှု၊ စီပွားရေး ဖွံ့ဖြိုးတိုးတက်မှု၊ ကျန်းမာရေး ပညာရေး ဖွံ့ဖြိုးတိုးတက်မှု နဲ့ မိမိ ကြမ္မာ ဖန်တီးနိုင်မှု စတာတွေကို တခြား ကမ္ဘာ့ပြည်သူများနည်းတူ ရရှိလိုပါတယ်။

Read More...

Sunday, September 30, 2007

လက်ရှိ အဖြစ် သရုပ်ဖော် ကာတွန်းများ

လက်ရှိအဖြစ်အပျက်ကို အရမ်းထင်ဟပ်နေတဲ့ ကာတွန်းကို မှဝေလိုက်တာပါ။
မြန်မာပြည်သူပေါင်း ဘေးရန်ခပ်သိမ်း ကင်ရှင်းစေပြီး လိုအင်ဆန္ဒများပြည့်ဝပါစေ။






ဒီနေကနေယူထားတာပါ http://cagle.com/news/MyanmarMassacre/

Read More...

Saturday, September 29, 2007

ဆုတောင်းကြရအောင်

အခုတလောမှာ ပြည်တွင်းကသတင်းတွေ ဖတ်တာ နားထောင်တာကလွဲလို့ ဘာကိုမှ မလုပ်ချင်ဘူး။ သတင်းတွေကို ဖတ်တော့လည်း စိတ်မကောင်းဘူး၊ ၀မ်းနည်းတယ်၊ ဒေါသထွက်တယ်၊ မခံချင်စိတ်တွေ ဖြစ်လာတယ်။ ကျွန်တော် တယောက်ထဲမဟုတ်ပါဘူး။ မြန်မာတွေအကုန်နီးပါးဖြစ်နေတာပါ။ တယောက်နဲ့တယောက် SMS ပို့၊ email ပို့ရင် သတင်းတွေ ဖလှယ်ကြ၊ အားပေးကြနဲ့ပေါ့။

မနေ့က မြန်မာပြည်က သူရဲကောင်းတွေကို ဂုဏ်ပြုထောက်ခံတဲ့အနေနဲ့ အနီရောင် အင်္ကျီကို ဒီနေ့မှာ ၀တ်ဖို့ လှုံ့ဆော်တဲ့ SMS ကို ရပါတယ်။ (ဒီကြားထဲ ညီမငယ်တယောက်က ဖုန်းဆက်ပြီးမေးလာပါတယ် အင်္ကျီအနီရောင်ဝတ်ရင် ရဲကဖမ်းမယ်လို့ ကြားလို့တဲ့ ဟုတ်လားတဲ့… ကျွန်တော် နဲနဲစိတ်တိုသွားပြီး ရူးနေလားလို့ ပြန်ပြောမိတယ်။ အားလုံးသော သူငယ်ချင်းများ သတင်းများကို ချင့်ချိန်ပြီး ယုံကြပါ။)

နောက် ဒီနေ့ မနက်မှာ SMS တခုရလာပါတယ်။ မြန်မာအားလုံး ၀တ်ပြုနေကြ စနေကို မစောင့်ကြပဲ ဒီနေ့ သောကြာနေ့မှာ စပြီး ဆုတောင်းဖို့ လှုံ့ဆော်ပါတယ်။

ကျွန်တော်လည်း သူငယ်ချင်းတစုနဲ့ သွားပြီး ဆုတောင်းမေတ္တာ ပို့ခဲ့ပါတယ်။ စုစုပေါင်း ၅၀၀၀ (ခန့်မှန်းချေ) လောက် လာရောက် ဆုတောင်းမေတ္တာ ပို့ပါတယ်။ တ၀က်ကျော်လောက်က အနီရောင် အင်္ကျီကိုဝတ်ဆင်ထားတာတွေ့ရပါတယ်။ ကိုယ်လုပ်နိုင်တာကို ၀ိုင်းဝန်းလုပ်ကြတာ အားရစရာပါပဲ။

နောက် စနေ့ နဲ့ တနင်္ဂနွေ မှာ လည်း ဆက်လက် ဆုတောင်းမေတ္တာ ပို့မှာ ဖြစ်ပါတယ်။ မလာဖြစ်တဲ့ လူတွေ လာဖို့ရာကို ဖိတ်ခေါ်ပါတယ်။ ကိုယ်လုပ်နိုင်တာလေးတွေ လုပ်ကြတာပေါ့။










Read More...

Monday, September 17, 2007

ကောင်းတဲ့စိတ်ထား

တခုခုရေးမယ်လို့ စိတ်ကူးနေတာ ဘာမှလည်းမရေးဖြစ်သေးဘူး လို့တွေးနေတုန်း အမက email ပို့လာပါတယ်။ မေမေနောက်တပုဒ်ရေးပြီးလို့ပို့လိုက်တာတဲ့။ ကျွန်တော်လည်း စာလေးဘာလေး ရေးဦးမှပဲ မဟုတ်ရင်တော့ ပီတိ၃၁ က မေမေ့ blog ဖြစ်ပြီး ကျွန်တော် နေရာပျောက်တော့မှာ... :P

အခုရေးထားတာကလည်း ငယ်ငယ်တုန်းက အကြောင်းလေးပါပဲ။ ကျွန်တော်တောင် နဲနဲမေ့နေပါပြီ။ ကျွန်တော် မူလတန်းမှာ တက်နေတုန်းက ရေးထားတာလေးပါ။ ဒီတခါ ကောင်းတာလေးရေးပါလို့ နောက်လိုက်တာ တကယ်ရေးပေးပါတယ် ဟီး ။ ကောင်းတာရေးထားတော့ တင်ရမှာတောင် နဲနဲရှက်တယ်.. :P

ကျွန်တော်တို့မြို့လေးမှာ မူလတန်း ၅ ကျောင်းရှိပြီး၊ အလယ်တန်းကျောင်း ၁ ကျောင်း နဲ့ အထက်တန်းကျောင်း ၁ ကျောင်းရှိပါတယ်။ မူလတန်းတက်ပြီးရင် အလယ်တန်းကျောင်းနဲ့ နီးရင် အလယ်တန်းကျောင်းမှာ တက်ရပြီး၊ ကျန်တဲ့သူတွေကတော့ ကျောင်းကြီးလို့ အများခေါ်တဲ့ အထက်တန်းကျောင်း မှာတက်ရပါတယ်။

မေမေရေးတာဖတ်တော့ အဲဒီအချိန်မှာ မေမေက ကျွန်တော်တို့မြို့ကနေ ၄မိုင်လောက်ဝေးတဲ့ တွဲဘက် အထက်တန်းကျောင်းကနေ ပြီး မြို့မှာရှိတဲ့ အထက်တန်းကျောင်းကို ရောက်ခါစဖြစ်ပါတယ်။ ကျန်တာကတော့ ဆက်လက်ဖတ်ရှုရန်…


ကောင်းတဲ့စိတ်ထား

ကျွန်မ မြို့ပေါ် အ.ထ.က ကျောင်းသို့ ပြောင်းရွှေ့လာရသဖြင့် သားသမီးများကို ရင်အုပ်မကွာ စောင့်ရှောက်ခွင့် ရခဲ့ပါတော့သည်။
တစ်နေ့ နံနက်စောစောတွင် သားငယ်က နံနက်စာ စားအပြီး ကျောင်းသွားဖို့ ပြင်ပါတော့တယ်။

“စောပါသေးတယ်သားငယ်ရဲ့ ကျောင်းပေါက်တောင်လှပ်သေးမှာအဟုတ်ဘူး“
“ဟားဟားဟား“ သားငယ်က ရယ်ပါတယ်။
”အမေက မသိပဲကို သားတို့စာသင်ခန်းက ဘယ်လောက်စောစော ကျောင်းခန်း မလှပ်သေးမှာ မပူရဘူး၊ ကျောင်းဆင်းရင်လဲ ကျောင်းခန်းတခါးပိတ်စရာ မလိုဘူး အမေရဲ့”
”သိပ်ဟုတ်ပါလား သားငယ်က အတန်းခေါင်းဆောင်က တာဝန်ယူထားတာလား”
”ဘယ်သူမှ တာဝန် မယူပါဘူး အမေရယ် သားတို့စာသင်ခန်းက တံခါးမရှိဘူး”
”ကောင်းတာပေါ့နော်”
”တခြား ကောင်းတာတွေ ရှိသေးတယ်အမေရဲ့ နေ့လယ်နေ့ခင်းမှာ လေလေးတဖြူးဖြူးနဲ့ ကြမ်းကြား ထဲကလည်း လေ၀င်တာပဲ အိုက်ကိုမအိုက်ဘူး၊ ကျောင်းတံခါးမလှပ်သေးမှာလည်း မပူရဘူး အမေရဲ့၊ သား အဖော်တွေနဲ့ ကစားချင်လို့ သွားတော့ မယ်နော် အမေ၊”

သားငယ်က သူ့စာသင်ခန်းလေး အကြောင်း ပြောပြပြီး ကျောင်းသို့ ထွက်သွားပါတော့တယ်။
ကျွန်မကျောင်းပိတ်ရက်နဲ့ သားငယ်တို့ကျောင်းဖွင့်ရက် ဆုံတဲ့တစ်နေ့မှာ သားငယ်တို့ရဲ့ မူလတန်းကျောင်းလေးကို ကျွန်မ သွားကြည့်မိပါတယ်။

သားငယ်တို့ရဲ့ စာသင်ခန်းလေးဟာ ခြေတံမြင့် ၀ါးကပ်မိုးထားတဲ့ တဲလေး တစ်တဲဖြစ်ပါတယ်။ မိုးလုံပေမဲ့ လေမလုံပါဘူး အကာအရံက စာသင်ခန်းအောင်ခြေ ၂ ပေ အမြင့်လောက် အထိသာဝါးထရံ ကာထားပါတယ်။ အထပ်ပိုင်းဗလာကျင်းလိုပါ၊ သားငယ်ပြောသလို လေတဖြူးဖြူးတော့အရှိသား။

မှောင်မဲခြင်းလဲမရှိ၊ အလင်းရောင် လင်းလင်းချင်းချင်းရှိပေတယ်။ တစ်ခြားစာသင်ခန်းများနဲ့ ဝေးရာ ကျောင်ဝန်းရဲ့ အစွန် ဒေါင့်နေရာမှာ သီးခြားတစ်ခန်းတည်း တည်ရှိတာမို့ ကလေးများစာကို ကုန်းအော်ချင်သလောက် အော် ပေရော၊ တစ်ခြားစာသင်ခန်းကိုလည်း ငှဲ့စရာ အားနာစရာ မရှိ လွတ်လပ်ပါဘိတော့။

အခင်းမှာ ၀ါးများကို စိပ်ပြီး ခင်းထားတဲ့ဝါးကြမ်းခင်း ၀ါးကြမ်းခင်းပေါ်မှာ ဖျာကြမ်းမျှမရှိ ကြမ်းကြားထဲကပါလေတိုးဝင်လေတော့ သားငယ်ပြောသလို အိုက်ကို မအိုက်လောက်ပေ။ စာသင်ခုံ နိမ့်လေးများရှိလို့ ကလေးများဝပ်ပြီး ကုန်းပြီး စာမရေးရ ဘူးပေါ့။ ကြမ်းပြင်မှာ အားပါးတရ ဖင်ချထိုင်ပြီး စတိုင်ကျကျ ခုံပေါ်စာအုပ်တင်စာရေးနိုင်ပါတယ်။

ဘာပဲဖြစ်ဖြစ်စာသင်ခန်းက ကောင်းတာတွေချည့်ပါဘဲ ကောင်းလိုက်တာ လို့ ယူဆလိုက်တော့လည်း ပျော်မွေ့ဖွယ်ရာ စာသင်ခန်းလေး ဖြစ်သွားပါတော့တယ်။

သားငယ်ရဲ့ အကောင်းမြင် စိတ်ဓါတ်လေးကို လှစ်ပြလိုက်သလို မြင်တွေ့လိုက်ရတာကြောင့် စိတ်လက်ပေါ့ပါး ပီတိသောမနသ ခံစားခဲ့ရပါတယ်။

ဒီစိတ်ထားဟာ ကုသိုလ်စိတ်ထား၊ ကောင်မြတ်တဲ့စိတ်ထား၊ အရိယာ စိတ်ထားပါ။
ဒီလိုနယ်မြို့လေးက မူလတန်းစာသင်ကျောင်းလေးမှာ ပညာရည်နို့သောက်စို့ခဲ့တဲ့ သားငယ်ဟာ အခုတော့ နိုင်ငံရပ်ခြားမှာ ပညာကို သင်ကြားခွင့်ရခဲ့တယ်။ ပညာထူးချွန်ခဲ့တယ်၊ ကောင်းတဲ့ အကျိုးတရားရလဒ်တွေရခဲ့တယ်။

အကောင်းမြင်စိတ်အတိုင်း ကောင်းတဲ့ အကျိုး စံစား ရတာပါဘဲကွယ်။

Read More...

Tuesday, September 11, 2007

မုန့်ပေါင်း နဲ့ ဆားချက်ခြင်း

တခြားသူတွေ ကျွန်တော့် blog ကိုလာမလာတော့ မသိဘူး ကျွန်တော်တောင် ကိုယ့် blog ကို ဒီနေ့မှပြန်ကြည့်ဖြစ်ပါတယ်။ အကြောင်းကတော့ ထုံးစံအတိုင်း အလုပ်ရှုပ်လို့ပါပဲ။ ဒီတခါက စာမေးပွဲပါရှိတော့ ရှုပ်တာတွေဆုံသွားပြီး တော်တော်ရှုပ်သွားလို့ပါ။ ပြောရင်းတောင် ရှုပ်လာပါပြီ။

စာမေးပွဲအတွက် ဆုတောင်းပေးကြတဲ့ သူငယ်ချင်းများအားလုံး ကိုကျေးဇူးတင်ပါတယ်။ အထူးသဖြင့် ဒီမို နဲ့ ဂျစ်တူး။
ပန်ဒိုရာကလည်း စာမေးပွဲဖြေပြီးတော့ လာဆုတောင်းပေးတာ ကျေးဇူးတင်ပါတယ်။ နောက်မှာလာဆုတောင်းလို့ စာလုံး သေးသေးလေးပဲရေးထားတယ်။ ;)

ကျန်တဲ့သူငယ်ချင်းတွေက ကျွန်တော် တောင်ရေးမြောက်ရေး ရေးနေတာကို မသိတော့ ဒီမှာကျေးဇူးတင်ရင် သူတို့မသိမှာစိုးလို့ နောက်မှပဲ မုန်ကျွေးခိုင်းပြီး ကျေးဇူးတင်စကား ပြောတော့မယ်။ :P

ဒီမှာ ရေးချင်တာရေးနေတာကို လွန်ခဲ့တဲ့ ၂ ပတ်လောက်က ကျွန်တော့် အကိုသိသွားတယ်။ သိမှာပေါ့ ကျွန်တော်က မေမေ့စာတွေနဲ့ ဆားချက်နေတာကိုး။ အကိုသိတော့ တအိမ်လုံးသိသွားတာပေါ့။ သိပ်တော့မကောင်းဘူးနော် ရေးချင်တာသိပ်ရေးလို့ မရတော့ဘူး။ :D

မေမေက ဘာလို့ရေးတာလည်းမေးတော့၊ စိတ်အပန်းပြေပါ နောက်ပြီးတော့ မှတ်တမ်းလည်းဖြစ်သွားတာပေါ့ လို့ဖြေလိုက်တယ်။ ဟုတ်တယ် ကျွန်တော်က diary ရေးတာလို့ ရေးမှတ်တာ တော်တော်နည်းတာလေ။ နည်းဆို တသက်လုံး ၂ ရက်လားပဲ diary ရေးဖူးတယ်။ တောင်တက်ခရီးစဉ်ထွက်တုန်းကပဲ မှတ်တမ်းလေး နည်းနည်းရေးဖူးတယ်။ မေမေက မှတ်တမ်းဖြစ်သွားစေချင်ရင် ငယ်ငယ်တုန်းက မှတ်မိတဲ့ အကြောင်းတွေ ရေးပြီးပို့လိုက်မယ်တဲ့။ အင်း ကျွန်တော့်ရဲ့ ကောင်းကြောင်းလေးတွေ အကုန်ပေါ်ကုန်တော့မှာပဲ။ :D

ပြီးခဲ့တဲ့ ၃ရက်လောက်က အမဆီကနေ email ရောက်လာပါတယ် မေမေက ကျွန်တော်အတွက်ရေးထားတဲ့ အကြောင်းလေးတဲ့။ ဒါနဲ့ပဲ ကျွန်တော်လည်း စာမေးပွဲပြီး ရေးစရာမရှိတုန်း ဆားချက်လိုက်ပါတယ်။ သတ်ပုံမှားတဲ့ည တို့ ဆေးပေါင်းခတဲ့ည တို့လို ညတည အကြောင်းလေးပါ။ ၀တ္ထုလိုပဲဖတ်ပါနော် ... ဟီး


မုန့်ပေါင်းမစားရတဲ့ည

ဆောင်းတစ်ညရဲ့ ညဦးယံ လွန်မြောက်ပြီးစ အလွန်အေးတဲ့ အချိန်မှာ ကျွန်မတို့ သားအမိလေးဦး စာအုပ်ကိုယ်စီဖြင့် စာကြည့်နေကြဆဲ တွင် ည၏တိတ်ဆိတ်ငြိမ်သက်ခြင်းကို “မုန့်ပေါင်း…. မုန့်ပေါင်း….” ဆိုတဲ့ အသံစူးစူး က ဖေါက်ခွင်းလိုက်ချိန်မတော့ စာဖတ်နေသူ လေးဦးစလုံး ရွှင်လန်းတက် ကြွသွားပါတော့တယ်။

“ အမေ…မုန့်ပေါင်းစားချက်တယ်”
သားသမီး တို့ရဲ့ ဆန္ဒ ပြုချက်ကို ကျွန်မ စဉ်းစားတွေဝေခြင်းမရှိ လျင်လျင်မြန်မြန် သဘောတူလိုက်တယ်။ ဒီနေ့လစာထုတ်ရက်လေ။

“သားကြီး ၊ အိမ်တံခါးမြန်မြန်ဖွင့် ၊ သားငယ်မုန့်သယ်ကိုအော်ခေါ် ၊ သမီးက ပုဂံသွားယူ “ ကျွန်မ စီစဉ်ပြောဆိုရင်း ပိုက်ဆံအိပ် ဆွဲယူပါတယ်။

မုန့်သယ်အဝေးသို့ ရောက်သွားမှာကို စိုးရိမ်စိတ် တူညီရှိကြလို့ ကိုယ်တာဝန်ကို တက်ညီလက်ညီ မြန်မြန်ဆန်ဆန် လုပ်လိုက်ကြတယ်။ ညီညွှတ်ကြပါဘိ။
ဆောင်းရာသီ တိတ်ဆိတ်တဲ့ည ဖြစ်တာတစ်ကြောင်း၊ ကျွန်မတို့သားအမိတစ်တွေချည့် ရှိကြတာတစ်ကြောင်း၊ ကျွန်မတို့အိမ်က သီးခြားလိုဖြစ်နေတာတစ်ကြောင်း ၊ စတဲ့အကြောင်းများကြောင့် သစ်သားတံခါး၊ သံတံခါး တံခါးနှစ်ထပ်ပိတ်ပြီး သော့ (၂)လုံးစီခပ်၊ ခြံဝန်းတံခါးကိုလည်း သော့ခပ်ထားတော့ အရေးဟဲ့ဆို ရင် သော့လှပ်ရတာကိုက အထပ်ထပ်ပါ။

မုန့်သယ်ရောက်လာတော့ “ တစ်ယောက်(၃)ခုစီနော်၊ ၀ရဲ့လား အဖြူကြိုက်လား၊ ငချိတ်ကြိုက်လား” နဲ့ စိတ်ကြိုက် တွေ မေးမြန်းပြီး၊ မုန့်ကိုရွေးချယ်ရေတွက်ကာ ပုဂံထဲထည့်လို့ပေါ့။ ခြံတံခါးမှာ ကျွန်မတို့သားအမိတွေနဲ့ မုန့်ပေါင်းသယ်ရဲ့ အသံစီစီညံလို့ပါပဲ။

ပိုက်ဆံ ထုတ်ပေးလိုက်တဲ့အချိန်မှာတော့ မုန့်သယ်က မအမ်းနိုင်ဘူးတဲ့။
အကြွေရှာပြန်တော့ အကြွေက မရှိပြန်ဘူး။ သားကြီးဆီမှာလည်း ပိုက်ဆံကမရှိ၊ သားကြီးက အမြဲ ဘိုင်ကြတတ်သူ၊ သမီးမှာလည်းမရှိဘူးတဲ့၊ သားငယ် ကတော. ပိုက်ဆံရှိတတ်တယ်၊ သူက စုဆောင်းသိမ်းတတ်သူ၊ ဒါကြောင့် သားငယ်ကို ကျွန်မ အားကိုးမိတယ်။
“ သားငယ်အမေ့ကို ပိုက်ဆံ ခဏချေးပါကွယ်။”

သားငယ်ကမလှုပ်၊ သူကသူ့ပိုက်ဆံကိုမထုတ်ချင်သူ၊ ဒီတော့မုန်ပေါင်းသယ်ဘက်လှဲ့ရပြန်တယ်။

“မုန့်သယ်ရယ် မနက်ဖြန်ညမှယူပါကွယ်။”
“မဖြစ်ဘူးမနက်ဖြန်ပြန်ရင်းရမှာ၊ ဒါမှ ညမုန့်ပြန် ရောင်းနိုင်မယ်။”
“ဒါဖြင့်မနက်မှလာယူပါကွယ်” ကျွန်မ က ဖြစ်နိုင်ချေရှိတန်ကောင်းရဲ့ နောက်ဆုံးအဆင့် ပြောမီပြန်တယ်။

“ကျွန်မတို့က သင်္ဘောဆိပ်ကနေလာရတာ ၊ ဒီအိမ်နဲ့သင်္ဘောဆိပ်က မြို့ရဲ့ ဟိုဘက်ဖျားနဲ့ ဒီဘက်ဖျား အဝေကြီး မလာနိုင်ဘူး” မုန့်သယ်က အရှင်းစကားနောက်ဆုံးဆိုချေပြီ။
မုန့်ပေါင်းကိုလည်း အားလုံးက စားချင်ကြလို့ တံခါးအထပ်ထပ်ဖွင့် ညဉ့်နက်သန်းခေါင် ချမ်းချမ်းစီးစီး ခြံတံခါးဝမှား မုန်ဝယ်နေကြတာ၊ မုန့်တွေလည်းပုဂံထဲရောက်နေပြီ၊
ကျွန်မသားငယ်ကို တလှဲ့ပြောကြည့်ပြန်တယ်။

“သားငယ်အမေနက်ဖြန် ဈေးအပြန်မှာ ပြန်ပေးပါမယ် ။ သားငယ်ပိုက်ဆံ ထုတ်မှ ဒီည မုန့်ပေါင်းစားကြရမှာ ပါကွယ်။”

သားငယ်က မလှုပ်၊ တေမိဇာတ် ခင်းမြဲခင်းနေပေပြီ၊ ကျွန်မရဲ့ နောက်ဆုံးကြိုးစားမှု အဟောသိကံ ဖြစ်လေပြီ။

“ကိုင်း..ဒါဆိုရင်လည်း မုန့်ပေါင်းလေးတွေ မင်းတို့ရဲ့နေရာ အိုးထဲကို ပြန်သွားပေအုန်းကွယ်”
ကျွန်မက ပုဂံထဲက မုန့်ပေါင်းများကို အိုးထဲပြန်ထည့်လိုက်ရပါတော့တယ်။ ဆောင်းညလည်းတိတ်ဆိတ်ငြိမ်သက်မြဲ၊ တိတ်ဆိတ်ငြိမ်သက်လျှက် အားလုံးရဲ ရင်ထဲမှာတော့ မချင့်မရဲ့နဲ့ပေါ့။

အခုချိန်မှာတော့မုန့် ပေါင်းမြင်တိုင်း မုန့်ပေါင်းမစားလိုက်ရတဲ့ညလေး ကို လွမ်းမောတသမိပါတော့တယ်။

Read More...

Friday, August 31, 2007

မေမေ ရှင်းပြတဲ့ ဗုဒ္ဓ ရဲ့ မင်္ဂလာတရားတော် - ၃

သားငယ်

ကလေးဘ၀က အော်ဟစ်ရွတ်ဆိုခဲ့ဖူးတာက-
`လူမိုက်ဆိုလျှင် ရှောင်သွေလွှဲလို့
မမှီဝဲနဲ့ ကင်းအောင်နေ
´။

အမေ တွေးကြည့်မိတယ်။ လူရယ်လို့ဖြစ်လာရင် ကင်း အောင်နေလို့မရတဲ့ လူတန်းစား၊ နှစ်ရပ်ကတော့၊ မိဘနဲ့ ဆရာပါပဲ။ ပထမဆုံး တွေ့ဆုံရတာက မိဘ၊ ဒုတိယတွေ့ဆုံ ရတာက ဆရာ။

ဒါကြောင့် `မိဘက လူမိုက်မဖြစ်ဖို့အရေးကြီး တယ်´ လို့ အမေရေးခဲ့တာပေါ့။ အခုလည်း ဆရာက လူမိုက် မဖြစ်ဖို့ အမေ ရေးလိုက်တယ် သားငယ်။


အသက် (၄)နှစ်မှာ မူကြိုကျောင်း၊ (၅)နှစ်ပြည့်တော့ စာသင်ကျောင်းကိုရောက်ကြရပြီ။ ကျောင်းက ဆရာ-ဆရာမ တွေနဲ့ တွေ့ကြရပြီ။ ဆရာက ပြုစုသူ၊ ဥယျာဉ်မှူးဆိုတော့ ကလေးရဲ့ ဘ၀ခရီးအတွက် အလွန်ကို အရေးပါတဲ့သူပေါ့။

အရေးပါသူမို့ မင်္ဂလာဆရာဖြစ်စေချင်တယ်။ ဆရာက စာရေးသားနည်း စနစ်မှန်ကန်ဖို့၊ စာဖတ်တတ်ဖို့၊ စည်းကမ်း တကျရှိဖို့၊ ကျောင်းသူ-ကျောင်းသားအချင်းအချင်း ပေါင်းသင်း တတ်ဖို့၊ စာနာစိတ်ရှိတတ်ဖို့၊ လောကရေးရာအဖြာဖြာ သွန်သင် စရာတွေကို ကျောင်းသားအားလုံးအပေါ် တပြေးညီမေတ္တာစိတ် နဲ့ညွှန်ပြဖို့ လိုတယ်လေ။

ဆရာက ညီမျှမှုမရှိဘဲ မျက်နှာလိုက်ရင် ကလေးတွေရဲ့ စိတ်ထဲမှာ ခိုးလို့ခုလုဖြစ်သွားစေတယ် မဟုတ်လား။ ဒါတွေက မလိုလားစရာတွေပါ။

ကျောင်းနေစ ကလေးတွေနဲ့ စတွေတဲ့ဆရာဟာ ပျိုးပင် လေးတွေကို ဂရုစိုက်စောင့်ရှောက်ရသလို၊ တယုတယ ပြုစု ရမှာပဲ၊ ပုံသွင်းမှန်ဖို့လိုတယ်။ `ဆရာဟာလူမိုက်မဖြစ်ဖို့ အရေးကြီးသလို၊ မေတ္တာ၊ ကရုဏာ၊ လက်ကိုင်ထားရသူ တွေလည်း ဖြစ်ကြရမယ်´။

စာသင်ခန်းထဲက ကျောင်းသားအားလုံးကို ကျောသား႟ ရင်သား၊ မခွဲမခြားရှိရမယ် သားငယ်ရဲ့။ အမှန်ကတော့ ဆရာ၊ ဆရာမကလည်း ကိုယ့်မှာရှိတဲ့ ဥစ္စာဓနဂုဏ်ရှိန်၊ ဆွေမျိုးဂုဏ်ရှိန် ၊အပေါင်းအသင်းဂုဏ်ရှိန်၊ ရှိရှိသမျှ ဂုဏ်ရှိန်တွေကို ခ၀ါချပြီး ကလေးတွေကို လမ်းမှန်ညွှန်သူ၊ အမှောင်ပယ်ခွင်း အလင်း ဆောင်သူ၊ မိမိကိုယ်ကို ဆရာပီသသူအဖြစ် ခံယူဖို့လိုတယ်။

ဆရာနဲ့ကျောင်းသား စိတ်ထားဖြူစင်စွာနဲ့ တူယှဉ်ကာ လိုရာခရီးကို တာဝန်ကျေပွန်စွာ လျှောက်လှမ်းကြရမယ်လေ။ မင်္ဂလာဆရာနဲ့ မင်္ဂလာတပည့်လေးတွေပေါ့ကွယ်။
ကျောင်းရောက်စ ကလေးဟာ ဆရာကို မပေါင်း သင်းလို့ မရတော့ဘူး။ ရှောင်လို့လည်း မရဘူး။ တပည့်ဆိုတာ ဆရာညွှန်တဲ့အတိုင်း လိုက်မိကြတာကိုး။

သားငယ်သိဖူးတဲ့ ဇာတ်လမ်းတွေကိုပဲ ထပ်ပြောပြ ဦးမယ်။ လက်ညိုးတွေဖြတ်တဲ့ အင်္ဂုလိမာလဟာ ဆိုးချင်လို့ ဆိုးတာမဟုတ်ဘူး။ သူ့ဆရာက `လူ့လက်ညိုးတစ်ထောင်နဲ့ ငါ့ကို ပူဇော်ရမယ်´ ပြောလို့ ဆရာကိုပူဇော်ချင်တာနဲ့ လူဆိုးဖြစ်သွား ရတယ်။

အဇာတသတ်မင်းလည်း ဆရာဒေ၀ဒတ်ကြောင့် ဖခင် သတ်သူဖြစ်သွားရတယ်။

သူတို့ဆရာတွေက ပညာတတ်လူမိုက်။ပညာတတ်တာနဲ့ မိုက်တာဟာ တခြားစီ။ ဒါကြောင့် `ဆရာဟာ လူမိုက်မဖြစ်ဖို့ အရေးကြီးတယ်´ လို့ ပြောရ တာပေါ့။

သားငယ်ရေ၊ အခုခေတ်ရေစီးကြောင်းအတိုင်း ဆရာ- ဆရာမများလည်း မျောပါရတယ်ဆိုတာ အမေလက်ခံပါတယ်။ သို့သော် စေတနာ၊ မေတ္တာကိုတော့ မပျောက်စေချင်ဘူး။ ရှိမြဲ အတိုင်း၊ ထားမြဲအတိုင်းထားပြီး သင်ပြစရာရှိတာသင်ပါ။ တွေးခေါ်ဆင်ခြင်တတ်အောင် သင်ပါ။ စာစီစာကုံး ကိုယ်တိုင် ရေးခိုင်းတာတို့၊ သင်္ချာကိုယ်တိုင်တွက်စေတာတို့ပေါ့။ ကျောင်းစာ ကလည်း ကိုယ်တိုင်မှတ်သား၊ လေ့ကျင့်ပါမှ ဥာဏ်ရည်ဖွံ့ဖြိုး တာကွဲ့။

အစာအာဟာရလိုပါပဲ။ ကိုယ်တိုင်စားမှ၊ အချိန်မှန်မှန် သင့်တင့်လျောက်ပတ်စွာ စားသုံးပေးမှ ခန္ဓာကိုယ်အတွက် အာဟာရဖြစ်ပြီး အကျိုးဖြစ်ထွန်းသလိုပေါ့ကွယ်။

ဘုရားရှင်က `အတ္တာဟိ အတ္တနော နာထော၊ ကောဟိ နာထော ပရောသိယာ = မိမိသည်ပင်လျှင် မိမိအားကိုးရာ ပေတည်း။ အဘယ်သူသည် မိမိအားကိုးရာဖြစ်ပါအံ့ နည်း´ လို့ ဟောတော်မူထားပါတယ်။

ဒါကြောင့်၊ ကိုယ့်ကိုယ်ကို အားကိုးတဲ့စိတ်ထား၊ ရိုးသား ကြိုးစားတဲ့ စိတ်ထားလေးတွေကို ဆရာတွေက သွင်းပေး စေချင်တယ်။ ဒါက လမ်းကြောင်းမှန်ပဲ။ လမ်းကြောင်းမှန်ပေါ်သို့ ပို့ပေးစေချင်တာပါကွယ်။

စာမေးပွဲပါမယ် ထင်တာလောက်သာ ရွေးသင်တာမျိုး၊ ကျောင်းစစ်စာမေးပွဲဆိုရင်လည်း ကိုယ်မေးမယ့် စာပုဒ်လောက် ကို ပြန်ကာလှန်ကာ စည်းဝါးကိုက် သင်ကြားတာမျိုး၊ တကယ် တတ်မြောက်အောင်မသင်ဘဲ၊ စာမေးပွဲမှာ အမှတ်ရအောင် ဟန်ပြကောင်းအောင် သင်နေတာမျိုး၊ မျက်နှာကြီးငယ်လိုက်ပြီး စာမေးပွဲအဖြေလွှာ စစ်ဆေးတာမျိုး ပြုလုပ်နေတဲ့ ဆရာဟာ မကောင်းတာကြံစည်သူ၊ မကောင်းတာပြောသူ၊ မကောင်းတာ လုပ်သူ ဖြစ်ပြီပေါ့။

တစ်ချို့ဆရာ-ဆရာမများ လုပ်ကိုင်လေ့ရှိပုံကို ရေးပြ မယ်နော်။ စာမေးပွဲနားနီးရင် စာကိုသာ ကျက်မှတ်ဖို့ မတိုက် တွန်းဘဲ ဟိုဂါထာ႟ ဒီဂါထာတွေ ကျက်စေတာတို့၊ ဆယ်တန်းဝင် ခွင့်ကဒ်၊ ဘောပင်၊ ခဲတံ၊ စာရေးကိရိယာများကို ဆရာတော် တစ်ပါးထံမှာ သိဒ္ဓိတင်ပေးတာတို့၊ ဘာသာစုံအတွက် အဆောင် ယတြာများလုပ်ပေးတာတို့၊ သူရဿတီမယ်တော်ကို ရှိခိုးစေတာ တို့ ဒါတွေလုပ်ကြတယ်၊ ဆရာ-ဆရာမတွေက ဦးဆောင်ဦးရွက် လုပ်ကြတာ။ ဒါတွေဟာ ကျောင်းသားတွေကိုယ်တိုင် ကြိုးစား အားထုတ်တဲ့စိတ်ဓါတ် လျော့ပါးစေတယ်။

ကိုးကွယ်ရာများပြီး သရဏဂုံလည်း ညိုးနွမ်းစေတယ်။

အမှောင်ခွင်း၍ အလင်းဆောင်ရမယ့်သူများကိုယ်တိုင် က ပညာရင်နို့သောက်စို့ဆဲ ငယ်ရွယ်သူများကို မှောင်တကာ့ အမှောင်ဆုံး မိစ္ဆာဒိဋ္ဌိ လမ်းကြောင်းပေါ် တင်ပို့ပေးနေကြတယ်။

သားငယ်ရေ၊ မိစ္ဆာဒိဋ္ဌိ အယူက အပြစ်အကြီးဆုံး၊ ကြောက်စရာအကောင်းဆုံးကွဲ့။ အပြစ်ကြီးတဲ့ ပဉ္စာနန္တရိယကံကို ကျူးလွန်တဲ့ အပြစ်ထက်ကို ကြီးတယ်။ မိစ္ဆာဒိဋ္ဌိ အယူရှိရင် အပါယ်ငရဲကို ကျိန်းသေကျရမှာ။ ကမ္ဘာပျက်တောင်မှ ငရဲကမလွတ်ကြောင်း၊ အခြားမပျက်တဲ့ကမ္ဘာက ငရဲတွေဆီ ပြောင်းရွေ့ခံရကြောင်း အရင်စာထဲမှာလည်း အမေရေးခဲ့ပြီးပြီ။

အနီးကပ်ဆုံး အတူနေရတာက မိဘဆိုပေမယ့် ပညာ သင်ချိန်ရောက်တာနဲ့ ဆရာက ရှောင်လွှဲမရတဲ့ ပေါင်းသင်းရသူ ဖြစ်ပြီလေ။ တဖြည်းဖြည်း အတန်းကြီးလာလေ မိဘထက် ဆရာ နဲ့က ပိုပြီးထိတွေ့ရချိန် များလေပေါ့။

ဆရာဟာ ကျောင်းသားလေးတွေရဲ့ ဘ၀ကို ဖန်တီးသူ၊ ဖန်တီးရှင်ပါပဲ၊ ပန်းပုဆရာပါ။ ကောင်းရာသို့လည်း ပို့နိုင်သူ၊ ဆိုးရာသို့လည်းပို့နိုင်သူ၊ စွမ်းအားရှင်တွေပါ။ ဒီစွမ်းအားရှင် တွေက လူမိုက်မဖြစ်ဖို့ အရေးကြီးတယ်လို့ အမေတွေးမိ တာပါကွယ်။
သားငယ်လည်း ဆရာရဲ့ ကောင်းရာညွှန်တဲ့ လမ်း ကြောင်းပေါ်မှာ ကောင်းတာလုပ်၊ ကောင်းတာပြော၊ ကောင်း တာကြံစည်၊ ကောင်းအောင်ကြိုးစားသူ ဖြစ်ပါစေလို့ အမေဆန္ဒ ပြုပါတယ်။

မင်္ဂလာအပေါင်းနဲ့ ပြည့်စုံပါစေ။

အမေ

Read More...

Friday, August 17, 2007

မေမေ ရှင်းပြတဲ့ ဗုဒ္ဓ ရဲ့ မင်္ဂလာတရားတော် - ၂

သားငယ်
လောကီ၊ လောကုတ္တရာ နှစ်ဖြာကြီးပွားချမ်းသာရရေး အတွက် အသက်အပိုင်းအခြားအလိုက် တစ်ဆင့်ပြီးတစ်ဆင့် ဆောင်သွားရမယ့်မင်္ဂလာတွေကို ပိုင်းခြားပြခဲ့ပြီးပြီနော်။

လောကီအတွက်မင်္ဂလာအပါး(၃၀)၊ လောကုတ္တရာ အတွက်(၈)ပါး၊ ပေါင်း(၃၈)ပါးရှိလို့ (၃၈)ဖြာမင်္ဂလာ ခေါ် ကြောင်းလဲ ပြောခဲ့ပြီ။

ပထမဆုံး မြတ်စွာဘုရားဟောတာက ပေါင်းသင်း ဆက်ဆံရေး မင်္ဂလာ(၃)ပါးထဲက လူမိုက်နဲ့ မပေါင်းသင်းဖို့ပဲ။ လူမိုက်နဲ့ဆက်ဆံပေါင်းသင်းမှုကို ရှေးဦးစွာရှောင်လိုက်ရင် နောက်နောင်မင်္ဂလာတွေ ဖြစ်ပေါ် ခွင့်ရှိတာကြောင့် ထိပ်ဆုံး ထားပြီး ဟောရတယ်။


ဦးဇင်း ရဝေနွယ် (အင်းမ)ရေးတဲ့ မင်္ဂလာအတွေးများလို စရရင်-
အသေ၀နာ ဗာလာနံ၊ ဧတံမင်္ဂလမုတ္တမံ။
လူမိုက်ကိုမမှီဝဲ၊ မဆည်းကပ်ခြင်းသည်
မြတ်သောမင်္ဂလာမည်။
လူမိုက်ဆိုလျှင် ရှောင်သွေလွှဲလို့၊
မမှီဝဲနဲ့ ကင်းအောင်နေ။

အမေတွေးကြည့်မိတယ်၊ သားသမီးဖြစ်လာပြီဆိုတော့ ပထမဆုံးပေါင်းရတာက မိဘ၊ မိဘအရိပ်မှာ ခိုလှုံနေကြရတယ်။ မိဘနှစ်ပါးဆိုတာဟာ သားသမီးနဲ့ ဘယ်လိုမှ ရှောင်လွဲမရတဲ့ လက်ဦးဆရာသမားကြီးတွေပါ။
ဒါဖြင့် မိဘကိုယ်တိုင် လူမိုက်မဖြစ်ဖို့ အရေး ကြီးပြန်တယ်၊ ဒီတော့ လူမိုက်ဆိုတာ ဘယ်လိုဟာလဲ။

ဒီမေးခွန်းကိုဖြေဖို့ သားငယ်မျက်စေ့ထဲမှာ အရက်မူးရမ်းနေသူတို့၊ ခိုးဆိုး၊ လုယက်၊ တိုက်ခိုက်၊ သတ်ဖြတ်နေသူတို့ကို မြင်ယောင် နေမိမှာနော်။

လူမိုက်ဆိုတာ
မကောင်းသောအကြံကို ကြံခြင်း။
မကောင်းသောစကားကို ပြောခြင်း။
မကောင်းသောအလုပ်ကို လုပ်ခြင်းတို့တည်း။

`ဤလက္ခဏာရှိသူကား အမျိုးမြတ်သူဖြစ်စေ၊ ပစ္စည်း ကြွယ်ဝသူပင်ဖြစ်စေ၊ ဆရာပင်ဖြစ်စေ၊ မည်သူမဆို၊ ဗာလခေါ် လူမိုက်ပင်ဖြစ်သည်´ လို့ မြတ်စွာဘုရားဟောတော်မူချက်ကို ဆရာတော်ကြီးများ ဖွင့်ပြရေးသားထားတာတွေ အမေဖတ် ခဲ့တယ်၊ မှတ်ခဲ့တယ်။

ကာယကံမှု၊ ၀စီကံမှု၊ မနောကံမှုနဲ့ မကောင်းလုပ်၊ မကောင်းပြော၊ မကောင်းကြံရင် လူမိုက်ပေါ့။
တောင်မြို့၊ မဟာဂန္ဓာရုံဆရာတော် အရှင်ဇနကာ ဘိဝံသရေးတဲ့ အခြေပြုမင်္ဂလသုတ်စာအုပ်မှာ `မည်သူ့ကိုမျှ၊ မညာကြနှင့်၊ မိဘဆရာ၊ ဖြစ်စေကာလည်း၊ သူဟာဗာလ၊ ပဏ္ဍိတဟု၊ ကျနခွဲလှစ်၊ တွေ့တိုင်းစစ်၊ စနစ်ကျစေကွယ့်´ ဟု အတိအလင်း ရေးသားထားခဲ့တယ်။

မိဘရဲ့ ၀တ္တရားထဲမှာလည်း `မကောင်းတာ တားမြစ်၊ ကောင်းတာညွှန်၊ အတတ်ပညာတွေ သင်ပေးရမယ်´ လို့ပါတယ်။ ကလေးတွေ စကားပြောတတ်ပြီဆိုကတည်းက၊ တစ်ချို့မိဘက `တာတာ´ လို့နှုတ်ဆက်၊ လက်ကလေးနှစ်ဖက်ယှက်ပေးပြီး `ဦးတော်´ ဦးချစေတဲ့အမူအရာကောင်းတွေ သင်ပေးကြတယ်။

တစ်ချို့မိဘက `လက်ဝါးပြ´ `လက်သီးဆုပ်ပြ´ တဲ့။ မကောင်းတဲ့ အမူအရာတွေ သင်ပေးကြတယ်၊ ကလေးကို ဆဲ တတ်အောင် သင်ပေးပြီး၊ ကလေးဆဲသံကိုအားပေး၊ အား မြောက်ပြုတဲ့ မိဘတွေလဲရှိကြတယ်။
သိတတ်စအရွယ်ရောက်တော့လဲ လောကကြီးတစ်ခွင် လုံးမှာရှိတဲ့ သိစရာ၊ တတ်စရာတွေကို သိအောင်၊ တတ်အောင် သင်ပေးခဲ့တာလဲ မိဘတွေဘဲလေ။ သားသမီးလေးတွေကို ခိုင်းလို့ ရတဲ့အရွယ်မှာ မိခင်လုပ်သူက ဈေးဝယ်ခိုင်းရင်း လမ်းမှန်ညွှန်ဖို့၊ စောင့်ကြည့်အကဲခပ်ဖို့ အများကြီးလိုအပ်တယ်။

ကလေးဆိုတာ အချီးကျူးခံချင်တယ်မို့လား။ ဈေးဝယ် တော်တယ်၊ တတ်တယ်လို့ အချီးကျူးခံချင်တာနဲ့ ဈေးသည်မသိ အောင် ခိုးဝှက်ယူလာတတ်တယ်။ ဒါကို မိခင်က သတိမရှိရင် မကောင်းတဲ့ ခိုးယူတဲ့အကျင့် စွဲသွားပါလေရော။ တစ်ချို့မိဘက သိလျက်နဲ့လက်ခံတာ၊ အားပေးတာ၊ သင်ပြပေးတာ ရှိသေးတယ်။

ငယ်စဉ်က အမေ မဆုံးမခဲ့လို့သာ သူခိုးဖြစ်ရတယ်လို့ ခိုးမှုနဲ့အကျဉ်းကျခံရဆဲ သားက အကျဉ်းခန်း သံတိုင်ကြားက မိခင်ရဲ့နားကို ကိုက်ဆွဲခဲ့ကြောင်းလဲ သားငယ်သိခဲ့ပြီးပါ။

ဒီတော့ မိဘက ဗာလမဖြစ်ဖို့ အလွန်ကို အရေးကြီး တာပေါ့။ မိဘသင်ကြားတဲ့အပေၞ မူတည်ပြီး သားသမီးတွေ စရိုက်ကွဲပြားသွားကြရတယ်။

တစ်ချို့မိဘက ကိုယ့်သားသမီးရဲ့အခြေအနေမှန်ကို လက်ခံပြီး၊ ပြုပြင်သင့်တာ ပြုပြင်ပေးကြတယ်။ တစ်ချို့က အကောင်းသာလက်ခံပြီး၊ အဆိုးကိုလက်မခံဘူး။ နားထောင် နိုင်စွမ်းမရှိကြဘူး။ သားသမီးကို လူမိုက်ဖြစ်စေဖို့ရာ အားပေး သလိုဖြစ်နေတယ်။

ပညာသင်ကြားပေးရာမှာ မိဘက သားသမီးအပေါ် ထားရှိတဲ့သဘောထားက အသွင်ပြောင်းလာတယ်။ အမေတို့ ကျောင်းသားဘ၀တုန်းကတော့ မိဘတွေက ကိုယ့်သားသမီးကို တကယ့်ကို ကြိုးစားအားထုတ်အောင်၊ အတတ်ပညာရအောင်၊ ဆရာပြောတဲ့ သားသမီးရဲ့အခြေအနေမှန်ကို နာခံပြီး ပြုပြင် ခဲ့ကြတယ်၊ စောင့်ကြပ်ခဲ့ကြတယ်၊ ကောင်းရာကို ညွှန်ခဲ့ကြတယ်။

အခုခေတ်မှာ မိဘက သားသမီးအပေါ်ထားရှိတဲ့ သဘောထားက အတတ်ပညာရဖို့ထက် လက်မှတ်ရဖို့၊ အမှတ် များများရဖို့ အဓိကဖြစ်နေတယ်။ အမှတ်များများရဖို့ ဘယ်လို လုပ်ရမလဲ။ ပိုက်ဆံကုန်ခံပြီး နည်းလမ်းစုံ သုံးကြတယ်။

ငွေရှိရင် အရာရာပြီးစေတယ်။ တို့မှာငွေရှိတယ်လို့ မာန် တက်ပြီး သားသမီးကိုလဲ အယူအဆ အတွေးအမြင်တွေ အမှား ဘက်ကိုရောက်စေတော့တယ်။ သားသမီးရဲ့ စစ်မှန်တဲ့အစွမ်းကို ပျောက်ကွယ်စေပြီး မိဘရဲ့အစွမ်းအစတွေသာ ဖေါ်ထုတ် သုံးနေ ကြလေရဲ့။

ဘာသာစုံကျူရှင်ဆရာ၊ ဘာသာစုံဂိုက်တွေနဲ့ သားသမီး များမှာ ကိုယ်တိုင်ကြိုးစား အားထုတ်ခွင့်မရှိတော့ဘူး။ ရေသာခိုဖို့၊ အပျင်းထူဖို့၊ မတွေးချင်ဖြစ်သွားပြီ။ ဉာဏ်ထက်မြက်စေတဲ့ ဦးနှောက်အသုံးမချတော့ပြီ။ စာမေးပွဲမဖြေနိုင်ဘူးလား။ ရတယ်။ မပူနဲ့။ မိဘတာဝန်ထား စသည့်ဖြင့်ပေါ့လေ။

သားသမီးရဲ့ဘ၀နစ်မွန်းဖို့၊ ငတုံးဖြစ်ဖို့၊ ငွေကုန်ခံနေတဲ့ သဘောဖြစ်နေတယ်။ `မိမိကိုယ်သာ အားထားရာ၊ ကံ၊ ဉာဏ်၊ ၀ီရိယအပေါ် အခြေပြုအားထုတ်ရမယ်´ ဆိုတဲ့ မြတ်ဗုဒ္ဓရဲ့ အလိုကျတွေနဲ့ သွေဖီနေခြင်းကို မိဘတွေက ရှေ့ဆောင်လမ်းပြ လုပ်နေကြတယ်။

သားငယ်ရေ၊ စိတ်မကောင်းစရာအဖြစ်ကလေး ကြားရ၊ မြင်ရတာကို ပြောပြရအုံးမယ်။
တစ်နေ့က၊ အိမ်နားမှာ စာမေးပွဲဖြေပြီး ပြန်လာတဲ့ ကျောင်းသားလေးက `ရိုက်ပြန်ပြီ၊ လူကြားထဲမှာလဲ ကျိန်ဆဲ လာတယ်၊ မေ့လို့ပါဆိုနေ၊ နှိပ်စက်ကြပါ´ နဲ့ ငိုကြီးချက်မနဲ့ ရိုက်နေတဲ့အမေ့ကို ပြောနေတာလေ။

အမှတ်ပြည့်ရအောင် မဖြေနိုင်ခဲ့တဲ့သားကို အပေါင်း အသင်း၊ ကျောင်းသားများကြားမှာ ဆူဆဲခဲ့ပြီး၊ အိမ်မှာလဲ ရိုက်ပုံရပါတယ်။ အမှတ်ဝက်လောက်ကို မရော့စေချင်ဘူးတဲ့၊ ဖြစ်နေလိုက်ကြတာနော်။

အမေဖြင့် သနားလိုက်တာ။ ကိုယ်ချင်းစာမိတယ်။ အမေငယ်စဉ်ကလဲ ဒီကလေးလို ခံခဲ့ရဖူးတယ်။ အမေ့ရဲ့ အဆိုအဆဲ၊ အရိုက်အနှက်ခံခဲ့ရတာ၊ အပေါင်းအသင်းကြားမှာ ဆိုတော့ ရှက်လိုက်တာလေ။ လူ့ပြည်မှာ အသက်ရှင်ချင်စိတ် ကို မရှိဘူး။ ချက်ချင်းပျောက်ကွယ်သွားချင်စိတ် ဖြစ်ခဲ့တယ်။

ဒီလုပ်ရပ်တွေက မိဘတွေရဲ့ မဟာအမှားကြီးတွေပါ။ ဒီလိုမိဘတွေလည်း တစ်ပုံကြီး သားငယ်ရဲ့။ အမှန်တော့ သား သမီးအပေါ် စေတနာထားတာထက်၊ မိဘချင်းပြိုင်၊ အနိုင်ရ ချင်တဲ့စိတ်က ပိုများနေကြတာလေ။
မိဘကြောင့် လူဆိုးဖြစ်၊ ထောင်တန်းကျ၊ မိဘက အတတ်ပညာ သင်မပေးခဲ့လို့ ကုဋေရှစ်ဆယ် သူဌေးသား ခွက် လက်စွဲ တောင်းစားရတဲ့ဘ၀ ရောက်ရတာတွေ ဟိုရှေးတုန်းက ရှိခဲ့သလို အခုခေတ်လဲရှိတယ် သားငယ်ရဲ့။

အမေ့ရဲ့တပည့်လေးတစ်ဦးပေါ့။ ဉာဏ်ရည်မြင့်တယ်။ ကြိုးစားရင် အတန်းထဲမှာ အတော်ဆုံးဖြစ်နိုင်တယ်။ ပညာ သင်ယူလိုဟန်ရှိတာနဲ့ အမြဲဆုံးမမိတယ်။ နားထောင်ပြီး စာကြိုး စားတာတွေ့ရလို့ ၀မ်းသာနေမိတယ်။
မကြာပါဘူး၊ ကျောင်းလစ်တာနဲ့၊ ကျောင်းသားချင်း ရန် ဖြစ်တာနဲ့ ဒုံရင်းရောက်သွားရော။

သူ့အပေါင်းအသင်းတွေက မကောင်းတဲ့အပြင်၊ မိဘတွေကပါ မဆုံးမကြဘူး။ ကောင်းရာမညွှန်ဘူး။ ရန်ဖြစ်ရင် `ဦးအောင်သာဆော်ခဲ့၊ မညံ့ခဲ့နဲ့´ လို့ မှာကြားတာ။ သူ့ခြေရာကိုနင်းစေချင်တာတဲ့။ သူ့အဖေက ထောင်ထွက်လူမိုက်လို့ ဂုဏ်တယူယူနဲ့ပေါ့။

ဓါတ်ညံ့ဆိုတာ ကူးစက်မြန်လေတော့ အမေ့တပည့် လည်း မိုက်သွားပြီပေါ့။ မြို့ဘုရားပွဲညမှာ သူငယ်ချင်းတစ်စု၊ မူုးယစ်သောက်စား၊ ပျော်ပါး၊ စကားများကြပြီး၊ တပူးတတွဲတွဲ၊ ချစ်လှချည့်ရဲ့ဆိုတဲ့ သူငယ်ချင်းကို ဓါးနဲ့ထိုးလိုက်တယ်။ ဓါးထိုး ခံရသူလဲ သေ၊ သူလဲ ထောင်တွင်းဝင်သွားရရော။

နောက်တစ်ဦး ရှိသေးတယ်။ အဲဒါက သားငယ်နဲ့ အတန်းတူ ကျောင်းသားလေ။ အတန်းတူပေမယ့် အသက်က ကြီးတယ်။ တစ်တန်းလုံးအပေါ် ဗိုလ်ကျအနိုင်ယူချင်တဲ့ ကျောင်းသား။ သူ့ရဲ့အနိုင်ကျင့်မှုကို ဆရာက ဆုံးမတယ်။ ဆရာရဲ့ ဆုံးမမှုကို မနာခံတဲ့အပြင် ဆရာကိုပြန်ရိုက်တယ်။ မိဘကပါ အားပေးအားမြောက်ပြုလို့ အဲဒီကျောင်းသားကို ကျောင်းက ထုတ်လိုက်ရတယ်။ ပညာသင်ကြားခွင့်မရဘူး။ အဲဒါကို မိဘကိုယ်တိုင်က မမှုပေါင်တဲ့လေ။ ပညာမတတ်လဲ ထမင်းစားရ တာပါပဲလို့ ဆိုတယ်။

မကောင်းတဲ့လမ်းကြောင်းဆီသို့ သားသမီးများကို ကိုယ်တိုင်ပို့ပေးနေသူဖြစ်မှန်းလဲ မိဘများကိုယ်တိုင် မသိဘူး ဖြစ်နေကြတယ်။

ဒါက တစ်ဘ၀အတွက်တင်ပါ။ နောင်ဘ၀သံသရာ အတွက် ကိုးကွယ်ရာမများဖို့၊ ရတနာ မြတ်သုံးပါးသာလျှင် ကိုးကွယ်ရာအစစ်ဖြစ်ကြောင်း ညွှန်ပြဖို့ မိဘမှာ တာဝန်အရှိဆုံး လို့ အမေယူဆတယ်။
အခြေခံအကျဆုံးက အထက်တန်းစား ဗုဒ္ဓဘာသာဝင် ကောင်းတစ်ယောက်ဖြစ်အောင် ပြုစု၊ ပျိုးထောင်ပေးဖို့ပါပဲ။ ကိုးကွယ်ရာများတဲ့ အမွေဆိုးတွေ သားသမီးတွေဆီ လက်ဆင့် ကမ်းမပေးသင့်ဘူး။

အန္တရာယ်ကြီးလွန်းလို့ပါကွယ်။ သာသနာ ပျောက်ကွယ်နိုင်တဲ့အရေးကွဲ့။ ဗုဒ္ဓသာသနာတော်ကြီး အိန္ဒိယ မြေပေါ်က ပျောက်ကွယ်ခဲ့ရတာ ကိုးကွယ်ရာ များမှုတွေကြောင့် ပေါ့။

ကိုးကွယ်ရာများတဲ့ မိစ္စာဒိဋ္ဌိအယူက အပြစ်အကြီးဆုံးပဲ။ အပါယ်ငရဲကို ကျိန်းသေကျမှာ။ ကမ္ဘာပျက်တောင်မှ ငရဲက မလွတ်ဘူး။ တစ်ခြားမပျက်တဲ့ ကမ္ဘာက ငရဲတွေဆီ ပြောင်းရွှေ့ ခံရတယ်။

အမိရင်းကိုသတ်ခြင်း၊ အဘရင်းကိုသတ်ခြင်း၊ ရဟနာ ကိုသတ်ခြင်း၊ ဘုရားရှင်အား သွေးစိမ်းတည်အောင်ပြုခြင်း၊ သံဃာတော်အား သင်းခွဲခြင်းဆိုတဲ့ သိပ်ကိုအပြစ်ကြီးတဲ့ ပဉ္စာ နန္တရိယကံကို ကျူးလွန်တာတောင်မှ ဒီကမ္ဘာတည်သည်အထိပဲ ငရဲခံရတယ်။ ကမ္ဘာပျက်ရင် ငရဲကလွတ်တယ်။

ကဲ သားငယ်ရေ၊ ကိုးကွယ်မှုမှားတာ များတာက အပြစ် အကြီးဆုံးခံရမယ့် သာသနာပျောက်ကွယ်စေရေး လမ်းကြောင်း။ ဒီလမ်းကြောင်းဆီ မရောက်အောင် သားသမီးတွေကို မိဘတွေက တားရမယ်။

သမ္မာဒိဋ္ဌိလမ်းကြောင်းမှန်ကို ညွှန်ပြ ရမယ်။ ဒါက မိဘတွေရဲ့ အကြီးမားဆုံး တာဝန်လို့ အမေ ယူဆတယ်။
ဒါကြောင့် မမှီဝဲ၊ မဆည်းကပ်ဘဲ နေလို့မရတဲ့၊ အနီး ကပ်ဆုံး အတူနေရတဲ့ မိဘက၊ လူမိုက် မဖြစ်ဖို့ အရေးကြီး တယ်လို့ အမေတွေးမိတာပေါ့ သားငယ်ရဲ့။

မိဘရဲ့ကောင်းရာညွှန်တဲ့ လမ်းကြောင်းပေါ်မှာ ကောင်းတာလုပ်၊ ကောင်းတာပြော၊ ကောင်းတာကြံစည်၊ ကောင်းအောင် ကြိုးစားသူ၊ မင်္ဂလာနဲ့ပြည့်စုံသူဖြစ်ပါစေလို့ အမေဆန္ဒပြုပါတယ်။

မင်္ဂလာအပေါင်းနဲ့ ပြည့်စုံကြပါစေ။

အမေ

Read More...

Thursday, August 16, 2007

မေမေ ရှင်းပြတဲ့ ဗုဒ္ဓ ရဲ့ မင်္ဂလာတရားတော် - ၁

သားငယ်
လူ့ပြည်လောကကြီးကို စည်ပင်သာယာ၊ ၀ပြော၊ ချမ်းသာစေနိုင်တဲ့ စီမံကိန်းကြီးတစ်ခုကို အမေရေးပြသွားမယ်။ ဘယ်လိုစီမံကိန်းကြီးလဲလို့ တွေးမိသလားကွယ်။

အဲဒါကတော့ (၃၈)ဖြာမင်္ဂလာတရားတော်ဖြစ်တယ်။ `ဒါလား၊ သားငယ်သိပြီးပါ` လို့ သားယူဆချင်ယူဆမှာပဲ။ ဗုဒ္ဓဘာသာဝင်တိုင်းလည်း သိပြီးတဲ့ နာမည်ကျော်တရားကိုး။
အာဂုံအလွတ်ရချင်ရမယ်၊ အဓိပ္ပါယ်တော့ ဂဃနဏ မသိဘူးမဟုတ်လား။ ငယ်စဉ်က ဆရာကြီးဒဂုန်ဦးထွန်းမြင့်ရဲ့ မင်္ဂလာကဗျာလေးတွေ ရွတ်ဆိုခဲ့ရလို့ အထိုက်အလျောက်တော့ သိပြီးဖြစ်မှာပေါ့။


(၃၈) ဖြာမင်္ဂလာတရားတော်ရဲ့ ထူးခြားချက်က မင်္ဂလာ တရားမဟောခင်၊ အုတ်အော်သောင်းတင်း ကောလာဟလ ဖြစ်ပြီးမှ ဟောရတဲ့တရားတော်ဖြစ်တယ်။ နတ်နဲ့လူအပေါင်း တို့ဟာ မင်္ဂလာကို တစ်ဆယ့်နှစ်နှစ်တိုင်အောင် ကြံဆခဲ့ကြတယ်။ အမြင်စွဲမင်္ဂလာ (ဒိဌမင်္ဂလာ)၊ အကြားစွဲ မင်္ဂလာ (သုတမင်္ဂလာ)၊ အနံ့၊ အရသာ၊ အတွေ့အထိစွဲမင်္ဂလာ (မုတမင်္ဂလာ)စတဲ့ မင်္ဂလာ အယူအဆအမျိုးမျိုးတို့ကို လူနတ်အဖြာဖြာတို့ အငြင်းပွားခဲ့ ကြတယ်။ ချမ်းသာခြင်းအကြောင်း ကောင်းမြတ်သော မင်္ဂလာကို မသိခဲ့ကြဘူး သားငယ်ရဲ့။

အမျိုးအမည် မထင်ရှားတဲ့ နတ်သားတစ်ပါးက သန်းခေါင်ယံမှာ မြတ်စွာဘုရားထံမှောက် အရောက်လာပြီး တောင်းပန်လျှောက်ထားလို့ နတ်တို့ထက်နတ် အမြတ်ဆုံး မြတ်စွာဘုရားက မကောင်းမှုမှန်သမျှ ပယ်ဖျောက်တတ်သော သုံးဆယ့်ရှစ်ဖြာ မင်္ဂလာတရားတော်ကို တစ်လောကလုံးရဲ့ အကျိုးစီးပွားအလို့ငှာ ဟောတော်မူခဲ့တယ်။ ဟောကြားတဲ့ နေရာက သာဝတ္ထိြိပည်၊ အနာထပိဏ်သူဌေးရဲ့ ဇေတ၀န် ကျောင်းတိုက် ဖြစ်တယ်။

မင်္ဂလာတရားတော်က လူမှုရေး အများဆုံးပါတဲ့တရား ဖြစ်တယ်။ လောကီကြီးပွားရေးကို လမ်း ညွှန်ပေးရုံမက၊ လောကုတ္တရာ ဘ၀ငြိမ်းချမ်းရေးအတွက် နိဗ္ဗာန်ရသည်အထိ အဆင့်မှန်မှန် အပြည့်စုံဆုံး လမ်းညွှန်ပေးတဲ့ တရားတော်လည်း ဖြစ်တယ်။ တရားတော်အတိုင်း ကျင့်ကြံအားထုတ်သူကို ပညာ ပြည့်ဝ နှလုံးလှပြီး ချမ်းသာသုခရစေတယ်။

အခြေခံလောကီကြီးပွားရေးနဲ့ သက်ဆိုင်တဲ့ မင်္ဂလာက (၂၁) ပါးရှိတယ်။ အသက်ပိုင်း၊ အရွယ်ပိုင်းနဲ့ပြောရရင် ပထမ အရွယ် အသက်(၂၀)အထိက ပေါင်းသင်းဆက်ဆံရေး မင်္ဂလာ (၃)ပါး၊ နေထိုင်ရေး မင်္ဂလာ(၃)ပါး၊ ပညာရေးမင်္ဂလာ(၄)ပါး၊ ပေါင်း(၁၀)ပါး ပါဝင်တယ်။
ဒုတိယအရွယ် အသက်(၂၀)မှ (၄၀)အထိက လုပ်ကျွေး မွေးမြူရေး မင်္ဂလာ(၃)ပါး၊ လူထုအကျိုးပြု မင်္ဂလာက(၄)ပါး၊ ကိုယ်ကျင့်ကောင်းမွန်ရေး မင်္ဂလာက(၄)ပါး၊ ပေါင်း(၁၁)ပါး ပါဝင် တယ်။ အသက်(၄၀)အရွယ်များအတွက်က မင်္ဂလာ(၂၁)ပါးပေါ့။

တတိယအရွယ် အသက်(၄၀)ကျော်ကနေ (၆၀)အထိ တော့ အထက်တန်းဆက်ဆံရေး မင်္ဂလာ (၅)ပါးနဲ့ အထက်တန်း ပညာရရှိရေးမင်္ဂလာ(၄)ပါး၊ ပေါင်း(၉)ပါး၊ လောကီအတွက် မင်္ဂလာ(၃၀)၊ လောကုတ္ဈရာအတွက်မင်္ဂလာ(၈)ပါး။

သားငယ်က အသက်(၂၀)ကျော် အရွယ်ဆိုတော့ မင်္ဂလာ(၂၁)ပါး ကျင့်ရမှာပေါ့။ လူပျိုလူလွတ်ဖြစ်လို့ သားမယား ချီးမြောက်ရေးမင်္ဂလာ(၁)ပါးနှုတ်လိုက်ရင် မင်္ဂလာ(၂၀)ကျန်မယ်။

`အပါး(၂၀)ကြီးများတောင် ကျင့်ကြံရမှာလား´ လို့ များ တယ်မထင်နဲ့ဦး သားငယ်ရေ့။ အဓိက မင်္ဂလာကိုဆောင်လိုက် ရင် ကျန်တဲ့မင်္ဂလာ(၅)ပါးက ပြည့်စုံလာတာဆိုတော့ အခြေခံ မင်္ဂလာ(၆)ပါး ဆောင်လိုက်ရင် သားတို့အရွယ်အတွက် ပြည့်စုံပြီ လို့ဆိုရမယ်။

အသက်(၆၀)ကျော်လာတော့ အမြတ်ဆုံးပန်းတိုင်ဖြစ် တဲ့ နိဗ္ဗာန်ကို မျှော်မှန်းလာပြီလေ။ ဒီတော့ အမြတ်ဆုံး လောကုတ္တရာ ပညာရရှိရေး၊ မင်္ဂလာ(၄)ပါး၊ အမြတ်ဆုံး လောကုတ္တရာချမ်းသာရရှိရေး မင်္ဂလာ(၄)ပါး၊ ပေါင်း(၈)ပါး၊ အားလုံးပေါင်းတော့ (၃၈)ပါး၊ (၃၈)ဖြာ မင်္ဂလာပေါ့။

သားငယ်ရေ မြတ်စွာဘုရားဟောကြားတဲ့ တရားက လူမျိုးမရွေး၊ ဘာသာမရွေး၊ လက်ခံကျင့်ကြံ နိုင်တဲ့ တရားပါ။ အခြားဘာသာဝင်တွေအနေနဲ့ လိုက်နာဖို့ ခက်ခဲတဲ့ တရား(၃)ပါးသာရှိတယ်။ အဲဒါကတော့ ရဟန်းသံဃာတို့ကို ဖူးမြော်ခြင်း၊ သစ္စာ(၄)ပါးကိုသိခြင်း၊ နိဗ္ဗာန်ကို မျက်မှောက် ပြုရခြင်းဆိုတဲ့ မင်္ဂလာ(၃)ပါးပဲ ဖြစ်တယ်။

မင်္ဂလာတရားတော်နဲ့အညီ လိုက်နာကျင့်သုံးသူမှန်သမျှ အကျိုးစီးပွား ဖြစ်ထွန်းတယ်။

ရန်သူအနိုင်မခံရ၊ ချမ်းသာ ကြီးပွားတယ်၊ စစ်ပွဲတစ်ရာ အောင်ပွဲတစ်ရာ ရစေတဲ့တရားပါပဲ။ မင်္ဂလာတရားက မှတ်သားအပ်၊ ကျင့်သုံးအပ်တဲ့ တရားပါ သားငယ်။

မကောင်းပယ်ဖြတ်၊ အကျင့်မြတ်၊ မှတ်အပ်မင်္ဂလာ၊
တိုးတက်ကြီးပွား၊ အကျင့်များ၊ မှတ်သားမင်္ဂလာ၊
သုံးပုံပိဋကတ်၊ အဆီမြတ်၊ မှတ်အပ်မင်္ဂလာ။
မင်္ဂလာအပေါင်းနဲ့ ပြည့်စုံပါစေ။

အမေ

Read More...

မေမေ - ၀ါသနာနဲ့ စာရေးတဲ့ ဆရာမ

ကျွန်တော်ရဲ့ မေမေက အထက်တန်းပြဆရာမတယောက်ပါ။ ကျွန်တော်အတွက်တော့ ချစ်ခင်လေးစားရတဲ့ မိခင်အပြင် စာသင်ပေးတဲ့ ဆရာမ၊ ဘ၀အတွက် လမ်းမှန်ကို ညွှန်ပြပေးတဲ့ ဆရာမပါ။ သားသမီးတွေကို ကျူရှင်မယူစေပဲ သူငယ်တန်းမှ ဆယ်တန်းထိ ကိုယ်တိုင် စာသင်ပေးပါတယ်။ မေမေဟာ အိမ်ရှင်မတယောက်ရဲ့ တာဝန်သာမက ကျောင်းဆရာမ၊ သားသမီးတွေ အတွက် ကျူရှင်ဆရာမ၊ ဖေဖေ အိမ်မှာ မရှိချိန်မှာ အိမ်ထောင်ဦးစီး စတဲ့များပြားတဲ့ တာဝန်တွေကြောင့် သူဝါသနာပါလှတဲ့ စာရေးသားခြင်းကို မလုပ်နိုင်ခဲ့ပါဘူး။


မေမေဟာ စာရေးတာကို ၀ါသနာပါလို့ မန္တလေးတက္ကသိုလ် ကလောင်ရှင်အသင်းမှာဝင်ပြီး စာရေး လှုပ်ရှားခဲ့ပါတယ်။ လူငယ်တွေကို မြေတောင်မြှောက်ပေး လေ့ရှိတယ့် လူထုတိုက်ကို ကိုယ်တိုင်မိတ်ဆက်ပြီး စာမူပို့ပြီး ကြိုစားခဲ့ပါတယ်။ အိမ်ထောင်ကျပြီးနောက် စာရေးခြင်းနဲ့ဝေးခဲ့ပေမယ့် စာဖတ်ခြင်းကို ကိုယ်တိုင်ခုံမင်သလို ပတ်ဝန်းကျင်က လူတွေကို စာဖတ်ဖို့ရာ အားပေးကူညီ ခဲ့ပါတယ်။ ကျွန်တော်တို့မြို့ရဲ့ အထက်တန်းကျောင်းမှာ စာကြည့်တိုက်မှူး အဖြစ် နှစ်ပေါင်းများစွာ လုပ်အားပေးခဲ့ပါတယ်။

စာသင်ခြင်းကို ၀ါသနာပါပေမယ့် မြန်မာပြည် ပညာရေးလောကရဲ့ ပျက်စီးမှုဒဏ်ကို မခံစားနိုင်တော့တဲ့ မေမေဟာ ၁၉၉၇ မှာ ပင်စင်ယူဖို့ အသက်မပြည့်သေးပေမယ့် လုပ်သက်ပြည့်နဲ့ပဲ ပင်စင်ယူခဲ့ပါတယ်။ ပင်စင်ယူ့ပြီးနောက် သားသမီးတွေနေတဲ့ ရန်ကုန်မှာ နေရင်းနဲ့ ဘာသားရေး သင်တန်းတွေတက်၊ တဖက်က ၀ါသနာပါတဲ့ စာကိုပြန်ရေးပါတယ်။ ဘာသာရေးနဲ့ ပတ်သက်တဲ့ စာတွေကို အတွေ့အကြုံတွေကို အခြေခံပြီးရေးခဲ့ပါတယ်။ ကျွန်တော်ကတော့ မေမေရဲ့ အမာခံ ဝေဖန်ရေး စာဖတ်ပရိတ်သတ်ပါ။ ဖတ်လို့မကောင်းသေးဘူး လိုနေသေးတယ်လို့ ပြောရင် ပြင်ရေးပြီး ပြန်ဖတ်ခိုင်းပါတယ်။ နောက်ပြီးတော့ မဂ္ဂဇင်းတွေကို ပို့ရင်းနဲ့ စာပိုရေးဖြစ်လာပါတယ်။

မေမေနဲ့ အနီးကပ် နေခဲ့ရတဲ့ ကျွန်တော်တို့ မောင်နှမတွေအားလုံးက စာဖတ်တာကို ၀ါသနာပါပေမယ့် စာရေးလောက်အောင်ထိ ၀ါသနာ မပါခဲ့ပါဘူး။

ကျွန်တော် မေမေနဲ့ အဝေးမှာရှိနေတော့ စာရေးတိုင်း၊ ဖုန်းဆက်တိုင်းမှာ ဘာသာရေးနဲ့ ဆုံးမလေ့ရှိပါတယ်။ နောက်တော့ ကျွန်တော်ကို စာတိုက်ရိုက်မရေးတော့ပါဘူး။ ကျွန်တော်ကို ပြောချင်တာတွေကို မဂ္ဂဇင်းတွေမှာ စာရေးပြီး၊ သူ့စာမူပါတဲ့ မဂ္ဂဇင်းတွေကို ပို့လိုက်တာပါပဲ။ မဂ္ဂဇင်းကို ဖတ်မိတဲ့သူတွေလည်း ဘာသာရေးအသိ တိုးပါစေဆိုတဲ့ စိတ်နဲ့ပါပဲ။

မေမေရေးခဲ့တာတွေကတော့ ဗုဒ္ဓမြတ်စွားဘုရား ဟောကြားခဲ့တဲ့ မင်္ဂသုတ်တော်ကို နားလည်ဖို့ လွယ်ကူအောင်၊ မိခင်တယောက်က သားကို ပြောဟန်နဲ့ရေးထားတဲ့ အခန်းဆက်ပါ။

အခု အဲဒီ အခန်းဆက်ကို စာအုပ်ထုတ်ဖို့ ကြိုးစားနေပါတယ်။ ကျွန်တော်က အားလုံးဖတ်ဖို့ တချို့အပုဒ်တွေကို ဒီ blog မှာတင်ဖို့ စာရေးသူရဲ့ ခွင်ြ့ပုချက် ယူထားပါသည်။

ထပ်မံဖော်ပြလိုသောသူများ ကြိုတင် ခွင့်တောင်းပါရန် မေတ္တာရပ်ခံပါသည်။

စာအုပ်ဖြစ်မြောက်သွားရင်တော့ အားလုံးတင်ပေးဖို့ကြိုးစားပါမယ်။

Read More...

Ratings