Monday, May 26, 2008

ကိန်းဂဏန်းများ

၁၀၀ အတွက်
ငါးသိန်းက အလုပ်အကျွေးပြု
သန်း ၇၀ က ကျွန်ခံ
ခန့်ခွဲတဲ့ အစီအမံက
တနှစ်မှာ ၁၂ရာနှုန်းကျော်ပြ
နေရာတကာမှာ နံပါတ်နှစ်
အောက်ကနေရေတွက်ရင်ပေါ့။

မိုင် ၁၀၀ ကျော်နဲ့ဖြတ်
နှစ်သိန်းနီးပါး ဖြစ်သလိုနဲ့ထွက်ခွါသွား
၃ သန်းနီးပါးက ဒုက္ခများ
ကူညီတာ ကျပ်သန်းပေါင်းများစွာတဲ့
တောင်းလိုက်တာတော့ ၁၁ ဘီလီယံ
အကြံအစည်မှာ နံပါတ်တစ်
အားလုံးရင်မှာသက်ပြင်းများ ချနေပြီပေါ့။

၃ ပါတ်နဲ့ အပြီးသတ်
နောက်တစ်ဆင့်တက်တော့မယ်တဲ့
မြို့ကြီးမှာ အမှိုက်မရှင်းရသေး
ရွာတွေမှာ အကူအညီကဝေး
အားလုံးကိုပြောတော့ အကုန်လုပ်ပေးတယ်….
ပြောလိုက်ပါ ကိန်းဂဏန်း
ငါးသိန်းထဲက ဘယ်လောက်များ ပါဝင်သလဲဆိုတာကို။

ပြောရင်လည်း စိတ်ကုန်
ပြောစရာကလည်း မကုန်နိုင်တော့
ပြောတဲ့လူသာ အပြစ်မြင်တယ်ပြောတယ်
ကိုယ်လုပ်တာကိုယ်မမြင်
ဘယ်လိုသတ္တ၀ါတွေမှန်း
နားမလည်နိုင်တော့
တနိုင်ဝန်ထမ်း လုပ်နိုင်တာလေး လုပ်နေကြတာပေါ့။

Read More...

Tuesday, May 20, 2008

Burma Viral



ဒီကနေပြီး ယူထားပါသည်။

Read More...

Monday, May 19, 2008

အာစီယံ ‘Coalition of Mercy’ ၏ ကြေငြာချက်

ယနေ့မှာပြုလုပ်မည့် အာစီယံ နိုင်ငံခြားရေးဝန်ကြီးများ၏ ‘Coalition of Mercy’ အမည်ရ မြန်မာနိုင်ငံမှ မုန်တိုင်းဘေး ဒုက္ခသည်များကို ကယ်ဆယ်ရေး အတွက် အစည်းအဝေးရဲ့ ကြိုတင်ပြင်ဆင်ထား ကြေငြာချက်ကို လျှို့ဝှက်ပေါက်ကြားလာသော သတင်းအရ တင်လိုက်ပါတယ်။

`မြန်မာနိုင်ငံ နိုင်ငံခြားရေးဝန်ကြီး ဦးဥာဏ်ဝင်းသည် မြန်မာနိုင်ငံတွင် နာဂစ်စ် မုန်တိုင်းဒုက္ခသည်များကို အစိုးရ၏ ၀န်ကြီးချုပ်ကိုယ်တိုင် ထိရောက်စွာ ကြီးကြပ် ကယ်ဆယ်နေသည်ကို ရှင်းလင်းတင်ပြသွားပါသည်။ အာစီယံဝန်ကြီးများသည် မြန်မာနိုင်ငံ နိုင်ငံခြားရေးဝန်ကြီး ရှင်းပြသည်များကို အားရကျေနပ်လှပါသည်။ မြန်မာနိုင်ငံသည် နာဂစ်စ်ဒုက္ခသည် ကိစ္စများကို ကိုယ်တိုင်ကိုင်တွယ် ဖြေရှင်းနိုင်သည်ဟုလည်း ယုံကြည်ပါသည်။ နာဂစ်စ် ဒုက္ခသည်များကိစ္စသည် ပြည်တွင်းရေးဖြစ်ပါသောကြောင့် အာစီယံအနေနဲ့ မြန်မာနိုင်ငံအတွင်းသို့ နိုင်ငံခြားသာ ကျွမ်းကျင်ပညာရှင်များ သွားရောက်ကယ်တင်ခြင်းသည် မလိုအပ်ဟုထင်မြင်မိပါသည်။ မြန်မာနိုင်ငံသည် လိုအပ်မည်ဖြစ်ပါက အာစီယံအဖွဲ့အား အကြောင်းကြားပါမည် ဟုပြောကြားကြောင်း ကြေငြာအပ်ပါသည်။´


အာပဲအာတတ်ပြီး စီယံ လို စည်းနဲ့ဝါး ဆိုပြီး စစ်အစိုးရအလိုအတိုင်း လုပ်တတ်တဲ့ အာစီယံကို ဂုဏ်ပြုခြင်းပါ။

.................................................................................

နောက်ဆက်တွဲသတင်း… (အတည်)

သတင်းအရတော့ မြန်မာနိုင်ငံသည် အာစီယံ နိုင်ငံများမှ ဆေးပညာရှင်အဖွဲ့များ၊ အကူအညီများကိုလက်ခံသွားပါမည်။ အာစီယံနိုင်ငံများမှတဆင့်လာသော နိုင်ငံတကာမှ အကူအညီများသည် နိုင်ငံရေးမပါဝင်ရဟုလည်း ပြောဆိုထားပါသည်။

စင်ကာပူ နိုင်ငံခြားရေးဝန်ကြီးက ကူညီဖို့ဘာလို့နောက်ကျနေရတာလည်း မေးခွန်းကိုတော့ လုံးဝမရောက်တာထက်စာရင် နောက်ကျတာက ပိုကောင်းတာပေါ့ လို့ပြောသွားပါသည်။ ဟုတ်ကဲ့ ပိုနောက်ကျရင် ပိုကောင်းတာပေါ့ မဖြေတာတော်သေးတာပေါ့။

မြန်မာနိုင်ငံခြားရေးဝန်ကြီးကတော့ ကူညီမယ့် ကျွမ်းကျင်နိုင်ငံခြားသားတွေအတွက် ဗီဇာတွေ လိုရင်တော့ ထုတ်ပေးမယ်လို့ပြောတော့ ဘန်ကီမွန်း ဗီဇာရပါ့မလားလို့ စိုးရိမ်နေမိပါသည်။

Read More...

Thursday, May 15, 2008

ဦးစားပေး အဆင့် ၁

ဒီအချိန်မှာ…

ဒုက္ခရောက်နေသူကို ကူညီပါ။
အားနည်းနေတဲ့သူကို ဖေးမပါ။

ငွေတတ်နိုင်ရင် ငွေကူပါ။
လူတတ်နိုင်ရင် လူကူပါ။
အကြံပေးနိုင်ရင် ပေးလိုက်ပါ။
စိတ်ဓာတ်အင်အားကို ဖြည့်ပေးပါ။

အားလျော့စိတ်ပျက် ဝေဖန်အပြစ်တင်တာတွေ ခဏထားလိုက်ကြရအောင်လားဗျာ။

Read More...

Tuesday, May 13, 2008

တိုက်ဆိုင်မှုတွေ…

၁၉၈၈ မြန်မာနိုင်ငံ - ကျောင်းသားဦးဆောင်ပြီး တတိုင်းပြည်လုံးပါဝင်ခဲ့တဲ့ ၈၈၈၈ စနစ်ပြောင်းတော်လှန်ရေး။
၁၉၈၉ တရုတ်နိုင်ငံ - ကျောင်းသားဦးဆောင်ပြီး ပြည်သူအများထောက်ခံမှုရရှိခဲ့သော ကွန်မြူနစ်စနစ်ကို ဆန့်ကျင်သော ဆန္ဒပြမှု။

၂၀၀၇ မြန်မာနိုင်ငံ - သံဃာတော်များ ဦးဆောင်သော ပြည်သူများအတွက် ငြိမ်းချမ်းစွာ ဆန္ဒပြမှု။
၂၀၀၈ တရုတ်နိုင်ငံ - တိဘက်မှာ တိဘက်ဘုန်းတော်ကြီးများ ဦးဆောင်သော တရုတ်အစိုးရကို ဆန့်ကျင်ဆန္ဒပြမှု။

၂၀၀၈ မြန်မာနိုင်ငံ - မကြုံစဖူး အင်အားပြင်းသော နာဂစ် မုန်တိုင်းတိုက်ခတ်ပြီး ပြည်သူအများအပြားသေဆုံးမှု။
၂၀၀၈ တရုတ်နိုင်ငံ - နှစ်သုံးဆယ်အတွင်း အင်အားအပြင်းဆုံး မြေငလျင်လှုပ်ပြီး ပြည်သူအများအပြားသေဆုံးမှု။


မြန်မာနိုင်ငံမှာ လွတ်လပ်ပြီးတရားမျှတမှုတွေရှိလာရင်… တရုတ်ပြည်မှာလည်း… စသည်ဖြင့် ဆက်ရန်တွေရှိသေးမှာပဲ….

ဒါမှမဟုတ်… အခြေအနေတွေ အတူအတူပဲ ထပ်ဆိုးနေကြဦးမှာလား။

မြန်မာပြည်သူများ လက်ရှိခံစားနေရသော ဒုက္ခအပေါင်းမှ အမြန်ဆုံး ကင်းလွတ်ကြပါစေ။

Read More...

Saturday, May 10, 2008

မုန်တိုင်းပြီးသော်… ၂

လပွတ္တာမြို့၏ ပျက်စီးမှု၊ မုန်တိုင်းဒုက္ခသည်များ ဓာတ်ပုံကို လက်ခံရရှိလို့ မှဝေပေးပါတယ်။












မုန်တိုင်းကြောင့် ပျက်စီးသွားတဲ့ ရန်ကုန်တက္ကသိုလ်ရဲ့ ဓာတ်ပုံများကိုလည်း မျှဝေပေးလိုက်ပါတယ်။




တက္ကသိုလ် ဓမ္မာရုံ

Read More...

Tuesday, May 6, 2008

မုန်တိုင်းပြီးသော်… (updated with photos)

အားလုံးသိတဲ့အတိုင်း ကျွန်တော်တုိ့နိုင်ငံမှာ နာဂစ် ဆိုင်းကလုံးတိုက်ခတ်သွားတာ ရန်ကုန်မြို့ ရစရာမရှိအောင် ပျက်စီးသွားပါပြီ။ နေစရာ၊ စားစရာ၊ ရေ အခက်ခဲတွေ ရှိနေကြပါတယ်။

ဒီထက်ဆိုးတာကတော့ ဧရာဝတီတိုင်း မှာ ရှိတဲ့ ကျိုက်လတ်၊ ဒေးဒရဲ၊ ဘိုကလေး၊ မအူပင်၊ မော်လမြိုင်ကျွန်း၊ လပွတ္တာ၊ ဖျာပုံ မြို့တွေမှာ ၉၀% သော အဆောက်အဦးတွေ ပျက်စီးသွားတယ်လို့ သိရပါတယ်။ ပျင်စလူ ဆိုတဲ့ မြို့လေးမှာတော့ လူဦးရေ ၄၀၀၀ မှာ ၃၆၀၀ ပျောက်နေတယ် လို့ကြားပါတယ်။ ကြားရတဲ့ သတင်းတွေကတော့ အလွန်ကို စိတ်မကောင်းစရာပါပဲ။

ပြည်ပရောက် မိတ်ဆွေတွေအနေနဲ့ လူအား၊ ငွေအား၊ ပစ္စည်း အကြံအဥာဏ်တွေ၊ နောက်ပြီး ပြန်လည်ထူထောင်ဖို့ အစီအစဉ်တွေ ကို တတ်နိုင်သလောက် ပံ့ပိုးပေးဖို့ တိုက်တွန်းပါတယ်။

ဒီနေ့မနက် စောစောမှာ UN က မြစ်ဝကျွန်းပေါ်ဒေသကို သွားရောက်ပြီး ပျက်စီးဆုံးရှုံးမှုတွေကိုကြည့်နေပြီလို့ သတင်းရပါတယ်။ နိုင်ငံတကာ လူမှုရေးအဖွဲ့တွေလည်း မြစ်ဝကျွန်းပေါ်ဒေသကိုသွားရောက်နေပါပြီ။

နိုင်ငံတကာ အဖွဲ့အစည်းတွေကတော့ ကူညီဖို့အသင့်ဖြစ်နေပြီလို့ သိရပါတယ်။ ကျွန်တော်တို့နိုင်ငံမှာရှိတဲ့ လူကြီးမင်းများအနေနဲ့ အဲဒီအကူအညီတွေကို ချွင်းချက်မရှိလက်ခံပေးဖို့ တောင်းပန်ပါတယ်။

အခုအချိန်မှာ လူကြီးမင်းတို့အနေနဲ့ မဲပေးဖို့လုပ်နေတာထက် ပြည်သူတွေကို ရေပေးနိုင်ဖို့ ဆောင်ရွက်ပေးရင် အကောင်းဆုံးပါပဲ။ လူအင်းအားတောင့်တဲ့ ကြံ့ခိုင်ရေး၊ စွမ်းအားရှင် တို့နဲ့ ပြည်သူ့အခွန်ကိုစားသုံးနေတဲ့ လုံထိန်း၊ မီးသတ်၊ ရဲ၊ စစ်တပ် တို့ အင်အားပြ ကူညီရမယ့်အချိန်ဖြစ်ပါတယ်။

အောက်မှာ မုန်တိုင်းတိုက်ခတ်အပြီး ရန်ကုန်တက္ကသိုလ် ပတ်ဝန်းကျင်မြင်ကွင်းများကို ၀မ်းနည်းစွာတွေ့ရပါတယ်။ သစ်ပုပ်ပင်လောက်ပဲ မားမားမတ် ကျန်ခဲ့ပါတော့တယ်။























Read More...

Friday, May 2, 2008

မေမေရဲ့ လက်ဆောင်

သားငယ်ရေ...
ပျော်ရွှင်ပါစေကွယ်... လွန်ခဲ့တဲ့ နှစ်၃၀ကျော် က သားငယ်ရဲ့ ပထမဆုံး မွေးနေ့ကို သတိရမိတယ်။ အဲဒီနေ့ က အကြောင်းကို ရေးလိုက်တယ်။ သားငယ်လည်း သိရတာပေါ့ကွယ်။

တကယ်တော့သားငယ်ကို ”ကံကြီးမောင်” လို့အမည်ပေးသင့်တာ၊ ဘ၀ တစ်ခုကို စီမံ လိုက်တဲ့ ကုသိုလ်ဇနက ကံ ကြီးမားလွန်းလို့ လူဘ၀မှာ ရှင်သန်ခွင့်ရခဲ့တာကိုး။

သားငယ် အမိဝမ်းက ကျွတ်ကျွတ်ခြင်း ငိုသံလည်းမကြားခဲ့ရဘူး၊ ပြုစုစောင့်ရှောက်နေကြတဲ့သူတွေရဲ့ အသံလည်းကြားရ၊ အမေ့နားမှာ ဆရာဝန် သူနာပြုဆရာမ လည်းမရှိကြဘူး၊ သားအဒေါ်များက လည်း မရှိကြ တော့ အမေ့စိတ်မှာပူပန်သွားတယ်။ တကယ်ဆို အမေ့ကိုပြုစုရမယ့်အချိန်မှာ ကလေးကိုသာ ၀ိုင်းဝန်းပြုစုနေတော့ စိုးရိမ်မိတာပေါ့။

”ကလေးက မငိုပါလား ၊ ကလေးဘာဖြစ်လို့လဲ” ဆိုတဲ့ အမေ့ရဲ့ အမေးကို ဘယ်သူမှပြန်မဖြေကြဘူး
ခဏကြာမှ ” အူဝဲ... အူဝဲ...” နဲ့ သားငယ်ရဲ့ငိုသံကြားရတော့တယ်။

သားရဲ့ အူဝဲ ဆိုတဲ့ အသံဟာ အားလုံးကို ရွှင်ပြုံးသွားစေတယ်။ ပင့်သက်ချနိုင်စေတယ်။ သောက ကင်းဝေး စိတ်အေးချမ်းမြေ့စေခဲ့တယ်။

သားငယ်ကို ပိတ်အနှီးဖြူလေးနဲ့ ထွေးပတ်ပြီး အမေ့လက်ထဲလာထည့်ရင်း ” ယောက်ျားလေးဟဲ့၊ ၈ ပေါင်တောင်ကျော်တာ ခြေလက်အင်္ဂါ အစုံအလင်နဲ့ သန်သန်မာမာကြီးပါတော်၊ အသံကလည်းအောင်လိုက်တာ ကြားတယ်မို့လား“ သားငယ်ရဲ့ အသက်သခင်ကျေးဇူးရှင် သူနာပြုဆရာမကြီး ရဲ့ ၀မ်းသာရွှင်မြူး၊ ကြည်နူးပီတိ နဲ့ ပြောတယ်လေ။

သားကိုမွေးပြီး ဆေးရုံမှာ ၂ နာရီကျော် နားပြီးတော့မှ အမေလည်းသားငယ်ကို ပိုက်ပြီး ကားနဲ့အိမ်ကိုပြန်ခဲ့တော့တယ်။ သားငယ်က လူဘ၀ရောက်ပြီး နာရီပိုင်းမျှသက်တမ်းရှိသေးတယ် ကားစီဖူးသွားပြီ၊ သားငယ်ရဲ့ အစ်ကို နဲ့ အစ်မ တုန်းကတော့ ဆေးရုံမှာ ၅ ရက်နေပြီးမှ အိမ်ပြန်တာဆိုတော့ ရက်သားအရွယ်မှ ကားစီဖူးကြတာ။

နောင်ပြောပြကြတာက သားငယ်က အမေ့ဝမ်းက ကျွတ်လာတော့ တစ်ကိုယ်လုံးပြာနှမ်းနေတာ၊ လုံးဝငိုလည်းမငိုဘူး လှုပ်လည်းမလှုပ်ဘူးတဲ့၊ ၀ါရင့်သူနာပြုဆရာမကြီးက ခြေထောက် နှစ်ချောင်းကို ဇောက်ထိုးအနေအထားဆွဲပြီး ကျောကိုပုတ်ပေးတာလည်းမငိုဘူး၊ ချက်ကို ဆေးထိုးလိုက်တော့မှ ငိုသံထွက်လာတော့တာတဲ့၊ အဲဒီတော့မှ အပြာရောင်တွေ ဖျော့ဖျော့သွားပြီး အနီရောင် ပန်းသွေးရောင်တွေ သန်းလာတာဆိုပဲ။

ကုသိုလ်ကံ သတ္တိမကုန်သေးလို့သာပေါ့ကွယ်။ စက္ကန့်ပိုင်းလေးနောက်ကျရင်ကို လူ့ဘ၀က စွန့်ခွာရတော့မှာ၊ သားငယ်ရဲ့ အတိတ်ကုသိုလ်ကံက ကြီးမားလှပါတယ်။ လူ့ဘ၀ဟာ ရခဲတယ်၊ ရခဲတာရလာတယ် ရောက်လာရတယ်ဆိုကတဲက ကုသိုလ်ကံ ကြီးလွန်းလို့ပါ။

အဲဒီနေ့ တစ်နေ့လုံး အမေရော သားငယ်ပါ လူ့ဘ၀မှာ ရပ်တည်ရှင်သန်နိုင်ရေး ရုန်းကန်ခဲ့ကြရတယ်။ သားငယ်ကတော့ အမေ့ထက်ပိုပြီးပင်ပန်းဆင်းရဲခဲ့မှာပေါ့။ ဘာလို့ပိုဆင်းရဲရတယ်ဆိုတဲ့ အကြောင်းကိုလည်း ထည့်ရေးလိုက်မယ်နော်။

ဖန်လာပုံအကြောင်းတွေရေးပြရရင်တော့ သားငယ်သိတဲ့ အတိုင်း အဖေ နဲ့ အမေ က တစ်မြို့စီခွဲပြီး နိုင်ငံတာဝန်ထမ်းဆောင်ခဲ့ကြရတယ်။ အဖေက တောထဲတောင်ထဲတွေမှာ တာဝန်ထမ်းဆောင်နေရတာ ဆိုတော့ ၃ လကြာမှ နားရက်ယူပြီး တစ်ခေါက်အိမ်ပြန်ရောက်တယ်။ ဒါကလည်းပုံမှန်မဟုတ်ဘူး တခါတလေ ၆ လ လောက်ကြာ မှ နားရက်ရတာ မျိုးလည်းရှိသေးတယ်။ဖြစ်ချင်တော့ သားငယ်ကို ဖွားခါနီးမှ လက်ရှိအိမ်ဖော် က ထွက်သွားတယ်။ လူသစ်ကလည်းမရသေး၊ သား အစ်ကိုက ၇ နှစ် နဲ့ အစ်မ က ၃ နှစ်ဘဲရှိသေးတယ်။ အမေ့မှာ ကိုယ်ခွဲ လက်ခွဲမရှိ သားအဖေကလည်း ပြန်လာချိန်တန်ပါရဲ့နဲ့ ပြန်မလာနိုင်သေးတော့၊ သားကိုမွေးဖွားဖို့ သားငယ်ရဲ့ အဒေါ်များရှိရာမြို့ကို သားအမိ ၃ ယောက် လာခဲ့ရတယ်။

တောမြို့ငယ်မှာက ဆေးရုံမှာ ဖွားမြင်လေ့မရှိကြဘူး။ အိမ်မှာ သားဖွားဆရာမနဲ့ ဖွားမြင်လိုက်ကြတဲ့ဓလေ့ရှိတယ်။ အမေက ဆေးရုံမှာ မွေးဖွားချင်တယ်၊ ဆေးရုံမှာက အားထားစရာ ဆရာဝန်၊ ဆရာမ ၊ ဆေး ၊ ပစ္စည်း ကိရိယာ အစုံအလင်ရှိတယ်မဟုတ်လား၊ ရပ်ရွာဓလေ့အရ အိမ်မှာလာရောက်အားပေးကြတဲ့ သူတွေက အပြည့်၊ မွေးဖွားမဲ့ အခန်းထဲမှာလည်းလူအပြည့်၊ ဒီအခြေအနေတွေက အမေ့ကို အခက်တွေ့စေတယ်။

မနက်ကတည်းက ဗိုက်နာနေတာ နေ့လည်ရောက်တော့လည်း မဖွားမြင်သေးဘူး၊ သားဖွားဆရာမက ဖွားမြင်လွယ်အောင်ရေမွှာကိုဖောက်ပစ်လိုက်တယ်၊ ရေမွှာပေါက်ပြီးရင် မွေးရလွယ်ကူတယ်လို့ဆရာမ ကပြောတယ်။

အခုတော့သဘာဝ အတိုင်းရေမွှာကပေါက်ချိန်တန်မှပေါက်တာမဟုတ်တော့ ကလေးလိုက်မလာဘူးပေါ့၊ သားငယ်ခမျှာမှာ အမိဝမ်းတွင်းထဲမှာ ရေမွန်းရတဲ့အဖြစ်ကြုံခဲ့ရတယ်။ အတိတ်ဘ၀က အကုသိုလ်ကံကြောင့်ဖြစ်ရမယ်။

အမေက ဆေးရုံသွားဖို့ရတိပြတ်ဆုံးဖြတ်ချက်ချခဲ့တယ်။ ဆေးရုံရောက်တော့ မကြာပါဘူး သားငယ်ကို အခက်အခဲမရှိဖွားမြင်ခဲ့တယ်၊ ကုသိုလ်ဇနကကံရဲ့ အကျိုးကိုကြာမြင့်စွာတည်အောင် ထောက်ပံ့ကူညီတတ်တဲ့ စေတနာကံ၊ ဥပထမ္ဘကကံကြောင့် သားငယ် အသက်ရှင်သန်ခွင့် ရခဲ့တာပေါ့ကွယ်။

အမေဖတ်ဖူးထားတဲ့ ၀မ်ကြာတိုက်ထဲမှာ နေရတဲ့သူငယ်အကြောင်းရေးပြရရင်-
အမိဝမ်း၌ ကိန်းသူ၊ ကိုယ်ဝန်သူငယ်သည် အစာကျက်အိမ်ပေါ်ထိုင်ကာ၊ အစာသစ်အိမ်ကို ရွက်လျှက် အမိကျောရိုးကို မျက်နှာမူပြီး၊ ဆောင့်ကြောင့်ထိုင်နေ၏။ လက်နှစ်ဖက်ဆုပ်ကာ၊ မေးကိုထောက်လျှက်၊ မိုးရွာသည့်အခါ သစ်ခေါင်းတွင်းရှိ မျောက်ကဲ့သို့ ကျပ်တည်း ကျဉ်းမြောင်းစွာ ကုပ်ကုပ်ကလေး နေရ၏။
ထိုပြင့် ၁၀ လ ပတ်လုံး အမိကိုယ်ငွေ့ကြောင့် ရေနွေးဖြင့် ပြုတ်ဖျောအပ်သကဲ့သို့ ခံစားရ၏၊ ကွေးခြင်း ဆန့်ခြင်းမရှိသည့်အတွက် လွန်စွာ ဆင်းရဲ၏။ တည့်တည့် ဆွဲလိုက်၊ နောက်ကဆွဲလိုက်၊ အထက်မြှောက်လိုက်၊ အောက်နှိပ်လိုက် စသည်ဖြင့် လွန်ကဲသော ဆင်းရဲကိုခံစားရ၏။

မိခင်က အေးသောရေကို သောက်သည့်အခါ သူငယ်သည် အလွန်အေးသော ငရဲ၌ ကျသကဲ့သို့၊ ပူသောအဟာရကို စားသောအခါ သူငယ်သည် မီးကျီးထဲပစ်ချခံရသကဲ့သို့၊ အငန် အချဉ် အစပ် စသည်တို့ကို စားသောအခါ သူငယ်သည် အရေခွာ၍ ဆားငန်ရည်လောင်းခံရသကဲ့သို့ လွန်ကဲသော ဆင်းရဲကို ခံစားရ၏။

ဤသည်ကို ရည်၍ မဟာဝိသုဒ္ဓါရုံ ဆရာတော်ဘုရားကြီးက “ စာသစ်စာကျက်၊ အောက်ထက်ဝန်းရံ ပုပ်နံညှီလှောင်း၊ ကျဉ်းမြောင်းမဲမိုက်၊ မိဝမ်းတိုက်ဝယ်၊ ဘင်၌ လောင်လို၊ ကျောက်ကိုဝမ်းပြု၊ ဒူးနှစ်ခုကြားဦးခေါင်းထားလျှက်၊ မေးကြားလက်ဆုပ်၊ သစ်ငုတ်တိုမှာ မျောက်အိုကုပ်သည့်နှယ်၊ မလှုပ်မယှက်၊ သေသောက်လက်ဝယ်၊ ဆိတ်သူငယ်လို၊ အလမ္ပာယ်မိ၊ မြွေငယ်ချိသို့ အမိစပ်ခါး၊ ပူအေးစားလည်း၊ ကိုယ်သားဆတ်ဆတ်၊ သက်ပြတ်တစေ၊ ဆယ်လနေ၍ လေကမ္မဇ၊ ဦဆောက်ချသား၊ မဂ်ဝသို့ရောက်၊ သံကောက်ပေါက်မှ၊ ဆွဲမြှောက်ဆင်ပြောင်၊ သံတောင်ကြိတ်ချေ၊ ပုံနေယိက၊ ပြင်သို့ကျလည်း၊ အပ်ဆွသည့်ဟန်ကြီးပြန်ဒုက္ခ၊ များပြားလှသည်၊ လက်စဇာတိမူးရင်းတည်း“

သားငယ်က အမေ့ထက် ပိုပြီး ပင်ပန်းဆင်းရဲခဲ့မှာလို့ ရေးတာက အမိဝမ်းကြာတိုက်က ထွက်မြောက်ဖို့ ရုန်းကန်ကြိုးစားရမဲ့အချိန်မှာ ရေမွန်းနေတဲ့ဝေဒနာ၊ ရုန်းကန်ရတဲ့ဝေဒနာ၊ ကမ္မဇလေတွန်းထုတ်ခံရခြင်းဝေဒနာ၊ ဒီဝေဒနာတွေကပြင်းထန်လွန်းလို့အမိဝမ်းတွင်းမှာနေထိုင်ခဲ့ရတဲ့ ဒုက္ခတွေကို ဘာမျှ သတိမရတော့တာတဲ့၊
ဒုက္ခဆိုတော့ မေ့တာ ခပ်ကောင်းကောင်းပါနော်၊ လူလောကထဲ အသက်ပါရုံရောက်ရှိလာတဲ့ သားငယ်ဟာ ကံကောင်ထောက်မစွာ နားလည်တတ်ကျွမ်းသူတွေရဲ့ ပြုစုကုသမှူကြောင့် ရှင်သန်ခဲ့ရတာဆိုတော့ ကံကြီးမောင် လို့တောင်အမည်ပေးသင့်တာပေါ့ကွယ်။

ဒီအဖြစ်ကလေးဟာ လွန်ခဲ့တဲ့ နှစ်၃၀ကျော် နွေရာသီ နေ့ရက်တရက်ရဲ့ ညနေ ၂ နာရီ ၄၅ မိနစ်က ဖြစ်ခဲ့တာဆိုတော့ တော်တော်ကြာခဲ့ပြီပေါ့။

သားငယ်အတွက် လက်ဆောင်ပါ။ ကုသိုလ်ကံကြီးမားရင် အကုသိုလ်ကံကို ကျော်လွှားနိုင်တာ ကို ကိုယ်တွေ့မို့ ကံကောင်းအောင် ကောင်းကံတွေ များများလုပ်ပါနော်။

မင်္ဂလာအပေါင်းနဲ့ပြည့်စုံပါစေ။
အမေ

Read More...

Ratings