Saturday, June 28, 2008

Domain name changed

Domain name ပြောင်းတာကို ဒီကို စာလာဖတ်တဲ့ သူငယ်ချင်းတွေ သတိထားမိတာရှိသလို၊ သထိမထားမိတာလဲ ရှိမယ်ထင်ပါတယ်။ Blog Spot ရဲ့ sub-domain ဖြစ်တဲ့ peti31 ကနေပြီ ကိုယ်ပိုင် Domain pti31 ကိုပြောင်းလိုက်တာပါ။ သတိတောင်မထားမိဘူး ထင်ပါတယ်။ တကယ်တော့ peti31.blogspot.com သွားရင်လည်း pti31.com ကို သူ့အလိုလိုပြောင်းသွားပေးတာမို့ သတိမထားလောက်ဘူးပေါ့။ အဲဒါကြောင့်လည်း သတိထားမိအောင်ရေးတာပေါ့နော်…. :P

ဘာလို့ PeTi31 ကနေ ပြီးတော့ PTi31 ဖြစ်သွားသလဲဆိုတော့ ဘလော့ကို ပထမအဆုံးအကြိမ်လာလည်တဲ့အခါ Pe Ti ကို ကြည့်ပြီး ပေသီး လို့ထင်တဲ့လူကထင်၊ ပေတိလို့ အသံထွက်တဲ့လူကထွက်၊ PeT ဆို စာလုံးပြောင်းတဲ့လူကပြောင်း ဆိုတော့ PTi ဆို ရှင်းသွားမယ်ထင်လို့ပါ။ နောက် သူငယ်ချင်းတယောက်အကြံပေးပါသေးတယ် pt31.com ဆိုပိုကောင်းတာပေါ့တဲ့၊ နောက်ကျသွားတော့ သူများယူသွားပြီး ကျွန်တော် ၀ယ်လို့မရတော့ဘူးလေ…

ဘာလို့ ပိုက်ဆံအကုန်ခံပြီး ကိုယ်ပိုက် domain ၀ယ်တာလဲဆိုတော့ ကျွန်တော့်အမေကို ရေးတာလေးတွေ အချိန်နဲ့တပြေးညီ (မြန်မာသတင်းစာတွေထဲက စာလုံးပါ) ဖတ်စေချင်လို့ပါ။ ကျွန်တော် စာရေးဖြစ်လား၊ ဘာတွေရေးလဲ အမြဲသိချင်တဲ့ အမေ့အတွက် ၀ယ်လိုက်တာပါ။

ပြောင်းလိုက်တော့ ဘာဖြစ်သလဲဆိုတော့ http://getsatisfaction.com/outbrain ကနေ ယူထားတဲ့ rating က အရင်ပေးထားခဲ့တာတွေပျောက်သွားတာပါပဲ။ အဲဒါနဲ့ သူတို့ရဲ့ Support ကိုမေးကြည့်တော့ domain အဟောင်းနဲ့ အသစ် ကိုပေးပါ သူတို့ပြောင်းပေးမယ်လို့ ပြောပါတယ်။ အခုအထိတော့ မပြောင်းသေးပါဘူး။ EOT ကိုတော့ မပြောင်းထားရသေးပါဘူး။ Domain ပြောင်းတော့ EOT ကိုလည်း အသစ်လုပ်မှရမှာပါ။ အခု ဘလော့ကို ပုံမှန်အတိုင်းမြင်နေရတာကတော့ ဇော်ဂျီဖောင့် ရှိနေလို့ဖြစ်မှာပါ။

ဘလော့ကို ပုံမှန် လာလည်တဲ့ သူငယ်ချင်းတွေ လိပ်စာကိုပြောင်းမှတ်ပေးပါ နော်…

Peti ပဲ ဖြစ်ဖြစ် PTi ပဲဖြစ်ဖြစ် ပီတိကတော့ ပီတိ ပါပဲ….

Read More...

Monday, June 23, 2008

အချိန်လွန်


(ဓာတ်ပုံကို ဒီက နေယူပြီးထားပါသည်)

နေ၀င်တော့မည့် ဆည်းဆာ
တောင်တန်းပြာနောက်ခံထား
အဝေးမှာ စေတီလေးများ နဲ့
မြစ်ရေပြင် ငြိမ်သက်သက်
အိပ်တန်းတက်တော့မည့် ငှက်နှစ်ကောင်
မှိုင်းညိုညိုကောင်းကင်အောက်မှာ
နောက်ကျပြန်လာတဲ့ ငါးဖမ်းလှေ
သောင်ပြင်ကျယ် သဲဖြူလွှလွှ
ခံစားချက်ဝေမျှတဲ့ ညနေ

အို … လှပတဲ့ ရှုခင်း
အသက်ဝင်တဲ့စုတ်ချက်
ဝယ်တော့မယ်ကြံ
ကောက်ကိုင်ကာ ဈေးမေးတော့
“အကို” ရောင်းပြီးသွားပြီတဲ့။

Read More...

Wednesday, June 18, 2008

အိမ် ရဲ့ အဝေးက အိမ်

ငယ်စဉ်က အိမ်နဲ့ပတ်သက်ပြီး ကံကောင်းတယ်လို့ ပြောလို့ရတဲ့ ကျွန်တော်၊ ဆယ်တန်းစာမေးပွဲဖြေပြီး ၂ ရက်အကြာ ကျောင်းပိတ်ရက်မှာ သင်တန်းစုံတက်ဖို့ ရန်ကုန်ကို ထွက်လာခဲ့ပါတယ်။ အဲဒီအချိန်က ၁၉၉၆ ခုနှစ် မတ်လ။

ထွက်လာတုန်းကတော့ အိမ်ကနေ ယာယီထွက်လာခဲ့တာလို့ထင်ခဲ့မိပြီး တနေ့နေ့ တချိန်ချိန်မှာ အိမ်ကိုပြန်လာမယ်ဆိုတဲ့စိတ်ကူးရှိခဲ့ပါတယ်။

ရန်ကုန်ကိုရောက်ခါစ ရန်ကင်းဘက်မှာ တိုက်ခန်းတခန်းကို မောင်နှမတတွေ ငှားပြီးနေကြပါတယ်။ ငှားနေတဲ့အိမ်ဆိုတော့ အိမ်ဆိုတဲ့ အရသာဘယ်တုန်းကမှ မရခဲ့ပါဘူး။ နောက်ပြီး တိုက်ခန်းမှာနေရတာ နေသားမကျတော့ နေစမှာ အင်မတန် စိတ်ကျဉ်းကျပ်မှုကို ခံစားခဲ့ရ ပြီး မကြိုက်ပါဘူး။ အိမ်သာတက် ရေချိုးတာက အစ စိတ်ထဲမှာကျဉ်းကျပ်ရတော့ သဘောမကျနိုင်ခဲ့ပါဘူး။ နေတာနဲနဲကြာလာတော့ နေသားကျတယ်လို့သာရှိပါတယ်။ အိမ်ဆိုတော့ အရသာကိုတော့ မခံစားရပါဘူး။

ရန်ကင်းမှာ တစ်နှစ်လောက်နေပြီးတော့ အမဖြစ်သူက အဆောင် အဆင်ပြေလို့ အဆောင်မှာသွားနေတဲ့အပြင် အိမ်ငှားခတွေလည်း ဈေးတက်ကုန်တော့ လင်မယားနှစ်ယောက်ထဲရှိတဲ့ ဦးလေးရဲ့အိမ်ကိုပြောင်းနေခဲ့ပါတယ်။ ခပ်စိမ်းစိမ်းနေတတ်တဲ့ ဦးလေး နဲ့ တနေ့နေလို့ စကားတလုံးမပြောတဲ့ အဒေါ်တို့ကြောင့် အမေ့အိမ်ကို ပိုပြီးတမ်းတလာခဲ့မိတယ်။

ကျောင်းပိတ်ရက်တွေမှာ ဖေဖေတာဝန်ကျရာမြို့ကိုလိုက်သွားပြီး မိသားစုနဲ့ အတူနေခဲ့ရလို့ နွေးထွေးမှုကိုခံစားခဲ့ရပေမယ်လို့ ညောင်ဦးအိမ်မဟုတ်တော့ တခုခုလိုအပ်နေသလိုပါပဲ။ ညောင်ဦးနဲ့နီးတော့ မကြာခဏဆိုသလို အိမ်ကိုပြန်ပြီးနေဖြစ်ပါတယ်။ အိမ်ကိုရောက်တိုင်း အမေ့ကို ပြောလေ့ရှိတာကတော့ "အမေ... အိမ်ဆိုရင်လေ သားစိတ်ထဲမှာ ဒီအိမ်ကိုပဲစိတ်ထဲမှာ မြင်မိတယ်” လို့ပါပဲ။

ရန်ကုန်တက္ကသိုလ်မှာ ကျောင်းတက်နေရင်းနဲ့ ပင်းယဆောင်မှာနေခဲ့ရတဲ့ အချိန်မှာတော့ အိမ်ကိုမလွမ်းခဲ့ပါဘူး။ မနက်လင်းချိန် ကျောင်းသွားတော့ သူငယ်ချင်းတွေနဲ့အတူသွား ခဲ့တာတွေ၊ ကျောင်းကပြန်လာတော့ ရေချိုးပြီးတာနဲ့ အဓိပဓိလမ်းမဘက်ထွက် ရေတမာပင်အောက်မှာ သူငယ်ချင်းတွေနဲ့စကားပြောရင်း ကျောင်းပြီးလို့အိမ်ပြန်ကြတဲ့ ကျောင်းသူတွေကို ငေးလိုက် စလိုက် လုပ်ခဲ့တာတွေ၊ အင်းလျား ရတနာ သီရိ အဆောင်တွေက သူငယ်ချင်းတွေဆီသွားလည်ခဲ့တာတွေ၊ လှည်းတန်း၊ တက္ကသိုလ်စာတိုက်ဝန်း နဲ့ စံရိပ်ငြိမ် မှာ ရှိတဲ့တဲ့ လက်ဖက်ရည်ဆိုင်တွေမှာ အလှည့်ကျထိုင်ရင်း မြို့ပြရဲ့ ညနေအလှကိုကြည့်ခဲ့တာတွေ နဲ့ ပျော်ခဲ့သလို၊ ညပိုင်းမှာ သူငယ်ချင်းတယောက်အခန်းမှာစုပြီး သချာင်္အတွက်ပြိုင်ကြတာတွေ၊ အဆောင် ပိန္နဲပင်က အသီးတွေ အဆောင်မှုးမသိအောင် ခူးခဲ့တာတွေ၊ အဆောင်က ဟောကျူတာ ကို မရအရပြောပြီး ဆရာ့အခန်းထဲမှာ ကျန်းမာရေးအတွက် ဆေးရည်လေးတွေသောက်ခဲ့တာတွေ စတဲ့ ပေါက်ကရတွေ လုပ်ခဲ့ပါတယ်။ ( ဒီထက် ပေါက်ကရလုပ်တာ အများကြီးရှိပါသေးတယ် ဒီမှာ အကုန်ပြောလို့မဖြစ်လို့ပါ၊ သိချင်ရင် တိုးတိုးမေးပါနော် :P ) အဲဒီလို အင်မတန်ပျော်စရာကောင်းတဲ့ အဆောင်ကျောင်းသားဘ၀ကိုတော့ အခုအချိန်မှာပြန်ရမယ်ဆိုရင်တောင် လိုချင်ပါသေးတယ်။ အိမ်နဲ့ဝေးနေပြီး အိမ်ကိုမလွမ်းတာ အဆောင်နေစဉ်ကာလတွေပဲလို့ ပြောလို့ရပါတယ်။ နေခဲ့တဲ့ကာလက တစ်နှစ်လောက်သာ ရှိပေမယ်လို့ ရန်ကုန်ပြန်လို့ ကျောင်းထဲပြန်ရောက်တိုင်း အဆောင်ဖက်ကို ရောက်ဖြစ်ပါတယ်။ ရောက်တိုင်းလည်း ကိုယ့်နေရာလေးလို့ ခံစားချက်ကလေးကလည်း ရှိနေပြန်ပါတယ်။

နောက်ပိုင်းမှာတော့ ဖေဖေ့အလုပ်က ရန်ကုန်ကိုပြောင်းလာခဲ့ပြီး မေမေကလည်း ပင်စင်ယူလိုက်တော့ မိသားစုပြန်လည်စုံကြပြီး ရန်ကုန်မှာ အခြေချလိုက်တော့ပါတယ်။ အဲဒီအချိန်ကျမှ ညောင်ဦးအိမ်ဆိုတာ အားတဲ့အချိန်ကျမှ ပြန်ပြီး အလည်အပတ်သာ သွားရောက်ရတော့မယ်ဆိုတာကို သတိထားမိပါတော့တယ်။

ရန်ကုန်မှာ မိသားစုနဲ့ ၄ နှစ်လောက်ပဲ အတူနေခဲ့ပြီး ပညာဆက်သင်ဖို့ ပြည်ပကိုထွက်လာခဲ့တော့လည်း မြန်မာပြည်ဆိုတဲ့အိမ်ကနေ ခဏ ဆိုတဲ့စိတ်နဲ့ပဲထွက်လာခဲ့ပြန်ပါတယ်။

ဒီကိုရောက်ခဲ့တာ ဆယ်စုနှစ်တစ်ခုပြည့်ခါနီးသလို အိမ်ငှားဘ၀နဲ့ အိမ်တွေပြောင်းနေခဲ့တာလည်း အကြိမ် ဒါဇင်ဝက်မကတော့လေပြီ။ ဒီမှာတော့ ကိုယ်မပြန်ချင်သောအိမ်တွေကို နေခဲ့ဖူးသလို အိမ်လိုနွေးထွေးသော အိမ်တွေမှာလည်း နေခဲ့ဖူးပါတယ်။

ကြာတော့လည်း အိမ်ရဲ့အဝေးကအိမ်တွေမှာ နေသားကျနေပါပြီလေ...

အားတဲ့အချိန်ကျမှ အလည်အပတ်သွားရောက်နိုင်တော့မယ့် အမေ့အိမ်ကို တမ်းတနေရင်း နဲ့ ....

Read More...

Sunday, June 15, 2008

ဇာတိမြေ သို့မဟုတ် အိမ်

အိမ်အကြောင်းကိုရေးပါ့မယ်ဆိုပြီး ကတိပေးထားတာ လွန်ခဲ့တဲ့ ဧပြီလဆန်းကတည်းကပါ။ ကတိပေးပြီးကတည်းက အိမ်ကိစ္စတွေနဲ့အလုပ်တွေရှုပ်နေခဲ့တာ ဘလော့မှာ စာကို ရံဖန်ရံခါပဲရေးဖြစ်ပါတယ်။ ကတိပေးထားတာကိုမမေ့ပေမယ့် သတိပေးတဲ့လူ က အခါခါဆိုတော့ အားနာလာပါတယ်။ အဲဒါကတော့ ဒီပို့စ်လေးရေးဖြစ်သွားတဲံ အကြောင်းလေးတစ်ခုပါ... နောက်တကြောင်းကတော့ အိမ်ကိုလွမ်းလာလို့ပါပဲ...

မတ်လကုန်ခါနီးမှာ ကျွန်တော်ငှားနေသာ အိမ်ပွဲစား ကုမ္ပဏီကနေပြီးတော့ပို့လိုက်သော အိမ်ငှားစာချုပ် သက်တမ်းတိုးလို့မရတော့ကြောင်း အကြောင်းကြားစာကို လက်ခံရလိုက်တယ်။ အကြောင်းကတော့ ကျွန်တော်နေသောအိမ်ခန်းများပါဝင်သော တိုက်တန်း နှင့် အနီးပတ်ဝန်းကျင် တိုက်တန်းများကို ဖျက်ပြီးတော့ ပြန်ပြီးအသစ်ပြန်လည်ဆောက်မှု (en bloc) လုပ်မှာဖြစ်လို့ ဖြစ်ပါတယ်။ စင်ကာပူ အစိုးရကနေပြီး သက်တမ်းကြာပြီဖြစ်တဲ့ မြို့နယ်တွေက တိုက်ခန်းများကို ဖျက်ပြီး ပိုပြီး အထပ်မြင့်ပြီး ပိုပြီး အဆင့်မြင့်တဲ့ တိုက်ခန်းများကို ပြန်ဆောက်တဲ့ Selective en bloc Redevelopment Scheme (SERS) လို့ခေါ်တဲ့ အစီအစဉ်မှာ ပါသွားလို့ဖြစ်ပါတယ်။

အိမ်ပိုင်ရှင်များကတော့ အိမ်အသစ်ရမှာဖြစ်ပေမယ့် အိမ်ငှားဖြစ်တဲ့ ကျွန်တော်တို့ကတော့ အိမ်အသစ်ရှာဖို့ စတင်ပြင်ဆင်ရတော့ပါတယ်။ ငှားမည့်အိမ်ကို ငှားမည့်အချိန်ထက် ၂လ၊ ၃လ ကြိုတင်ပြီး ကြာမယ်ဆိုရင်ပွဲစားများက အင်းမလုပ်အဲမလုပ်နဲ့ ရှာမပေးတတ်ပါဘူး။ သူတို့ရဲ့ အကြောင်းပြချက်ကတော့ ချက်ချင်းမလိုသေးတဲ့အတွက် အိမ်ငှားတွေက ကြေးချွတ်များလို့ဖြစ်ပါတယ်၊ ပြီးတော့ တအိမ်ပြီးတအိမ်လိုက်ပြခိုင်းပြီးတော့လည်း မငှားလို့ဖြစ်ပါတယ်။ အဲတော့ ကျွန်တော်တို့လည်း အိမ်ကို ပြောင်းဖို့တလခွဲလောက်အလိုမှာပဲ ရှာဖို့ သူငယ်ချင်းတွေတိုင်ပင်ထားလိုက်ပါတယ်။ ဒီကြားထဲ အသိအိမ်တွေပြောင်းမယ် လွတ်မယ်ဆိုရင်လည်း သိရအောင်လို့ အိမ်ရှာနေပြီဖြစ်ကြောင်း အသိတွေကို အကြောင်းကြားထားလိုက်ပါတော့တယ်။

အခုနှစ်ပိုင်းအတွင်း ဒီမှာ အိမ်ရှာရတာ အင်မတန်ကိုခက်ခဲလာပါတယ်။ စင်ကာပူမှာ စီးပွားရေးတိုးတက်လာတော့ လိုအပ်သော ကျွမ်းကျင်လုပ်သားများကို မြန်မာနိုင်ငံသားများအပါအ၀င် အခြားနိုင်ငံများမှပါ တင်သွင်းလာသောကြောင့် အိမ်ငှားတွေ တောင်းဆိုမှုများပြားလာကာ အိမ်ရှင်များ ရွှေခေတ်ဖြစ်နေပါတော့တယ်။ စင်ကာပူမှာ တနှစ် နှစ်နှစ်အတွင်း အိမ်ဈေးတွေ ခေါင်ခိုက်အောင်တက်လာလိုက်တာ လွန်ခဲ့တဲ့ လေးငါးနှစ်နဲ့စာရင် နှစ်ဆလောက်ပိုများလာပါတယ်။ ဟုတ်ပါတယ် ၁၀၀% တောင်ဈေးတက်သွားတာပါ။ ၂၀၀၃၊ ၂၀၀၄ ခုနှစ်လောက်က ကျွန်တော်ငှားနေခဲ့တဲ့ ၃ခန်းအိမ် (3 room flat၊ အိပ်ခန်းနှစ်ခန်း ပါအိမ်ခန်း) တခန်းကို တလ S$၇၈၀ ပဲပေးရပါတယ်။ ဒီနှစ် မေလဆန်းကစပြီးငှားလိုက်တဲ့ ၃ခန်းအိမ်ကတော့ တလ S$1550 တောင်ပေးရပါတယ်။ ဒါတောင် ကျွန်တော်ငှားနေတဲ့အိမ်က အစိုးရနဲ့ဆက်စပ်တဲ့ JTC (Jurong Town Corporation) ကနေပြီး အိမ်ထောင်ပရိဘောကမပါ အိမ်အလွတ်ချည်းသတ်သတ်ငှားလို့ ဈေးသက်သာတာပါ။

မေလဆန်းမှာ အိမ်ပြောင်းအိမ်ရွှေ့ နဲ့အလုပ်ရှုပ်နေပါတယ်။ တိုက်တိုက်ဆိုင်ဆိုင် အိမ်ပြောင်းတဲ့နေ့က ရန်ကုန်နဲ့ ဧရာဝတီတိုင်း ကို နာဂစ်မုန်တိုင်းတိုက် သွားတဲ့နေ့ပါ။ မုန်တိုင်းသတင်းကို ရုံးမှာဖတ်ထားတော့ အိမ်ကို ဖုန်းဆက်ပြီး အကြောင်းကြား၊ စားစရာတွေ ရေတွေ ၀ယ်ခိုင်းထားနိုင်ပါတယ်။ နောက်ပိုင်းမုန်တိုင်းသတင်းကိုတော့ အိမ်ပြောင်းနေတာနဲ့ ချက်ချင်းမဖတ်နိုင်ခဲ့ပါဘူး။ မုန်တိုင်းရဲ့ ပြင်းထန်မှု နှင့် ပျက်စီးဆုံးရှုံးမှုတွေကိုသိရတော့ အတော်ပဲ ၀မ်းနည်းခဲ့ပြီး မိမိတတ်နိုင်သလောက် ကူညီပါဝင်နေတာနဲ့ ထပ်ပြီးအလုပ်ရှုပ်ပါတော့တယ်။ မိမိတတ်နိုင်တာဆိုလို့ အထင်မကြီးပါနဲ့ သူများတွေဆီက ပိုက်ဆံအလှုခံပြီးတော့ သင့်တော်တဲ့နေတာတွေမှာ လှုဒါန်းပေးခြင်းပါပဲ။

အခုတော့လည်း ရုံးအလုပ်က ပုံမှန်ထက်ပိုရှုပ်လာတော့ အဲဒီကူညီမှုကိုတောင် သိပ်မလုပ်နိုင်တော့ပါဘူး။ နောက်ပြီး မုန်တိုင်းအတွက် ကူညီတာဟာ ရေရှည်လုပ်ရမှာဖြစ်လို့ ဆန္ဒတူညီသော သူငယ်ချင်းများနဲ့ တွေ့ဆုံဆွေးနွေးပြီး ဆက်လုပ်ဖို့ ကြိုးစားရမှာပေါ့။ အိမ်ငှားတဲ့အကြောင်းကို ကြုံရင်ရေးပါ့မယ်။ (အဲလိုတွေပြောပြီးမရေးတာတွေများနေပြီ :P )

အိမ်အကြောင်းရေးဖို့ နိဒါန်းချီနေတာ တော်တော်တောင် ရှည်သွားတယ်....


အိမ်လို့ပြောလို့ရှိရင် မိသားစုနွေးထွေးစွာနေခဲ့တဲ့ ညောင်ဦးက အိမ်ကိုပဲ မျက်စိထဲမြင်မိပါတယ်။ ညောင်ဦးမြို့ကအိမ်ကို ကျွန်တော်အသက် ၄သားနှစ် လောက်မှာပြောင်းပြီးနေခဲ့တာပါ။ ဖေဖေရဲ့ လုပ်ငန်းတာဝန်သဘောအရ အိမ်မှာအတည်တကျ မနေရတော့ အလုပ်တာဝန်အရ ခရီးထွက်တဲ့ အခါ မေမေနဲ့ ကလေးတွေပဲ ကျန်ခဲ့တော့ ဆွေမျိုးတွေရှိရာ ညောင်ဦးမြို့ကို ပြောင်းလာခဲ့တာဖြစ်ပါတယ်။ ပြောင်းတဲ့အချိန်မှာ အိမ်က အချောသတ် ဆောက်လုပ်ရေးလုပ်ငန်းတွေ အပြီးသတ်ဖို့ကျန်နေသေးတော့ ကလေးတွေဖြစ်တဲ့ ကျွန်တော်တို့မောင်နှမတွေကို အဒေါ်အိမ်မှပဲ နေစေပါတယ်။ အားလုံးပြီးတော့မှ ကျွန်တော်တို့ကလေးတွေကို အိမ်မှာပြောင်းနေစေပါတယ်။

(အိမ်အကြောင်းရေးတော့လည်း ငယ်ငယ်တုန်းက စာစီစာကုံးရေးတာကို သတိရပါတယ်။ ငယ်စဉ်က စာစီစာကုံးအရေးပျင်းသော ကျွန်တော်ကတော့ မြန်မာစာကို အမှတ်ကောင်းစေချင်သော အမေ ဆူတာကို ခဏခဏခံရပါတယ်။ အခုလိုစာတွေရေးနေတာ သိရတော့လည်း အမေ ၀မ်းသာနေပါတယ်။ )

ကျွန်တော်တို့အိမ်ကတော့ နှစ်ထပ်အိမ်ဖြစ်ပါတယ်။ အိမ်ဆောက်ထားတဲ့ ခြံနဲ့ အကျယ်က ပေ ၁၀၀ ကျော်ရှိပြီး အရှည်ကတော့ ၃၀၀ နီးပါးရှိပါတယ်။ အညာမှာဖြစ်တော့ အိမ်တွေကို မြေပေါပေါနဲ့ဆောက်နိုင်ပါတယ်။ သစ်ပင်စိုက်ပျိုးရေးကို ၀ါသနာပါသော အဖေ နဲ့ အမေ တို့ ကြောင့် အိမ်ကမြေလွတ်တွေမှာ အပင်တွေနဲ့ပြည့်နေပါတယ်။

ကျွန်တော်တို့ ငယ်ငယ်တုန်းကတော့ အိမ်ရှေ့မှာ ပိန္နဲ၊ သရက်၊ ပုန်းညက်၊ ဂွေးသီးပင်၊ စံပါယ်၊ မြတ်လေး၊ မာလကာ စတဲ့ မြေစိုက်ထားတဲ့အပင်တွေ နဲ့ အိုးနဲ့စိုက်တဲ့ နှင်းဆီ တွေရှိပါတယ်။ ဆောင်းတွင်းမှာဆို ဂန္ဓမာပင်ကို စိုက်တတ်ပါသေးတယ်။ အိမ်က အနောက်ဖက်ကို မျက်နှာမူထားတော့ ညနေပိုင်းဆို နေပူတတ်လို့ အပင်ကြီး ကြီးတွေကို အိမ်ရှေ့မှာစိုက်ပေမယ့် မြေကြီးက သိပ်မကောင်းတော့ အဖြစ်နှေးပါတယ်။ နောက်တော့ အိမ်နားလေးမှာကပ်ပြီးတော့ ပင်လယ်ကဗွီးပင်တွေကိုစိုက်ထားတော့မှ နေပူသက်သာပါတော့တယ်။ ပင်လယ်ကဗွီးပင် အနားမှာတော့ ရွက်လှပင်တွေကို အိုးနဲ့စိုက်ပြီးစီထားပါတယ်။ အိမ်ရဲ့တောင်ဘက်မှာတော့ မြေအလွတ်နည်းတော့ နှင်းဆီပင်ကို အိုးတွေနဲ့စီပြီးစိုက်ထားပါတယ်။

အိမ်ရဲ့မြောက်ဘက်မှာတော့ ရွက်လှပင်အိုးတွေကို အိမ်နားမှာကပ်စီထားပါသေးတယ်။ တမာပင်ကြီးတပင်ကလည်း အိမ်ရဲ့မြောက်ဘက်မှာရှိပါတယ်။ သောက်သုံးဖို့ရေကိုလှောင်တဲ့ ရေကန်ကလည်း ရှိပါတယ်။ ရေကန်ရဲ့ တဘက်က တမာပင်ဖြစ်ပြီး တဖက်ကတော့ စားလို့အင်မတန် အရသာရှိသော အနီရောင်သီးတဲ့ သြဇာသီးပင်ရှိပါတယ်။ သြဇာသီး သီးချိန်ရောက်ပြီဆို မောင်နှမတွေ အလုံးရေတွက်ရတာ အလုပ်တခုပါပဲ။ သြဇာသီးမှည့်ချိန်မှာလည်း ငှက်တွေနဲ့အလုခူးရတာလည်း နှစ်တိုင်းပင်ဖြစ်ပါတယ်။ အရိပ်ကောင်းသော သြဇာသီးပင်အောက်မှာတော့ သစ်ခွပင်တွေကို ချိတ်ထားပြီး အနားမှာလည်း ရေအဆင်သင့်ထားထားပါတယ်။ ကြုံတဲ့လူအနားရောက်ရင် ရေလောင်းနိုင်ဖို့ အဆင်သင့်လုပ်ထားတာပါ။ ဒန်စီလေဒီသစ်ခွပန်းတွေကတော့ အမြဲနီးပါးပွင့်နေတတ်ပါသည်။

အ်ိမ်ရဲ့နောက်ဖေးမှာတော့ ဆူးပုပ်ပင်၊ ထားဝယ်မှိုင်း၊ ပြည်ပန်းညို၊ ချဉ်ပေါင်၊ ရုံးပတီ၊ ကြက်သားဟင်း၊ တစောင်းလက်ပတ်၊ တစောင့်ခါး နဲ့ တခါတရံမှာ ဗူး၊ တခါတရံမှာ ခ၀ဲ အစရှိတဲ့ ဟင်းသီးဟင်းရွက်တွေကို စိုက်ထားပါတယ်။ အိမ်နောက်ဖေးမှာကတော့ တမာပင်တွေ၊ မန်ကျည်းပင်တွေရှိပါတယ်။ မန်ကျည်းပင်တွေထဲမှာ တပင်ကတော့ မန်ကျည်းသီးအချိုသီးပါတယ်။

မန်ကျည်းသီးချိုတာကတော့ နာမည်ကြီးပါ။ တခါက ဧည့်သည်တွေလာတဲ့အချိန်နဲ့ မန်ကျည်းသီးကောက်ပြီးချိန်နဲ့တိုက်ဆိုင်လို့ ချပြီး ဧည့်ခံရာ ဧည့်သည်တွေက မန်ကျည်းသီကို အဆန်းလုပ်ပြီး ဧည့်ခံလို့ တမျိုးဖြစ်သွားပါသေးတယ်။ အချိုသီးဖြစ်ကြောင်းပြောပြီး မြည်းကြည့်ခိုင်းရာ ကြိုက်သွားပြီး သူတို့ပြန်တော့ အထုပ်ကြီးတထုပ်ယူပြီးပြန်သွားပါတယ်။ တခါကလည်း မေမေဟင်းချက်တော့ မန်ကျည်းအချည်ဝယ်ထားတာကုန်လို့ အိမ်အပင်ကသီးတဲ့ အချိုသီးကိုထည့်ချက်လိုက်ရာ ဟင်းကမချဉ်ပဲ အရမ်းချိုနေလို့ စားလို့မကောင်းတော့ပါဘူး။ တကယ်စားလို့ကောင်းလို့ ပြန်လို့ကြုံရင်တော့ ယူလာပြီးကျွေးပါ့မယ်။

အိမ်နောက်ဖေးမှာတော့ မအောင်မြင်ခဲ့သော သနပ်ခါးစိုက်ခင်းကလည်းရှိပါသေးတယ်။ တကယ်တော့ အညာကနေက အင်မတန်ပူပြင်းပြီး အပင်တွေရှင်သန်ကြီးထွားဖို့ရာ ရေကို မနည်းနိုင်အောင်လောင်းရပါတယ်။ ညနေ နေစောင်းပြီဆို အိမ်မှာရှိတဲ့ လူတွေအကုန် ပုံးလေးတွေကိုယ်စီယူပြီး ရေလောင်းပွဲစပါတော့တယ်။ ငယ်ငယ်က ကျောင်းကပြန်လာပြီဆိုရင် ဆော့ကစားမက်တဲ့ ကျွန်တော် သူငယ်ချင်းတွေနဲ့ ကစားနေပြီဆို၊ အမေက သားငယ်ရေ သစ်ပင်ရေလောင်းကြရအောင်ဆိုရင် အင်မတန် စ်ိတ်တို၊ စိတ်ပျက်တတ်ပါတယ်။ ရေလောင်းပြီဆိုရင်လည်း အတော်ကြာအောင်လောင်းပါမှ အပင်တွေအားလုံး ရေရောက်ပါတယ်။ မိုးတွင်းမှာ မိုးတွေအဆက်မပြတ်ရွာပြီဆိုလျှင် သစ်ပင်ရေမလောင်းရတော့လို့ ကျွန်တော်အင်မတန်ပျော်ခဲ့ပါတယ်။ နောက်ပိုင်းမှာတော့ ရေလောင်းရလွယ်အောင် ခြံထဲမှာပိုက်တွေသွယ်ထားပြီး ရေစက်နဲ့လောင်းတော့ တော်တော်လေးသက်သာသွားပါတယ်။

ညောင်ဦးမြို့ဟာ သေးငယ်ပေမယ့်လို့ ၂၄ နာရီမီးအားပြည့်ရတာ ကျွန်တော်တို့တသက်ပါပဲ။ အခုအချိန်အထိလည်း ၂၄နာရီ လျှပ်စစ်မီးရနေလို့ မြန်မာနိုင်ငံရဲ့ ရှားပါးမြို့လေးပါ။ နောက်ပြီးတော့ ရှေးဟောင်းမြို့တော်ပုဂံ နဲ့လည်း အင်မတန်နီးတော့ ဓာတ်ပုံထဲမှတွေ့ရလေ့ရှိတဲ့ ပုဂံ ရှုခင်းဆိုတာ ငယ်စဉ်ကတည်းက ရင်းနှီးကျွမ်းဝင်နေခဲ့ပါတယ်။ အခုအချိန်မှာတော့ ပုဂံ ရှုခင်းကို အင်မတန်လွမ်းနေပြီး မကြာခင်အချိန်မှာ အိမ်ကိုတခေါက် မိသားစုနဲ့ ပြန်လည်ရောက်ချင်နေပါတယ်။

အ်ိမ်အပြင်မှာ သစ်ပင်အဓိကရှိတာကိုပြောပြီးတော့ အိမ်ထဲအကြောင်းပြောရရင်တော့ ရှိတာကတော့ စာအုပ်တွေပါပဲ။ အိမ်ထဲကို ၀င်ဝင်ချင်းကတော့ ဧည့်ခန်းပါ။ ဧည့်ခန်းကတော့ သာမန်ပါပဲ၊ ဆက်တီ၊ ကျွန်းစားပွဲအပုလေးတခု နဲ့ အလှပန်းအိုးလေးတခု (အဲဒီ စားပွဲလေးနဲ့ပန်းအိုးလေးမှာ ဇာတ်လမ်းလေးရှိပါတယ်။ အဲဒီအကြောင်းကိုတော့ အမေ့ကိုရေးပေးဖို့ တောင်းဆိုရင်ကောင်းမယ်ထင်ပါတယ်။)၊ မေမေစာသင်ဖို့ပြင်ဆင်တတ်တဲ့ စာကြည့်စားပွဲတခု၊ ကျွန်တော်ရဲ့ ကျောင်းစာအုပ်တွေတင်တဲ့ စာအုပ်စင်တခု၊ သတင်းစာတွေ နဲ့ ပညာရေးစာစောင်တွေတင်တဲ့ စာအုပ်စင်တခု၊ ဖေဖေစိတ်ဝင်စားတဲ့ အင်ဂျင်နီယာနဲ့ပတ်သက်တဲ့စာအုပ်တွေ၊ ငယ်ငယ်တုန်းက ဖတ်ခဲ့တဲ့ ရွှေသွေး၊ တေဇ၊ မိုးသောက်ပန်း၊ တို့ကျောင်းသား စာစောင်တွေ ထည့်ထားတဲ့ ဗီရိုအမြင့်တလုံး၊ ပြီးတော့ ဆေးပစ္စည်းတွေ၊ ဓာတ်ပုံအယ်ဘမ်တွေ၊ လျှပ်စစ်ပစ္စည်းတွေ နဲ့ အမှတ်တရပစ္စည်းတွေ ထား တဲ့ ဗီရိုတလုံး ရှိပါတယ်။ အဲဒီ ဗီရိုရဲ့နောက်မှာတော့ ကျွန်တော်တို့ ကလေးတွေကစားစရာတွေ ထားတဲ့ ကစားခန်းလို့ခေါ်တဲ့ အခန်းငယ်တခုရှိပါတယ်။ တခါတလေ ဧည့်သည်တွေလာရင်လည်း အဲဒီအခန်းလေးကို ရှင်းပြီး ထားတတ်လေ့ရှိပါတယ်။

ဧည့်ခန်း နဲ့ အနီးဆုံးကတော့ ကျွန်တော့်ရဲ့အိပ်ခန်းဖြစ်ပါတယ်။ အလယ်တန်းကျောင်းသားဘ၀ထဲကနေခဲ့တာ ဆယ်တန်းအောင်လို့ ရန်ကုန်ရောက်ခဲ့တဲ့အချိန်အထိ နေခဲ့တဲ့အခန်းလေးပါ။ အခါတလေ အိမ်ပြန်ရင် အဲဒီအခန်းမှာပဲ နေတုန်းပါပဲ။

အညာနွေဟာ အင်မတန်ပူပြင်းသလို့ အညာဆောင်းဟာလည်း အင်မတန်ချမ်းအေးလှပါတယ်။ ကျွန်တော့်အခန်းလေးသည် နွေအခါမှာ တောင်လေတိုက်လို့ အေးသလို ဆောင်းရာသီအခါမှာလည်း အင်မတန်နွေးပါတယ်။ ဆောင်းရာသီရောက်ရင်တော့ တအိမ်လုံး အဲဒီအိပ်ခန်းလေးမှာပဲ စုပြီးအိပ်တတ်ကြပါတယ်။ နွေရာသီမှာဆိုရင်တော့ လသာခန်းမှာပဲ တအိမ်သားလုံး လေတဖြူးဖြူးကို အရသာခံပြီး အိပ်တတ်ကြပြန်ပါသေးတယ်။

ကျွန်တော့်အိပ်ခန်းရဲ့နောက်ကတော့ ထမင်းစားခန်းပဲဖြစ်ပါတယ်။ ထမင်းစားခန်းမှာတော့ ကြောင်အိမ်တလုံး၊ ရေအိုးစင်တခု နဲ့ ထမင်းစားတဲ့ စားပွဲတခု၊ နောက်ပြီး ထမင်းပန်းကန်တွေနဲ့ အခြား မီးဖိုချောင်သုံးပစ္စည်းတွေ ထည့်ထားတဲ့ နံရံကပ်ဗီရိုတလုံးရှိပါတယ်။

ဖေဖေအလုပ်နားတဲ့အချိန် အိမ်မှာရှိနေတဲ့အချိန် နဲ့ ကျောင်းပိတ်ရက်တွေမှာဆို မနက်စာစားပြီး ပန်းကန်ထဲက ထမင်းလုံးအကျန်တွေခြောက်သည်အထိ မိသားစု စကားဝိုင်း ဖြစ်နေတတ်ပါတယ်။ တခါတလေ မေမေဈေးသွားနောက်ကျပြီး ဘာမှကောင်းကောင်းဝယ်မရတော့လို့ နေ့လည်စာကို ဖြစ်သလိုစားလိုက်ရတာလည်း ရှိတတ်ပါတယ်။ အဲဒီအချိန်တွေကိုတော့ တကယ်ပဲ လွမ်းမိပါတယ်။ ပြန်မရနိုင်ပေမယ်လို့ လွမ်းမိနေလို့ တခါတလေ မေမေကိုတောင်ပြောမိပါသေးတယ်၊ အားလုံး အချိန်ကိုက်ပြီးအားအောင်လုပ်၊ ပြီးရင် ညောင်ဦးအိမ်ကို ခဏပြန်နေကြရအောင်လို့...

ထမင်းစားခန်းနဲ့ မျက်နှာချင်းဆိုင်ကတော့ ရွှေဂျမ်းတို့အိမ်မှာခေါ်သလို့ သနပ်ခါးလိမ်းခန်းလို့ခေါ်တဲ့ မေမေနဲ့အမ အ၀တ်လဲ အလှပြင်တဲ့အခန်းပါ။ ပြီးတော့ အ၀တ်အစားတွေထားပြီး ဗီရိုတွေထဲမှာတော့ အပိုရှိတဲ့ စောင်တွေခြင်ထောင်တွေသိမ်းထားတတ်ပါတယ်။ အညာမှာ ဧည့်သည်လာပြီဆိုလျှင် အသုံးအဆောင်တွေ အဆင်သင့်ဖြစ်စေရန် အပိုတွေထားတတ်ကြပါတယ်။ အရင်ခေတ်က တမြို့ကို အလည်သွားပြီဆိုလျှင် အသိရှိလျှင်အသိအိမ်မှာတည်း၊ မရှိလျှင် ဘုန်းကြီးကျောင်းတည်းသော ဓလေ့ရှိတာကိုး။ အခုတော့ တည်းခိုးခန်းတည်းသော ဓလေ့ဖြစ်သွားကြပါပြီ။

အဲဒီနောက်မှာတော့ မီးဖိုခန်းဖြစ်ပါတယ်။ မီးဖိုခန်းမှာတော့ မီးဖိုပစ္စည်းတွေအပြင် ဖေဖေ့ရဲ့ လက်သမား၊ ပန်းရန်၊ ပိုက်ပြင်၊ ပိုက်ဆက်၊ လျှပ်စစ် ပစ္စည်း အကုန်လိုတာရတဲ့ သေတ္တာတွေလည်းရှိပါသေးတယ်။ မီးဖိုနဲ့ကပ်လျက်ကတော့ အိမ်သာ နဲ့ ရေချိုးခန်းပါပဲ။

အိမ်အောက်ထပ်ကိုတော့ ပြပြီးသွားပြီ... စိတ်မျက်စိနဲ့မြင်အောင်ပြတာလေ... မမြင်လည်းမြင်အောင်သာကြည့်ပါနော်...

အပေါ်ထပ်ကိုသွားတော့မယ်ဆိုတော့ လှေကားက ကျွန်တော့်အိပ်ခန်းနဲ့မျက်နှာချင်းဆိုမှာရှိပါတယ်။ အိမ်အပေါ်ကို ရောက်ရောက်ချင်းတွေ့ရတာကတော့ ဘုရားစင်ဖြစ်ပါတယ်။ ဘုရားစင်မှာ မြတ်စွာဘုရားဆင်းတုတော်ကလွဲလို့ ဘာမှမထားတာကတော့ ဖေဖေ နဲ့ မေမေ တို့ရဲ့ ကိုးကွယ်မှုကို သန့်စင်စွာထားတတ်တာကြောင့်ဖြစ်ပါတယ်။ ဘုရားစင်နဲ့ကပ်လျက်ကတော့ ဖေဖေနဲ့မေမေ တို့ရဲ့အိပ်ခန်းပါ။ ဖေဖေနဲ့မေမေ တို့ရဲ့အိပ်ခန်းထဲမှာကတော့ ကုတင်အကျယ်ကြီးတလုံးရှိတဲ့အပြင် စာအုပ်စင် နှစ်ခုရှိပါတယ်။ တစင်ကတော့ မြသန်းတင့်၊ သိန်းဖေမြင့်၊ သော်တာဆွေ၊ ဦးနု အစရှိတဲ့ စာရေး ဆရာကြီးတွေရေးထားတဲ့ စာအုပ်တွေ နဲ့ ကလေးဘ၀တုန်းက ၀ယ်ပေးထားတဲ့ ပုံလေးတွေပါတဲ့ အင်္ဂလိပ်လို ကာတွန်းစာအုပ်တွေနဲ့ jigsaw puzzle တွေထားပါတယ်။ နောက်တစင်ကတော့ လူထုဦးလှ နဲ့ လူထုဒေါ်အမာတို့ရေးထားတဲ့စာအုပ်တွေကိုထားပါတယ်။ ထူးခြားတာကတော့ မေမေက ဘဘလှ နဲ့ အမေမာ တို့နဲ့ ရင်းနှီးတော့ လူထုတိုက်ကထွက်တဲ့ သူတို့ စာအုပ်တော်တော်များများကို ဖေဖေ နဲ့ မေမေ တို့နာမည်တပ်ပြီး လက်မှတ်ထိုးထားတဲ့စာအုပ်တွေပါပဲ။ အိမ်ပြန်ရောက်ရင်တော့ ဘဘလှရေးခဲ့တဲ့ တိုင်းရင်းသားပုံပြင်တွေနဲ့ ကျနော်ဆားချက်သမား၊ ကျနော်ဗြုရိုကရက်၊ ကျနော် သံလွင်ဖောင်စီး၊ ထောင်တွင်းမှ ချစ်သမီးသို့ပေးစာ စတဲ့ စာအုပ်တွေကို မေမေတို့ ကုတင်အကျယ်ကြီးပေါ်မှာ အရသာခံပြီးပြန်ဖတ်လိုက်ချင်သေးရဲ့။

ဖေဖေနဲ့မေမေ တို့ရဲ့အိပ်ခန်းရဲ့ မျက်နှာချင်းဆိုင်ကတော့ အမအိပ်တဲ့အိပ်ခန်းပါ။ ဘုရားစင်နဲ့တဆက်ထဲမှာကတော့ အခန်းဖွဲ့မထားတဲ့ကွက်လပ်နေရာပါ။ အညာကထုံးစံ အလှုအတန်းလုပ်လို့ရှိရင် တော်ရုံတန်ရုံဆို နေရာရှိအောင်တကြောင်း၊ ဧည့်သည်တွေအများကြီးလာရင် နေရာပေးနိုင်အောင်ကတကြောင်း ကွက်လပ်ချန်ထားလေ့ရှိပါတယ်။ အိမ်ရှေ့မှာကတော့ လသာခန်းရှိပါတယ်။ နွေရာသီကျောင်းပိတ်ရက်တွေမှာ ညစာစားပြီးလို့ရှိရင် လသာခန်းပေါ်တက် လေညင်းခံ၊ ခြံထဲမှာရှိတဲ့ သစ်ပင်တွေကိုကြည့်ပြီးခံစား၊ စကားတပြောပြောနဲ့ အ်ိပ်လိုက်တာ တခါတလေ မိုးလင်းမှထတတ်ပါတယ်။ လွမ်းစရာတွေပဲ... အိမ်တောင်ပြန်ချင်လာပြီ....

တကယ်ပါ အိမ်လို့မြင်တဲ့နေရာကို လူတိုင်းပြန်ချင်ကြတာပါပဲ။ အိမ်ဆိုတာကို လူတိုင်း သံယောဇဉ်တွယ်တာကြတာပါပဲ။ အိမ်ဆိုလိုက်တိုင်း မေတ္တာတွေ၊ နွေးထွေးမှုတွေ နဲ့ လွှမ်းခြုံထားတတ်ပြီး ပျော်ရွှင်မှုလေးတွေရှိနေတတ်လို့ပါပဲ။
မုန်တိုင်းကြောင့် တသက်လုံးနေခဲ့ကြတဲ့ အိမ်တွေပျက် ပျောက်ဆုံးသွားတဲ့လူတွေဆိုရင် ဘယ်လောက်အထိ ခံစားကြရမလဲ။ ကိုယ်ချင်းစာမိပါတယ်။

ကျွန်တော့အိမ်ကိုလွမ်းနေတုန်းမှာပဲ ချစ်တဲ့လူတွေ ပျောက်ဆုံး၊ နွေးထွေးတဲ့အိမ်ပျက်စီး၊ အနာဂတ်တွေမရေရာ ဖြစ်နေကြတဲ့ တနိုင်ငံသားချင်း ညီအကိုတွေကို တတ်နိုင်သလောက် ကူညီဖို့ စဉ်းစားရင်း....

Read More...

Tuesday, June 3, 2008

လုပ်အားပေးလျှောက်လွှာခေါ်ယူခြင်း

MBEAN စေတနာ့ဝန်ထမ်း အဖွဲ့သည် မေလ ၁၀ ရက်နေ့မှ စ၍ ဆိုင်ကလုန်း ဒဏ်ခံ မြန်မာပြည်သူများကို ကူညီလျက်ရှိပါသည်။ ကူညီလုပ်ဆောင်မှုများ အကျဉ်းကို ဤနေရာ တွင် ကြည့်နိုင်ပါသည်။

ထိုကယ်ဆယ်ရေး နှင့် စောလျင်စွာ ပြန်လည်ထူထောင်ရေး ကိစ္စများတွင် ပါဝင်ဆောင်ရွက်လိုသူ လုပ်အားပေးများအား ဖိတ်ခေါ်လိုပါသည်။ သို့ပါ၍ အောက်ပါ အချက်အလက်များ နှင့် ကိုက်ညီသော စေတနာရှင် လုပ်အားပေးများ (ကျား၊ မ၊ လူမျိုး၊ ဘာသာ မရွေး) ပူးတွဲပါ ပုံစံကို ဖြည့်စွက်၍ ဖော်ပြပါ အီးမေးလ် လိပ်စာသို့ ဆက်သွယ်ပါရန်။

လုပ်အားပေးလိုသူများအနေဖြင့် အောက်ပါအချက်အလက်များ နှင့် ကိုက်ညီရန် လိုအပ်ပါသည်။

• ဇွန်လ မှ သြဂုတ်လအထိ သုံးလ အနည်းဆုံး လုပ်အားပေးနိုင်သူဖြစ်ရန်။
• ရက်သတ္တပတ် တစ်ပတ်လျှင် အနည်းဆုံး နှစ်ရက် လုပ်အားပေးနိုင်သူဖြစ်ရန်။
• အသက် ၁၈ နှစ် ပြည့်ပြီးသူ ဖြစ်ရန်။
• အသင်းအဖွဲ့စိတ်ဓါတ် ရှိပြီး အများနှင့် လက်တွဲ လုပ်ဆောင်နိုင်သူဖြစ်ရန်။
• မုန်တိုင်းဒဏ်ခံ ပြည်သူများ နှင့် ပြေပြစ်စွာ ဆက်ဆံနိုင်သူ ဖြစ်ရန်။
• ရန်ကုန်နှင့် အနီးတ၀ိုက်တွင် နေထိုင်သူဖြစ်ရန်။
• ရေလမ်းဖြင့် ခရီးသွားနိုင်သူ ဖြစ်ရန်။
• ခရီးသည်တင်ယာဉ်ဖြင့် ခရီးသွားနိုင်သူ ဖြစ်ရန်။
• တရားဥပဒေနှင့်ညိစွန်းသည့် ကိစ္စများ ရှောင်ကြဉ်ရန်။

MBEAN အဖွဲ့မှ လုပ်အားပေးသူများအတွက် အောက်ပါကိစ္စများကို တာဝန်ယူပါမည။်

• ကယ်ဆယ်ရေးလုပ်ငန်းများအတွက် သွားလာရာတွင် ကုန်ကျသည့် ခရီးစရိတ်၊ စားစရိတ် ပံ့ပိုးပေးခြင်း။
• ရေလမ်းခရီးသွားလာရာတွင် အသက်ကယ်အင်္ကျီပံ့ပိုးပေးခြင်း။
• လုပ်ငန်းလုပ်ဆောင်ရန် အတွက် လိုအပ်သော ပစ္စည်း၊ စာရွက်စာတမ်း အစရှိသည်များ ပံ့ပိုးပေးခြင်း။
• လူမှုကယ်ဆယ်ရေး နှင့် ပတ်သက်သည့် သင်တန်းများကို အခါအားလျော်စွာ စီစဉ်ပေးခြင်း။
• လုပ်အားပေးခဲ့ကြောင်း အသိအမှတ်ပြု မှတ်တမ်းထုတ်ပေးခြင်း။

သတိပြုပါရန်။
• MBEAN အဖွဲ့သည် လုပ်အားပေးများကို လစာ ပေးအပ်နိုင်မည် မဟုတ်ပါ။

ဆက်သွယ်ရန် အီးမေးလ်း mbean@ngoinmyanmar.org
လျှောက်လွှာ - PDF
လျှောက်လွှာ - MS Word
PDF ဖိုင် ယူရန်

Read More...

Ratings