အမမိုးချိုသင်း ရေးတဲ့ စကားဘယ်လိုပြောကြသလဲ ပို့စ်မှာ မှတ်ချက်ရေးခဲ့သလိုပါပဲ၊ ကျွန်တော့် မေမေက ဆုံးမစကားပြောလို့ရှိရင် ထပ်ခါထပ်ခါပြောလေ့ရှိပါတယ်။ နောက်ဆုံး ကျွန်တော်တို့မောင်နှမတွေ အလွတ်ရတာ၊ မေမေ ပါးစပ်ဟလိုက်တာနဲ့ ဘာပြောမယ်ဆိုတာသိနေလောက်အောင်ပါပဲ။ အခုလည်း တနင်္ဂနွေနေ့က ဆုံးမစကားပြောလိုက်တာကို စာရေးပြီးပို့လိုက်ပါတယ်။ ပြီးတော့ ဘလော့ပေါ်မှာတင်ရအောင်လို့တဲ့။ အဲတော့ ကျွန်တော်က စာရိုက်ရင်းတစ်ခါဖတ်၊ စာစစ်ရင်တစ်ခါဖတ်။ တင်ပြီးတော့ တစ်ခါဖတ်ဆိုတော့ မေမေက တစ်ချက်ခုတ် နှစ်ချက်ပြတ်လုပ်လိုက်ပါတယ်။ ဒီစာကလည်း ကျွန်တော်တို့ တက်ဂ် သလိုဖြစ်နေတော့ တက်ထားတဲ့ SuN နဲ့ လင်း ကိုလည်းရေးပေးပါမယ်လို့ပြောရင်း တောင်းပန်လိုက်ပါတယ်။ :D
စက်တက်ဘာ ၁၄ ရက်ည တနင်္ဂနွေညတိုင်းဖုန်းဆက်နေကြ၊ သားငယ်နဲ့စကားပြောကြတော့ ဒီနေ့ ဘာနေ့လဲ သားငယ်သိရဲ့လားဆိုတော့၊
“တော်သလင်းလပြည့်နေ့လေ၊ သိတာပေါ့ မနေ့ညက ကောင်းကင်မော့အကြည့်မှာ လမင်းသာနေတာ တွေ့လိုက်ရတယ်၊ စိတ်ထဲပျော်သွားတယ် အမေရဲ့...”
"လမင်းကြီးသာလို့ပါလားဆိုတော့ အနားက သူငယ်ချင်းက မနက်ဖြန်တော်သလင်းလပြည့်နေ့လို့ပြောတာကြောင့် သိနေတာ..." လို့ သားငယ်ရဲ့အဖြေကြားရတယ်။
တော်သလင်းလပြည့်နေ့ကို မြန်မာနိုင်ငံတွင် ပညာရှင်များက "ဂရုဓမ္မအခါတော်နေ့” လို့ သတ်မှတ်ကြတယ်။ ဂရုဓမ္မသီလကို လုံခြုံအောင် စောင့်ထိန်းကြရင် မိုးလေ၀သမှန်ကန်ပြီး၊ ကောက်ပဲသီနှံများ ဖြစ်ထွန်းကာ စည်ပင်သာယာဝပြောတယ်။
ဂရုဓမ္မသီလဆိုတာ ငါးပါးသီလပါပဲ။ ငါးပါးသီလဆိုရင် ဗုဒ္ဓဘာသာဝင်တိုင်းသိကြပြီးမို့ ခေါ်ဆိုကြပုံ အမျိုးမျိုးကိုသာ ရေးလိုက်တယ်။
ငါးပါးသီလဟာ
၁။ အလေးပြုအပ်သောတရား၊ အခြေခံကိုယ်ကျင့်တရားဖြစ်လို့ "ဂရုဓမ္မ”၊ သူတော်ကောင်းတို့အလေးဂရုထား၍ ကျင့်သုံးအပ်လို့ ဂရုဓမ္မသီလ
၂။ လူတိုင်းလိုက်နာကျင့်သုံးရမယ့် ဓမ္မတာတရားဖြစ်လို့ ဓမ္မတာသီလ၊
၃။ လူပုဂ္ဂိုလ်တို့ရဲ့ ကိုယ်ကျင့်တရားဖြစ်လို့ ကဟဋ္ဌသီလ၊
၎။ လူတို့အမြဲမပြတ်စောင့်သုံးအပ်လို့ နိစ္စသီလ၊
၅။ အရိယာပုဂ္ဂိုလ်တို့ နှစ်သက်မြတ်နိုးအပ်လို့ အရိယကန္တသီလ၊
၆။ ကျင့်သုံးအပ်၊ ကျင့်သုံးသင့်၊ ကျင့်သုံးထိုက်လို့ သိက္ခာပဒသီလ
လို့အမျိုးမျိုးခေါ်ဆိုကြပါတယ်။
လူ့လောကမှာ သီလကျင့်စဉ်ဖြစ်တဲ့ ငါးပါးသီလဟာ၊ လူမျိုးမရွေး၊ ဘာသာမရွေး၊ ပုဂ္ဂိုလ်မရွေး၊ နေရာမရွေး လိုက်နာကျင့်ကြံအားထုတ်ရမယ်တရားဖြစ်တယ်။
စောင့်ထိန်းသူဟာ ဘေးရန်ခပ်သိမ်း ကင်းငြိမ်းပြီး စိတ်နှလုံးရွှင်ပြုံးချမ်းမြေ့စေတယ်။ နောင်တမလွန် သုဂတိသို့လားရောက်ရတယ်။
ငါးပါးသီလကို ပွားများအားထုတ်နိုင်ပါစေ။
Thursday, September 18, 2008
"သီလ" အမည်အမျိုးအမျိုး အသိတိုးအောင်
"သီလ" အမည်အမျိုးအမျိုး အသိတိုးအောင်
Subscribe to:
Post Comments (Atom)
Ratings
2 comments:
ပီတိမေမေ ထပ်မပြောခင် အမ ၃ခေါက်လောက် ဖတ်သွားတယ်။ :)
စိတ်ထဲစွဲမှတ်သင့်တဲ့ အကြောင်းအရာမို့လို့ပါ။ မနောက်ပါဘူး။
တန်ဖိုးရှိတဲ့ ဆုံးမစကားပါပီတိ။ ခဏခဏ လာဖတ်ရမလိုဖြစ်နေပြီ ။ ငါးပါးသီလ သိပ်မလုံဘူး ညာတတ်တယ်။
Post a Comment