Thursday, April 30, 2009

ဒီနှစ်အတွက် လက်ဆောင်

နှစ်တိုင်း မိသားစုဝင်တွေဆီက လက်ဆောင်ရနေကြလေ။ ဒီနှစ်မှာရတဲ့ လက်ဆောင်ကိုတော့ အကြိုက်ဆုံးပါပဲ။ ပထမတစ်ခုကတော့ မေမေ့ဆီကပါ။ နောက်တစ်ခုကတော့ အမဆီက။ နှစ်ခုစလုံးကို ကြည့်ပြီး ကြည်နူးနေမိပါတယ်။

အမြဲတန်းအမှတ်တရရှိပြီး တစ်မဟုတ် တစ်ခု အမှတ်တရပေးလေ့ရှိတဲ့ အဖေ၊အမေ၊ အကို နဲ့ အမ တို့ကို ကျေးဇူး အများကြီးတင်မိပါတယ်။ သူတို့ကြောင့် ကျွန်တော့်ရဲ့စိတ်ဓာတ်ခွန်အား အမြဲတန်းပြည့်နေလို့ပါပဲ။


"တော်သေးတာပေါ့"

မရောက်တာကြာပြီမို့ ၊ ခြံဝရောက်ရောက်ချင်း ၊ ခြံတံခါး မလှပ်သေးဘဲ ၊ ခြံဝင်းထဲကို ကြည့်မိပါတယ်။ရွှေဝါရောင် ကဗ္ဗလာခင်းထားသကဲ့သို့ တမာရွက်ခြောက်တွေက ထူထပ်နေပါတယ်။ ရွက်ဟောင်းကုန်လို့ ရွက်သစ်ဝေရုံမက ၊ တမာပွင့်လွှာလေးတွေ ၊လေဟုန်စီး ၊ ပျံဝဲပြီး ၊တခြံလုံး တမာရနံ့သင်းကြိုင်နေပါတော့တယ်။ အညာမြေ နွေအပူတော့ မမှုသေးဘူး ၊၀င့်ကြွားနေသယောင်ပေါ့။

ခြံတခါးဖွင့်၊ အိမ်တံခါးတွေလှပ်လိုက်တော့ ဖုံမှုန့်တွေက အထပ်ထပ် ပြည့်သိပ် နူညက်လို့နေတယ်။ ပစ္စည်းတွေ အပြင်မှာ ခဏထား ဖုံတွေလှဲကျင်း သုတ်သင်ရှင်းလင်းပြီးမှ အထုပ်တွေ ယူပြီး ချထားလိုက်တယ်။

ခြံဝင်းထဲလည်း လမ်းဖြစ်အောင် အမှိုက်ရှင်းလိုက်တော့ သွားလာဖြစ်သွားပါပြီ။ အချိန်တိုအတွင်း နေသားတကျဖြစ်သွားပါတယ်။ ဆယ်စုနှစ် ၂စုနီးပါး နေလာခဲ့တဲ့ ကိုယ့်အိမ်ဆိုတော့ စိမ်းမနေပါဘူး ။ ရင်းနှီးပြီးသားကိုး။

နေရတာ အေးချမ်းလိုက်တာ စိတ်ချမ်းမြေ့ မှု အပြည့်အ၀ ရတယ်။ ကျယ်ဝန်းတယ်။ သန့်ရှင်းတယ်။ အနံ့အသက် ဘာမျှ မရှိဘူး။ စိတ်လုံခြုံမှုရှိတယ်။ အထပ်ထပ်ဖုံတွေ သုတ်သင်လိုက်တော့ နေချင်စရာလေး ဖြစ်သွားပါတယ်။

"၀မ်းလျားထိုးမှောက်ပြီး စာဖတ်လိုက်ချင်တယ်…"
လို့သားငယ်ဆိုတဲ့ အမေတို့ အခန်းထဲက နှစ်ယောက်အိပ်ကုတင်ကြီးကိုလည်း အထပ်ထပ် အ၀တ်နဲ့တိုက်လို့ ပြောင်လက်သွားပြီပေါ့။ ၀မ်းလျားထိုးမှောက် စာဖတ်နေတဲ့ သားငယ်ရဲ့  ပုံကိုတောင် မြင်ယောင်လာမိသေးတယ်

သားသမီး ၃ ဦးရဲ့  ပုံရိပ်လေးတွေက ပေါ်လာတယ်။ နေရာတိုင်းမှာ ပေါ်လာတာလေ ။ သားနှစ်ယောက်ရဲ့ အခန်းထဲ ၀င်လိုက်တော့ စာကြည့်စားပွဲက နေရာမယွင်း မီးချောင်းကလည်းမပျက်မစီး လင်းလက်ပါပဲ။ သားသမီး ၃ယောက် စလုံးရဲ့  စာကျက်ခဲ့ကြတဲ့ နေရာလေးပေါ့။ ဒီအခန်းထဲ ဒီနေရာလေးမှာ စာကျက်ခဲ့ကြပြီး ၁၀တန်း အောင်မြင်သွားခဲ့ကြတယ်။

သားကြီး ၁၀တန်းအောင်လို့ တက္ကသိုလ်သွားတော့ သားမိ ၃ ယောက်ကျန်ခဲ့တယ်။ ဒီအခန်းထဲမှာ စုနေကြပြီး စာကြည့် ၊ စာရေး အတူတူလုပ်ခဲ့ကြတယ်လေ။ ကိုယ့်အခန်းကို မပြန်ကြတော့ဘူး။

သမီး ၁၀တန်းအောင်ပြီး တက္ကသိုလ်သွားပြန်တော့ သားငယ် နဲ့ သားမိ နှစ်ယောက်ကျန်ခဲ့တော့တယ်။ သားကြီးက ဘွဲ့ရပြီး ဆက်ကျောင်းတက်၊ သားငယ်ကလည်း ၁၀ တန်းအောင် တက္ကသိုလ်ကိုလည်းသွားရော အမေ တစ်ယောက်ထဲ ကျန်ခဲ့တော့တယ်။ ဒီအခန်းထဲမှာပဲ ဆက်နေလိုက်တယ်။ အခုလို ခဏတဖြုတ်ပြန်လာတော့လည်း ဒီအခန်းထဲဘဲ ၀င်နေဖြစ်တယ်။ အခန်းလေးက ဆောင်းရာသီမှာ နွေးပြီး နွေရာသီမှာ အေးပါတယ်။ အလွန်အဆင်ပြေတဲ့ အခန်းဖြစ်ပါတယ်။

ကျွန်မက စာစီစာကုံးရေးသားခြင်းကို အလေးထားတယ်။ ကျောင်းပ်ိတ်ရက်ရှည်မှာ သားသမီး တို့ကို စာစီစာကုံးရေးခိုင်းလေ့ရှိပါတယ်။

စာစီစာကုံးရေးသားခြင်းဟာ ကိုယ်ပိုင်အတွေးအခေါ်ရင့်သန်စေတယ်။ နီးစပ်ရာ ပတ်ဝန်းကျင်ကို လေ့လာ စူးစမ်းပြီးသားဖြစ်တယ်။

မြန်မာစာပေအရေးအသား ပြေပြစ်စေတယ်။ ဒီအကျိုးတရားတွေ ရစေတဲ့အပြင် ကလေးတွေရဲ့ စိတ်ထဲကို ထိုးဖောက်မြင်နိုင်စေတယ်။

အဲဒီအချက်ကို ကျွန်မ အလိုချင်ဆုံးပါပဲ။
သူတို့ စိတ်ထဲ ဘာရှိလည်း ကျွန်မ သိချင်တယ်လေ။ ကျွန်မတို့ မိဘက သားသမီး သူတို့ကို ပြုစုပျိုးထောင် ပေးရသူ မဟုတ်လား။ သန်သန်မာမာ ဖြစ်ထွန်းစေချင်တယ်။ ထူးချွန် ထက်မြက်စေချင်တယ်။ လိမ္မာရေးခြား ရှိစေချင်တယ်။ ပြည့်စုံအောင်မြင်တဲ့ အနာဂတ် ကို ပိုင်ဆိုင်စေချင်တယ်။ ပျော်ရွှင်ချမ်းမြေ့ စေချင်တယ်။

သားသမီးကိုဖြစ်ထွန်းစေချင်ရင် သူတို့ရဲ့  စိတ်အထားကို သိပြီး ပံ့ပိုးကူညီ ထောက်ပံ့ပေးမှ ဖြစ်စေချင်တဲ့ ဆန္ဒပြည့်ဝမှာပေါ့။ ပညာပြည့်ဝ နှလုံးလှတဲ့ သူလေးတွေ ဖြစ်လာမယ်လေ။

အကြီးနှစ်ယောက်ရေးခဲ့ကြတဲ့ စာစီစာကုံးများကို အမှတ်မထင်ရှိခဲ့ပေမယ့်. သားငယ်ရေးတဲ့ စာစီစာကုံး နှစ်ပုဒ် ကိုတော့ အမှတ်တရ ရှိနေမိတယ်။

မူလတန်းအဆင့်မှာ သားငယ်ရေးတဲ့ "ကျနော့်အမေ" စာစီစာကုံးကိုဖတ်ပြီး ကျွန်မ တို့ သားအမိတတွေ ရယ်မောလိုက်ကြရတာ။ အဲဒီစာစီစာကုံး စာရွက်လေးကို သိမ်းတောင် ထားမိသေးတယ်။ အချိန်ကြာလာတော့ ဘယ်ထားမိမှန်းမသိပြန်ဘူး။ အခုအိမ်ကို ရောက်ခိုက် အဲဒီစာရွက်ကလေး ရှာကြည့်မိသေးတယ်။ စာရွက်မတွေ့တော့ စိတ်ထဲ မှတ်မိသမျှ ပြန်ရေးချမိတယ်။

"ကျနော့်အမေ"
အမေက ငါးအလွန်ကြိုက်ပါသည်။ ကျွန်တော်က ငါးမကြိုက်ပါ။ ငါးသေးသေးလေး ဟင်းချက်တိုင်း အရိုးပါဝါးစားလို့ ခိုင်းပါသည်။ ကယ်လ်စီယံဓါတ် ၊ပရိုတင်းဓါတ်တွေ ရဖို့ စားရမည်လို့ ပြောပါသည်။

သားငယ်၁၀တန်းနှစ်မှာ စာစီစာကုံးခေါင်းစဉ် "ပန်းအိုးကလေး" လို့ အမည်ပေးပြီး အရေးခိုင်းမိပါသည်။



"ပန်းအိုးကလေး"
ပန်းအိုးကလေးကို ဧည့်ခန်းထောင့်က စားပွဲ ပုလေးပေါ်မှာ ထားပါသည်။ ခြံထွက်ပန်းများထိုးစိုက်ထား၍ လန်းဆန်းလှပနေပါသည်။ ပန်းရနံ့  ကလည်း ဧည့်ခန်းတစ်ခန်းလုံး ကြိုင်သင်းနေပါသည်။

လာသမျှ ဧည့်သည်များကို ပန်းအိုးအလှ ပန်းရနံ့ တို့က ခေတ္တခဏ ဧည့်ခံထားနိုင်စွမ်းရှိပါသည်။ (မှတ်ချက် - ကန်းသူ နှင့် ရှမ်းသူမှ အပ)

ထိုပန်းအိုးကလေးကို ကျွန်တော်နှစ်သက်ပါသည်။ ဧည့်ခန်း၏ ကျက်သရေကို ဆောင်သည်ဟု ထင်မြင်မိပါသည်။ ပန်းများကလည်း ကျွန်တော် ရေလောင်း ဂရုစိုက်၍ ပွင့်လာသော ပန်းများဖြစ်သည်။ ကျွန်တော် အလွန်တန်ဖိုးထား မိပါသည်။

ပန်းညှိုးလျှင် အသစ်ထပ်မံ ဖြ ည့်ခြင်းဖြင့် လန်းဆန်းလှပသော ပန်းများကို အမြဲမြင်နေရပါသည်။ ထို့ကြောင့် ကျွန်တော့် စိတ်လည်း အမြဲ လန်းဆန်းချမ်းမြေ့နေပါတော့သည်။


သားငယ်ရေးတဲ့ စာစီစာကုံးက ဖြစ်ရပ်မှန်ကို ပေါ်လွင်အောင် ရေးပြထားတာမို့ ဖတ်လို့ကောင်းပါတယ်။ စိတ်ခံစားချက်ကိုလည်းမြင်သာပါတယ်။

သားငယ်က နဂိုနေအတိုင်းဆိုလျှင် မျက်နှာလေးက ပြုံးချိုပြီး ရွှင်မြူးဆော့ကစား နေလေ့ ရှိပါတယ်။ စာကျက်ခိုင်းရင်သာ မျက်နှာက အိုသွားပြီး ပါးစပ်က ပွစိပွစိ ပြောတတ်ပါတယ်။ စာအုပ်ကိုထုတ် စာရွက်ကို တဗြန်းဗြန်းလှန်ကာ စိတ်မပါ တပါ ဖတ်ပါတယ်။

တစ်ခါတရံ အိပ်ရာပေါ်မှောက်ယားကြီးထိုး မေးဖျားကို လက်နှစ်ဖက်နဲ့ထောက် ခြေထောက်၂ ချောင်း ဒူးဆစ်ချိုး မြှောက်ရက်ကြီးနဲ့ စာအုပ်ကို မျက်နှာအောက်မှာ ဖွင့်ထားပါတယ်။

ခြေရင်းကကြည့်ရင် စာကြည့်နေရှာသားလို့ ထင်စရာပါ။ ရှေ့တည့်တည့်က သွားကြည့်မှ စာအုပ်ဖွင့် မေးထောက် အိပ်ငိုက်နေတော့တာကိုး။

အဲသလောက် စာဖတ်ပျင်းတဲ့ကလေး အတော်ငယ်တဲ့ အရွယ်ကဆို စာကျက်ခိုင်းလို့ကတော့ အစ်ကို အမ အရင်းရော ၀မ်းကွဲ တွေရော ပြဿနာ ရှာ ရန်လုပ်ပြီး အိပ်ရာဝင်တော့တာပဲလေ။ စာမဖတ်ရအောင် လုပ်လေ့လုပ်ထ ရှိတဲ့ နည်းပေါ့။

စာရေးခိုင်းရင်လည်း တစ်ခုခုတော့ ရွဲ့ရက်ပြီး လုပ်လိုက်တော့တာပဲ။ "ပန်းအိုးကလေး" စာစီစာကုံးမှာ မှတ်ချက် - ကန်းသူနဲ့ ရှမ်းသူမှတပါးလို့ ထည့်ရေးထားတာ ကြည့်ပေတော့။

အဲဒီလောက် စာဖတ်စာရေးပျင်းသူက ပီတိအမည်နဲ့ blog မှာ စာရေးနေသတဲ့။ အတန်းပညာအနေနဲ့လည်း တက္ကသိုလ်က ဘွဲ့ကို အောင်မြင်ပြီးပြီးဆိုတော့ တော်သေးတာပေါ့လို့ ပဲ အောက်မေ့မိပါတော့တယ်။

"သားငယ်ရဲ့ မွေးနေ့ အမှတ်တရ"
အမေ




အမေချက်တဲ့ ငါးသေးသေး

“သားငယ် ဒီပဲရွက်တွေက ဘီတာမင်အေတွေ အများကြီးပါတယ် စား နော်” ဟုပြောပြောဆိုဆို နှင့် အမေက သားငယ် ပန်းကန် ထဲကို ထည့်စဉ် သားငယ် က သူ့ပန်းကန်ထဲ ကို ထဲ့အံ့ဆဲဆဲ ဟင်းရွက်များကို မထည့်ရန် လက်ကတားရင်း ပါးစပ်ကလည်း “ဟိုးဟိုး တော်ပါပြီ တော်ပါပြီ သားမှာ ဘီတာမင်အေတွေများပြီး အရပ်ပုနေပါမယ်”

တကယ်တော့ သားငယ် လုပ်သူက အရပ်ပုမှာ ကြောက်သည်ထက် အမေထည့်ပေးသည့် ဟင်းရွက်တွေကို စားရမှာ ကြောက်သောကြောင့် ထိုသို့ ငြင်းခြင်းဖြစ်ပါသည်။ ဒါကို အမေသာ မက ကျန်အိမ်သားအားလုံးကလည်း သိသည်။ အမေသည် ကျမတို့ မောင်နှမတွေ အတွက် ဘီတာမင်ပြည့်စုံဖို့ နေ့စဉ် ဟင်လျာများတွင် ဟင်းသီးဟင်းရွက် တခွက်ပါရန် အလုပ်မအားသည့်ကြားမှ စီစဉ်လေ့ရှိပါသည်။

အရိုးများသန်မာစေရန် ကယ်စီယမ် ဓါတ်ပြည့်စုံ ဖို့အတွက် အရိုးပါ ၀ါးစားနိုင်သော ငါးသေးသေးလေးများကို အိုးကပ်ချက်ပြီး နံနံပင်ရွက်ကလေးများအုပ်ကာ မကြာခဏချက်ကြွေးလေ့ရှိပါသည်။ ငယ်ငယ်တုံးကတော့ ထိုငါးလေးချက် ကို ကျွန်မတို့မောင်နှမတွေ မကြိုက်ကြ။ ထိုငါးလေးများချက်သောနေ့ ဆိုလျှင် ထမင်းဝိုင်း ထိုင်လိုက်သည် နှင့်…
“ကယ်စီယမ်ဓါတ်တွေ အများကြီးပါတယ် အရိုးကို သန်မာစေတယ်”
ဟု မောင်နှမတတွေက အမေ မပြောခင် အမေပြောမည့်စကား ကို ကြိုတင် ကာ ပြောလေ့ရှိကြပါသည်။

ငယ်ငယ်က ကျွန်မတို့မောင်နှမတတွေ အမေ၏ ငါးဟင်းကို မစားချင်ခဲ့ပေမဲ့ ဇာတိမြို့ကခွာပြီး ရန်ကုန်မှာ နေကြတဲ့အခါမှာတော့ အမေရဲ့ငါး သေးသေးလေးဟင်းကိုတမ်းတ ကြပါပြီ။

ရန်ကုန်မှာက ငါးသေးသေးလေး တွေကို ရခဲ တယ်လေ။

တနင်္ဂနွေတရက်မှာတော့ငါးသေးသေးလေး ရတာနဲ့ မေမေက အိုးကပ်ချက်ထားပေးပါတယ်။ ဖြစ်ချင်တော့ ထိုနေ့က သားငယ် အလုပ်ရှိတာနဲ့ နေ့လည်စာပဲစားပြီး အလုပ်အရေးကြီးတာနဲ့ အလုပ်ထဲမှာဘဲအိပ်လိုက်ရတဲ့အတွက် သားငယ်က နောက်တနေ့ နေလည်ရုံးမှာ ထမင်းစားချိန် ထမင်းချိုင်ကို ဖွင့်ပြီး

“မမ မနေ့က ငါးသေးသေးလေး ချက် မထည့်ခဲ့ဘူးလား...”
“အေး မနေ့ညကပဲကုန်သွား ပြီလေ...”
“နင်တို့ကလည်း အစားကို ပုတ်လိုက်တာ...”

သားငယ် ဒီလိုပြန်ပြောလိုက်တာကို အစ်မတစ်ယောက်အနေနဲ့ စိတ်မဆိုးမိပဲ တော်တော်လေး စိတ်မကောင်းဖြစ်သွားမိတယ်။ သူခမျာ အလုပ်အရေးကြီးလိုသာ အိမ်မပြန်ရပဲရုံးမှာ အိပ်လိုက်ရပေမဲ့ အမေ့ရဲ့ ငါးဟင်းချက် ကလေးကို တော့ တမ်းတနေပြီး မနက်ထမင်းချိုင့်ကျရင်ဖြင့် ပါတန်ကောင်းရဲ့နဲ့ မျော်လင့်နေရှာတာလေ။

အခုလည်းကြည့်ပါဦး သူ့ blog မှာပေးထားတဲ့ message ကလေးက အမေရဲ့ ငါးသေးသေးလေးကို နံနံပင်အုပ်ထားတဲ့ဟင်း၊ ပဲဟင်းနှပ် နဲ့ ချဉ်ပေါင်ရွက်ချဉ်ရေဟင်းကိုလွမ်းတယ်တဲ့လေ...

ပီတိရေ...
ပီတိရဲ့မွေးနေ့မှာ သူများတွေလို မွေးနေ့ကိတ်ပေးမယ့်အစား ငါးသေးသေးလေးကို နံနံပင်အုပ်ထားတဲ့ဟင်း၊ ပဲဟင်းနှပ် နဲ့ ချဉ်ပေါင်ရွက်ချဉ်ရေဟင်း ကို ပေးချင်ပေမဲ့ မမ ကိုတိုင်လည်း မွေရပ်မြေနဲ့ အဝေးမှာရှိနေပြီး ကိုကိုယ်တိုင်လည်း ဒီဟင်းတွေကို လွမ်းနေရတယ်လေ...

ပီတိရဲ့မွေးနေ့မှသည် စိတ်၏ချမ်းသာခြင်း၊ကိုယ်၏ကျန်းမာခြင်းနှင့်အတူ ဘ၀မှာ အောင်မြင်မှုများနှင့် ပြည့်စုံပါစေ။

မမ



အဲလိုပြောပေမယ့် အမကတော့ သူကိုယ်တိုင် ကိတ်မုန့်ကိုဖုတ်ပြီး ပို့လိုက်လေရဲ့။ နေကြရတဲ့ နေရာတွေကဝေးတော့လည်း ဘလော့တွေထဲမှာ ကျွေးသလို ဓာတ်ပုံကိုပဲပို့ပြီး ကျွေးနိုင်တော့တယ်။ ကြည်နူးရတာနဲ့တင် ပြည့်စုံနေပါပြီ။



Read More...

Tuesday, April 21, 2009

Fail blog



ကိုအန်ဒီ ရေးထားသလို blog categorization အကြောင်း မဟုတ်ပါဘူး။ ရုံးမှာ စိတ်အပန်းဖြေချင်တဲ့အခါ ဗီဒီယိုတွေကို သွားကြည့်လေ့ရှိတဲ့ YouTube က failblog ဆိုတဲ့ channelက ဗီဒီယိုတွေအကြောင်း ပြောချင်လို့ပါ။ အဲဒီ channel မှာ မတော်တဆဖြစ်တဲ့ အဖြစ်တွေ နဲ့ တလွဲလုပ်မိတဲ့အဖြစ်တွေကို ရိုက်ထားလိုက်မိတဲ့ ဗီဒီယိုတွေကို စုထားပါတယ်။ တချို့အဖြစ်တွေက တော်တော်လေးကိုရယ်ရတယ်။ တခါတလေ ကြည့်နေရင်းနဲ့ မထိန်းနိုင်ပဲ အသံထွက်ပြီး ရယ်မိတယ်။ ဘေးကလူတွေကဘာလို့ရီတာလဲမေးတော့ သူတို့ကိုထပ်ပြပြီး ထပ်ရယ်မိပြန်ရော။

ကြည့်ပြီးတဲ့ထဲက အကြိုက်ဆုံးတွေကတော့...

ကားကို ဓာတ်ဆီဆိုင်မှာရပ်ထားတာ hand break ဆွဲထားခဲ့ဖို့ မေ့သွားတယ်ထင်ပါရဲ့၊ ကားပျောက်သွားမှ ဘယ်မှာလဲ လိုက်ရှာရတဲ့ အဖြစ်လေ။ အမြဲတန်းကားမောင်းလေ့ရှိတဲ့ အမချိုသင်းရွှေဂျမ်းနဲ့ ပုံရိပ်တို့ အဲလိုမဖြစ်စေဖို့ သတိထားသင့်ပါတယ်။
အဲလို ကားပျောက်သွားခဲ့ရင် ရဲမတိုင်ခင် ဘေးက မြောင်းထဲကို အရင်ရှာပါနော်။ :P


မင်္ဂလာဆောင်တော့မယ့်သူတွေ Romantic အောင် ရေကန်ဘေးမှာ လုပ်ချင်တယ်ဆိုရင်လည်း နမော်နမဲ့ မဖြစ်တဲ့တတ်တဲ့သူကို သတို့သားအရံလုပ်ခိုင်ဖို့လိုပါလိမ့်မယ်။ မဟုတ်ရင် ဒီ ဗီဒီယိုထဲကလို သတို့သမီး နဲ့ သင်းအုပ်ဆရာ ရေကန်ထဲကို တွန်းအချခံရကိန်းရှိပါတယ်။



တချို့လူတွေက ချစ်သူကို လက်ထပ်ခွင့်တောင်းတာ အထူးခြားဆုံးဖြစ်အောင် ကြိုးစားလေ့ရှိတတ်ပါတယ်။ ဒါပေမယ့် ဒီထဲကတစ်ယောက်လိုတော့ မလုပ်ဖြစ်ဖို့ သင်ခန်းစာယူရလိမ့်မယ်။ မဟုတ်ရင်တော့၊ နောက်ထပ် လက်စွပ်တစ်ကွင်းထပ်ဝယ်ဖို့ လိုပါလိမ့်မယ်။
လူပျိုကြီးတွေဖြစ်တဲ့ ကိုလူလကိုဂျူလိုင် နဲ့ တီဇက်အေတို့ လက်ထပ်ခွင့်တောင်းတဲ့အခါ ထူးထူးခြားခြားလုပ်ချင်တယ်ဆိုတောင် လုပ်မယ့်နည်းအရင်စမ်းသပ်ကြည့်ဖို့လိုမယ်နော်။


သားတို့ကတော့ ရေကန်ထဲ ဒီလိုပဲခုန်ချလိုက်မှာပဲဆိုရင်လည်း ဆင်ဆင်ခြင်ခြင်လေးလုပ်ပါနော်။


လူကူးမျဉ်းကျားတွေမှာ ရပ်စောင့်ရလို့ မကြည်တဲ့ကားတွေကို ပညာပေးချင်ရင်တော့ အဘွားကြီးလိုသာလုပ်လိုက်ပေတော့။ ပြီးရင် ကားမောင်းတဲ့လူ လေအိပ်နဲ့ညှပ်နေတုန်း မြန်မြန်သာ ပြေး…


ဗီဒီယိုတွေသာက ဓာတ်ပုံတွေကိုလည်း ကြည့်ချင်ရင်တော့ သူတို့ရဲ့ website http://failblog.org ကိုသွားကြည့်လို့ရပါသေးတယ်။ ရုံးမှာတော့ မကြည့်သင့်ပါဘူး။ မတော်လို့ မထိန်းနိုင်ပဲရီလိုက်မိရင် ကိုယ်ဘာလုပ်နေတယ်ဆိုတာ ဘေးကလူတွေသိသွားလိမ့်မယ်။ မနေနိုင်လို့ကြည့်မယ်ဆိုရင်တော့ ပါးစပ်ကို ကြိုပိတ်ထားဖို့ သတိပေးလိုက်ပါတယ်။

Photo credit to http://failblog.org/

Read More...

Saturday, April 18, 2009

ဆုတောင်း


လောကဓံရေ...

ဒီနှစ်မှာတော့လေ
ဒီကောင်းကင်ကြီးလို
အမြဲ အုံ့မှိုင်းမနေပါနဲ့။


အုံ့မှိုင်းနေရင်တောင်
လှပတဲ့ မျှော်လင့်ချက်လေးတွေ
ဆောင်ကျဉ်းပေးပါ။


အဲဒီကတဆင့်
ကြည်လင်တဲ့ ကောင်ကင်ပြာလေးနဲ့အတူ
သာယာတဲ့ နေ့တွေအဖြစ်
ဖန်တီးပေးဖို့
ဆုတောင်းလိုက်ပါတယ်။



ရုံးရဲ့နောက်က မလှပပေမယ့် ပြောင်းလဲနေတဲ့ ရာသီဥတုရှုခင်းကို ဖုန်းနဲ့ရိုက်ထားမိပါတယ်။ ပုံတွေကိုပြန်ကြည့်ရင်း ဖြစ်လာတဲ့စိတ်ကို ရေးဖြစ်လိုက်တာပါ။

Read More...

Wednesday, April 15, 2009

၎/၉၆ - ပဉ္စမပိုင်း

“ရွှီ…”

ဆရာမျိုးရဲ့ ၀ီစီသံနှင့်အတူ အိပ်ရာမှ အားလုံး နိုးလာကြသည်။ ဒီနေ့ ၀ီစီသံက တခြားအချိန်ကနဲ့မတူ ချိုသာနေပေတော့သည်။ Victoria တောင်တက်ခရီး စတင်ရတော့မည် ဆိုသော အသိနဲ့ လန်းဆန်းတက်ကြွနေမိသည်။

တောင်တက်ခရီးတွင်လိုအပ်မည့် ပစ္စည်းတွေကိုရွေးချယ်ပြီး၊ မလိုအပ်သော ပစ္စည်းများကိုတော့ တည်းခိုရာ အဆောင်တွင်ထားခဲ့ရန် သီးခြားထုပ်ပိုးနေကြ၏။ လိုအပ်သောပစ္စည်းများထဲမှ အ၀တ်အစားအပို တစ်စုံ၊ အနွေးထည်တစ်ထည်၊ ခြေအိတ်အပို နှစ်စုံတို့ကို ပလတ်စတစ်အိတ်နဲ့ထုပ်လိုက်သည်။ ဆရာမျိုးရဲ့ ပြောစကားအရ ဒီလိုရာသီမှာဆို တောင်ပေါ်မှာ မိုးရွာတတ်သည်ဆိုသောကြောင့် မိုးရေလုံစေရန် ကြိုတင်ပြင်ဆင်ထားလိုက်ခြင်းဖြစ်သည်။ မိုးကာ၊ ခွဲတန်းထဲက တစ်နပ်စာ ဆန်တချို့၊ အသားဗူး၊ ခေါက်ဆွဲခြောက် တို့ကိုတော့ တခြား ပလတ်စတစ်အိတ်နဲ့ခွဲထုပ်လိုက်ကာ ကျောပိုးအိတ်ထဲထည့်လိုက်သည်။ အရေးကြုံလျှင် သုံးဖို့ ဓားမသေးသေးကိုလည်း မမေ့အောင်ထည့်လိုက်သည်။ ကျန်တဲ့ အနွေးထည်တစ်ထည်၊ ညအိပ်ဖို့ရာ Ground Sheet၊ စောင်၊ ချည်ဖို့ ကြိုး နဲ့ ရိက္ခာတချို့ကိုတော့ အထမ်းသမားတွေဆီကိုပေးဖို့ သပ်သပ်ထုပ်လိုက်ပါသည်။


ဖယောင်းတိုင်၊ မီးခြစ်၊ ဓာတ်မီး၊ ဓာတ်ခဲ၊ Swiss-knife၊ ဒဏ်ကြောဆေး၊ အရက်ပျံ၊ သောက်ဆေး၊ ဓာတ်ဆားမုန့်၊ ရေဆူဆေး စတဲ့ တိုလီမိုလီပစ္စည်းတွေကိုတော့ စစ်လွယ်အိတ်ထဲမှာထည့်ကာ လွယ်လိုက်သည်။ စစ်သုံးရေဗူးရေဗူးထဲ ရေဖြည့်၊ နေ့လည်စာအတွက် ထမင်းနဲ့ဟင်းကို ကြွပ်ကြွပ်အိတ်နဲ့ သတ်သတ်စီထုတ်ကာ ဟန်းကော(စစ်သုံးထမင်းချိုင့်) ထဲကိုထည့်လိုက်ပါသည်။

“ဟေ့ရောင်တွေ မြန်မြန်လုပ်ကြကွ... ငါးနာရီခွဲတော့မယ်”
ဆရာကြီးလေသံနဲ့ ဒွေးက အော်လိုက်သည်။ သူ့အကြောင်းသိတဲ့ ကျန်တဲ့လူတွေက ပြန်မေးသည်။
“အဲလိုပြောရအောင်… မင်းကရောပြီးပြီလား…”
“ပြီးသေးဘူးလေကွာ… ငါက မင်းတို့ကို မြန်မြန်လုပ်ဖို့ လောဆော်တာ…” တဲ့။

ခဏနေတော့ ဒွေး နဲ့ ကြက်ကြီး (ကျော်မျိုးသိန်း) စကားများကြသည်။ တခြားတော့မဟုတ် အဖွဲ့အားလုံးရဲ့ ဆေးပစ္စည်းတွေကို တပ်စိတ်တစ်စိတ်ချင်းဆီ ဝေမျှရေး၊ မမျှရေးပင်တည်း။ တစ်ယောက်က အလွယ်တကူရစေရန် မျှလိုပြီး တစ်ယောက်က ဆေးတွေမသုံးတတ်ပဲ သုံးလျှင် ဥပါဒ် ဖြစ်မည် စိုရိမ်သောကြောင့်ဖြစ်သည်။

ဘေးကကြည့်နေသော ပြောင်ကြီး မနေနိုင်တော့။ ပြောင်သလို နောက်သလို နဲ့ ၀င်ပြောသည်။
“ဟေ့ ဒွေး နဲ့ ကြက်ကြီး ဒီလောက် ဆုံးဖြတ်ရခက်မနေနဲ့။ ငါလည်း ကြက်ခြေနီတစ်ယောက် မင်းတို့မှာ ပါတဲ့ဆေးက သာလာဆပ် နဲ့ ပါရာစီတမော၊ လူတိုင်းသောက်တတ်တယ်၊ ဘာမှမပူနဲ့။ မဝေလည်းဘာမှမဖြစ်ဘူး လူတိုင်းမှာပါတယ်။ အဲတော့ မင်းတို့လုပ်ချင်တာလုပ် ရန်မဖြစ်နဲ့… နားငြီးတယ်…” ပြောင်ကြီးပြောပြီးတာနဲ့ အားလုံးက ၀ါးကနဲရယ်လိုက်ကြသည်။ ဒွေး နဲ့ ကြက်ကြီးလည်း ဘာမှမပြောတော့ပဲ ငြိမ်သွားတော့သည်။

အဆောင်ရှေ့ကနေ ကိုကျော်အေးက လှမ်းအော်သည်။
“အထမ်းသမားတွေဆီပေးမည့် ပစ္စည်းတွေ အဆောင်ရှေ့မှာ လာပုံထားပါ။ ကိုယ့်ပစ္စည်း ကိုယ် အမှတ်အသားလေးတွေလုပ်ပေးထားပါ… ”

အားလုံးအဆင်သင့်ဖြစ်တဲ့အချိန်မှာ မနက်စာအဖြစ် ခေါက်ဆွဲပြုတ်နဲ့ကော်ဖီကိုသောက်ရင်း တစ်ယောက်နဲ့တစ်ယောက် နောက်ပြောင်နေကြ၏။

ခရီးမထွက်ခင် မေဂျာတူ သူငယ်ချင်း ဖြစ်တဲ့ သဲကြီး၊ အမပုတု၊ ဆရာမ၊ ဇာတ်ရူးတို့နဲ့ ဓာတ်ပုံထပ်ရိုက်ပြန်သည်။

ပစ္စည်းတွေ စီစဉ်ပြီးလောက်ဖြစ်တော့ ဆရာမျိုး ၀ီစီသံကိုကြားလိုက်ရသည်။

“ရွှီ့…”
“အားလုံး တန်းစီမယ်ဟေ့…” ပုံကြီးရဲ့ အသံ။

တပ်စိတ်အလိုက်တန်းစီပြီးတော့ ဆရာမျိုးက စကားပြောသည်။

“ဆရာတို့ ဒီနေ့ မင်းတပ်မြို့ကနေပြီးတော့ အေးစခန်းကိုသွားမှာဖြစ်တယ်။ ဒီကနေပြီး ချီချောင်းကိုဆင်းရမယ်၊ ချီချောင်းကနေမှ အေးစခန်းကို သွားရမှာဖြစ်တယ်။
လမ်းခရီးမှာ တစ်ယောက်ရဲ့ အခက်အခဲကို တစ်ယောက်က ၀ိုင်းဝန်းဖြေရှင်းသွားပါ။ တောင်တက်တယ်ဆိုတာ မိမိတစ်ယောက်ထဲ တောင်ထိပ်ရောက်သွားလို့ အောင်မြင်တာမဟုတ်ဘူး။ တဖွဲ့လုံးရောက်မှသာ အောင်မြင်တယ်လို့ ခေါ်တယ်။ အဲဒီတော့ တယောက်နဲ့တယောက် ပြိုင်ဆိုင်စရာလည်းမလိုဘူး၊ အသင်းလိုက်အဖွဲ့လိုက် ပူပေါင်းဆောင်ရွက်ပြီး အောင်မြင်မှုကိုယူပါ လို့ မှာချင်ပါတယ်။

နောက်ပြီး ဆရာလည်း အထပ်ထပ်မှာထားပြီးသားလည့်း ဖြစ်ပါတယ်။ ဒေသခံတွေရဲ့ ရိုးရာဓလေ့တွေကို လေးစားပါ။ သူတို့ ပူဇော်ထားတဲ့ ပစ္စည်းတွေကို မကိုင်ပါနဲ့၊ မယူပါနဲ့။ အထမ်းသမားတွေကို ကိုယ်ကသူတို့ကို ပိုက်ဆံပေးထားတာပဲလို့ဆိုပြီး အခိုင်းအစေလို မဆက်ဆံပါနဲ့။ သူတို့မပါပဲနဲ့ ဆရာတို့ ဘယ်လိုမှ တောင်ထိပ်ကို မရောက်နိုင်ပါဘူး။ အထမ်းသမားတွေအားလုံးကို ကိုယ့်ရဲ့ ရဲဖော်ရဲဖက်လို သဘောထားပြီး ဆက်ဆံပါ။ သူတို့အခက်အခဲတွေကိုလည်း ကူညီပေးပါ။

နောက်တစ်ခုကတော့ မိမိယုံသည်မယုံသည် အပထားလို့ တောထဲမှာ တစ်ယောက်နဲ့တစ်ယောက် နာမည်ကို အကျယ်ကြီး မခေါ်ပါနဲ့။ အဝေးက တစ်ယောက်ယောက်ကို လှမ်းခေါ်ချင်တယ်ဆို ၀ူးးးး ဆိုတဲ့ အသံပေးပါ။ တစ်ဖက်ကလည်း ကြားကြောင်း ၀ူးးး ဆိုတဲ့ အသံပြန်ပေးလိုက်ပါ။ တောထဲကိုသွားတာဖြစ်လို့ တောဓလေ့ထုံစံကို လေးစားလိုက်နာတာ အကောင်းဆုံးပါပဲ… နိမိတ်မရှိ နမာမရှိတဲ့ စကားတွေကိုလည်း မပြောမိအောင် ဆင်ခြင်ကြပါ။ မပြောမိပါစေနဲ… ”

ဆရာမျိုးက တခြား အုပ်ချုပ်သူ ဆရာ၊ ဆရာမတွေဖက်ကို ကိုလှည့်ပြီး
“ဆရာတို့ရော ဘာပြောစရာရှိသေးလဲ…”
“မရှိပါဘူး ဆရာ…”

ပြီတော့မှ တန်းစီနေသော ကျောင်းသားတွေဖက်ကိုပြန်လှည့်ပြီး
“ကဲ… ဒါဆို ခရီးစထွက်မယ်။ တပ်စိတ်၁ က ရှေ့ကနေသွားမယ်၊ တပ်စိတ်၂ နောက်ကလိုက်ပါ၊ ပြီးတော့ တပ်စိတ် ၃၊ ၄၊ ၅ နဲ့ တပ်စိတ်တစ်စိပ်ချင်းစီ နှစ်ယောက်တွဲပြီးလှမ်းလျှောက်ပါ။ တပ်စိတ် ၉ နောက်ဆုံးမှလိုက်ပါ။ တပ်စိတ် ၉ က ဘက်ကင်းဖြစ်လို့ ဘယ်သူမှ နောက်မှာ မကျန်ခဲ့အောင် တာဝန်ယူပါ…”

“ဟုတ်ကဲ့ပါ ဆရာ…” တပ်စိတ် ၉၊ တပ်စိတ်မှူး ကိုမျိုးချစ် ပြန်ဖြေလိုက်သည်။

ဆရာမျိုးမှ ရှေ့ဆုံးမှထွက်သွားကာ ရှေ့တပ်စိတ်များ နောက်ကနေ တစ်ဖွဲ့စီ အစဉ်လိုက် ထွက်သွားကြပါသည်။ ကျွန်တော်တို့ တပ်စိတ်က နောက်ဆုံးတပ်စိတ်ဖြစ်လေတော့ အဖွဲ့ဝင် အားလုံး တန်းစီသွားနေကြသည်ကို မင်းတပ်မြို့ရဲ့ မနက်ခင်း နေမထွက်သေးခင် အလင်းရောင်အောက်မှ လှမ်းမြင်နေရသည်။

အချိန်ကိုကြည့်လိုက်တော့ မနက် ၆း၃၀။

မင်းတပ်မြို့ပတ်လမ်းတလျှောက် ချီတက်လာခဲ့ကြသည်။ မြို့ပတ်လမ်းတစ်နေရာအရောက် ဘေးကိုခွဲဆင်းကာ ချီချောင်းရှိရာသို့ စဆင်းခဲ့ကြသည်။ ချီချောင်းသည် မင်းတပ်မြို့မှ ၄မိုင်ခန့်အကွာရှိ တောင်ခြေမှာရှိတဲ့ ၁၂ရာသီ စီဆင်းနေတဲ့ ချောင်းဖြစ်ပါသည်။ မင်းတပ်မှ ချီချောင်းသို့ ခရီးလမ်းသည် ပေ ၃၀၀၀ ခန့်ရှိသည့် အဆင်းလမ်းဖြစ်သည်။

စဆင်းခါစနေရာမှာ သစ်ပင်မျာွးထူထပ်စွာပေါက်နေပြီး တောအုပ်ကလေးလိုဖြစ်နေပါသည်။ စိတ်ထဲမှာ အတော်ပင်ပျော်ရွှင်သွားသည်။ ဒါမှ တကယ်ငါလာချင်တဲ့နေရာ၊ တောထဲတောင်ထဲသွားချင်တဲ့ ကျွန်တော် ဆန္ဒပြည့်ဝပြီလို့ထင်လိုက်မိသည်။ ခဏကြာ ဆက်ပြီးဆင်းလာတော့ သစ်ပင်ကြီးတွေကုန်ကာ သစ်ပင်ငယ်တွေကျန်၊ ပြီးတော့ တောင်ကတုံးလို ဘာမှမရှိတဲ့ ကွင်းပြင်ကြီးသာတည်း။

သစ်ပင်တွေရှင်းသွားသည့်နေရာမှ တစ်ဖက်ကိုလှမ်းကြည့်လိုက်တော့ တောင်ကြီးတစ်လုံး ပိတ်ရံကာတားစီးထား၏။ အောက်ကိုဆင်းလိုက်တိုင်း တစ်ဖက်က တောင်ကြီးက ပို၍ပို၍မြင့်မြင့်လာသလို ခံစားရသည်။ ၀ိတိုရိယတောင်ထိပ်မရောက်ခင် ဒီလိုတောင်ကြီးတွေ ဘယ်နှစ်လုံးတောင် ကာစီးထားပါသလဲ မသိ။ မစဉ်းစားပဲ ဆက်လျှောက်ခဲ့တော့သည်။

မင်းတပ်မှ ချီချောင်းအဆင်းလမ်းသည် တောင်ကမ်းပါးယံကို ပတ်ကာဖောက်ထားသော လူတစ်ယောက်သွားစာသာသာ လမ်းကျဉ်းလေးသာဖြစ်သည်။ လမ်းက မပြေပြစ်သလို အကာအရံကလည်းမရှိ။ ခြေချော်လက်ချော်ဆိုလျှင် ရုတ်တရက် အောက်ကချောက်ထဲကို ကျသွားနိုင်သည်။ ကျောမှာပိုးထားသည့် ကျောပိုးအိတ်ရဲ့ အလေးချိန်ကိုသယ်ရင်း ခြေချရာကို သတိထားကာ လျှောက်လာနေရသည်။ အဆင်းခရီးဖြစ်လို့ မမောသော်လည်း နေပူလာပြီဖြစ်လို့ ချွေးလေးတွေတော့ စို့လာနေပြီ။

လမ်းခရီးတစ်ဝက်လောက်တွင် နောက်မှလိုက်လာသာ အထမ်းသမား ချင်းအမျိုးသားတို့က ကျွန်တော်တို့ကို သွက်သွက်လက်လက်ကျော်တက်သွားကြသည်။ အသက်အရွယ်ကတော့ မျိုးစုံ၊ အမျိုးသမီးတွေလည်းပါသေးသည်။ တချို့က စကားပြောမပျက်၊ တချို့က ဆေးတံဖွာမပျက်၊ တချို့က ညှပ်ဖိနပ်နဲ့ တချို့ကတော့ ခြေဗလာဖြင့်။ သူတို့ရဲ့ ခေါင်းတွင် ပလိုင်းချိတ်ကာလွယ်၊ ထိုပလိုင်းထဲတွင် ကျွန်တော်တို့ရဲ့ အိပ်ရာလိပ်၊ ရိက္ခာထုပ်တွေထည့်ထားလို့ပေါ့။

တပ်စိတ်တွေအားလုံးရဲ့ နောက်ဆုံးမှာဖြစ်လို့ အောက်ကိုလှမ်းကြည့်လိုက်လျှင် လမ်းအကွေ့အ၀ိုက်များတွင် အင်္ကျီပြာပြာလေးများဖြင့် စီတန်းသွားနေကြသည့် ရှေ့တပ်စိတ်က သူငယ်ချင်းတွေမြင်နေရသည်။

လမ်းဘေးမှာ ချင်းအိမ် လေးငါးလုံ်းတစ်စုကိုတွေ့လိုက်ရသည်။ အိမ်တစ်အိမ်မှာမူ တိရိစ္ဆာန်အရိုးခေါင်းမျိုးစုံကို အိမ်ရှေ့မျက်နှာစာအပြည့် ချိတ်ထားသည်ကိုတွေ့ရသည်။ မုဆိုတစ်ဦးရဲ့အိမ်လား၊ နတ်တွေကို ပူဇော်ထားသည်လားတော့မသိပေ။ ဆရာမျိုးက မထိရ၊ မကိုင်ရဆိုတော့ အသာပင် ခေါင်းငဲ့ကာကြည့် ဆက်လျှောက်ခဲ့ပြန်သည်။

လမ်းကြောင်းလေးအတိုင်း ဆက်ပြီးဆင်းလာရာ မကြာခင်မှာပဲ ရေသံလိုလိုကြားကာ ချီချောင်းကို လှမ်းကာတွေ့လိုက်ရသည်။ အမြင်နီးနေပေမယ်လို့ ချောင်းနံဘေးက မြေပြန့်ရောက်ဖို့ ကွေ့ကာဝိုက်ကာ ဆင်းနေရသေးသည်။ ရှေ့အရင်ရောက်နှင့်နေသော သူများကတော့ ကျောပိုးအိတ်များချကာ ချောင်းဘေးကိုဆင်း ဓာတ်ပုံရိုက်၊ ရေဆော့နေကြပြီ။ ချီချောင်းနားအရောက် ကျောပိုးအိတ်ကိုချ ရေစပ်ကိုအပြေးလာကာ ချီချောင်းအလှကို ရှုမောမိသည်။

ကျောက်တုံးမဲမဲတွေကြားမှာ စီးဆင်းနေတဲ့ ကြည်လင်အေးမြသည့်ရေ၊ တသွင်သွင်စီးနေတဲ့ ရေစီးသံ တို့က ချက်ချင်းပင် အမောကိုပြေစေတော့သည်။ နောက်တစ်ခါရေရမည့်နေရာ ဘယ်လောက်ကြာအောင် သွားရမည်ဆိုတာ မသိတော့၊ လျော့နေတဲ့ ရေဗူးကို ဖြည့်လိုက်သည်။

ကျွန်တော်လည်း အားကျမခံ ကျောက်တုံးပေါ်တက် စစ်တိုက်ထွက်သည့် စစ်သားပမာ ပုံစံပေး၍ ဓာတ်ပုံရိုက်လိုက်သည်။

နောက်ကတော့ ချီချောင်းအပေါ်ဖြတ်ကျော်ကာ တည်ဆောက်ထားတဲ့ လှပတဲ့ ကြိုးတံတားပင်တည်း။ ကာလ အတန်ကြာနေပြီဖြစ်လို့ အတော်ပင်ဟောင်းနွမ်းနေပြီဖြစ်သည်။

ရှေ့ကတပ်စိတ်တို့ ခဏနားပြီး ချီချောင်းတစ်ဖက်ကတောင်ကြီးပေါ် ဆက်လက်တက်သွားပြီဖြစ်သော်လည်း ကျွန်တော်တို့ တပ်စိတ်ကတော့ နောက်မှ အေးအေးဆေးဆေးလိုက်မှာဖြစ်လို့ ချောင်းဘေးက ဇရပ်လေးပေါ်မှာ ထမင်းစားဖို့ပြင်လိုက်သည်။ အတွေ့အကြုံရှိတဲ့ ကိုကျော်အေးပြောစကားအရ ချီချောင်းအတက်တက်လျှင် အားအင်လိုအပ်သလို၊ တက်ပြီးပြန်ရင်လည်း မစားနိုင်လောက်အောင်မောသည် ဆိုတော့ သိပ်မဆာသေးသော်လည်း အဆာခံနိုင်ဖို့ အနည်းငယ်စားဖို့ ဆုံးဖြတ်လိုက်သည်။

ကြွပ်ကြွပ်အိတ်ဖြင့်ထုပ်လာခဲ့သော ထမင်းထုပ်၊ ကိုမျိုးချစ်ရဲက ငံပြာရည်ချက်၊ ငါးသေတ္တာ၊ မောင်ကြီးရဲ့ မြေပဲ တို့က ထမင်းကိုမြိန်စေပါသည်။

ထမင်းစားအပြီးမှာတော့ ချီချောင်းတံတားကိုဖြတ် တစ်ဖက်က တောင်ကြီးကို စတက်လိုက်သည်နှင့် ….

~~~~~~~~ ဆက်ရန်

ပဉ္စမပိုင်း ကိုတော့ ခပ်မြန်မြန် နဲ့ တိုတို ရေးလိုက်ပါတယ်။ ဖတ်ပေးတဲ့အတွက် ကျေးဇူးတင်ပါတယ်။

Read More...

Monday, April 13, 2009

၎/၉၆ - စတုတ္ထပိုင်း

စကားပြောသံ သဲ့သဲ့ကြားလိုက်မိရင်း အိပ်ရာမှနိုးလာပါသည်။ မျက်လုံးဖွင့်ကြည့်လိုက်တော့ ကိုမျိုးချစ် နဲ့ သူရ အိပ်မုံစုံမွားပုံနဲ့ ထိုင်ပြီးစကားပြောနေတာတွေ့လိုက်သည်။ သူတို့ကလည်း ကျွန်တော်ထလာတာတွေ့တော့ ကိုမျိုးချစ်က “ကောင်လေး နိုးပြီလား… ထတော့… ဈေးသွားပြီး မုန့်သွားဝယ်စားရအောင်…”
“အိုကေ… ခဏစောင့် မျက်နှာသစ်လိုက်ဦးမယ်…” ဆိုပြီး ရေဗူးထဲက ရေနဲ့ ပလုပ်ကျင်း၊ မျက်နှာသစ်၊ လွယ်ထားတဲ့ စစ်လွယ်အိတ်ထဲက တဘက်နဲ့သုပ်ပြီးတာနဲ့ ဈေးဖက်ကို ထွက်လာခဲ့ကြသည်။

မနက်စောစာ ဝေလီဝေလင်း ကျောက်ထုရွာလေး၏ ရှုခင်းမှာ တမျိုးကြည့်ကောင်းနေသည်။ မီးရောင်လေးတွေနဲ့ ကျောက်ထုဈေးကိုလည်း လှမ်းမြင်နေရသည်။ ဈေးလို့ခေါ်ပေမယ့် အဆောက်အဦးရယ်လို့ ပီပီပြင်ပြင်ရှိသည်မဟုတ်၊ မြေပြင်ပေါ်မှာပဲ တောင်းတွေ၊ဗန်းတွေ ချပြီးဈေးရောင်းနေကြသည်။ ဈေးထဲက အကြော်ဆိုင်မှ အကြော်ပူပူနွေးနွေး ၀ယ်ပြီးစားရသည်မှာ အင်မတန်မှ အရသာရှိလှသည်။

ဈေးမှပြန်လာတော့ မိကျော်မတို့ ဈေးဖက်ကိုလာနေတာကိုတွေ့ရပြီး အကြော်ကောင်းကြောင်းသတင်းပေးလိုက်သေးသည်။ ညအိပ်ခဲ့တဲ့ ထမင်းဆိုင်ကိုပြန်ရောက်တော့ တော်တော်များများ နိုးနေကြပြီး မျက်နှာသစ်နေကြသည်။ မင်းသန့်စိုး ကတော့ သေချာ သွားပွတ်တံနဲ့ သွားတိုက်ဆေးနဲ့ သွားတိုက်နေလေရဲ့။ ကျွန်တော်တို့အများစုကတော့ ခရီးကြမ်းသွားတဲ့အခါ ခပ်ကြမ်းကြမ်းနဲ့ သိပ်ပြီးမနုတော့ပဲ သူကတော့ တစ်မူထူးနေတော့ နာမည်ပြောင် မောင်နုလို့တောင် ရနေပါပြီ။


ခဏကြာတော့ ဆရာမျိုးရဲ့ ရွှီ… ဆိုတဲ့ ၀ီစီသံကြားလိုက်ရပါသည်။ အားလုံးတန်းစီ လူစစ်ပြီးတာနဲ့ မနက် ၇ နာရီခန့်မှာ ကျောက်ထုရွာမှ မင်းတပ်မြို့သို့ထွက်လာကြသည်။ နာရီဝက်လောက်မောင်းပြီးတော့ ကန်ကြီးဆိုတဲ့ရွာမှာ ကားကိုခဏရပ်ကာ ကားသမားတွေ ဆိုင်ထဲဝင်သွားကာ မနက်စာစားနေသည်။ ကားသမားများ ညကသောက်ထားတာကို ဖြေရန် မောနင်းပက် လုပ်နေတယ်ထင်ရပါသည်။ ဆရာမျိုးကတော့ ကားသမားတွေကို သတိပေး အသောက်မလွန်စေရန် ဆိုင်အပြင်ဖက်မှနေ လက်ပိုက်ကာ ခေါက်တုန့်ခေါက်ပြန် လမ်းလျှောက်နေလေရဲ့။ တကယ်လည်း အန္တရာယ်များတဲ့ တောင်တက်လမ်းဖြစ်လို့ တစ်စုံတစ်ခုကြောင့် အမှားမခံနိုင်ပါဘူး။ ကျောင်းသားခရီးစဉ်ဖြစ်နေတော့ ဦးဆောင်တဲ့ဆရာမျိုးအနေနဲ့လည်း တာဝန်ကလည်းကြီးလှပါသည်။

သိပ်မကြာခင်မှာပဲ ခရီးဆက်လာနိုင်လို့တော်ပါသေးတယ်။

မနက် ၈နာရီခန့်တွင်တော့
“ဟေးးးးးးးးး…. ချင်းပြည်နယ်စပ်ကို ရောက်ပြီဟေ့….”
ကားရှေ့ခန်း အပေါ်မှာထိုင်လိုက်လာတဲ့ ဇာတ်ရူးက အော်ပြောလိုက်တော့ မတ်တပ်ရပ်ကာကြည့်လိုက်မိသည်။ ချင်းပြည်နယ်ထဲရောက်ပြီဆိုတာနဲ့ ၀ိတိုရိတတောင်နဲ့ နီးလာပြီဆိုတဲ့အသိစိတ်နဲ့ ပြန်မထိုင်မိတော့ပဲကားရှေ့နားမှာ မတ်တပ်ရပ်ကာ ချင်းတောင်တန်းတွေရဲ့ အလှတွေကိုငေးမောလိုက်ပါမိတော့သည်။

ချင်းပြည်နယ်ထဲကိုဝင်ရောက်လာပြီး အတက်လမ်းတွေက ပိုပြီးမတ်စောက်လာသည်။ သစ်ပင်တွေနဲ့ အရောင်သွေး အမျိုးအစားတွေလည်း ကွဲပြားလာသည်။ ရာသီဥတုကလည်း အေးစိမ့်စိမ့်ဖြစ်လာသည်။ တစ်ဖက်က တောင်နံရံမြင့်မြင့်၊ တစ်ဖက်က ချောက်ကမ်းပါးနက်နက်၊ အဝေးက တောင်တန်းစိမ်းပြာပြာ၊ အောက်ဖက်မှာတော့ တိမ်လွှာဖြူဖြူတို့နဲ့ ပြည့်စုံနေတဲ့ရှုခင်းကတော့ အသက်ရှူမှားလောက်အောင်ပင် လှပနေပါသည်။

ကျွန်တော်တို့ပါလာသော ကုန်းလမ်းပို့ဆောင်ရေးက ကုန်တင်ကားနှစ်စီး တစ်ကွေ့ပြီးတစ်ကွေ့တက်၊ တစ်တောင်ပြီးတစ်တောင်ကျော်ကာ ဖြည်းဖြည်းချင်း မင်းတပ်မြို့ဆီသို့ ချီဆက်လာနေပါသည်။

အတက်ခရီးကကြမ်းလေတော့ ကားတွေမှာလည်း ငယ်သံပါအောင်အော်ဟစ်ကာ အားကုန်ရုန်းတက်နေရလေသည်။ လမ်းတစ်နေရာမှာတော့ ကားများခဏနားကာ ရေဆင်းအထည့် လမ်းပြင်နေတဲ့ ချင်းလူမျိုးမိသားစုလေးတွေကို ဆရာမျိုးက ချိုချဉ်ဝေကာပေးနေတော့သည်။ ဟစ်လုံနဲ့အဖွဲ့ကလည်း လမ်းဘေးမှာပေါက်နေတဲ့ အပင်မြင့်မြင့်ပေါ်တွင်ပွင့်နေတဲ့ သစ်ခွပန်းတွေကို မှန်ပြောင်းနဲ့ကြည့်နေလေသည်။

ခဏနေကာ ခရီးဆက်ထွက်ခဲ့ရာ ကားပေါ်ပါ ဟိုက်ကာ (hiker) အကုန် ပြန်မထိုင်နိုင်တော့ပဲ ချင်းတောင်တန်းရဲ့အလှကို မတ်တပ်ရပ်၊ သံတန်းများကိုကိုင်ကာ အချင်းချင်း စကားပင်မပြောနိုင် ငေးမောကာ လိုက်ပါကြတော့သည်။ ကွေ့လိုက်တက်လိုက် ဆက်တက်လာရာ ၁နာရီလောက်ကြာတော့ အကွေ့တစ်ခုကိုကျော်လိုက်သည်နဲ့ အိမ်ခြေတစ်ချို့ကိုတွေ့လိုက်ကတော့ … “မင်းတပ်ကိုရောက်ပြီဟေ့…” ဆိုတဲ့အသံကို ကိုကျော်အေးဆီမှကြားလိုက်ရသည်။

ပြီးနောက်
“မင်းတပ်ကိုရောက်ပြီဟေ့…”
“မင်းတပ်ကိုရောက်ပြီဟေ့…”
တစ်ယောက်ပြီးတစ်ယောက် ပျော်ရွှင်စွာ ထပ်အော်လိုက်မိသည်။

“ဗွမ်း….”
“အောင်မလေးဗျ အေးလိုက်တာ…”
လမ်းဘေးက ကလေးတွေကရေလှမ်းအပက် ရေခဲရေတမျှ အေးမြလှတဲ့ရေကို ရုတ်တရက် ခံစားလိုက်ရတော့ အော်လိုက်တဲ့ ကျွန်တော်တို့တွေရဲ့အသံတွေ။

သင်္ကြန်ရောက်နေပြီကိုး ဒီနေ့ အေပရယ် ၁၃ရက် ၁၉၉၆ ။ အချိန်ကား နံနက် ၉း၄၅။

မင်းတပ်မြို့ကအိမ်ခြေအနည်းသာရှိပုံပေါ်သည်။ ရှိတဲ့ အဆောက်အဦးတို့ကတော့ အခိုင်အခန့် သပ်သပ်ရပ်ရပ်နှင့်ပင်ဖြစ်သည်။ ဘာသာရေးအနေနဲ့လည်း တောင်ကုန်းတစ်ခုပေါ်တွင် စေတီဖြူဖြူ သပ္ပါယ်စွာရှိနေသလို တစ်ဖက်က တောင်ကုန်းမှာလည်း ခရစ်ယာန်ဘုရားရှိခိုးကျောင်းကြီးကလည်း ခန့်ငြားစွာရှိနေသည်။ မင်းတပ်မြို့သည် မြို့ငယ်သော်ငြား ခရိုင်မြို့တစ်မြို့ဖြစ်လေတော့ ဆေးရုံ၊ ကျောင်း၊ ဆက်သွယ်ရေးစခန်း တွေနဲ့ ပြည့်ပြည့်စုံစုံရှိနေပါသည်။

ကားရပ်လိုက်သည်နှင့်
“ဟေး…..ရောက်ပြီဟေ့….”
၉ရက်နေ့က ရန်ကုန်က ထွက်လာခဲ့သော ခရီးရှည် မင်းတပ်ကိုရောက်တော့ အားလုံးပျော်ရွှင်နေကြသည်။ အားလုံးရဲ့ အိပ်မက်ဖြစ်သော ၀ိတိုရိယတောင်ကိုတက်ရန် အင်မတန်လည်း နီးကပ်နေပြီမဟုတ်ပါလား။

ဆင်းလိုက်တော့ ကားရပ်သည်နေရာက မင်းတပ်မြို့ရဲ့ အထက်တန်းကျောင်းဖြစ်နေပါသည်။
“ဆရာ… ဒီကျောင်းမှာတည်းရမှာလား…” ဆရာစိန်ကိုမေးကြည့်လိုက်သည်။
“ငါလည်း မသိဘူးကွ… ဆရာမျိုးကိုမေးကြည့်ရမှာပဲ…”။

ထိုစဉ် မင်းတပ်မြို့ခံလှပျိုဖြူလေးနှစ်ယောက် စက်ဘီးစီးကာ ကျောင်းထဲဝင်လာကာ အမောတကြီးမေးရှာသည်။
“အိုင်အာက သရဲပါလား… အိုင်အာက သရဲပါလား”
“သရဲမပါဘူး၊ ဒီမှာ လူသားချောချောလေးတွေပဲပါတယ်…” ပြောင်ကြီး က နောက်လိုက်သည်။
“အမလေးဟယ်… မဲမဲတူးတူး အားလုံး သရဲရုပ်တွေကများ…”
“ဟေ့ကောင်တွေ… အဲဒါငါ့သူငယ်ချင်းတွေကွ…” ကိုဖုန်းက ၀င်ပြောပြီး သူတို့သူငယ်ချင်း အချင်းချင်းစကားပြောနေကြသည်။

“ဟေး… အားလုံး ဓာတ်ပုံရိုက်ရအောင်ဟေ့…လာကြ လာကြ…”
ရုတ်တရက် Dirty က ကုန်းကာအော်သည်။

ကင်မရာများရှေ့မှာ အာလုံးပုံစံအမျိုးမျိုးလုပ်ကာ ဓာတ်ပုံအရိုက်ခံကြသည်။ သူငယ်ချင်းတွေနဲ့ စကားပြောနေရင်းက ကိုဖုန်းက ရှေ့မှာကားယားကားယားလုပ်ပြသည်။ နောက်က ကျော်ပိုင်၊ ဘေးမှာ ဟစ်လုံက ပီးစ်လုပ်ပြ၊ တကယ့်ပုံစံက အမျိုးမျိုး။

ပြီးတော့ မေဂျာတူသူငယ်ချင်းတွေပေါင်းပြီး အမှတ်တရရိုက်ကြပြန်သည်။

ဓာတ်ပုံရိုက်ပြီးတော့မှ ပစ္စည်းတွေကို ကားပေါ်မှ ကျောင်းဆောင်များထဲသို့ နေရာချထားသည်။ နေ့လည်စာ ချက်ပြုတ်ပြင်ဆင်ဖို့ ကျောင်းဝိုင်းထဲမှာ ရှိနေသောထင်းများကို အနီးနားက ကုန်းလေးပေါ်မှာရှိတဲ့ တောင်တန်းသာသနာပြု ဘုန်ကြီးကျောင်းပေါ်ကို တစ်ယောက်တစ်လက်နဲ့ ပို့လိုက်ကြသည်။ နေ့လည်စာကိုတော့ ဘုန်းကြီးကျောင်းရဲ့ ဆွမ်းစားဆောင်မှာ ထမင်းချက်အဖြစ်လိုက်ပါလာတဲ့ ပင်းယဆောင်ရဲ့စားဖိုမှူး ဦးကျော်လင်းက ဦးဆောင်ကာ ဆရာမများ နဲ့ ကျောင်းသူများက ၀ိုင်းဝန်းကူညီ ချက်ပြုတ်ကြပါသည်။

ဆွမ်းစားဆောင်ဘေး ပန်းကန်ဆေးရာ နေရာမှ လှမ်းကြည့်လိုက်ရင် မြူနှင်းတွေ ဖွေးဖွေးဖြူနေတဲ့ လွင်ပြင်ကြီးနဲ့ ထိုးထိုးထောင်ထောင်ထွက်နေတဲ့ တောင်စွယ်တောင်တန်းတွေကို လွမ်းမောဖွယ်ရာမြင်တွေ့ရသည်။

“ပီတိကြီး… ရော့..သောက်မလား…”
တောင်တန်းကြီးကိုငေးမောကြည့်နေတုန်း ဘေးက သူရရောက်လာပြီး စီးကရက်တစ်လိပ်ကို လှမ်းပေးလိုက်သည်။
ဘေးဘီကြည့်ရင်း ဆရာမျိုးလစ်သည်နှင့် “အေး… သောက်မယ်… ” ဆိုပြီး လှမ်းယူလိုက်သည်။ ဆေးလိပ်ကို သောက်ရင်း သူရ နဲ့နှစ်ယောက်သား တောင်တန်းတွေကို ငေးမောကြည့်နေမိသည်။

“သူရ.. ငါတို့ မနက်ဖြန်ဆို ၀ိတိုရိယကိုစပြီးတက်ပြီနော်… ငါကတော့ မစောင့်နိုင်တော့ဘူးကွာ…”
“ငါလည်း မနက်ဖြန်ရောက်ချင်လှပြီ ကွ…”

နေ့လည်စာ အဆင်သင့်ဖြစ်တော့ အားလုံးဝိုင်းကာ စားလိုက်ကြသည်။ ဗိုက်ဆာနေသည့်အပြင် အတူတူ စကားပြောလိုက် နောက်ပြောင်လိုက် စားလိုက်တော့ ခပ်ပေါ့ပေါ့ အားလူး နဲ့ ကြက်ဥဟင်းတောင် အင်မတန်စားကောင်းနေပေတော့သည်။

ထမင်းစားပြီးတော့ နားလို့မရသေးပေ။ မင်းတပ်ရဲ့ နယ်မြေခံတပ်ရင်းက သင်္ကြန်အခမ်းအနားဖိတ်ထားလို့ သွားရမည်လို့ ဆရာမျိုးကပြောထားသည်။ စားပြီးခဏနား ကျောင်းရှေ့မှာလူပြန်စုကာ တပ်ရင်းရှိရာသို့ထွက်လာကြသည်။ လမ်းဘေးတစ်ဖက်တစ်ချက်ဆီမှ ပက်လိုက်သောရေက သဘာဝအလျောက်ပင် အေးစိမ့်နေလို့ အတော်ပင် ခံစားလိုက်ရသည်။

တပ်ရင်းကိုရောက်တော့ ကျောင်းသားတွေကို မဏ္ဍပ်ထဲမှာ သေချာ ရေရာချထားပေးသည်။ မင်းတပ်မြို့ခံ Vakok တီးဝိုင်းအဖွဲ့က တီးခတ်ဖျော်ဖြေနေသည်။ တပ်သားတစ်ချို့ကတော့ တော်တော်လေးမှန်နေကာ ခုန်ပေါက်ကခုန်နေပြီ။ သင်္ကြန်မုန့်အဖြစ် မုန့်လက်ဆောင်းဖြင့်လည်း ဧည့်ခံပြန်သည်။

ချစ်ကြည်ရေးအနေဖြင့် တပ်ရင်းမှူးက ဆရာမျိုးထံ လက်တွဲသီချင်းဆိုရန် မေတ္တာရပ်ခံလာလို့ ဟိုက်ကာတွေထဲမှ သီဆိုတတ်သူ၊ ကတတ်သူများကို ထွက်ခိုင်းလာသည်။ အမပုတု၊ ဇာကြီး တို့က သီချင်းတစ်ပုဒ်စီဖြင့်သီဆိုကြသည်။ ကိုဖုန်းကလည်း သီချင်းတော့ ဆိုချင်ရှာသည်၊ ဒါပေမယ့် အစပျောက်တော့…
“ဟေ့ကောင်.. ပီတိ… ဟယ်ရီလင်းရဲ့ အကောင်းဆုံးပဲ ကြင်နာပါ့မယ် ကိုယ့်ရဲ့ ချစ်သူလေး ဆိုတဲ့ သီချင်းရဲ့ အစကိုလုပ်ပါဦး .. ငါမေ့နေလို့…”
“အဲ… ကျွန်တော်လည်း စဉ်းစားလို့မရဘူး…”
“လုပ်ပါဦး ငါဆိုရတော့မှာကွ….” လို့ပြောရင်း သူ့အလှည့်ရောက်တော့ စင်ပေါ်တက်သွားရရှာလေသည်။
ဘယ်ကနေ ဘယ်လို စလိုက်သည်မသိ သီချင်းဆိုတော့ အဆင်ကိုချောနေသည်။ ဟယ်ရီလင်းရဲ့ အားကုန်ဟစ်ရသည့်နေရာမှာဆို ကိုဖုန်းတစ်ယောက်လည်း အားကုန်ညှစ်ကာ ကုန်းကုန်းကွကွ အားရပါးရဆိုလေသည်။

အဆုံးသတ်မှာဖြင့် ဟိုက်ကာမယ်တို့ကလည်း မြနန္ဒာသီချင်းဖြင့် ကပြဖျော်ဖြေကာ အဆုံးသတ်လိုက်တော့သည်။ အပြန်လမ်းမှာဖြင့် အေးစိမ့်လှသော မင်းတပ်မြို့ရဲ့ သင်္ကြန်ရေကို ခံစားရပြန်သည်။ မြူတွေဝေနေသည့် တောင်တန်းနောက်ခံထားလျက် ဗိုလ်ချုပ်မြင်းစီးရုပ်ကိုလည်း ခန့်ခန့်ငြားငြားတွေ့လိုက်ရသေးသည်။

အထက်တန်းကျောင်းကိုပြန်ရောက်တော့ ရေစိုအ၀တ်တွေကိုလဲကြသည်။ အထက်တန်းကျောင်းနေရာသည် အိပ်ဖို့ရာအဆင်မပြေတော့ ဘုန်းကြီးကျောင်းသို့ ပြောင်းရွှေ့ကာ နေရာယူရပြန်သည်။

“ရွှီ….”
ညနေ ၅း၃၀မှာ ဆရာမျိုးရဲ့ ၀ီစီသံကိုကြားတော့ အားလုံးတန်းစီရသည်။

“ဆရာတို့ မနက်ဖြန်မနက် ၆နာရီမှာ ဒီကနေပြီး စထွက်မယ်။ မသွားခင် ပစ္စည်းတွေကို အထမ်းသမားတွေနဲ့ ထည့်ပေးဖို့ စီစဉ်ရမယ်၊ ပြီးတော့ မနက်စာစားပြီးမှထွက်မှာဖြစ်လို့ မနက် ၄နာရီမှာ အားလုံးထရပါမယ်။ အခု တန်းဖြုတ်ပြီးတာနဲ့ ကိုယ့်အစီအစဉ်နဲ့ကိုယ် အပြင်ထွက်လို့ရပါတယ်။ ညစာကိုလည်း ကိုယ့်အစီအစဉ်နဲ့ကိုယ် စားကြပါ။ ပြီးတော့ တစ်ယောက်ထဲ၊ ဘယ်သူမှ မသိပဲ မသွားကြပါနဲ့။ သွားမယ်ဆိုရင်လည်း ကိုယ့်ရဲ့ တပ်စိတ်မှူးတွေကို ပြောပြီးသွားကြပါ။ ဒေသခံတွေရဲ့ ဓလေ့ထုံးစံတွေကိုလည်း လေးစားပါ။
မီးစက်ကတော့ ည ၈နာရီမှာပိတ်ပါတယ်။ လူကိုတော့ ည ၇း၃၀မှာ စစ်မယ်။ ၈နာရီနောက်ပိုင်းမှာ တည်းခိုဆောင်ကနေပြီး ဘယ်သူမှ မထွက်ကြနဲ့။ အဖွဲ့နဲ့ သွားတာဖြစ်လို့ အားလုံး စည်းကမ်းကိုလိုက်နာပါ။ မိမိတစ်ယောက်ကြောင့် အဖွဲ့အစည်းရဲ့ နာမည်ကို မထိခိုက်ပါစေနဲ့။ နောက်ပြီး ရေကို့ ယောင်္ကျားလေးတွေက ဘုန်းကြီးကျောင်းမှာ ချိုးလို့ရတယ်၊ မိန်းကလေးတွေကတော့ ဟိုးအောက်က အိမ်လေးမှာချိုးနိုင်ပါတယ်။ ကဲ… ဘာမေးစရာရှိသေးလဲ…”
“မရှိပါဘူး…”
“မရှိရင် တန်းဖြုတ်လိုက်မယ်…”

ဆရာမျိုးပြောပြီးသည်နှင့် ရေကို ချမ်းချမ်းအေးအေးနဲ့ အပြေးအလွှားချိုးကာ မင်းတပ်မြို့ထဲကို သူရ၊ ကိုမျိုးချစ် တို့နဲ့ထွက်လာကြသည်။ ညနေက မှောင်ရီးပျိုးစဖြစ်နေလို့ မြို့ထဲက ဆိုင်တွေတောင် ပိတ်တော့မည်။ ခဏခဏရောက်ဖူးသော ကိုကျော်အေးရဲ့လမ်းညွှန်မှုဖြင့် ညစာအဖြစ် နွားနောက်သားစွပ်ပြုတ်ကို အရသာရှိစွာသောက်ရသည်။ ခေါင်ရည်ရလားလို့ ဆိုင်ရှင်ကိုမေးလိုက်တော့… နာရီဝက်လောက်စောင့်ရင် ဦးရည်ဖောက်ပေးမည်လို့ဆိုကာ ချက်ချင်းလက်ငင်း ပြင်ဆင်ပေးတော့သည်။

ဒေသတစ်ခုကိုရောက်တုန်း အဲဒီဒေသရဲ့ အစားအသောက်ကို စားသောက်ရမှသာလျှင် ပြည့်စုံပေမည်။ အခုတော့ နွားနောက်သားစွပ်ပြုတ် နဲ့ ချင်းခေါင်ရည်ကို အရသာရှိရှိ စားသောက်လိုက်ရတော့ စိတ်ကျေနပ်သွားသည်။ ခေါင်ရည်သောက်တာကိုတော့ ဆရာမျိုးကို အသိပေးလို့ မဖြစ်ပေ။

ညစာစားပြီးပြန်ရောက်တော့ ယောင်္ကျားလေးအဖွဲ့က ပစ္စည်းတွေပြင်ဆင်ထုပ်ရင်း စကားပြောနေကြသည်။ ပြောင်ကြီးက ဘယ်ကနေပြီးဘယ်လိုစကားစလိုက်သည်မသိ။ သူရဲ့ထုံစံအတိုင်း ပုံတိုပတ်စ စပြောလိုက်သည်။

“ဟိုး ရှေးရှေးတုန်းကပေါ့ကွာ… သူဌေးတစ်ယောက်ရှိတယ်တဲ့… အဲဒီသူဌေးမှာ အင်မတန်မှ လိမ္မာတဲ့ မြင်းတစ်ကောင်ရှိတယ်တဲ့။ မြင်းကလည်း လူစကားတော်တော်နားလည်ပြီး သိတတ်တယ်တဲ့ကွ။ ပြီးတော့ သူဌေးမှာ အင်မတန်ချောမောလှပတဲ့ သမီးတစ်ယောက်လည်း ရှိတယ်… သူဌေးသမီးက နေ့တိုင်း နေ့တိုင်း မြင်းကိုစီးလေ့ရှိတယ်တဲ့…”

ပြောင်ကြီးထုံးစံ နားထောင်တဲ့ ပရိတ်သတ်ကို တချက်ကြည့်လိုက်သည် ပြီးတော့ ဆက်ပြောသည်။

“အဲလိုနေ့တိုင်းစီးနေတော့ မြင်းက သူဌေးသမီးကို စွဲလန်းလာတာပေါ့… တစ်နေ့လောက်များ သူဌေးသမီး မြင်းစီးမလာဘူးဆို မြင်းကြီးမှာ လွမ်းနာကျနေတာပေါ့… အဲလိုနဲ့ မြင်းကြီးက မဖြစ်နိုင်မှန်းမသိ အဝေးကနေပဲ သူဌေးသမီးကို မျှော်လင့်နေရတာပေါ့… ”

ပြောနေတာ ခဏရပ်လိုက်ပြီး…. “ဟေ့ကောင် သူရ မင်းလည်း မြင်းကြီးလို မဖြစ်နိုင်တဲ့အရာကို မမျှော်လင့်နေတာကိုး….”
“ဟားဟား…”
ပြောင်ကြီးပြောချင်တာ အားလုံးသဘောပေါက်ကာ ရယ်လိုက်ကြသည်။ အကြောင်းကတော့ သူရက မယ်ကြီးကိုကြိုက်နေတာကို ကိုပြောင်ကြီးက နောက်လိုက်တာပါ။ ဒီအတိုင်းရပ်မနေသေး ဆက်ပြီးတော့
“မင်းကတော့ ပုတော့ မြင်းတော့မြင်း ဒါပေမယ့် မြင်းပုပေါ့ကွာ…”
သဘောကောင်းတဲ့ သူရခမျာ ဘာမှပြန်မပြောနိုင် ရယ်ပြီးတော့သာနေရတော့သည်။

နာမည်အရင်းက စိုးပိုင်၊ အဲလို ပြောင်လွန်းနောက်လွန်းလို့ သူ့ကို ပြောင်ကြီးလို့ နာမည်ပေးထားရသည်။

“ကိုပြောင်ကြီး တော်တော်ဆိုးတယ်….”
အဲနောက်ပိုင်းမှာတော့ သူရလည်း မြင်းပု လို့နာမည်ပြောင်အပေးခံရတော့သည်။

ည ၈နာရီထိုး မီးစက်မပိတ်ခင် ပစ္စည်းတွေ ပြီးအောင်ထည့်၊ ညအိပ်ဖို့ရာပြင်ဆင်ထား ကြရသည်။

အားလုံးကတော့ မနက်ဖြန်ထွက်ရမယ့်ခရီးအတွက် စိတ်လှုပ်ရှားစွာဖြင့် အိပ်ယာထဲသို့ဝင်ကာ မအိပ်နိုင်သေးပဲ စကားတပြောပြောလုပ်နေကြသေးသည်။ ဆရာမျိုးက အိပ်ဖို့ရန် သတိပေးလိုက်တော့မှ ငြိမ်သွားကာ… ခရီးကလည်းပန်းလာကြတော့ အိပ်ပျော်သွားကြလေတော့သည်။

မနက်နိုးလာချိန်မှာတော့ အားလုံး ပင်ပန်းတကြီးလေ့ကျင့်ထားကာ အိပ်မက်မက်ခဲ့ရသော ၀ိတိုရိယတောင်တက်ခရီးစဉ်စရပေတော့မည်။

~~~~~~~~ ဆက်ရန်

အရင်ရေးခဲ့တဲ့ အပိုင်းတွေကတော့

၁။ ၂/၉၆ - ပထမပိုင်း
၂။ ၂/၉၆ - ဒုတိယပိုင်း
၃။ ၂/၉၆ - တတိယပိုင်း
၎။ ၃/၉၆
၅။ ၄/၉၆ - ပထမပိုင်း
၆။ ၄/၉၆ - ဒုတိယပိုင်း
၇။ ၄/၉၆ - တတိယပိုင်း

တတိယပိုင်းရေးအပြီး တနှစ်အကြာမှာ စတုတ္ထပိုင်းကို ရေးလိုက်ပါတယ်။ ဖတ်ဖူးတဲ့ သူတွေလည်း မေ့လောက်ပါပြီ။ အခုမှ ခံစားချက်လေးပြန်ရလာကာ ရေးမိတာပါ။ ၁၉၉၆ခုနှစ် ဒီလိုနေ့မှာဖြစ်ခဲ့တာပေါ့။ ဖတ်ပေးတဲ့အတွက်လည်း ကျေးဇူးတင်ပါတယ်။

Read More...

Ratings