Tuesday, October 13, 2009

အားလပ်ရက် ၀၉ (၂)

လေယာဉ်အတက်မှာ အမေနဲ့ စကားပြတ်သွားပြီး ပြန်ပြောဖြစ်ကြတော့
“အမေလည်း ဒီကိုလာသာလာတာ စိတ်ကလေးနေတာ… အခုတော့ စိတ်ပေါ့သွားပြီး…”
“ဟုတ်တယ် အမေ။ သားလည်း အဲလိုပဲ။”
“သား ဆယ်တန်းမဖြေခင်လေးမှာလည်း အဲလိုဖြစ်နေတာကို မှတ်မိတယ် မဟုတ်လား… ”
“ဟုတ်… မှတ်မိတယ်…”
[ဆယ်တန်း စာမေးပွဲမဖြေခင်မှာ ဖြစ်ခဲ့တဲ့ အကြောင်းကို ဒီမှာစာရှည်မှာစိုးလို့ သပ်သပ်ရေးပါ့မယ်]

ပြီးတော့ အိမ်အကြောင်း၊ ကျွန်တော့်အလုပ်အကြောင်းတွေပြောရင်း လေယာဉ်မယ်ကိုခေါ် ရေတစ်ခွက်တောင်းသောက်လိုက်ရသည်။ စိတ်မောလူမောဖြစ်နေတာ ကျန်နေတုန်းပဲကိုး။

ခဏနေ အနားကလူတွေအိမ်မောကျစပြုလာတော့ အနှောက်အယှက်ဖြစ်မှာစိုးတာနဲ့ စကားပြောတာကို အသာရပ်၊ ခုံကို နောက်အသာလှန်၊ စောင်ခြုံကာ အိပ်ဖို့ကြိုးစားပါတော့သည်။ နှစ်နှစ်ခြိုက်ခြိုက်မပျော်ပေမယ့် နည်းနည်းတော့ အနားရလိုက်ပါသည်။

ပျံသန်းချိန် ငါးနာရီကျော်လောက်မှာ လေယာဉ်ပေါ်မှာ မနက်စာစားပြီး သိပ်မကြာခင်မှာပဲ လေယာဉ်က ပျံသန်းနေတဲ့ အမြင့်ကို ဖြည်းဖြည်းချင်းလျော့ချလာသည်။ ဂျပန်စံတော်ချိန် မနက် ၇ နာရီ ၄၀ မိနစ်လောက်မှာ တိုကျို နာရီတာလေဆိပ်ကိုရောက်သည်။

လေယာဉ်ပေါ်ကဆင်းလာပြီး အဆောင်အဦးထဲအ၀င်မှာ ကျွန်တော့်နာမည်ရေးထားတဲ့ စာရွက်ကိုကိုင်ပြီးစောင့်နေတဲ့ ဂျပန်မ ချောချောလေးနှစ်ယောက်ကို တွေ့လိုက်ရပါသည်။ ဘာဖြစ်လို့များပါလိမ့်ဆိုတဲ့ အတွေးရောက်လာပါသည်။ အခက်အခဲတွေကြုံခဲ့ရတော့ ပူပန်မိလိုက်ပါသေးသည်။

ဂျပန်မလေးတွေနားရောက်တော့ ခဏရပ်လိုက်ပြီး သူတို့ကိုင်ထားတဲ့ စာရွက်ကိုပြရင်း
“ဒီနာမည်က ကျွန်တော့်နာမည်ပါ… ဘာများဖြစ်လို့ပါလိမ့် ” လို့မေးလိုက်ပါသည်။
ဂျပန်မလေးတွေ ကျွန်တော့်ကို ကြည့်ပြီး ခဏတော့မှင်သက်သွားဟန်ရှိသည်။

“ဟို… လူကြီးမင်းရဲ့ အိတ်က ဒီလေယာဉ်နဲ့ ပါမလားဘူး… အဲဒါ နောက်လေယာဉ်နဲ့မှ ပါလာပါမယ်…” လို့ အင်္ဂလိပ်လို ကောင်းဆုံးဖြစ်အောင် ကြိုးစားပြောပါသည်။
အဲတော့မှ ခုနက မှင်သက်သွားတယ်ဆိုတာ အင်္ဂလိပ်လိုပြောဖို့ အားယူလိုက်တာကို သဘောပေါက်လိုက်ရပါသည်။

ဟုတ်တာပေါ့။ လူတောင် မနည်းပြေးလာရတာ.. အိတ်ကတော့ ဘယ်ပြေးလာနိုင်ပါ့မလဲ။ အိတ်ကျန်ခဲ့မယ်ဆိုတာကိုတော့ မျှော်လင့်ထားပြီးသားပါပဲ။

“ဟုတ်ပြီ… အဲတော့ ဘယ်တော့ နောက်လေယာဉ်ရောက်မှာလဲ… ”
“ဒီနေ့ညမှ ရောက်မှာပါ…”
“အဲတော့ ဘယ်လိုဆက်လုပ်ရမလဲ… ငါပြန်လာယူရမှာလား…”
စိတ်ထဲမှာ လာယူခိုင်းလို့ကတော့ သူတို့ကိုပို့ပေးဖို့ ပြောလိုက်မယ်လို့ စိတ်ထဲမှာ တေးထားလိုက်မိပါသည်။ ထိုင်းမှာဖြစ်ခဲ့တဲ့ စိတ်မကျေနပ်မှုကရှိနေသေးသည်။

ဂျပန်မလေးတွေ ပြာပြာသလဲဖြစ်ပြီးတော့
“မလိုဘူးရှင့်… လာယူဖို့မလိုပါဘူး… ကျွန်မတို့ ပို့ပေးမှာပါ။ Immigration ဖြတ်ပြီးရင် ANA (အာနာ) ကောင်တာကိုလာခဲ့ပါ… တည်းမယ့် လိပ်စာကိုသာပေးလိုက်ပါ။ မနက်ဖြန်မနက်ရောက်အောင် ပို့ပေးပါ့မယ်…”
“အဲ… ဟုတ်ပါပြီ… ANA ကောင်တာကိုလာရမှာနော်…”
“ဟုတ်ကဲ့ပါရှင်… ကျွန်မတို့ စောင့်နေပါမယ်… အိတ်မပါလာတဲ့အတွက် အများကြီးတောင်းပန်ပါတယ်… ” ဆိုပြီး ခါးလေးညွှတ်ပြီးပြောပါသည်။

စိတ်ထဲမှာ ကျေနပ်သွားသည်။ ဂျပန်ရဲ့ ၀န်ဆောင်မှုလုပ်ငန်းတွေ ကောင်းတယ်ဆိုတာ ကြားဖူးပေမယ့် ကိုယ်တိုင်ကြုံလိုက်တော့ တကယ်ကိုစိတ်ကျေနပ်ဖို့ ကောင်းတယ်ဆိုတာ တခါတည်းလက်ခံလိုက်မိသည်။

တင်းကြပ်သည်လို့ နာမည်ကြီးတဲ့ ဂျပန် Immigration ကိုဝင်တော့ တစ်ယောက်ချင်းစီသွားဖို့ ၀န်ထမ်းတစ်ယောက်က ပြောနေပေမယ့် သုံးယောက်တခါတည်းသွားချင်တယ်… လူကြီးနှစ်ယောက်က မိဘတွေပါပြောတော့ ပြန်ပြုံးပြပြီး သွားနိုင်တယ်ဆိုတာ လက်လေးပြပါသည်။

ကောင်တာရောက်တော့ မင်္ဂလာနံနက်ခင်းပါလို့ နှုတ်ဆက်ရင်း လိုအပ်တဲ့ စာရွက်စာတမ်းတွေပြလိုက်ပါသည်။
“သူတို့က ခင်ဗျားရဲ့ မိဘတွေလား… ” လို့ တာဝန်ကျ ၀န်ထမ်းအမျိုးသားကပေးပါသည်။
“ဟုတ်ပါတယ်… ” လို့ ပြန်ပြောတော့ သူက ပြန်ပြုံးပြရင်း
“အလည်လာတာလား…”
“ဟုတ်တယ်… ငါ့အမက ဒီမှာ တက္ကသိုလ်တက်နေလို့ ငါတို့ အလည်လာတာလေ…”
“…” ပြန်ပြုံးပြရင်း နိုင်ငံကူးလက်မှတ်နဲ့ ဗီဇာတို့ကို စစ်ဆေးနေပါသည်။ ပြီးတော့မှ
“အမက ဘယ်တက္ကသိုလ်မှာတက်နေတာလဲ… ”
“xxx တက္ကသိုလ်မှာပါ…”
“သြော် … ဟုတ်ပါပြီ … ”
Immigration ၀န်ထမ်းက အ၀င် တံဆိပ်တုံးထု၊ white card ကို ကပ်ပေးကာ နိုင်ငံကူးလက်မှတ်တွေကိုပြန်ပေးလိုက်ပါသည်။ အားလုံးလွယ်လွယ်ကူကူပဲ ပြီးသွားပါသည်။

အပြင်ရောက်တော့ အဖေနဲ့အမေတို့ရဲ့ အိတ်တွေကို သွားယူဖို့ လုပ်တော့ အဲဒီအိတ်တွေနားမှာ ခုနကတွေ့လိုက်ရတဲ့ ဂျပန်မလေးတွေ ရပ်စောင့်နေတာကို ထပ်တွေ့လိုက်ရပါသည်။

“ANA ကောင်တာကို ရှာမတွေ့မှာစိုးလို့ ဒီမှာစောင့်နေတာပါ…” လို့ ပြုံးပြီး ပြောပြသည်။
ANA ကောင်တာလို့ပြောပြီး ရှာလာလိမ့်မယ်ပေါ့ဆိုတဲ့ စိတ်မရှိပဲ အခုလိုကြိုစဉ်းစားပေးပြီး လာစောင့်ပေးနေတာ စိတ်ထဲမှာ နွေးထွေးသွားသည်။ ဂျပန်ကိုအလည်လာတဲ့လူတွေကို နွေးနွေးထွေးထွေးကြိုဆိုပါတယ်ဆိုတဲ့ ခံစားမှုမျိုးကိုလည်း ရလိုက်ပါသည်။

ကောင်တာမှာ တည်းမယ့် လိပ်စာ ဖုန်းနံပါတ် ကိုပြောပြလိုက်တော့ ချက်ချင်းပဲ ဟိုတယ်ကိုဖုန်းဆက်ပြီး မေးလိုက်ပါသည်။ ကျွန်တော့်တို့နာမည်နဲ့ တည်းမယ့်စာရင်းရှိလားဆိုတာလှမ်းမေးတာပါ။ လိပ်စာပေးထားတာ မသေချာမှာ စိုးရိမ်လို့ ထင်ပါသည်။

နောက်နေ့မနက်မှာ ပစ္စည်းလာပို့မယ်ဆိုတာ သေချာထပ်ပြောပြန်သည်။ အားလုံးပြီးတော့ ကောင်တာကနေထွက်တော့
“အခုလို အိတ်နောက်ကျနေတဲ့အတွက် တောင်းပန်ပါတယ်… ” ဆိုပြီး ခါးလေးညွှတ်ခါထပ်ပြောပါသေးသည်။

စင်ကာပူမှာဆို တောင်းပန်ပါတယ် စကားလုံးရဖို့ မနည်းပြောကာမှ မပြောချင်ပြောချင် ဆောင့်ကာအောင့်ကာ ဆောရီး… လို့ပြန်ပြောတတ်သည်။ ဂျပန်ရဲ့ ၀န်ဆောင်မှုလုပ်ငန်းကတော့ တကယ်ပဲ စိတ်ကျေနပ်ဖို့ကောင်းလှသည်။

အပြင်ရောက်တော့…. မမစောင့်နေတာကိုတွေ့လိုက်ရသည်။ သူကလည်းပြေးလာပြီး လာကြို… ကျွန်တော်တို့ကလည်း လေယာဉ်ပေါ်ကယူလာတဲ့ သစ်ခွပန်းလေးတွေကိုပေးလိုက်ပါသည်။

အခုမှပဲ လိုရာခရီးရောက်ပါတော့သည်။ မိဘတွေလည်း ပင်ပန်းနေပြီဖြစ်လို့ တည်းမယ့် ဟိုတယ်ကို လေဆိပ်ကနေ ရထားနဲ့သွားကြပါတော့သည်။

တရက်စာရေးလို့ မပြီးသေးပေမယ့် စောင့်နေရတာထက်စာရင် နည်းနည်းဖတ်ရတာပိုကောင်းမလားလို့ ပြီးသလောက်တင်လိုက်ပါတယ်။ ကျေးဇူး...

7 comments:

ပုံရိပ် / Pon Yate said...

ဂျပန်မချောချောလေးတွေကို သဘောကျ...အဲလေ သူတို့ရဲ့ဝန်ဆောင်မှုကို သဘောကျနေတာကိုး။

သက်ဝေ said...

ဟုတ်ပါပြီ... ဟုတ်ပါပြီ...
တကတဲမှပဲ... လာကြိုနေတဲ့ ဂျပန်မ ချောချောလေးနှစ်ယောက်ကို တွေ့လိုက်ရတာနဲ့ ဂျပန်ကို သဘောတွေ စွတ်ကျသွားတော့တာပဲပေါ့...
ဟွန်းးးးးးးး

Thant said...

ဂျပန်မလေးတွေ ဖျတ်ကနဲမှင်သက်သွားတာက စပြီး ဂျပန်ကိုသဘောကျသွားတာပဲဖြစ်ရမယ်...ဟိ ။
တကယ်လည်း ဝန်ဆောင်မှူကကောင်းတော့ ဖြစ်သင့်ပါတယ်..ဖြစ်သင့်ပါတယ်...

Moe Cho Thinn said...

ပီတိ ထင်တာ မလွန်ပါဘူး။ ငါ့မောင်ဖက်က ထောက်ခံပါဒယ်၊ ထောက်ခံပါဒယ်။
ဆက်ပါအုံး...။ စာပြန်ရေးတာရော၊ ခရီးအကြောင်း ရေးပြတာရော ၀မ်းသာတယ် သိလား။
Happy reunion!

phyoaung said...

ဂျပန်ကို လာလည်ချင်သော်လည်း ပိုက်ပိုက်အခက်အခဲကြောင့်
သူများကိုယ်တွေ့ကို ၀မ်းသာအားရစောင့်ဖတ်နေပါသည်းးD

Khin said...

Well presentation!!!!!!
I can't wait to read more. :-)

Khin said...

BTW I had a knowledge that most of the Japanese girls like Tall,Dark & Handsome like you. :-)))))

Ratings