Tuesday, November 2, 2010

ပုံရိပ်ဟောင်းများ

ရန်ကုန်တက္ကသိုလ် ပင်းယဆောင်မှာနေတုန်းကပေါ့…

ကျွန်တော်နဲ့ အဆောင်မှာ အတူတူတွဲဖြစ်တဲ့ သူငယ်ချင်းတစုရှိပါတယ်။
ကျွန်တော်က အဆောင်ကို ဒုတိယနှစ်မှ ရောက်တော့ သူငယ်ချင်းတွေနဲ့ နေရတဲ့ အထပ်မတူပါဘူး။
နောက်နှစ်တွေကျောင်းပြန်ဖွင့်တော့ အဆောင်ကို စောစောရောက်အောင်လာပြီး အခန်းတွေကို နီးအောင်ဦးထားကြတော့ တွဲတဲ့ သူငယ်ချင်းတွေအားလုံးက အခန်းတွေကို တထပ်တည်း၊ ကပ်လျက်၊ ပြီးတော့ ရှေ့တန်းကိုရအောင် ယူထားပါတယ်။ အခန်းနီးတော့ အခန်းလည်ရတာလည်း အင်မတန်လွယ်ကူပါတယ်။ ပစ္စည်းတွေငှားမယ်၊ ယူသုံးမယ်ဆိုတော့လည်း နီးတာပေါ့။

အဆောင်မှာ နေတာက သူငယ်ချင်းတွေ တယောက်နဲ့တယောက် အင်မတန် ရင်းနှီးကြတယ်။ ကိုယ်မရှိ သူ့ဟာယူသုံး၊ သူ့မရှိတာ ကိုယ့်ဟာယူသုံး။ ပိုက်ဆံရှိတဲ့ အချိန် ဘော်ဒီစပရေး တစ်ဗူးလောက် ၀ယ်ထားလိုက် အလွန်ဆုံးခံ တပတ်ပေါ့၊ ခေါင်းလိမ်းဆီဝယ်ထားလည်း နှစ်ပတ်လောက်ဆို ကုန်ပြီ။ ဆေးလိပ်ကို အစည်းလိုက်၊ ဗူးလိုက် ၀ယ်ထားလို့ကတော့ ၀င်ကတစ်လိပ်၊ ထွက်တစ်လိပ် ယူသောက်လိုက်တာ နောက်တရက် ကူးတဲ့အထိခံရင် ကံကောင်းပဲ။ အဲလို နေကြပေမယ့် ဘယ်သူကမှ ငြိုငြင်တယ်လို့မရှိကြပါဘူး။ အိမ်က ပို့လိုက်တဲ့ ဟင်းတွေဆိုလည်း မျှပြီးစားကြတာပဲ။ ပိုက်ဆံလည်း မရှိအတူ ရှိအတူလို့လည်း ပြောလို့တယ်။

အခြား သူငယ်ချင်းတွေ ရင်းနှီးတယ်ဆိုတာက ဟန်ဆောင်မှုရှိချင်ရှိမယ်၊ အဆောင်က သူငယ်ချင်းအရင်းတွေက ဟန်ဆောင်မှုဆိုတာ လုံးဝမရှိပဲ ရင်းနှီးကြတယ်။

အဲလို ခင်ကြတဲ့ အပေါင်းအသင်းထဲမှာ ကျော်သက် ဆိုတဲ့ ကျွန်တော်တို့နဲ့ ကိုးကွယ်မှု ဘာသာမတူတဲ့ တစ်ယောက်ရှိတယ်။ ကျော်သက်က ပထမပိုင်းမှာ အင်မတန်မှ ဘာသာရေး ကိုင်းရှိုင်းတဲ့ပုံစံပါ။ နောက်ပိုင်းတော့ သူ့အကြောင်းသိလာတော့ အဲလောက်လည်း မဟုတ်ဘူးဆိုတာ သိလာတယ်လေ။ ဒါပေမယ့် အပြင်ပန်းမှာတော့ ဘာသာရေးကိုင်းရှိုင်းဟန်တော့ လုပ်ပြနေတုန်းပါပဲ။ ကျွန်တော်တို့ကလည်း အဲဒါကို စချင်နောက်ချင်ဖြစ်နေတာပါပဲ။ အဲဒီအထဲမှာ မုတ်ဆိတ်တွေထား ပြီး တသသလုပ်နေတာကို ကြည့်မရဆုံးပါပဲ။

မုတ်ဆိတ် ရိတ်ဖို့ နည်းအမျိုးမျိုးနဲ့ ပြောတာမရဘူး…
မုတ်ဆိတ်နဲ့ ဆို ညှင်းသိုးသိုးနဲ့ ကြည့်မကောင်းဘူး ဆိုလည်း မရိတ်ဘူး။
မင်းကို ကောင်မလေးတွေ မကြည်တာ အဲဒီ မုတ်ဆိတ်ကြီးကြောင့်ပေါ့ဆိုလည်း မရိတ်ဘူး။

အဲဒီလိုနဲ့ တညနေမှာ ကျွန်တော်တို့အဖွဲ့ အဆောင်ကနေအထွက်မှာ နောက်ကနေ ကျော်သက်က ဘယ်သွားမလို့လဲ လို့လှမ်းမေးပါတယ်။ တယောက်ကဖောက်ပြီး စော်ဘွားကြီးကုန်း သွားမလို့ဆိုပြီးဖြေလိုက်တယ်။ အဲဒီခေတ်က အဆောင်မှာ စော်ဘွားကြီးကုန်းသွားတယ်ဆိုတာတဲ့ စကားလုံး လူတိုင်းနားလည်တယ်လေ။ ဘာလဲတော့မမေးနဲ့ စော်ဘွားကြီးကုန်း သွားတယ်ဆိုတာ သွားတယ်ပေါ့…

အဲတော့ ကျော်သက်ကသူလည်းလိုက်မယ်ဆိုပြီး ပြေးလာပါတယ်။ မုတ်ဆိတ်မရိတ်ရင် မလိုက်ရဘူးပြောလည်း လိုက်မှာပဲ အတင်းလုပ်နေပါတယ်။ နောက်ဆုံး တဖွဲ့လုံးက အတည်ပေါက်နဲ့ မရိတ်ရင် မလိုက်ရဘူး၊ မုတ်ဆိတ်နဲ့ဆို စော်ဘွားကြီးကုန်းက လက်ခံမှာမဟုတ်ဘူး လို့ပြောတော့မှ အခန်းကိုပြန်ပြေး မုတ်ဆိတ်သွားရိတ်တယ်…

အဲဒါနဲ့ အဆောင်က ထွက်လာပြီး လှည်းတန်းရောက်တော့ လက်ဖက်ရည်ဆိုင်ထိုင်ကြရော… ကျော်သက်က စော်ဘွားကြီးကုန်းဘယ်တော့ သွားမှာလဲမေးတိုင်း အားလုံးက စောပါသေးတယ် စောပါသေးတယ် ပြောရင်း အဆောင်သာပြန်လာရော ကျော်သက် စော်ဘွားကြီးကုန်း မရောက်လိုက်ရပါဘူး။ မုတ်ဆိတ်ဆုံးပြီး စော်ဘွားကြီးကုန် မသွားလိုက်ရပေမယ့် အဲနေ့ကစပြီး ကျော်သက်နာမည်ပျောက်ပြီး စော်ဘွားကြီးကုန်းဆိုတဲ့ နာမည်ကိုပဲရခဲ့တယ်…



အဆောင်ကသူငယ်ချင်းတွေနဲ့လည်း တွေ့ရတာလည်း ၁၉၉၆ နှစ်ကုန်ပိုင်း ကျောင်းတွေပိတ်ပြီးကတည်းကပါပဲ… ၂၀၀၀ ခုနှစ်ကျောင်းပြန်ဖွင့်တော့ တချို့တလေလည်း ကျောင်းပြန်တက်တာ မတွေ့ရတော့ဘူး။ အလုပ်တွေမအားကြတော့လို့လား… မတတ်နိုင်ကြတော့လို့လား… မလွတ်မလပ်ဖြစ်နေကြသလား မသိခဲ့ရဘူး။ စော်ဘွားကြီးကုန်းက လှည်းတန်းမှာတုန်းက အင်မတန်တက်ကြွခဲ့တာလေ။

ကျွန်တော်လည်း ၇ ရက်နေ့မှာ အိမ်ပြင် မထွက်လို့ အချိန်မှီတင်လိုက်ပါတယ်။ ရေးတက်စတန်းလန်းတွေကတော့ ဘာမှမရေးဖြစ်လို့ စက်ထဲမှာ တန်းလန်းဖြစ်နေတဲ့ တစ်ပုဒ်ကိုပြီးအောင်ရေးပြီးတင်လိုက်တယ်။

အခုတော့ အဆောင်တွေလည်း ကျောင်းသားမနေရတော့လို့ ခြောက်ခန်းပျက်စီးလို့နေပြီ မကေ။

Read More...

Tuesday, July 20, 2010

ငါတို့တိုင်းပြည်လေးမှာ

ဗုဒ္ဓဘာသာထွန်းကား၏။
အပြာရောင် အနီရောင်နဲ့ ဂိုဏ်းတွေစုံလင်လှ၏။

သစ်ပင်သစ်တောပေါများ၏။
ကွင်းပြင်ကျယ်မှာ တောင်လိုပုံထား၏။

ယဉ်ကျေးသိမ်မွေ့ခြင်းများ ရှိကြ၏။
ဆဲဆိုအော်ဟစ်ခြင်းကို သီချင်းလုပ်ကာ ဆိုကြ၏။

သဘာဝဓာတ်ငွေ့တွေ အလျှံပါယ်ရှိ၏။
ထိုင်းနိုင်ငံကြီးမှာ မီးတွေထိန်ထိန်သာနေ၏။

စာနာကူညီမှုတွေရှိကြ၏။
တံဆိပ်ကပ်သူတွေ များပြားလှ၏။

ရာဇ၀င်များရဲ့ သတို့သမီး ဧရာဝတီမြစ်ကြီးရှိ၏။
ရာဇ၀င်ထဲမှာပဲ ထိုသတို့သမီးကို ထားခဲ့ကြ၏။

ကျေးဇူးတရားတွေ သိတတ်ကြ၏။
ငတိလို့ ခေါ်တာတွေလည်းရှိကြ၏။

ကျောင်းဆေးရုံတွေ အင်မတန်ပေါများလှ၏။
NUS AIT NTU Mahidol SGH Raffles Parkway တို့ကို ပို၍ရင်းနှီးလာကြ၏။

ဂုဏ်ယူစရာ အာဇာနည်တွေ ရှိပါ၏။
အလေးပြုသူများကို ဖမ်းဆီးမယ့်သူတွေ များလာ၏။

ဥယျာဉ်လယ်ယာစိုက်ခင်း ဖြစ်ထွန်းကြ၏။
ဆီအုန်းကူညီခူးသူတွေ ပိုများလာ၏။

လူကြီးများကိုချစ်ခင်ရိုသေကြ၏။
သွေးမတော်သားမစပ်ကို အဘခေါ်ကာ ဦးတော်တင်ကြ၏။

တိုင်းပြည်ကြီးတိုးတက်နေ၏။
ကျွန်ုပ်တို့ သူများတိုင်းပြည်မှာ အလုပ်လုပ်နေကြ၏။

အဲဒါ ငါတို့တိုင်းပြည်လေးမှာလေ...

Read More...

Friday, July 9, 2010

ဘာတွေတူ၊ ဘာတွေပူ၊ ဘာကိုယူမှာလဲ

အကုန်တူဖို့အရေး တွေးပြီးတော့ မပူဘူး အမ
ကိုယ်တိုင်တောင် တခါနဲ့တခါ တူလာရင် အူတူတူဖြစ်ဖြစ်လာတယ်။

အခြေခံတူ ပညာတူ ၀ါသနာချင်းလည်းတူရင်တော့
ကိုယ့်လူဖြစ်ဖို့ တွေးမိရဲ့။

အခြေခံမတူရင် အလေးထားတာ မတူနိုင်သလို
ပညာမတူရင်လည်း အတွေးများလည်း မတူနိုင်ဘူး... အမရဲ့။
(၀ါသနာမတူတာကမှ အနည်းနဲ့အများ ညှိလို့ရဦးမယ်…)

အချစ်မပါရင်လည်း အပြစ်သာမြင်မိတတ်တာမို့
အဲဒီအတွေးကိုလည်း အရေးထားမိပါသေးရဲ့။

ဒါနဲ့ အမေဆုံးမ အကျိုးအကြောင်းပြတာကတော့
သဘောကောင်း မနောဖြူ လွတ်လပ်ပြီး ဘာသာတူသူတဲ့။
မနောမဖြူရင် အကြောင်းကြောင်းကြောင့် စိတ်ပူရပြီး
ဘာသာမတူရင် သံသရာကို ယုံကြည်သူဖြစ်လို့ အရှုံးကြီးရှုံးရမှာတဲ့…

အဲဒီတော့ ချစ်ချင်ရာချစ် ဖြစ်ချင်ရာဖြစ်ဆိုတာတွေကို
အနှစ်လို့မယူဖို့ကြိုးစား
အရိုးသားဆုံးပြောရရင်…
တွေးပူနေတာ တော်တော်ကြာ
ပြေးယူကြတဲ့ သူငယ်ချင်းတွေတောင် ကလေးသုံးယောက်နဲ့တဲ့ အမ။

အမသက်ဝေက ရေးခိုင်းလို့ အရှည်ကြီး ရေးမယ်ဆိုပြီးကြိုးစားတာ ဒါလေးပဲထွက်လာလို့… ကျေနပ်ပါနော်အမ။

Read More...

Friday, April 30, 2010

နှစ်ဆိတ်ဟိုင်း

ဘ၀ ဆိုတာ
ခဏလို့သာပြောကြတာ
နှစ်ဆယ်အသက်ပြည့်လှမ်းဖို့ရန်
တောင်အတက် ခရီးကြမ်းလို
အိပဲ့အိပဲ့နဲ့ ...။

နှစ်ဆယ်ကျော် လူဖြစ်လို့
အသက်ရယ် ခဏတာရပ်စေချင်ကာမှ
အဆင်းကို ဘီးတတ်ထားသလို
သုံးဆယ်ကို အုန်းကနဲဆိုပဲ...။

သုံးဆယ်ကျော်တော့
ပုန်းကွယ်ကာနေတာတောင်
ဘယ်တော့များလဲ အမေးခံရ၊
ရှောင်ဖယ်ကာနေပြန်ရင်လည်း
နောင်တကယ် တကိုယ်ထီးပဲ နေမှာလားတဲ့။

လေးဆယ်မပြည့်ခင် ဘေးဖယ်ကြ
ဈေးမ၀ယ်ကြဘူးဆို (အဲ ဘာမှလည်း မရောင်းပါဘူး)
ရပ်ကြည့်နေရုံနဲ့ အမြတ်မရှိပါဘူး၊
အကြောင်းသိအောင် ပေါင်းကြည့်ပါ။
ဒါဆိုပေါင်းကြည့်မယ်... ဟုတ်လား
ခက်လိုက်တာ မိန်းကလေးရယ်
ကဲ လေးဆယ်မပြည့်သေးဘူး၊ ဘေးဖယ်ပါဆို။

Read More...

Saturday, March 13, 2010

အမှတ်တရ ၂၀ + အမှတ်တရ ၁၀ = ၂၀၁၀

ကျွန်တော်စာမရေးဖြစ်ပါဘူး။ ဘလော့တွေကိုတော့ တခါတရံဖတ်ဖြစ်ပါတယ်။ အခုတလော အလုပ်ရှုပ်တာထက် စာရေးဖို့ စိတ်မပါတော့တာပါ။ စာမရေးတာကြာလို့ ဆားချက်ဖို့ ချက်စရာတွေရှိပေမယ့်လည်း မလုပ်ဖြစ်ခဲ့ပါဘူး။

မနေ့က Broken Thoughts ဆိုပြီး စီးရီးအလိုက် ရေးကာ အရင်ကလုပ်ဖော်ကိုင်ဖက်တွေ စုစည်းထားတဲ့နေရာမှာ မျှဝေလေ့ရှိတဲ့ အမက အရေးကောင်းကောင်းတဲ့ သူရဲ့အတွေးလေးတွေကိုပို့လိုက်ပါတယ်။

ဖတ်လို့လည်းကောင်း အတွေးတွေလည်းများလို့ကောင်းလို့ ထပ်ပြီး မျှဝေလိုက်ပါတယ်။

ကိုကိုကြီး နဲ့ မမျိုး တို့ ၁၀ နှစ်ပြည့် မင်္ဂလာနှစ်ပတ်လည်မှ သက်ဆုံးတိုင် နားလည်မှုများစွာနဲ့ ပျော်ရွှင်စွာ ဖြတ်သန်းနိုင်ပါစေ။



အမှတ်တရ ၂၀ + အမှတ်တရ ၁၀ = ၂၀၁၀

နိဒါန်း
ဟိုးအနှစ် ၂၀ တုန်းက အလုပ်နေရာလေးတစ်ခု မှာ သူငယ်ချင်းများစွာ နဲ့ အတူ သူငယ် ချင်းလေး တစ်ယောက် ရှိခဲ့ဖူးပါတယ်။ အဲဒီမှာ သူနဲ့ အလုပ်နေရာလေးတစ်ခုကို အောင် မြင်အောင် အတူတူ ရုန်းကန် လုပ်ခဲ့ဖူးတယ်။

ရှေးစကားအတိုင်း ၁၀နှစ် ၁၀မိုး အချိန် အတွင်း အပြန်အလှန် နားလည်မှုတွေယူ အပြီးမှာတော့ ဘဝ နေရာလေးတစ်ခုကို၏ အတူတူ စခဲ့ကြတယ်။


စာကိုယ်
ဟိုးအနှစ် ၂၀ တုန်းက အလုပ်နေရာလေးတစ်ခု မှာ နေ့အချိန်တိုင်း အတူရှိနေခဲ့ဘူးတယ်။
လွန်ခဲ့တဲ့ ၁၀ နှစ် ကစပြီး ဘဝ နေရာလေးတစ်ခု မှာ နေ့အချိန်တိုင်း သီးခြားဖြစ်နေခဲ့ကြတယ်။

ဟိုးအနှစ် ၂၀ တုန်းက အလုပ်နေရာလေးတစ်ခု မှာ “ညဖက် အလုပ်ကနေ အိမ်ပြန်ချိန်” ဆိုတာ လူကြမ်း ဖြစ်နေခဲ့ဖူးတယ်။
လွန်ခဲ့တဲ့ ၁၀ နှစ် ကစပြီး ဘဝ နေရာလေးတစ်ခု မှာ “ညဖက် အလုပ်ကနေ အိမ်ပြန်ချိန်” ဆိုတာ မင်းသား ဖြစ်နေခဲ့တယ်။

ဟိုးအနှစ် ၂၀ တုန်းက အလုပ်နေရာလေးတစ်ခု မှာ စကား လက်ဆုံ ပြောမကုန် တာဟာ အိမ်ခြံ တံခါးဝ ရောက်သည်ထိ ဖြစ်ခဲ့ဖူးတယ်။
လွန်ခဲ့တဲ့ ၁၀ နှစ် ကစပြီး ဘဝ နေရာလေးတစ်ခု မှာ စကား ပြောဖို့ရာကို အိမ်ခြံတံခါးဝရောက်သည်ထိ စောင့်ခဲ့ရတယ်။

ဟိုးအနှစ် ၂၀ တုန်းက အလုပ်နေရာလေးတစ်ခု မှာ စိတ်အခန့်မသင့်တော့ရင် ငယ်စာရင်းကို အလွယ် ဖျက်နိုင်မဲ့ အပြုံးမပျက် စိတ် နဲ့ လွတ်လပ်စွာ ရှိ နေခဲ့ ဘူးတယ်။
လွန်ခဲ့တဲ့ ၁၀ နှစ် ကစပြီး ဘဝနေရာလေးတစ်ခု မှာ စိတ်အခန့်မသင့်တော့ရင် ငယ်စာရင်းကို အလွယ်ဖျက်ဖို့ မပြောနဲ့ မှိန်မသွား အောင် ကိုဘဲ ခပ်မဲ့မဲ့ စိတ် နဲ့ သတိထား ထိန်းချုပ်တွေ ရှိနေခဲ့တယ်။

ဟိုးအနှစ် ၂၀ တုန်းက အလုပ်နေရာလေးတစ်ခု မှာ အငြင်းအခုံ စကားများစွာ ရဲ့ အရင်းခံဟာ အလုပ် ကြောင့် ဖြစ်ခဲ့ဖူးတယ်။
လွန်ခဲ့တဲ့ ၁၀ နှစ် ကစပြီး ဘဝ နေရာလေးတစ်ခု မှာ အငြင်းအခုံ စကားများစွာ ရဲ့ အရင်းခံဟာ သမီးလေး အတွက် ဖြစ်နေခဲ့တယ်။

ဟိုးအနှစ် ၂၀ တုန်းက အလုပ်နေရာလေးတစ်ခု မှာ ပညာ အတွက် မာန ပြိုင်ခဲ့ဘူးတယ်။
လွန်ခဲ့တဲ့ ၁၀ နှစ် ကစပြီး ဘဝ နေရာလေးတစ်ခု မှာ သမီးလေးအတွက် မာနချခဲ့ကြတယ်။

ဟိုးအနှစ် ၂၀ တုန်းက အလုပ်နေရာလေးတစ်ခု မှာ သူ့ရည်မှန်းချက်၊ ကိုယ့်ရည်မှန်းချက် သီးခြားဖြစ်လဲ ဂရုစိုက်စရာမလိုခဲ့ဘူး။
လွန်ခဲ့တဲ့ ၁၀ နှစ် ကစပြီး ဘဝ နေရာလေးတစ်ခု မှာ သူ့ရည်မှန်းချက်၊ ကိုယ့်ရည်မှန်းချက် သီးခြား မဖြစ်အောင် ဂရုစိုက်နေခဲ့ရတယ်။

ဟိုးအနှစ် ၂၀ တုန်းက အလုပ်နေရာလေးတစ်ခု မှာ သူ နဲ့ ကိုယ် ရဲ့ အောင်မြင်မှုဖြစ်စေ၊ ဆုံးရှုံးမှုဖြစ်စေ မဆိုင်သလို နေနိုင်ခဲ့ဖူးတယ်။
လွန်ခဲ့တဲ့ ၁၀ နှစ် ကစပြီး ဘဝ နေရာလေးတစ်ခု မှာ သူ နဲ့ ကိုယ် ရဲ့ အောင်မြင်မှုဖြစ်စေ၊ဆုံးရှုံးမှုဖြစ်စေ လိုလားစွာ ဝေမျှခံစား ပေးခဲ့ ကြတယ်။

ဟိုးအနှစ် ၂၀ တုန်းက အလုပ်နေရာလေးတစ်ခု မှာ Romantic ဖြစ်အောင် တမင် လုပ်ယူထားရတဲ့ ဟန်ပြ ကြင်နာမှု တေကွ ရှေ့တန်းမှာ ရောက်နေခဲ့တယ်။
လွန်ခဲ့တဲ့ ၁၀ နှစ် ကစပြီး ဘဝ နေရာလေးတစ်ခု မှာ Romantic မဖြစ်တော့ပေမဲ့ ရိုးသားတဲ့ ပင်ကို ကြင်နာမှု တွေက သာ ရှေ့တန်းမှာ ရောက်နေခဲ့တယ်။

ဟိုးအနှစ် ၂၀ တုန်းက အလုပ်နေရာလေးတစ်ခု မှာ ပူလောင်တဲ့ ၁၅၀၀ ကိလေသာမီးတွေနဲ့ တောက်လောင် ခဲ့ဖူးတယ်။
လွန်ခဲ့တဲ့ ၁၀ နှစ် ကစပြီး ဘဝ နေရာလေးတစ်ခု မှာ အေးချမ်းတဲ့ ၅၂၈ မေတ္တာက ပိုမိုလာခဲ့တယ်။

ဟိုးအနှစ် ၂၀ တုန်းက အလုပ်နေရာလေးတစ်ခု မှာ ရှိနေထုန်းက အိုမင်းနေတဲ့ အဖိုး၊အဖွားတွေရဲ့ အရေတွန့်နေတဲ့ လက်လေး နှစ်စုံ အပြန်အလှန် ဖေးမပြီး တွဲထားခြင်း အဓိပ္ပါယ်ကို သတိမပြုခဲ့မိဘူး။
လွန်ခဲ့တဲ့ ၁၀ နှစ် ကစပြီး ဘဝ နေရာလေးတစ်ခု မှာ တော့ အိုမင်းနေတဲ့ အဖိုး၊အဖွားတွေရဲ့ အရေတွန့်နေတဲ့ လက်လေး နှစ်စုံ အပြန်အလှန် ဖေးမပြီး တွဲထားခြင်း အဓိပ္ပါယ် ကို နက်နဲစွာ သဘောပေါက် လာခဲ့တယ်။

Image From - www.shutterstock.com/pic-20699932.html

နိဂုံး
အချင်းချင်း သည်းခံနိုင်စွမ်း (သို့) နားလည်နိုင်စွမ်း ဆု အဖြစ် တစ်နှစ် ပြည့်တိုင်း တစ်မှတ် ရမယ် ဆိုပြီး ရိုးရှင်းတဲ့ သချာင်္တစ်ပုဒ် ရဲ့ မေးခွန်းဖြစ်ခဲ့ရင် ………

အဖြေက - ကျွန်မ တို့ နှစ်ယောက်ဟာ အမှတ် နှစ်ဆယ် တောင်စုမိနေပြီ ပေါ့။

ဒီလိုမဟုတ်ဘဲ အချင်းချင်း သည်းခံနိုင်စွမ်း (သို့) နားလည်နိုင်စွမ်း ဆု အဖြစ် တစ်နှစ် ပြည့်တိုင်း တစ်မှတ် ရမယ်။ ဒါပေမဲ့ ၁၀နှစ် နောက်ပိုင်း Turning Point တစ်ခုကစလို့ အချင်းချင်း မကြေလည်တာများရှိခဲ့ရင် တစ်နှစ် ကို တစ်မှတ် ပြန်နှုတ်မယ် ဆိုရင်တော့ ……… အဖြေကို သက်ဆိုင်သူ သိပါလိမ့်မယ်။

ဘာဘဲဖြစ်ဖြစ် ၁၀ - ၁၀ ဘဲ ဖြစ်ဦး။ ခုချိန်အထိ အနှုတ် တော့မပြသေးပါဘူး။ ကျွန်မတို့ မဆိုးလှပါဘူး မဟုတ်လား။ :-)

ရွှင်လန်းချမ်းမြေ့ကြပါစေ။

မတ်လ ၁၂ ရက် ရဲ့ ၁၀ နှစ် အမှတ်တရ ...

Read More...

Thursday, January 21, 2010

အိမ်

တနေ့က အိမ်အကြောင်းပြောမိတယ်။
ကောင်းတာတွေရော မကောင်းတာတွေရောပေါ့။

ဒါနဲ့ အိမ်ပြန်ဖို့ အချိန်မေးလိုက်မိတယ်။
ဝေးနေသေးပေမယ့် မဝေးတော့တဲ့အချိန်မှာ
ပေးဝေငှရမှာ ငါတို့တာဝန်ပဲလေ တဲ့။

ဆက်ပြီး အိမ်ပြောင်းဖို့ စိတ်ကူးမိလားမေးလိုက်မိတယ်။
အိမ်ဟောင်းကိုပစ် အိမ်သစ်ပြောင်းဖို့ စိတ်ကူးမရှိ
ဒါပေမယ့် အိမ်ဟောင်းကို ပြင်ခွင့်ရှိချင်တယ် တဲ့။

ဒါဖြင့် အိမ်ပြင်ရင် ဘယ်လောက်ကြာမလဲ မေးလိုက်မိတယ်။
သက်ပြင်း လေးလေးချ…
ဖြည်းဖြည်းနဲ့ မှန်မှန် ပြင်မယ်ဆိုရင်တောင် အနှစ်နှစ်ဆယ် တဲ့။

ဒီလိုဆို အိမ်ပြင်ဖို့ ဘယ်လို တွေးထားလဲ မေးလိုက်မိတယ်။
ခေါင်ပေါက်၊ အကာပြို၊ ခြစားနေတဲ့ အိမ်ယိုင်ကိုမတ်ဖို့
အရင်လုပ်ဖို့ရာက အိမ်သားတွေ လက်ညီစေဖို့ပဲ တဲ့။

ခင်ဗျားဗျာ နေဖို့မကောင်းတဲ့ အိမ်အိုအိမ်ဟောင်းကို ဘာဖြစ်လို့ မပစ်နိုင်တာလဲ မေးတော့။
ကောင်းတိုင်းပြောင်းရမယ်ဆို အဟောင်းတွေပုံနေမှာပေါ့…
ကောင်းကောင်း မကောင်းကောင်း
တကယ်တော့ အိမ်ကတော့အိမ်ပါပဲ တဲ့။

ရင်ကိုထိမှန် အတွေးထဲရောက်လာတဲ့ စာတကြောင်း
ကောင်းကောင်းမကောင်းကောင်း
အိမ်ကတော့ အိမ်ပါပဲ။


စိတ်ကူးပေါ်တဲ့အတိုင်းရေးလိုက်မိတာ ကဗျာဆိုတော့လည်း ကဗျာပေါ့။
စိတ်ဝင်စားရင် အရင်က အိမ်ကိုလွမ်းတဲ့အကြောင်း အင်္ဂလိပ်လို ရေးမိခဲ့ဖူးသေးတယ်။
http://english.pti31.com/2008/06/homesick.html

Read More...

Sunday, January 10, 2010

ကဗျာ ဟဲ့ ကဗျာ

ကဗျာဆိုလို့ ရေးလိုက်ပြီလေ။

စကားအေးအေးပဲ ပြောနေသလိုလို…
တရားလေးလေးပဲ ဟောနေသလိုလို…
… ဒီလို ကာရန်မမိ လျှာမထိတဲ့
ငါ၏ ကဗျာ ရောက်လို့လာပြီ။

ရင်ဘတ်ကြီးကိုဖွင့် ခံစားချက်တွေခူးစား၊
ပန်းသီးအင်္ကျီစွပ်၊ ဂေါ်ဖီဘောင်းဘီဝတ်၊
ဒုက္ခဖိနပ်ကိုစီးကာ လမ်းထွက်လျှောက်တော့
ရှုံ့ချခြင်းဆူးခလုတ်တွေကြောင့် ဘောင်းဘီပြဲလို့
အရှက်တွေ စိမ်းဖန့်ဖန့်ဖြစ်သွားခဲ့တယ်။

အချစ်နဲ့ ထိတွေ့လိုက်ချိန်မှာ
စိတ်ညစ်ခြင်း တိမ်တွေ
မီးပြောင်းနဲ့မှုတ်လိုက်သလို ကင်းစင်သွားပေမယ့်
မင်းရဲ့ခံစားချက်တွေ ခရမ်းရောင်ရင့်ရင့်ဖြစ်နေခဲ့တာ ငါမသိခဲ့မိဘူး…
အခုတော့ ငါ့ရဲ့ဂစ်တာလေး ငိုနေပြီလေ။

ဒီလိုဒီလို ခပ်မိုက်မိုက်တွေး
ခပ်မိုက်မိုက်လေး ရေးလိုက်တော့
ငါရေးတာ ငါဖတ်ပြီး
တော်တော်လေး ခိုက်သွားမိတယ်။

အမေကဖတ်တော့
မင်းတို့ ခေတ်ကဗျာတွေ ကာရံမမိတာထားဦး
နားတောင်မလည်ပါဘူးကွယ်တဲ့…
ဆရာတင်မိုးကိုများ ပြလို့ရသေးရင်
ဆေးလိပ်မတို နေမညိုခင် မင်းကိုအရင် ရိုက်မိလိမ့်မယ် တဲ့။

ဒီကဗျာမျိုးစပ်မိတဲ့ ငါ
ခေတ်သစ်ဆရာအပေါင်းမှ ခဲမိုးများလောင်းတာ ခံနိုင်ဖို့
(သူများတွေတူးထားတဲ့) လိုဏ်ခေါင်းထဲမှာပဲနေတော့မယ်။

Read More...

Friday, January 8, 2010

Speech at Stanford by Steve Jobs

မမွန်က သူငယ်ချင်း တယောက်ကမျှလို့ဆိုပြီး Steve Jobs ရဲ့ မိန့်ခွန်း ဗွီဒီယိုကို တင်ထားတော့မှ ကိုကိုကြီးလို့ ကျွန်တော်တို့ခေါ်လေ့ရှိတဲ့ အရင်ကလုပ်ဖော်ကိုင်ဖက် အကိုကြီးတစ်ယောက် အဲဒီမိန့်ခွန်းကို ဘာသာပြန်ပြီးမျှဝေထားတာကို သတိရလိုက်မိပါတယ်။ တကယ်တော့ အဲဒီဘာသာပြန်ကိုဖတ်ဖူးမိတာကြာပါပြီ မျှဝေဖို့ စိတ်ကူးမရခဲ့ပဲ မမွန်တင်လိုက်တော့မှ စိတ်ကူးရလိုက်မိတာပါ။ အဲဒါနဲ့ အဲဒီအကိုကြီးကို ခွင့်တောင်းပြီး အခုလို ပြန်ပြီး မျှဝေလိုက်ပါတယ်။ စာဖတ်သူတွေရော၊ ဘာသာပြန်ထားပေးတဲ့ အကိုကြီးကိုပါ ကျေးဇူးတင်ပါတယ်။

၂၀၀၅ ခုနှစ် ဇွန်လ ၁၂ရက် နေ့တွင် ကျင်းပခဲ့သော Stanford တက္ကသိုလ် ဘွဲ့နှင်းသဘင် အခမ်းအနား တွင် Apple Computer နှင့် Pixar Animation Studio တို့ကို စတင်တည်ထောင်ခဲ့သူ Steve Jobs ပြောကြားခဲ့ သည့် မိန့်ခွန်း


---------------------------------

ကမ္ဘာ့ အကောင်းဆုံး တက္ကသိုလ်ကြီးတစ်ခု ရဲ့ ဘွဲ့ရ မောင်မယ်များ ကို တွေ့ဆုံစကားပြော ခွင့် ရတဲ့အတွက်ကြောင့် အင်မတန် ဂုဏ်ယူမိကြောင်း ပြောပါရစေ။ ကျွန်တော်ဟာ တက္ကသိုလ်ဘွဲ့ရ တစ်ယောက်မဟုတ်ပါ။ အမှန်အတိုင်း ပြောရရင် ဘွဲ့နှင်းသဘင် အခမ်း အနား ဆိုတာ ဒီနေ့မှ တက်ဖူးတာပါ။ ဒီ ဘွဲ့နှင်း သဘင် အခမ်းအနား မှာ ကျွန်တော့ဘဝ ဇာတ်လမ်းလေး သုံးပုဒ် ပြောပါရစေ။ မိန့်ခွန်း အရှည်ကြီး မဟုတ် ပါ။ ကြီးကြီးကျယ်ကျယ် အကြောင်းအရာတွေ မဟုတ်ပါ။ ဇာတ်လမ်း သုံးပုဒ် ထဲပါ။

ပထမဆုံးဇာတ်လမ်းကတော့ ဆက်စပ်ပုံဖော်ခြင်း အကြောင်းပါ။

ကျွန်တော် Reed College မှာ ခြောက်လပဲ တက်ပြီး ကျောင်းထွက် ခဲ့ပါတယ်။ ဒါပေမဲ့ ကျောင်းက မခွါနိုင်သေးပဲ နောက် ၁၈ လလောက် အတန်းတွေ ဆက်တက်ခဲ့ ပါတယ်။ ကျွန်တော် ဘာကြောင့် ကျောင်းထွက် ခဲ့ရတယ်ထင်ပါသလဲ။

ဒီ ဇာတ်လမ်းက ကျွန်တော် မမွေးခင် အချိန်က စပြီး ပြောပြရမှာပါ။ ကျွန်တော့ကို ကိုယ်ဝန် ရှိတဲ့အချိန်မှာ အမေဟာ အိမ်ထောင် မရှိသေးတဲ့ ဘွဲ့လွန်ကျောင်းသူ တစ်ယောက်ပါ။ အဲဒါကြောင့်လည်း ကျွန်တော့ကို မွေးစားဖို့ ပေးလိုက်မယ်လို့ ဆုံးဖြတ်ခဲ့ပါတယ်။ ကျွန်တော့ကို မွေးစားမဲ့ မိဘများဟာ ဘွဲ့ရပညာတတ်တွေသာ ဖြစ်သင့်တယ်လို့ အမေ့ စိတ်ထဲမှာ အကြီးအကျယ် စွဲနေခဲ့ ပါတယ်။ ဒါကြောင့်လဲ ဥပဒေပညာရှင် တစ်ယောက်နဲ့ သူ့ဇနီးတို့က ကျွန်တော့ကို မွေးပြီးပြီးချင်း လွှဲယူလိုက်ဖို့ ကြိုတင်စီစဉ် ထားခဲ့ပါတယ်။ ဖြစ်ချင်တော့ ကျွန်တော် ကို "အူဝဲ" ဆိုပြီး မွေးလိုက် တဲ့ အချိန်မှာ သူတို့က မိန်းကလေးမှ လိုချင်ပါတယ်လို့ စိတ်ပြောင်း သွားခဲ့ပါတယ်။ ဒါကြောင့်မို့ အချိန်မတော် ညကြီးသန်းခေါင် မှာ မွေးစား မိဘ လောင်း တန်းစီစာရင်းထဲက ကျွန်တော့မိဘ များကို ဖုံး ဆက်ခဲ့ပါတယ်။ "ဒီမှာ မမျှော်လင့်ဘဲ ယောကျာင်္းလေး တစ်ယောက် ရထားတယ်။ ယူမလား..." တဲ့။ မိဘများ ကလဲ "သိပ်ယူတာပေါ့..." တဲ့။ အဲဒီလို ပေးလိုက်ပြီးမှ ကျွန်တော့ ရဲ့ အမေဟာ ဘွဲ့ရပညာ တတ်မဟုတ်တာ၊ ကျွန်တော့ရဲ့ အဖေ ဟာလဲ အထက် တန်းကျောင်းတောင်မှ မအောင်တာကို ကျွန်တော့ မွေးမိခင်က သိသွား တာပါ။ မွေးမိခင်ဟာ မွေးစားစာချုပ်မှာ သဘောတူကြောင်း လက်မှတ်ထိုးမပေးခဲ့ပါဘူး။ နောင်လပေါင်း အတော်ကြာပြီး ကျွန်တော့ရဲ့ မိဘတွေက ကျွန်တော့ကို "တက္ကသိုလ် ထားပေးပါ့မယ်..." လို့ ကတိပေးမှ မွေးမိခင်က စိတ်လျော့ပြီး လက်မှတ်ထိုးပေးခဲ့တာပါ။

နောက် ၁၇နှစ် အကြာမှာတော့ ကျွန်တော် တက္ကသိုလ်ကျောင်းသား ဖြစ်လာခဲ့ပါတယ်။ ဒါပေမဲ့ ကျွန်တော်ဟာ အဆင်အခြင်ကင်းမဲ့စွာ နဲ့ Stanford တက္ကသိုလ်နီးပါး စားရိတ်ကြီးတဲ့ တက္ကသိုလ်ကို ရွေးခဲ့ပါတယ်။ ကျွန်တော့ရဲ့ တတ္ကသိုလ်ပညာရေး အတွက် အခြေခံလူတန်းစား မိဘများရဲ့ စုငွေတွေအားလုံးကို ကျွန်တော်သုံးမိရက်သား ဖြစ်သွားပါတယ်။ နောက်ခြောက်လ အကြာမှာတော့ ဒီပညာရေးဟာ တကယ်ပေးရ တာနဲ့တန်တယ်လို့ ကျွန်တော်မထင်တော့ပါဘူး။ အဲဒီအချိန်က ကျွန်တော့မှာ ဘဝရည် မှန်းချက်ဆိုတာ မရှိခဲ့ပါဘူး။ တတ္ကသိုလ်ပညာရေးကနေပြီး ကျွန်တော့ရဲ့ ဘဝရည်မှန်းချက်ကို ဘယ်လိုလုပ်ပြီး အဖြေထုတ် ပေးနိုင်မယ် ဆိုတာလဲ စဉ်းစားလို့မရခဲ့ပါ။ ဒီတော့ ကျွန်တော်ဟာ မိဘတွေရဲ့ တစ်သက်စာစုငွေ ကို တက္ကသိုလ်မှာလာ ပြီး ဖြုံးနေတာပါဘဲ။

ဒါနဲ့ကျွန်တော်လဲ တက္ကသိုလ်ကထွက်ဖို့ဆုံးဖြတ်ခဲ့ပါတယ်။ အချိန်ကျရင်အားလုံး အဆင် ပြေ သွားမှာပါလို့ မျက်စိစုံမှိတ်ပြီးလုပ်ခဲ့တာပါ။ အဲဒီတုန်းကတော့ ကြောက်ကြောက် နဲ့ လုပ်ခဲ့တာပါ။ ခု ပြန်စဉ်းစား ကြည့်တဲ့အခါမှာတော့ ဒီဆုံးဖြတ်ချက်ဟာ ကျွန်တော့ရဲ့ အ ကောင်းဆုံး ဆုံးဖြတ်ချက်တစ်ခုပါ။ ကျောင်းကထွက်လိုက်တာနဲ့ချက်ချင်းဘဲ မတက်ချင်ဘဲ တက်နေရတဲ့ အတန်းတွေကို တက်စရာမလိုတော့တာကြောင့် တက်ချင် စရာကောင်းတဲ့ အတန်းတွေထဲမှာ ဝင်ထိုင် ကျောင်းသားလုပ်ခဲ့ပါတယ်။

ဒီဇာတ်လမ်းမှာ ကဗျာမဆန်တာ တွေလဲပါပါတယ်။ ကျွန်တော့မှာ နေစရာ အခန်း မရှိ တော့ပါဘူး။ ဒီတော့ကျွန်တော့သူငယ်ချင်းတွေရဲ့ အခန်း ကြမ်းပြင်ပေါ်မှာ အိပ်ခဲ့ရပါတယ်။ Coke ပုလင်းတွေကိုလိုက်စုပြီး ပြန်အပ်လို့ရတဲ့ တစ်ပုလင်း ၅ဆင့် ဆိုတဲ့ ပိုက်ဆံ နဲ့ ဗိုက်ဖြည့် ရပါတယ်။ တနင်္ဂနွေနေ့ညတိုင်း ခုနှစ်မိုင် လမ်းလျှောက်ပြီး Hare Krishna ဟိန္ဒူ ဘုရားကျောင်းမှာ ထမင်းတနပ် အဝသွားစားရပါတယ်။ စားလို့အင်မတန်ကောင်းပါတယ်။ စူးစမ်းလိုစိတ် နောက်လိုက်ရင်း၊ စိတ်ထဲမှာ ပေါ်လာတာတွေကို လိုက်လုပ်ရင်း ကြုံကြိုက်ခဲ့တာ အတော်များများဟာ နောက်ပိုင်းမှာ အဖိုးမဖြတ်နိုင်တဲ့ အတွေ့အကြုံတွေ ဖြစ်လာခဲ့ပါတယ်။ ဥပမာလေး တစ်ခုပေးပါရစေ။

အဲဒီအချိန်က Reed College မှာ ရှိတဲ့ စာလုံးအလှရေးနည်းသင်တန်းဟာ တစ်နိုင်ငံလုံး မှာ အကောင်းဆုံးသင်တန်းပါ။ တက္ကသိုလ်နယ်မြေ တစ်ခုလုံးမှာ ရှိသမျှ ပိုစတာတွေ၊ စာတန်းတွေ၊ နာမည်တွေဟာ အင်မတန်လှပတဲ့ လက်ရေးစာလုံးတွေနဲ့ ချယ်သထားပါတယ်။ ကျောင်းက ထွက်လိုက်ပြီ ဆိုတော့ ပုံမှန်သင်တန်းတွေ တက်စရာ မလိုတော့ တဲ့ ကျွန်တော်ဟာ စာလုံးအလှရေးနည်းသင်တန်းကို ဝင်တက်ပြီး အတတ်သင်ခဲ့ပါတယ်။ စာလုံး ပုံစံတွေထဲမှာ Serif စာလုံးပုံ၊ San Serif စာလုံးပုံတွေ အကြောင်းကို သင်ယူခဲ့ပါတယ်။ စာလုံးတစ်လုံး နဲ့တစ်လုံးကြားမှာ ဘယ်လို အနီးအဝေးခြားတယ်ဆိုတာ လေ့လာခဲ့ပါတယ်။ စာလုံးရေးနည်းပညာရဲ့ နက်ရှိုင်းမှုကို တွေ့ရှိခဲ့ပါတယ်။ ဒီပညာရပ်ဟာ အင်မတန်လှပတဲ့၊ သမိုင်းဝင်တဲ့၊ အနုပညာမြောက်ပြီး၊ သိဎ္ပံနည်းနဲ့ စူးစမ်းလို့မရတဲ့ ပညာပါ။ ဒီပညာ ရပ် က ကျွန်တော့ကို ညှို့ယူဖမ်းစား ခဲ့ပါတယ်။

ဒါတွေကို ကျွန်တော့ဘဝမှာ ဘယ်လိုလက်တွေ့အသုံးဝင်မလဲ ဆိုတာကိုတော့ မျှော်လင့် မထားခဲ့ပါဘူး။ ဒါပေမဲ့ နောင် ၁၀နှစ် အကြာမှာ ပထမဆုံး Macintosh ကွန်ပျုတာ ကို ဒီဇိုင်းဆွဲတဲ့ အခါမှာတော့ ဒီပညာရပ်ကို ပြန်လည်ပြီး သတိရလာခဲ့ပါတယ်။ ဒီပညာရပ် ကို အစွမ်းကုန်သုံးပြီး Mac ကို ဒီဇိုင်းလုပ်ခဲ့တာပါ။ Mac ဟာ ကမ္ဘာ့ပထမဦးဆုံး စာလုံးအလှ တွေသုံးတဲ့ PC ကွန်ပျုတာပါ။ တက္ကသိုလ်က ဒီသင်တန်းကိုသာ ကျွန်တော်မတက်ခဲ့ရင် Macintosh ကွန်ပျုတာ မှာ အင်မတန်သေသပ်ပြီး အစိပ်အကျဲအချိုးကျ လှပတဲ့စာလုံးတွေ ထည့်ပေးနိုင်ခဲ့မှာ မဟုတ်ပါဘူး။ ပြီးတော့ Windows ဆိုတာကလဲ Mac က စာလုံးတွေကိုဘဲ ကူးချထားတာဆိုတော့ PC တွေပေါ်မှာ စာလုံးအလှ ပေါ်ထွက်ခဲ့မှာ မဟုတ်ဘူး လို့တောင် ပြောကောင်းပြောနိုင်ပါလိမ့်မယ်။ ကျွန်တော်ကျောင်းမထွက်ခဲ့ရင် စာလုံးအလှသင်တန်းကို တက်ခဲ့မှာမဟုတ်ပါ။ ဒီသင်တန်း ကို ကျွန်တော်မတက်ခဲ့ရင် PC တွေပေါ်မှာ စာလုံးလှလှ လေးတွေ ရှိကောင်းမှရှိမှာပါ။ မှန်ပါတယ်။ ကျွန်တော်တက္ကသိုလ် တက်နေစဉ်အခါကတော့ အနာဂါတ်ကို ကြိုမြင်ပြီး ဒီအကျိုးအကြောင်းတွေကို ဆက်စပ်ပုံဖော်ကြည့်ဖို့ဆိုတာ ဘယ်ဖြစ်နိုင်ပါ့မလဲ။ နောင် ၁၀နှစ်ကြာ အပြီး အတိတ်ကို ပြန်ကြည့်တဲ့အခါမှာတော့ ဒီဆက်စပ်မှုတွေကို ရှင်းရှင်းကြီး တွေ့နေရပါတယ်။

ထပ်ပြောရမယ်ဆိုရင်တော့ ရှေ့အနာဂါတ်မှာ ဘာတွေဘယ်လို ဆက်စပ်ပုံပေါ်လာမယ် ဆို တာကို ကျွန်တော်တို့မမြင်နိုင်ပါ။ နောက်ပြန်ကြည့်မှသာ ဆက်စပ်မှုတွေကို တွေ့နိုင်တာပါ။ ဒါကြောင့်မို့ ဘွဲ့ရမောင်မယ်တို့တွေဟာလဲ အနာဂါတ်မှာ ဖြစ်ရပ်တွေဆက်စပ်ပြီး ပုံပေါ်လာလိမ့်မယ်လို့ ယုံကြည်ထားရပါလိမ့်မယ်။ ဘွဲ့ရမောင်မယ်တို့တတွေဟာ မိမိရဲ့ ရင်တွင်း ခံစားချက်ကို ယုံကြည်မှုရှိပါ။ ကံစီမံတယ်ဆိုတာ ယုံပါ။ ကံ၏အကျိုးဆိုတာ ယုံပါ။ တစ်ခုခုကိုတော့ယုံပါ။ ဒီယုံကြည်ချက်ကြောင့် ကျွန်တော်ဂျောက်ကျခဲ့ရတယ် ဆိုတာ ဘယ်တော့မှမရှိခဲ့ပါ။ ကျွန်တော့ဘဝကို အကြီးအကျယ် ပြောင်းလဲစေခဲ့တာ ဒီ ယုံကြည် ချက် ကြောင့်ပါဘဲ။

ကျွန်တော့ရဲ့ ဒုတိယ ဇာတ်လမ်း ကတော့ အချစ် နဲ့ အရှုံး အကြောင်းပါ။

ကျွန်တော်ကံကောင်းခဲ့ပါတယ်။ ကျွန်တော်တကယ် စွဲစွဲလမ်းလမ်း ချစ်ခင်မိတဲ့ အလုပ်ဟာ ဘာလဲ ဆိုတာ အသက်ငယ်ငယ်မှာရှာဖွေတွေ့ရှိခဲ့တာပါ။ ကျွန်တော့မိဘတွေရဲ့ ကားဂိုဒေါင် ထဲမှာ Apple ကို Woz နဲ့အတူ စတင်တည်ထောင်စဉ်က ကျွန်တော်အသက် ၂၀ ဘဲရှိပါသေးတယ်။ ကျွန်တော်တို့ ၂ယောက် တကယ်အလုပ်ကြိုးစား ခဲ့ကြတာပါ။ Apple ဟာ ၁၀နှစ် အတွင်းမှာ ကားဂိုဒေါင် ထဲက ကျွန်တော်တို့ ၂ ယောက်ကနေပြီး ဒေါ်လာ သန်း ၂ ထောင် တန် ဝန်ထမ်း ၄ ထောင် ရှိတဲ့ ကုမ္ပဏီကြီး ဖြစ်သွားခဲ့ပါတယ်။ ကျွန်တော်တို့ ရဲ့ အကောင်း ဆုံး တီထွင်မှုဖြစ်တဲ့ Macintosh ကို ဈေးကွက် တင်ပြီး တစ်နှစ် လောက် ကျွန်တော်လဲ အသက် ၃၀ ပြည့်ပြီးခါစလေးပါ။
အဲဒီမှာ - ကျွန်တော်အလုပ်က အထုတ်ခံရပါတယ်။ ကိုယ်တိုင်တည်ထောင်ခဲ့တဲ့ ကုမ္ပဏီကနေ ဘယ်လိုလုပ်ပြီး အထုတ်ခံရနိုင်ပါ့မလဲ။ အဲ - ဇာတ်လမ်းက တော့ဒီလိုပါ။

Apple ကုမ္ပဏီကြီး ပွါးလာတဲ့အချိန်မှာ ကျွန်တော်က အင်မတန်တော်တယ်လို့ ထင်ခဲ့တဲ့ လူတစ်ယောက်ကို ကျွန်တော်နဲ့အတူ ကုမ္ပဏီမှာ စီမံခန့်ခွဲဖို့ အလုပ်ခန့်ခဲ့ ကြပါတယ်။ ပထမတစ်နှစ်လောက်ကတော့ အတော်လေးအဆင်ပြေပါတယ်။ ဒါပေမဲ့ တဖြေးဖြေးနဲ့ အနာဂါတ်အလားအလာ တွေ ကို အမြင်မတူတာတွေ ပေါ်လာခဲ့ပါတယ်။ နောက်ဆုံးမှာ တော့ အကြီးအကျယ် ကတောက်ကဆ ဖြစ်တဲ့အထိပါဘဲ။ ဒီကတောက်ကဆ ဖြစ်တဲ့ အခါမှာ ဒါရိုက်တာအဖွဲ့က သူ့ဖက်ကရပ်ခဲ့ပါတယ်။ ဒါနဲ့ အသက် ၃၀ မှာ အလုပ်လက်မဲ့ ဖြစ်သွားပါတယ်။ တကဲ့ကို ဟိုးလေးတကျော် ဖြစ်ပြီး အလုပ်ထုတ်ခံရတာပါ။ ကျွန်တော့ရဲ့ ဘဝ တစ်ခုလုံးကို ပုံပြီး စိုက်လိုက်မတ်တပ်လုပ်ခဲ့တဲ့ အရာကြီးကို ဆုံးရှုံးခဲ့ တာ ပါ။ ဒါဟာ ကျွန်တော့အတွက် အင်မတန် တုန်လှုပ်စရာ၊ ကြေကွဲစရာ ဖြစ်ခဲ့ ပါတယ်။

လပေါင်းအတော်ကြာ တကဲ့ကို ဘာလုပ်လို့ လုပ်ရမှန်းမသိအောင် ဖြစ်ခဲ့တာပါ။ တီထွင်သူ လုပ်ငန်းရှင် မျိုးဆက်ဟောင်းကြီးများအပေါ်မှာ ကျွန်တော် တာဝန်မကျေဘူး လို့လဲ ခံစားခဲ့ရပါတယ်။ သူတို့က လက်ဆင့်ကမ်းပေးခဲ့တဲ့ တာဝန်ကို ပေါ့လျော့မိတဲ့၊ လက်ဆင့်ကမ်းပြေးပွဲမှာ တုတ်တိုင် ပြုတ်ကျခဲ့တဲ့သူလို ခံစားရတာပါ။ ကျွန်တော် David Packard နဲ့ Bob Noyce တို့ကို သွားတွေ့ခဲ့ပါတယ်။ ပြီးတော့ ကျွန်တော့ကြောင့် ပြဿနာ အကြီးအကျယ် ဖြစ်ခဲ့တာကို ကြိုးစားပြီးတောင်းပန်ခဲ့ပါတယ်။ ကျွန်တော့ကျဆုံးခန်းဟာ ဟိုးလေးတစ်ကျော် ဖြစ်ခဲ့တာပါ။ Silicon Valley ကနေပြီး အရှုံးပေး ထွက်ပြေး သွားဖို့ အထိတောင် ကျွန်တော်စဉ်းစားခဲ့ပါတယ်။ ဒါပေမဲ့အချက်တစ်ချက်ကို ကျွန်တော် တဖြေးဖြေး နဲ့ သတိပြုမိလာပါတယ်။ အဲဒါကတော့ ကျွန်တော်လုပ်ခဲ့တဲ့ အလုပ်ကို ကျွန်တော် ချစ်ခင်ဆဲ၊ စွဲလမ်းဆဲ ဆိုတာပါဘဲ။ Apple မှာ ဖြစ်ခဲ့တဲ့ ကမောက်ကမ ဖြစ်ရပ်တွေ ဟာ ကျွန်တော့ ရဲ့ အလုပ်အပေါ် စွဲလမ်းမှု အပေါ်မှာ အရာမထင်ခဲ့ပါဘူး။ ကျွန်တော့ကို ကန်ထုတ်တာခံရပေမဲ့ ကျွန်တော်ကတော့ ချစ်ခင်စွဲလမ်းလျှက်ပါ။ ဒါကြောင့်လဲ ကျွန်တော် တစ်ကနေ ပြန်စဖို့ ဆုံးဖြတ်ခဲ့ပါတယ်။

Apple ကနေပြီး အလုပ်ဖြုတ်ခံရတာဟာ ကျွန်တော့ဘဝတစ်လျှောက်လုံး ဖြစ်နိုင်ခဲ့သမျှထဲမှာ အကောင်းဆုံးအဖြစ်ပါ။ အဲဒီအချိန်ကတော့ ဒီလိုမတွေးခဲ့မိပါဘူး။ အောင်မြင်မှုဆိုတဲ့ ဝန် ထုပ် ဝန်ပိုးကြီး ကို ပေါ့ပေါ့ပါးပါး လူသစ်တစ်ခါ ပြန်ဖြစ်ရတယ်ဆိုတာနဲ့ လဲလိုက်ရတာပါ။ အရာရာတိုင်းမှာ မသေချာ မှုတွေချည်းပါဘဲ။ ဒီဖြစ်ရပ်ကဘဲ ကျွန်တော့ကို အနှောင်အဖွဲ့ တွေက ကင်းလွတ်ခွင့်ပေးပြီး ကျွန်တော့ဘဝရဲ့ ဖန်တီးမှုအား အကောင်းဆုံးကာလကို စတင်စေခဲ့ပါတယ်။

နောက် ၅ နှစ် အတွင်းမှာတော့ NeXT ဆိုတဲ့ ကုမ္ပဏီကို ကျွန်တော်တည်ထောင်ပါတယ်။ Pixar ဆိုတဲ့ ကုမ္ပဏီကို ကျွန်တော်တည်ထောင်ပါတယ်။ ပြီးတော့ အင်မတန် ပြည့်ဝ တဲ့ အမျိုးသမီးတစ်ယောက်နဲ့မေတ္တာမျှပြီး ကျွန်တော်အိမ်ထောင်ပြု ခဲ့ပါတယ်။ Pixar ကတော့ ကမ္ဘာ့ပထမဆုံး ကွန်ပျုတာကာတွန်းကားကို ဖန်တီးထုတ်လုပ်ခဲ့တာပါ။ ခုချိန်မှာတော့ Pixar ဟာ ကမ္ဘာ့ အအောင်မြင်ဆုံးကာတွန်းရုပ်ရှင် စတူဒီယို ဖြစ်နေပါပြီ။ ပြောစမှတ်ပြုစရာ အလှည့် အပြောင်းမှာ Apple က ကျွန်တော့ရဲ့ NeXT ကုမ္ပဏီကို ဝယ်ပါတယ်။ ကျွန်တော် Apple ကို ပြန်ရောက်သွားပါတယ်။ NeXT မှာ ကျွန်တော်တို့စတင်ခဲ့တဲ့နည်းပညာဟာ Apple ပြန်လည် ဆန်းသစ်ခြင်းရဲ့ ဗဟိုချက်မှာ ရှိပါတယ်။ Laurene နဲ့ ကျွန်တော်တို့ကတော့ အင်မတန် ပျော်စရာကောင်းတဲ့ မိသားစုလေးတခု ဖြစ်လာပါတယ်။

ကျွန်တော်သာ Apple က အလုပ်ထုတ်မခံခဲ့ရရင် ဒါတွေတစ်ခုမှ ဖြစ်လာမှာ မဟုတ်တာ အတော်သေချာပါတယ်။ အလုပ်ထုတ်ခံရခြင်းဟာ အင်မတန်အဝင်ဆိုးတဲ့ ဆေးခါး ကြီးပါ။ ဒါပေမဲ့ လူနာကိုကြည့်ရတာလဲ ဒီလိုဆေးမျိုး လိုနေပုံ ပါဘဲ။ တစ်ခါတစ်လေ တော့လဲ ဘဝမှာ ခေါင်းကိုအုတ်ခဲနဲ့ထုသလို ခံရတာမျိုး ရှိပါတယ်။ မိမိယုံကြည်ရာကို မစွန့် လွှတ်ပါနဲ့။ ကျွန်တော့ရဲ့ဘဝ တစ်လျှောတ်လုံးမှာ အရာရာကို ဖြတ်ကျော်ဖို့ ခွန်အားပေး နေခဲ့တာဟာ ကျွန်တော့အလုပ်ကို ကျွန်တော် ချစ်ခင်စွဲလမ်းမှုဘဲလို့ ကျွန်တော်ယုံကြည် ပါတယ်။ ဘွဲ့ရမောင်မယ် တို့လဲ ကိုယ့်ရဲ့ အချစ်စစ်အချစ်မှန်ကို တွေ့အောင်ရှာပါ။ ဒီအဆိုဟာ မောင်မယ် တို့ရဲ့ ချစ်သူရည်းစားရှာဖို့နဲ့ ဆိုင်သလို အလုပ်ရှာဖို့နဲ့လဲ သက်ဆိုင်ပါတယ်။

ခုချိန်ထိမတွေ့သေးဘူးဆိုရင်လဲ တွေ့တဲ့အထိ ဆက်ရှာပါ။ ရရာနဲ့မကျေနပ်ကြပါနဲ့။ နှလုံးသားရေးရာကိစ္စဆိုတော့ တွေ့ပြီလား၊ မတွေ့သေးဘူးလား ဆိုတာကို ကိုယ့်ဟာကိုယ် သိလာပါလိမ့်မယ်။ ပြီးတော့ ဘဝအဖော်မွန်တွေရဲ့ သဘာဝအတိုင်း နှစ်ကြာလေပိုပြီး ခိုင်မြဲလာလေလေ ဖြစ်လာပါလိမ့်မယ်။ ဒါကြောင့် မောင်မယ်တို့ အချစ်စစ် အချစ်မှန်ကို တွေ့အောင်ရှာကြပါ။ ရရာလေးနဲ့ မရောင့်ရဲလိုက်ကြပါနဲ့။

ကျွန်တော့ရဲ့ တတိယ ဇာတ်လမ်းကတော့ သေခြင်းတရား အကြောင်းပါ။

ကျွန်တော်အသက် ၁၇နှစ် မှာ ကောက်နှုတ်ချက် စာသားတစ်ခု ဖတ်ခဲ့ရပါတယ်။ မှတ်မိသလောက်ဆိုရင်တော့ "နေ့တိုင်းကို သင့်ဘဝရဲ့ နောက်ဆုံးနေ့အဖြစ် နေထိုင်ခဲ့ရင် တနေ့မှာတော့ အဲဒီအတိုင်းဖြစ်လာဖို့ သေချာပါတယ်..." တဲ့။ ဒီစာသားက ကျွန်တော့စိတ် မှာထင်ဟပ် သွားခဲ့ပါတယ်။ အဲဒီကစပြီး နောက်၃၃ နှစ်လုံး မနက်အိပ်ရာထမှာ မှန်ကို ကြည့်ပြီး ကိုယ့်ကိုကိုယ် မေးခဲ့ပါတယ်။ "ဒီနေ့သာ ငါ့ဘဝ ရဲ့နောက်ဆုံးနေ့ဆိုရင် ဒီနေ့ လုပ်မဲ့အလုပ်တွေကို ငါ လုပ်ချင်ပါ့မလား..." မေးခွန်းရဲ့ အဖြေဟာ ရက်ပေါင်းများစွာ ဆက် တိုက် "မလုပ်ချင်ဘူး" ဖြစ်နေပြီဆိုရင်တော့ အပြောင်းအလဲ တစ်ခုခုလုပ်ဖို့ လိုနေပြီလို့ ကျွန်တော် သိလိုက်ပါတယ်။

ဘဝအတွက် အလွန်အရေးပါတဲ့ ဆုံးဖြတ်ချက်တွေကိုချရာမှာ အရေးကြီးဆုံး အထောက် အပံ့ကိရိယာအဖြစ် ကျွန်တော်တွေ့ရှိခဲ့တာကတော့ သေခြင်းတရားဟာ လက်တကမ်းမှာဘဲ ရှိတယ်လို့ သတိချပ်ခြင်းပါ။ ဘာလို့လဲဆိုတော့ အရေးမပါတဲ့ မျှော်မှန်းချက်တွေ၊ ဂုဏ်မာနတွေ၊ အရှက်ကွဲမှာ ဒါမှမဟုတ် ရှုံးနိမ့်မှာကို ကြောက်တဲ့စိတ်တွေ ဒါတွေ အားလုံးနီးပါးဟာ သေခြင်းတရား ဆိုတာနဲ့ ရင်ဆိုင်တွေ့လိုက်ရင် အလိုလို ပျောက်ကွယ်သွားပြီး တကယ့်ကို အရေး ကြီး တဲ့အရာတွေသာ ကျန်ရစ်ခဲ့ပါတယ်။ မင်းမှာ လက်လွှတ် ဆုံးရှုံးစရာ ပိုင်ဆိုင်မှုတွေရှိတယ်ဆိုတဲ့ အတွေးထောင်ချောက်ကို ရှောင်လွှဲဖို့ နည်းလမ်းတွေထဲမှာ ကျွန်တော်သိတဲ့ အကောင်းဆုံး နည်းကတော့ မင်းဟာ သေရတော့မှာဘဲလို့ သတိချပ်ခြင်း ပါ ။ မင်းဟာ ဗလာထီးထီး ကိုယ်ချည်း ဖြစ်သွားပါပြီ။ အဲဒီတော့ ကိုယ့်နှလုံးသားရဲ့ ခေါ်ရာ နောက်ကို မလိုက်ဘဲနေဖို့ရာ အကြောင်းမရှိတော့ပါ။

လွန်ခဲ့တဲ့ တစ်နှစ်လောက်က ကျွန်တော့မှာ ကင်ဆာရောဂါရှိတယ်လို့ တွေ့ရှိခဲ့ပါတယ်။ မနက် ၇နာရီ ခွဲမှာ ဆေးဓာတ်မှန်ရိုက်ပါတယ်။ ကျွန်တော့ရဲ့ သရက်ရွက် (Pancreas) မှာ အကြိတ်ရှိတာ ဓာတ်မှန်မှာ ထင်းထင်းကြီး ပေါ်နေပါတယ်။ သရက်ရွက် ဆိုတာဘာလဲဆိုတာတောင်မှ ကျွန်တော်မသိခဲ့ပါ။ ဒီလို ကင်ဆာမျိုးဟာ ကုစရာဆေးမရှိတဲ့ ကင်ဆာမျိုးဖြစ်ဖို့ အတော်သေချာတယ်လို့ ကျွန်တော့ကို ဆရာဝန်ကြီးတွေက ပြောခဲ့ပါတယ်။ ပြီးတော့ နောက် ၃လ ကနေ ၆လ အထိဘဲနေရဖို့ မျှော်လင့်ထားပါလို့ ပြောပါတယ်။ ဒါဟာဘာအဓိပ္ပါယ်လဲဆိုတော့ ကျွန်တော့ရဲ့ ကလေးတွေကို နောင် ၁၀နှစ် အတွင်း မှာ ပြောပြဖို့ စဉ်းစားထားသမျှကို နောင်လ အနည်းငယ် အတွင်းမှာ အကုန်အစင်ပြောဖို့ ကြိုးစားပါ ဆိုတဲ့ အဓိပ္ပါယ် ပါဘဲ။ ကျန်ရစ်သူမိသားစု ဒုက္ခမများရလေအောင် ရှိသမျှ ကိစ္စတွေအားလုံးကို လက်စသိမ်းပါဆိုတဲ့ အဓိပ္ပါယ် ပါ။ သွားတော့မယ်လို့ နှုတ်ဆက်တော့ဆိုတဲ့ အဓိပ္ပါယ်ပါ။

တစ်နေ့လုံး ဒီကင်ဆာ အကြောင်းကဘဲ ကျွန်တော့ကို လွှမ်းမိုးထားခဲ့ပါတယ်။ အဲဒီနေ့ ညနေမှာ တော့ အသားစ ထုတ်ပြီး ဆေးစစ်ခံခဲ့ရပါတယ်။ ခန္တာကိုယ် အတွင်းပိုင်းကြည့် ကရိယာကို ကျွန်တော့လည်ချောင်း ထဲကတစ်ဆင့် အစာအိမ်ကိုဖြတ်ပြီး အူသိမ်ထဲကို ရောက်အောင် ထည့်ပါတယ်။ ပြီးတော့မှ ကျွန်တော့ရဲ့ သရက်ရွက်ကို အပ်နဲ့စိုက်ပြီး အသားစ အနည်းငယ်ကို ထုတ်ယူပါတယ်။ အဲဒီအချိန်မှာ ကျွန်တော်က မေ့ဆေးနဲ့ မျောနေခဲ့ပါတယ်။ ဒါပေမဲ့ အတူရှိနေတဲ့ ဇနီးက ပြန်ပြောခဲ့တာက ဒီအသားစကို အဏှုကြည့် မှန်ဘီလူးအောက်မှာ ကြည့်ခဲ့တဲ့ ဆရာဝန်ကြီးတွေ "ဟေးကနဲ..." ထပြီးအော်ခဲ့ကြပါတယ်။ ဘာလို့လဲဆိုတော့ ကျွန်တော့ရဲ့ကင်ဆာဟာ အင်မတန်မှ ရှားပါးတဲ့ ခွဲစိတ်ပြီးကုသလို့ရတဲ့ သရက်ရွက်ကင်ဆာမျိုး ဖြစ်နေလို့ပါ။ ကျွန်တော် ခွဲစိတ်ကုသခံခဲ့ရပါတယ်။ ကျွန်တော် အခုနေကောင်းပါပြီ။

ဒါဟာ ကျွန်တော့အဖို့ သေခြင်းတရားနဲ့အနီးကပ်ဆုံးရင်ဆိုင်ဖြစ်ခဲ့ခြင်းပါဘဲ။ နောင် ၁၀ နှစ်၊ အနှစ် ၂၀ အတွင်းမှာလဲ ဒီထက်ပိုပြီးနီးနီးစပ်စပ် မတွေ့ကြုံရတော့ဘူးလို့ မျှော်လင့် ပါတယ်။ ဒီဖြစ်ရပ်ကို ကိုယ်တွေ့ကြုံရတဲ့ အတွက်ကြောင့် ဘွဲ့ရမောင်မယ် တို့ကို သေခြင်း တရားအကြောင်း ပြောပြရာမှာ သုံးဖြစ်ရုံ ဥာဏ်သိအဓိပ္ပါယ်ဖွင့်ဆိုချက်ထက် နဲနဲပိုပြီး သေသေချာချာ ကျွန်တော်ပြောနိုင်ပါပြီ။

ဘယ်သူမှမသေချင်ပါဘူး။ ကောင်းကင်ဘုံကို သွားချင်တဲ့သူများတောင်မှ အဲဒီကိုရောက်ဖို့ မသေချင်ကြပါဘူး။ သို့သော်လည်း လူတိုင်းဟာ တစ်နေ့တော့ သေကြရမှာပါ။ ခုထက်ထိ သေခြင်းတရားကို လွန်ဆန်နိုင်တဲ့သူ ဆိုတာ မရှိသေးပါ။ ဒါဟာလဲ ဖြစ်သင့်လို့ပါ။ ဘဝတရားရဲ့ တစ်ခုတည်းသော အကောင်းဆုံးဖန်တီးမှုဟာ မရဏတရား ဖြစ်စရာအကြောင်း ရှိပါတယ်။ မရဏတရားဟာ ဘဝဖြစ်တည်ခြင်းတရားရဲ့ အပြောင်းအလဲဖြစ်အောင် ဖော်ဆောင် ပေးတဲ့အရာပါ။ မရဏတရားက ဟောင်းဆွေးအိုမင်းမှုတွေကို ဖယ်ရှားပြီး နုပျိုသစ်လွင်မှုတွေနဲ့ အစားထိုးပေးနေပါတယ်။ ဒီနေ့ဒီအချိန်အခါမှတော့ ဘွဲ့ရမောင်မယ်တို့ဟာ နုပျိုသစ်လွင်မှုတွေနဲ့ အပြည့်ပါ။ သို့သော်မကြာတော့တဲ့ အခါမှာ မောင်မယ်တို့လဲ အိုမင်းရင့်ရော် လာမှာပါ။ ပြီးတော့အဖယ်ရှားခံကြရမှာပါ။ စိတ်ထိခိုက်အောင်ပြောမိတာကို ကျွန်တော် တောင်းပန်ပါတယ်။ သို့သော်လဲ ဒါက အမှန်တရားပါ။

ဘွဲ့ရမောင်မယ်တို့မှာ အချိန်တွေအများကြီးမရှိတော့ပါဘူး။ ဒီတော့တစ်ခြားသူတွေ နေသလိုဘဲနေပြီး အချိန်ကိုမဖြုန်းပါနဲ့။ သူများတွေရဲ့ အတွေးအထင်ထဲကအတိုင်း နေ ရတဲ့ဘဝကို တရားသေဆုပ်ကိုင်ထားပြီး ချောင်ပိတ်မမိပါစေနဲ့။ မိမိရဲ့အတွင်းစိတ် ကနှိုးဆော် သံကို သူတပါးတွေရဲ့ထင်မြင်ချက် အနှောင့်အယှက်သံတွေက ဖုံးလွှမ်းမသွားပါစေနဲ့။

ဒီထက်ပိုပြီးအရေးကြီးဆုံးအချက်ကတော့ ကိုယ့်ရဲ့ နှလုံးသားနဲ့ ရင်တွင်းသိစိတ်တို့က ခေါ်ဆောင်ရာကိုလိုက်ပါ။ သူတို့က မောင်မယ်တို့ အမှန်တကယ် ဘာဖြစ်ချင်တယ်ဆိုတာကို သိနေကြပြီးသားပါ။ ကျန်တဲ့အရာတွေအားလုံးက သာမညအချက်တွေပါ။

ကျွန်တော်ငယ်စဉ်အခါက “The Whole Earth Catalog” ဆိုတဲ့ အင်မတန် ပြောင်မြောက် တဲ့ ကတ်တလောက်စာအုပ် တစ်ခု ရှိခဲ့ဘူးပါတယ်။ ဒီစာအုပ်ဟာအဲဒီတုန်းက ကျွန်တော်တို့တွေအတွက် တော့ ကိုးကွယ်စရာကျမ်းစာတွေထဲက တစ်အုပ်ပေါ့။ အဲဒီစာအုပ်ရဲ့ ဖန်တီးရှင်ကတော့ ဒီ Stanford တက္ကသိုလ် နဲ့ သိပ်မဝေးတဲ့ Menlo Park မှာနေတဲ့ Stewart Brandဆိုသူပါ။ ဒီစာအုပ်ကို သူက ကဗျာဆန်ဆန်အလှတွေနဲ့ ချယ်မှုန်းပြီးထုတ်ဝေခဲ့တာပါ။ ဒီစာအုပ်ကို ထုတ်ဝေချိန်က ၁၉၆၀ ခုနှောင်းပိုင်းကာလ ကွန်ပျူတာနဲ့ ကွန်ပျူတာစာစီလုပ်ငန်းတွေ မပေါ်ခင်ကပါ။ အဲဒီတော့ စာအုပ်တစ်အုပ်လုံးက လက်နှိပ်စက်ရိုက်၊ ကပ်ကြေး နဲ့ကိုက်၊ Polaroid ကင်မရာနဲ့ ဓာတ်ပုံတွေရိုက်ပြီး စာအုပ်ကို ဖန်တီးရတာပါ။ Google ကို စာအုပ်အဖြစ် ဖတ်ရ သလိုပါဘဲ။ ဒ်ီစာအုပ် ဟာ Google မတိုင်ခင် ၃၅ နှစ်က ပေါ်ခဲ့တာပါ ။ တကယ့်ကို စံနမူနာယူစရာစာအုပ်ပါ။ စာအုပ် တစ်ခုလုံးလဲ သပ်ရပ်လှပတဲ့ ကရိယာတွေနဲ့ အကြံကောင်းတွေနဲ့ပြည့်နေပါတယ်။

Stewart နဲ့သူ့အဖွဲ့သားတွေဟာ “The Whole Earth Catalog” စာအုပ် တော်တော် များများကို ထုတ်ဝေခဲ့ပါတယ်။ ထုတ်ဝေခြင်းကနေရပ်ဆိုင်းရတဲ့အခါမှာတော့ သူတို့တစ် တွေ နောက်ဆုံးနှုတ်ဆက်ခြင်းစာအုပ်ကို ထုတ်ကြပါတယ်။ အဲဒီအချိန်မှာ ကျွန်တော်က ခုဘွဲ့ရမောင်မယ်တို့ရဲ့ အရွယ်၊ ၁၉၇၀ နှစ်လယ်ကာလများပါ။ နှုတ်ဆက်စာအုပ်ရဲ့ ကျောဖုံးပုံက မနက်စောစော တောဘက်ကကားလမ်းလေးတစ်ခုရဲ့ ဓာက်ပုံပါ။ စွန့်စားခန်း အင်မတန်ကြိုက်သူများ ကားကြုံစီးခရီးထွက်ရာမှာ တွေ့ကောင်းတွေ့ဖူးကြမဲ့ ကားလမ်းလေးမျိုးပါ။ အောက်မှာစာတန်းလေးရေးထားပါတယ်။ "ဆာလောင်မွတ်သိပ်ပါ။ အရူးထပါ။" တဲ့။

ဒါသူတို့ရဲ့ နောက်ဆုံးစာအုပ်မှာ နောက်ဆုံးနှုတ်ဆက်တဲ့စကားပါ။ ကျွန်တော် ကိုယ်တိုင်လဲ ဒီဆုကိုပဲ အမြဲတမ်းတောင်းခဲ့ပါတယ်။ ခုဘွဲ့ရမောင်မယ် တို့ဘဝအသစ် စကြရတော့မယ်ဆိုတော့ မောင်မယ်တို့ကိုလဲ ဒီဆုကိုပဲ တောင်းပေးပါ့မယ်။

"ဆာလောင်မွတ်သိပ်ပါ... အရူးထပါ..."

အားလုံးကိုကျေးဇူးတင်ပါတယ်။




* * * * * * * * * * * * * * * * * * * * * * * *
မူရင်းကို http://news.stanford.edu/news/2005/june15/jobs-061505.html မှာ ဖတ်ရှုနိုင်ပါတယ်။


အခြားသူများ ရဲ့ “Stay Hungry. Stay Foolish.” ကို ထင်မြင် ဆွေးနွေးခြင်းများ ကို http://discuss.joelonsoftware.com/default.asp?joel.3.151247.11 မှာ ဖတ်နိုင်ပါတယ်။

Read More...

Ratings